(( مول الخليج )) ::::::::::::::::::::::

[@north_star@]

السلام عليكم ورحمة الله وبركاته

طبعا الكل يعرف صفة المولات اللي على طرف واحد واللي هي اللولو ومول الخليج وازدان وما سببته من زحمة لا تطاق خاصة بآخر الأسبوع وبتكلم بالذات عن مول الخليج اللي هو الأسوأ تحديدا من ناحية المواقف فهل يعقل مول بهالحجم وما فيه الا مدخل واحد ومخرج واحد ؟!!! وخاصة المواقف الي تحت الارض مدخل واحد ومخرج واحد مقابل اللولو وللأسف رحت يوم الجمعة ومن قرادة حظي وقفت بالمواقف اللي تحت ولما خلصنا نبي نطلع من المخرج وبدون مبالغة قعدنا تقريبا 25 دقيقة تحت الأرض علشان نطلع فوق
من كثر الزحمة وتزاحم الناس اللي طالعين من المواقف اللي تحت بشكل متشعب من كل إتجاه لانه المخرج واحد .

سؤالي لو حصل حريق لا قدر الله أو صار ظرف طارئ شلون اللي واقفين تحت بيطلعون ؟؟ ناهيك طبعا على المواقف اللي فوق لانها نفس المشكلة مدخل ومخرج واحد والموقفين اللي فوق واللي تحت يتلاقون على نفس المخرج اللي فوق . ونتمنى من المسؤولين إيجاد حلول جذرية لهالمشكلة .

[Charisma]

تصميم المداخل والمخارج لهالمجمع بالذات : شغل بلاليييييييييط .


المواقف الأرضية ( متاهه ) ، واللوحات الأرشادية ( بح بح ) .

[@north_star@]

تصميم المداخل والمخارج لهالمجمع بالذات : شغل بلاليييييييييط .


المواقف الأرضية ( متاهه ) ، واللوحات الأرشادية ( بح بح ) .

اي والله صدقت يا اخوي لوحات الخروج حجمها صغير وما تبين وتخليك تضيع كنك بمتاهة لا متناهية

[مرتبش]

اول ما فتح هذا المول المواقف كانت لها عدة مداخل ومخارج..ليش تغير الوضع الان ووين الجهات المسؤولة من بلدية ومرور ودفاع مدني

[@north_star@]

اول ما فتح هذا المول المواقف كانت لها عدة مداخل ومخارج..ليش تغير الوضع الان ووين الجهات المسؤولة من بلدية ومرور ودفاع مدني

فعلا كانت المداخل والمخارج غير وأنا تفاجأت لما رحت يوم الجمعة

[قطريه ماركه]

مواقف هالمجمع مأساااااه حقيقية

المرور بس فالح يخالفنا خله يخالفهم هم ف البداية عشان يعرفون يضبطون أمورهم

[العلياا]

كان للاخت مس نفس الموضوع
للعلم قبل المواقف و المخارج كانت زينه

لكن سكروا وحولوا اكثر من مدخل وصار الوضع يضحك واللفات ضيقة
بالنسبة للبيسمنت صحيح شلون بهالحجم ومافي الا مخرج واحد

وفي اللي صوب مدخل هوم سنتر حاطين سهم الخروج في ورق اي فور بشكل يفشل :rolleyes2:

[@north_star@]

كان للاخت مس نفس الموضوع
للعلم قبل المواقف و المخارج كانت زينه

لكن سكروا وحولوا اكثر من مدخل وصار الوضع يضحك واللفات ضيقة
بالنسبة للبيسمنت صحيح شلون بهالحجم ومافي الا مخرج واحد

وفي اللي صوب مدخل هوم سنتر حاطين سهم الخروج في ورق اي فور بشكل يفشل :rolleyes2:

صج معاناة وهم حاطين ورق a4 الظاهر لما سووا تغييرات ومساكين ما عندهم فلوس يسوون لوحات كبيرة وواضحة تسهل على الناس ولو بجزء بسيط من العفيسة اللي بالبيزمنت

[معماري قطري]

