+++ اختراع المطبة المرنة +++

[jajassim]

المطبات الصناعية المرنة


قدرة الانسان على الابتكار لا حدود لها ، إذا ما أدرك الشخص أن من واجبه تقديم أي فكرة أو اختراع من شأنها تسهيل أو تطوير كثير من الأمور حولنا ، ولذلك يجب على كل فرد الاّ يجمد تفكيره في حدود ضيقة ، وأن يوسع من مداركه فالحياة مليئة بالمتغيرات ، وفي كل يوم تظهر امور جديدة وحاجة إلى تغيير أشياء كثيرة نمطية من حولنا ، فالعالم في تطور تكلنوجي مستمر.

وإذا ما تمعن الشخص في وسائل تسيير الحياة اليومية يلاحظ أن هناك حاجة لتطوير العديد من الوسائل ، وكما يقال (الحاجة أم الاختراع) ، فهناك أشياء كثيرة عفى عليها الزمن ولم تتغير نعاني منها من مشقتها دون أن نجهد انفسنا ولو للحظة بالتفكير في إيجاد الحلول البديلة المناسبة.

من خلال تقديمي العديد من الاختراعات والأفكار التي نالت معظمها إعجاب الكثيرين وحصلت على تقييم عالمي في المعارض الدولية ، فإنني أحرص كل يوم على إيجاد أفكار من شأنها خدمة بلدي الغالي قطر وتعود بالنفع على المواطنين والمقيمين ، وكانت إحدى هذه الأفكار هي إيجاد بديل مناسب للمطبات الصناعية الحالية .

لا شك أن وضع المطبات الصناعية الحالية لها فوائد كبيرة في تجنب حالات الدهس في الأماكن المكتظة بحركة المشاة وخاصةً أمام المدارس والمستشفيات والأحياء السكنية ، وذلك للحد من تهور السائقين غير الملتزمين ، فيكون السائق مجبراً بتخفيف السرعة والتوقف أمام المطب والسماح بمرور المشاة.

مقابل ذلك هناك مطبات صناعية لها سلبيات وخاصة تعددها من حيث الارتفاع والحجم من مكان لآخر وقساوتها على سائقي السيارات وخاصةً السيارات الصالون الصغيرة ، وليس كل السائقين متهورين بل هناك سائقين ملتزمين بالسرعة المحددة يعطون المشاة حقهم ، ولكن سياراتهم تتعرض لأضرار كبيرة نتيجةً احتكاك بطن السيارة خاصةً الصغيرة منها لإرتفاع معظم المطبات .

لذلك رأيت في اختراعي الجديد أنه بالإمكان عمل مطبات صناعية ذكية وأمنة على السيارات وتؤدي الغرض المطلوب كاملاً.

يتمثل الاختراع في عمل مطبات صناعية متحركة من الصفائح أو الفولاذ والمستخدم حالياً في بعض الأماكن محمول المطب على (اسبرنج ) بنفس الارتفاع للمطبات الصناعية الحالية بحيث يتوجب على السائق التوقف عند المطب ولكنه مع لمسة الإطار الأول للمطب ينخفض حتى مرور السيارة ثم يعود لحالته السابقة بفعل الأسبرنج القوي .

وبهذه الطريقة نمنع السائقين المتهورين من السرعة وفي نفس الوقت نؤمّن عدم تعرض السيارات لأضرار الاحتكاك بالمطبات الإسمنتية


تتميز المطبات الصناعية بالآتي:
1. أنها غير مكلفة ورخيصة جداً.
2. تعمل بالاسبرنجات العادية.
3. تؤدي الغرض المطلوب.
4. لا تحتاج لتوصيل كهرباء أو عملية ميكانيكية أو ديناميكية.
5. من السهل تبديل الاسبرنجات إذا تعرضت للتلف أو هبوط في الارتفاع .
6. تناسب جميع ظروف الطقس الحار والبارد.
7. لا تشكل أي خطورة على مستخدمي الطريق من السائقين أو المشاة أو السيارات.

علماً بأن هناك العديد من الأفكار لهذا الاختراع التي تتطلب تكنلوجيا عالية أو توصيل كهرباء ، ولكنني أخترت الأبسط من حيث التكلفة ولا يحتاج لتكنلوجيا عالية مع أداءها نفس الغرض المطلوب .