سوء تخطيط على طول

يمكن حد تواجهه أُمور طارئة ويبغي يطلع بسرعة

في مول في تامبا علقت في الزحمة 3 ساعات وأكثر وبدأ ينزل عندي السكر مع إن المواقف خارجية ولولا تدخل الشرطة وفتح السير كنت في الباي باي وزين فكرت اكلمهم وذاك له مخرجين ومدخلين بس كبير وايد ومواقفه كثيرة

اللي شفته ملاك ذي المولات ما يهمونهم الناس وياكلون المواقف لو قدروا مثل فيلاجيو والستي سنتر صج مأساة .. الستي سنتر مع تعدد المداخل والمخارج لكن فجأة نشوف المواقف تقلصت لعمل مكان تسوق

[@north_star@]

سوء تخطيط على طول

يمكن حد تواجهه أُمور طارئة ويبغي يطلع بسرعة

في مول في تامبا علقت في الزحمة 3 ساعات وأكثر وبدأ ينزل عندي السكر مع إن المواقف خارجية ولولا تدخل الشرطة وفتح السير كنت في الباي باي وزين فكرت اكلمهم وذاك له مخرجين ومدخلين بس كبير وايد ومواقفه كثيرة

اللي شفته ملاك ذي المولات ما يهمونهم الناس وياكلون المواقف لو قدروا مثل فيلاجيو والستي سنتر صج مأساة .. الستي سنتر مع تعدد المداخل والمخارج لكن فجأة نشوف المواقف تقلصت لعمل مكان تسوق

هو أكيد سوء تخطيط قد يودي بحياة الناس باللا مبالاة والحمد لله على سلامتك اخوي معماري والله حتى الاهل يقولون لو واحد تعب والا صادته حالة طارئة شلون بيطلع قلت لها ماله الا يخلي موتره تحت ويطلب الاسعاف

[معماري قطري]

مواقف هالمجمع مأساااااه حقيقية

المرور بس فالح يخالفنا خله يخالفهم هم ف البداية عشان يعرفون يضبطون أمورهم

المفروض يخالفهم التخطيط ومتابعة التخطيط .. لو فيهم خير بس يقطعون الكهرب عليهم .. شاطرين على البنيان العادي

[Dana’1]

مو بس كذا حتى لو تمشي او تركض تبغى تهرب من حريق ماتدري وين تروح
انا من اسبوع تقريبا ولاول مره اوقف بالمواقف الارضيه من شدة الزحمه فوق

وقفت بسلام جلست ادور مدخل المجمع حصلت لفت دخلت مكتوب ستاف
استخدمته لان مافيه غيره حولي رحت اعلى شي فتح على مستوع مظلم يروع
نزلت درجه فتح على ممر لقيت مخرج طواري فتحته طلعت على المواقف الخارجيه الي يم برجرر بوتيك
واخلص اموري ورحلة العوده نفس الشي طلعت ودخلت من باب الطوارئ وعلى تحت

[@north_star@]

مواقف هالمجمع مأساااااه حقيقية

المرور بس فالح يخالفنا خله يخالفهم هم ف البداية عشان يعرفون يضبطون أمورهم

وانا أشهد انها مأساة وهذا اللي خلاني أكتب الموضوع

[معماري قطري]

هو أكيد سوء تخطيط قد يودي بحياة الناس باللا مبالاة والحمد لله على سلامتك اخوي معماري والله حتى الاهل يقولون لو واحد تعب والا صادته حالة طارئة شلون بيطلع قلت لها ماله الا يخلي موتره تحت ويطلب الاسعاف

انا كنت افكر شلون بيوصلون لي مع الزحمة بس تصرفوا بسرعة وطلعوا السكيورتية ينظمون السير قطعت في 10 دقايق اللي قطعته قبل في 3 ساعات

[يمامـة]

ما عندي فكرة.. لذلك ما اقدر ادلو بدلوي في هذا الموضوع..
اكتفي بالمتابعة!!

[@north_star@]

مو بس كذا حتى لو تمشي او تركض تبغى تهرب من حريق ماتدري وين تروح
انا من اسبوع تقريبا ولاول مره اوقف بالمواقف الارضيه من شدة الزحمه فوق

وقفت بسلام جلست ادور مدخل المجمع حصلت لفت دخلت مكتوب ستاف
استخدمته لان مافيه غيره حولي رحت اعلى شي فتح على مستوع مظلم يروع
نزلت درجه فتح على ممر لقيت مخرج طواري فتحته طلعت على المواقف الخارجيه الي يم برجرر بوتيك
واخلص اموري ورحلة العوده نفس الشي طلعت ودخلت من باب الطوارئ وعلى تحت

المشكلة بعد اني ضيعت موتري :eek5: واللي ينزل تحت ويشوف البوابات يضيع على الاقل المفروض في لوحات ارشادية لأرقام مداخل المجمع السفلية

[معماري قطري]

عيادة الجيش الجديدة في السد فيها دورين مواقف اللي ينزل للدور الثاني ويطلع صج سواق بسبب ضيق المدخل والمخرج .. عطلت واحد وراي سيارتي شوي وبتحك والزاوايا طاير لونها من كثر ما احتكت بها السيارات

[MAZEN37]

ما يجيب الضغط الا شوارع سوق العلي الداخليه خصوصا الكوع المشهور والمشكله انه الرصيف حاجز السيارات لو فكوه بتوسع اللفه
هذا يسمونه غبااااء

[Dana’1]

المشكلة بعد اني ضيعت موتري :eek5: واللي ينزل تحت ويشوف البوابات يضيع على الاقل المفروض في لوحات ارشادية لأرقام مداخل المجمع السفلية
انا اصور موقفي والرقم على الاقل اذا ضيعته اسأل امن المجمع

[@north_star@]

ما يجيب الضغط الا شوارع سوق العلي الداخليه خصوصا الكوع المشهور والمشكله انه الرصيف حاجز السيارات لو فكوه بتوسع اللفه
هذا يسمونه غبااااء

نرجع لنفس المشكلة وهي سوء التخطيط

[@north_star@]

عيادة الجيش الجديدة في السد فيها دورين مواقف اللي ينزل للدور الثاني ويطلع صج سواق بسبب ضيق المدخل والمخرج .. عطلت واحد وراي سيارتي شوي وبتحك والزاوايا طاير لونها من كثر ما احتكت بها السيارات

للاسف عندهم أهم شي المساحات الداخلية للمجمعات والمباني وطبعا على حساب أشياء مهمة مثل المواقف والمداخل والمخارج ويعجبني بالتخطيط مجمع دار السلام وانت نازل بالبيسمنت عندك مدخلين ومخرجين ومواقفه اللي فوق مفتوحة على كل مكان

[سعود.]

امس طالع العصر من شمال بتجاه طريق سلوي كان عندي شغلة . الا الزحمة قبل محطة الدحيل بكيلو . وبس والله رجعت لمجلس الربع . :nice:

[@north_star@]

امس طالع العصر من شمال بتجاه طريق سلوي كان عندي شغلة . الا الزحمة قبل محطة الدحيل بكيلو . وبس والله رجعت لمجلس الربع . :nice:

خير ما سويت :nice: ولا عوار الراس بالزحمة

[Azizuk]

اذا تلاحظون بانيين غرفة تحصيل قيمة تذاكر المواقف عند كل مخرج

ومكائن تحصيل قيمة المواقف موجودة عند كل مدخل تحت وعند البوابات

المواقف راح تصير بفلوس بس ينتظرون الإنشاءات التعديل تخلص

واكيد راح تصير الموقف اللي بيدخل السينما والميرة ابلاش راح يختم لك ختم السينما والميرة على التذكرة

وانا بصراحة أتمنى تصير جميع مواقف ومرافق الدوحة بفلوس

وخاصة المستشفيات اللي تطلع روحك اذا عندك مراجعة طبية او زيارة مريض

الحين وين ماتروح زحمه لا تقدر تحضر فعاليات لا تقدر تروح محاضرات

حتى العروس والمواجيب قمنا انقصر فيها بسبة الزحمه ماعدا العزاء واجب نعزي نضغط على روحنا نقوم بالواجب

[Azizuk]