مرفق رسومات توضيحية للمطبات الصناعية الذكية .



http://www7.0zz0.com/2016/10/02/09/756742617.jpg (https://www.0zz0.com)

http://www7.0zz0.com/2016/10/02/09/975654821.jpg (https://www.0zz0.com)

http://www7.0zz0.com/2016/10/02/09/601868731.jpg (https://www.0zz0.com)


https://twitter.com/Jajassim7/status/781868575195791360/video/1?utm_source=fb&utm_medium=fb&utm_campaign=Jajassim7&utm_content=782460057363615744

https://www.facebook.com/jajassim


للمزيد من مقاطع تركيب المطبة المرنة بالقرب من ادارة المرور مدينة خليفة ،، على الانتسغرام JAJASSIM7


والسلام عليكم ورحمة الله وبركاته ،، :nice:

[مدور عقلي]

سؤال زين .. بكره لما يتعود عليها الشباب انه لو جاها مسرع ولا مخفف بتنزل بتنزل ,, يعني ماحديت من المشكله .. مع اني حبيت الفكره انها حل عشان ماتتكسر مواترنا :)

[ya3coub]

الله يوفقكم أخوي متابعكم عالأنستقرام

و عساكم عالقوة ان شاء الله

[مدور عقلي]

مب جنه حطوا وحده تجريبيه عند المرور ؟

[شنب]

الله يوفقك ياخوي في اختراعك
شي يشرفنا كمواطنين الصراحه

بس عندي سؤال .. هل هي مقاومه للغبار و الرمل
يعني ما يتجمع تحتها و تعيق عملها

[يمامـة]

مع اني مالي في سوالف المطبات ولا نوعيتها .. غير اني الاحظ ان هناك مبالغة في ارتفاع الكثير منها فتتضرر السيارات
وان ما كانت مسرعة..

غير ان كلمة مطبات مرنة حسستني ان احنا نتكلم عن نطاطيات ميزتها ان السيارة اتنط عليها لو مسرعة
تتفاعل مع وزن السيارة لكنها ما بتدف السيارة مثل ما اتدف النطاطيات اليهال فوق..

ما ادري اذا هالنوع من المطبات بيكون فيها فايدة ولا لا..

وحتى نحكم عليها لابد من تجربتها فترة من الزمن ومراقبة سرعة السيارات عليها..

[شنب]

سؤال زين .. بكره لما يتعود عليها الشباب انه لو جاها مسرع ولا مخفف بتنزل بتنزل ,, يعني ماحديت من المشكله .. مع اني حبيت الفكره انها حل عشان ماتتكسر مواترنا :)

ما تنزل اذا كنت مسرع .. هذي هي ميزتها

[jajassim]

سؤال زين .. بكره لما يتعود عليها الشباب انه لو جاها مسرع ولا مخفف بتنزل بتنزل ,, يعني ماحديت من المشكله .. مع اني حبيت الفكره انها حل عشان ماتتكسر مواترنا :)

هلا اخوي ،، هذه التجربة الاولى ، فعلا تحتاج الى بعض التعديلات وهي تقوية الاسبرنجات ، ويتنحل المشكلة ، ان شاء الله

[jajassim]

الله يوفقكم أخوي متابعكم عالأنستقرام

و عساكم عالقوة ان شاء الله

وياك ،، نعم اخوي من متايعني وجزاك الله خير ،،:nice:

[jajassim]

مب جنه حطوا وحده تجريبيه عند المرور ؟

نعم جنب المرور من ناحية الشرق شارع خليفة متفرع من شارع عمر بن عبدالعزيز وشكرا لك

[jajassim]

الله يوفقك ياخوي في اختراعك
شي يشرفنا كمواطنين الصراحه

بس عندي سؤال .. هل هي مقاومه للغبار و الرمل
يعني ما يتجمع تحتها و تعيق عملها

وياك وتسلم يالغالي والله يحفظك ان شاء الله

نعم اخوي هي من المفروض تكون مقاومة ،، كلها حديد في حديد ، ومع ذلك نصبر عليها ونشوف مع الاحوال الجوية ، ايش اتصير نشوف لها حل لاى مشكلة باذن الله تعالى

[jajassim]

مع اني مالي في سوالف المطبات ولا نوعيتها .. غير اني الاحظ ان هناك مبالغة في ارتفاع الكثير منها فتتضرر السيارات
وان ما كانت مسرعة..

غير ان كلمة مطبات مرنة حسستني ان احنا نتكلم عن نطاطيات ميزتها ان السيارة اتنط عليها لو مسرعة
تتفاعل مع وزن السيارة لكنها ما بتدف السيارة مثل ما اتدف النطاطيات اليهال فوق..