للاسف عندهم أهم شي المساحات الداخلية للمجمعات والمباني وطبعا على حساب أشياء مهمة مثل المواقف والمداخل والمخارج ويعجبني بالتخطيط مجمع دار السلام وانت نازل بالبيسمنت عندك مدخلين ومخرجين ومواقفه اللي فوق مفتوحة على كل مكان


اي مكان في سنتربوينت في زحمه

[@north_star@]

اذا تلاحظون بانيين غرفة تحصيل قيمة تذاكر المواقف عند كل مخرج

ومكائن تحصيل قيمة المواقف موجودة عند كل مدخل تحت وعند البوابات

المواقف راح تصير بفلوس بس ينتظرون الإنشاءات التعديل تخلص

واكيد راح تصير الموقف اللي بيدخل السينما والميرة ابلاش راح يختم لك ختم السينما والميرة على التذكرة

وانا بصراحة أتمنى تصير جميع مواقف ومرافق الدوحة بفلوس

وخاصة المستشفيات اللي تطلع روحك اذا عندك مراجعة طبية او زيارة مريض

الحين وين ماتروح زحمه لا تقدر تحضر فعاليات لا تقدر تروح محاضرات

حتى العروس والمواجيب قمنا انقصر فيها بسبة الزحمه ماعدا العزاء واجب نعزي نضغط على روحنا نقوم بالواجب

ان شاء الله يكون سبب بتخفيف الازدحامات بالمجمعات والمستشفيات بس أهم شي التخطيط السليم والمرونة بتوسيع المداخل والمخارج

[Azizuk]

الا خاطري اعرف مجمع بوابة الشمال

ومجمع طوار مول

ودوحة فيستيفال

وفي مجمع صغير قبل الجوازات اسمه Q Qatar او كيو مول

ايش التخطيط لهم

[@north_star@]

الا خاطري اعرف مجمع بوابة الشمال

ومجمع طوار مول

ودوحة فيستيفال

وفي مجمع صغير قبل الجوازات اسمه Q Qatar او كيو مول

ايش التخطيط لهم

بنعرف عقب ما يفتحون وان شاء الله ما تكون نفس الاخطاء السابقة

[Azizuk]

بصراحة اي شي يكون تحت إشراف وتخطيط المكتب الهندسي الخاص يكون ابداع في الشغل والتخطيط والتنظيم والجودة

[معماري قطري]

للاسف عندهم أهم شي المساحات الداخلية للمجمعات والمباني وطبعا على حساب أشياء مهمة مثل المواقف والمداخل والمخارج ويعجبني بالتخطيط مجمع دار السلام وانت نازل بالبيسمنت عندك مدخلين ومخرجين ومواقفه اللي فوق مفتوحة على كل مكان

ما يشتغلون على ستاندرد واضح وعدد معين لكل مساحة تسوق والتخطيط ضعيف في هذي الناحية .. يعني مجمع يتوفق بمصمم يراعي هذي الأُمور وتمشي ومجمع لا وتحصل المهندس متعود على تصميم بيوت يتفاجأ بمجمع

المشكلة عالمية ثرى وفي تقريباً أكثر من النص من مجمعات العالم

[Azizuk]

الموضوع مب بس افتح مجمع تجاري وخلاص

موظفين المجمعات التجارية وين بيسكنون وين بيتعالجون وين بيدخل عياله المدارس وين بيقضي إجازته الموظف

الشوارع بتنقص

اشغال والمرور فشلو في القضاء على الزحمه

اسهل طريقة عندهم انهم يسكرون فتحات المداخل والمخارج ويدخلك اقرب فريج

خاطري اعرف المخطاطات والخرائط المجمعات ماتمر على قسم التخطيط في إدارة المرور

وين دور وزارة العمل بعدد العماله والتعداد السكاني اللي يدورون علينا في بيوتنا شنو دورهم مايدرسون الاعداد والاحتياجات المطلوبه

فاضي متطوع التعداد السكاني يسألني عن الخادمة هل هي جامعية هل تعطيها اجازة في الأسبوع

أقول له الحين انت مخلي رب الاسرة والعائلة القطرية وتسألني عن الشغالة

وين دور الدراسات والتخطط من توفير مدارس ومساكن ومستشفيات للاعداد الوافده الجايه

وإلا بس دراسات استراتجية ومحاضرات ومؤتمرات وخطط مدروسة واستقطاب ذوي الخبرة العاليه على خرطي مجمع

[khaldoon]

اخوي نورث الحال نفسه لو انت بالدور الثالث في السيتي سنتر....مخرج واحد على ما اذكر و مره انتظرت 25 دقيقه مثلك من الزحمة

مول الخليج الباركينج في الباسمنت غبي جدا ...متاهة و اللوحات الارشادية صغيره لا تتناسب مع المكان و اقل من المواصفات و الادهي انها ما تشتغل يعني ما تعرف وين المخارج الا بصعوبه

وين الدفاع المدني عنهم ما اعرف

[@north_star@]

الموضوع مب بس افتح مجمع تجاري وخلاص

موظفين المجمعات التجارية وين بيسكنون وين بيتعالجون وين بيدخل عياله المدارس وين بيقضي إجازته الموظف

الشوارع بتنقص

اشغال والمرور فشلو في القضاء على الزحمه

اسهل طريقة عندهم انهم يسكرون فتحات المداخل والمخارج ويدخلك اقرب فريج

خاطري اعرف المخطاطات والخرائط المجمعات ماتمر على قسم التخطيط في إدارة المرور

وين دور وزارة العمل بعدد العماله والتعداد السكاني اللي يدورون علينا في بيوتنا شنو دورهم مايدرسون الاعداد والاحتياجات المطلوبه

فاضي متطوع التعداد السكاني يسألني عن الخادمة هل هي جامعية هل تعطيها اجازة في الأسبوع

أقول له الحين انت مخلي رب الاسرة والعائلة القطرية وتسألني عن الشغالة

وين دور الدراسات والتخطط من توفير مدارس ومساكن ومستشفيات للاعداد الوافده الجايه

وإلا بس دراسات استراتجية ومحاضرات ومؤتمرات وخطط مدروسة واستقطاب ذوي الخبرة العاليه على خرطي مجمع

للأسف هذا صار واقع بغالبية المولات وبعض الشوارع بالمداخل والمخارج وكله يحشرون الناس بمكان واحد
وبعد ما ينتهي المشروع تبدأ التوسعة على حساب أشياء ثانية

[شبح الصمت]

ذكرتني في موقف ندور على موقف وبنات مضيعين موترهم والله العظيم قريب الـ 5 دقايق اذا مب اكثر احنا ندور ندور موقف وهم يمشون مشي يدورون موترهم وين موقفينه

يعني لا احنا حصلنا موقف قريب وهم مضيعين موترهم


في مدخلين المدخل الي مقابل اللولو
وفي مدخل من وراء بابه على ازدان ..


وحدث والا حرج بعد عندك مواقف الستي والله تخوف من كثر التعديلات تحس في خاطرك تقول الله يستر ليطيح علينا ..

اتمنى انه يكون في محاسبه على تخطيط المواقف مداخل ومخارجها ..

[@north_star@]

اخوي نورث الحال نفسه لو انت بالدور الثالث في السيتي سنتر....مخرج واحد على ما اذكر و مره انتظرت 25 دقيقه مثلك من الزحمة

مول الخليج الباركينج في الباسمنت غبي جدا ...متاهة و اللوحات الارشادية صغيره لا تتناسب مع المكان و اقل من المواصفات و الادهي انها ما تشتغل يعني ما تعرف وين المخارج الا بصعوبه

وين الدفاع المدني عنهم ما اعرف

ستي سنتر انا توبة من زمان ما دخلته وهذي كارثة اذا علشان تطلع تاخذ كل هالوقت ،،، وفعلا نتمنى انه الدفاع المدني يتدخل بالموضوع علشان هالمجمعات تعرف تخطط وتشتغل صح

[@north_star@]

ذكرتني في موقف ندور على موقف وبنات مضيعين موترهم والله العظيم قريب الـ 5 دقايق اذا مب اكثر احنا ندور ندور موقف وهم يمشون مشي يدورون لهم موقف

يعني لا احنا حصلنا موقف قريب وهم مضيعين


في مدخلين المدخل الي مقابل اللولو
وفي مدخل من وراء بابه على ازدان ..


وحدث والا حرج بعد عندك مواقف الستي والله تخوف من كثر التعديلات تحس في خاطرك تقول الله يستر ليطيح علينا ..

اتمنى انه يكون في محاسبه على تخطيط المواقف مداخل ومخارجها ..


سالفة تضييع الموقف مصيبة بعد لأنك أتم تحوس ما تدري انت وين لازم لوحات إرشادية وفيها القطاعات والارقام علشان تقدر تعرف وين واقف ، هو صحيح بتحصل ارقام على الأعمدة بس الأهم تكون لوحات إرشادية تتعلق على سقف المواقف يبين فيها ارقام كل قطاع وبوابة وموقف

[ممنوع اللمس]

دايم اقول
افشل تصميم مواقف وطرق بالعالم هالمجمع
شي غريب!!
والله شي غلط بغلط بغلط

[@north_star@]

دايم اقول
افشل تصميم مواقف وطرق بالعالم هالمجمع
شي غريب!!
والله شي غلط بغلط بغلط

أشوفه انجح متاهة ..... والله المستعان

[بن مسلم]

الربع ضايعين لا شوارع عدله ولا مولات فالحين في انه قطر الاول وقطر الأفضل مادري في إِيش

[الرايــق]

اعاني من نفس المشكلة

مخرج واحد وعدم وجود لوحات ارشادية في الطابق البيسمنت

[@north_star@]

الربع ضايعين لا شوارع عدله ولا مولات فالحين في انه قطر الاول وقطر الأفضل مادري في إِيش


اعاني من نفس المشكلة

مخرج واحد وعدم وجود لوحات ارشادية في الطابق البيسمنت

ان شاء الله يشوفون حل جذري ويريحون الناس

[الرايــق]

للاسف عندهم أهم شي المساحات الداخلية للمجمعات والمباني وطبعا على حساب أشياء مهمة مثل المواقف والمداخل والمخارج ويعجبني بالتخطيط مجمع دار السلام وانت نازل بالبيسمنت عندك مدخلين ومخرجين ومواقفه اللي فوق مفتوحة على كل مكان
اوافقك الراي بخصوص
مجمع دار السلام

[وحيد-الشوق]

من اسوء المجمعات في قطر صراحه جنك رايح الستي سنتر بس مجدد شوي لا محلات ولامواقف ولاشيء سنع وعدل شغل تجاري مش حالك

مول الخليج واللاند مارك وفيلاجيو والستي سنتر حرام فيهم اسم مجمع

[بومتعب]

السؤال الأهم ....

الدفاع المدني منح رخصة للمول لمزاولة النشاط وفقا للتخطيط السابق في مداخل ومخارج المول... فهل يحق لإدارة المول إجراء تعديلات على التصميم السابق ؟ وهل تم استشارة البلدية والدفاع المدني في التعديلات الحالية ؟ كذلك اغلاق مساحات من المواقف في الدور الارضي واستبدالها بمحلات تجارية .....اتوقع حدوث كارثة لا سمح الله في حالة حدوث حريق على الوضع الحالي

[@north_star@]

من اسوء المجمعات في قطر صراحه جنك رايح الستي سنتر بس مجدد شوي لا محلات ولامواقف ولاشيء سنع وعدل شغل تجاري مش حالك

مول الخليج واللاند مارك وفيلاجيو والستي سنتر حرام فيهم اسم مجمع

فعلا الستي سنتر والجلف تقريبا نفس المواقف بس على الاقل الستي لوحاتهم بالخروج اوضح .... وشي طبيعي انه اللي يهمهم الربح حتى لو اجروا كل المواقف ما بيقولون لا .


السؤال الأهم ....

الدفاع المدني منح رخصة للمول لمزاولة النشاط وفقا للتخطيط السابق في مداخل ومخارج المول... فهل يحق لإدارة المول إجراء تعديلات على التصميم السابق ؟ وهل تم استشارة البلدية والدفاع المدني في التعديلات الحالية ؟ كذلك اغلاق مساحات من المواقف في الدور الارضي واستبدالها بمحلات تجارية .....اتوقع حدوث كارثة لا سمح الله في حالة حدوث حريق على الوضع الحالي

هذا فعلا تساؤل بحاجة الى اجابة هل فعلا تمت الموافقة على التغيرر الكارثي اللي سووه ؟

[Azizuk]

اظاهر مأخوذ عبرة ودروس مثل ماحصل في فلاجيو سابقا

وعلى فكرة توهم مركبين مراوح التهوية تحت في المواقف والله العالم تشتغل وإلا لا

[السيف5]

يلا وين دوركم يالداخلية

انتم تحافظون على ارواح الناس

وين مبدأ السلامة بالمواقف هذه وتخطيطها التعبان

[@north_star@]

اظاهر مأخوذ عبرة ودروس مثل ماحصل في فلاجيو سابقا

وعلى فكرة توهم مركبين مراوح التهوية تحت في المواقف والله العالم تشتغل وإلا لا


يلا وين دوركم يالداخلية

انتم تحافظون على ارواح الناس

وين مبدأ السلامة بالمواقف هذه وتخطيطها التعبان

مثل هالمواقف تفتقر الى اقل معايير السلامة والله يحفظ الجميع

[عـ العبيدلي]

بالنسبة لي الغلف مول من داخل احسن مجمع حاليا ..

بس مواقفه بصراحه مستفزه خاصة الخروج .. محطوط لوحة انه مخرج واول ما اطلع القى السهم على الارض عكس اتجاهي ..
ولو طلعت أصلا انت على مدخل يعني ناس في وجهك جايين ..

وطبعا عشان تطلع من مواقف المجمع الي فوق بعد قصة ثانية ..

.. والزحمه الي حوله خاصة الشارع الي بين المجمع واللولو شي مب طبيعي ..

يعني هدو الدنيا كلها وسوو 3 مجمعات جنب بعض ومقابلهم مجمع .. اللولو بدون شي زحمته كارثيه وتجي تحطلي مجمعين حذاه
وداخل فريج ..

وصح لو صار حريق وله شي مادري شبيصير وشلون الناس بتطلع

[@north_star@]

بالنسبة لي الغلف مول من داخل احسن مجمع حاليا ..

بس مواقفه بصراحه مستفزه خاصة الخروج .. محطوط لوحة انه مخرج واول ما اطلع القى السهم على الارض عكس اتجاهي ..
ولو طلعت أصلا انت على مدخل يعني ناس في وجهك جايين ..

وطبعا عشان تطلع من مواقف المجمع الي فوق بعد قصة ثانية ..

.. والزحمه الي حوله خاصة الشارع الي بين المجمع واللولو شي مب طبيعي ..

يعني هدو الدنيا كلها وسوو 3 مجمعات جنب بعض ومقابلهم مجمع .. اللولو بدون شي زحمته كارثيه وتجي تحطلي مجمعين حذاه
وداخل فريج ..

وصح لو صار حريق وله شي مادري شبيصير وشلون الناس بتطلع

وهذا اللي نقوله اخوي تحت الامور سلطة وكل السيارات تتواجه عشان يطلعون من نفس المخرج وتشوف السيارات من كل صوب واذا طلعت تبتلش بالزحمة اللي فوق

[الدوحه1]

قالها "اينشتاين":
(الغباء هو فعل نفس الشيء مرتين بنفس الأسلوب ونفس الخطوات مع انتظار نتائج مختلفه)!!!!

[@north_star@]

قالها "اينشتاين":
(الغباء هو فعل نفس الشيء مرتين بنفس الأسلوب ونفس الخطوات مع انتظار نتائج مختلفه)!!!!





:nice::nice::nice:

[بانغ بانغ]

ولا طبيته خير شر

اصلا مجمعاتنا لا تليق باي معايير

احيانا ادش السيتي واخاف ايصير شي من ضيق المداخل والمخارج

[@north_star@]

ولا طبيته خير شر

اصلا مجمعاتنا لا تليق باي معايير

احيانا ادش السيتي واخاف ايصير شي من ضيق المداخل والمخارج

سبحان الله الستي بالذات ما ادانيه خير شر والموقف تحس نفسك بكهف