ما ادري اذا هالنوع من المطبات بيكون فيها فايدة ولا لا..

وحتى نحكم عليها لابد من تجربتها فترة من الزمن ومراقبة سرعة السيارات عليها..

شكرا لمرورك ،

[jajassim]

ما تنزل اذا كنت مسرع .. هذي هي ميزتها

كلامك صحيح / وهى الميزة الوحيدة في المطبة ، اما البلاستيك الى فوقها الاصفر والاسود هى من الاساس مطبة رسمية معتمده ، ولا دخلنا في شكلها او لونها

وجزاك الله عير على اهتمامك يا شنب :nice:

[يمامـة]

شكرا لمرورك ،

عفوا والله يقويكم على الجهود المبذولة .. ويأجرك على كل عمل تقومون فيه لمصلحة هالوطن..

[qtr qtr]

اشكرك على مجهودك
ولكن المشكله اشوفها ما انحلت في حالة احتكاك السياره فالمطب
لان مجرد ما تتعدي الاطارات الاماميه المطبه راح ترتفع وبتحك فبطن السياره ؟
لازم يكون في طريقه بحيث ان المطبه ماترتفع الا في حالة مرور السياره بالكامل ز

والله يعطيك العافيه

[JN000N]

شفت امس توب بي بي حط عنها
وايد استانست يوم شفت انها تطبقت حتى لو ف مكان واحد وكتجريبي
الله يوفقك ومنها لتحقيق اختراعات اكثر في مصلحة البلد والمواطن
عساك عالقوه

[JN000N]

اشكرك على مجهودك
ولكن المشكله اشوفها ما انحلت في حالة احتكاك السياره فالمطب
لان مجرد ما تتعدي الاطارات الاماميه المطبه راح ترتفع وبتحك فبطن السياره ؟
لازم يكون في طريقه بحيث ان المطبه ماترتفع الا في حالة مرور السياره بالكامل ز

والله يعطيك العافيه

بس نوعية المطبه اللي حطها مب مرتفعه ولا تحك ف السياره
هذي الي لين جاها حد مسرع تلخلخت سيارته بس لو مخفف ما يتاثر
ف اجوف عادي حتى لو ارتفعت ارتفاعها مب مؤثر

[بوخالد911]

كل التوفيق بو عبدالله.

[CH Engineer]

اشكرك على مجهودك
ولكن المشكله اشوفها ما انحلت في حالة احتكاك السياره فالمطب
لان مجرد ما تتعدي الاطارات الاماميه المطبه راح ترتفع وبتحك فبطن السياره ؟
لازم يكون في طريقه بحيث ان المطبه ماترتفع الا في حالة مرور السياره بالكامل ز

والله يعطيك العافيه

الفكره حلوه اخوي بس مثل ما قالوا الاخوان بترجع ترتفع وبتضرب البدي


يمكن انك تستخدم تقنية فيها ان اذا انزلت ماترتفع الا اذا مشت السياره
ان شاء الله الموضوع سهل مب صعب
واهم شي اذا ارتفعت تاخذلها ثواني مب بنفس ألوقت
بالتوفيق

[راعي الكورفت]

الي معاه سبورت يكرهه المطبات.
الي معاه صالون على حسب المزاج.
الي معاه فورويل ماتفرق معاه.

[بوعمير]

يعطيك العافية، ويكفي الانسان ان يخصص من وقته مايفيد به الغير.

[jajassim]

الفكره حلوه اخوي بس مثل ما قالوا الاخوان بترجع ترتفع وبتضرب البدي


يمكن انك تستخدم تقنية فيها ان اذا انزلت ماترتفع الا اذا مشت السياره
ان شاء الله الموضوع سهل مب صعب
واهم شي اذا ارتفعت تاخذلها ثواني مب بنفس ألوقت
بالتوفيق

وياك وتسلم اخوي / جاري تطوريها بشكل أفضل ان شاء الله

[jajassim]

يعطيك العافية، ويكفي الانسان ان يخصص من وقته مايفيد به الغير.

والله يعافيك وجزاك الله خير ،،

[jajassim]

كل التوفيق بو عبدالله.

وياك وتسلم على مرورك بوخالد

[jajassim]

شفت امس توب بي بي حط عنها
وايد استانست يوم شفت انها تطبقت حتى لو ف مكان واحد وكتجريبي
الله يوفقك ومنها لتحقيق اختراعات اكثر في مصلحة البلد والمواطن
عساك عالقوه


والله يقويك وشاكر لك ،

[jajassim]

اشكرك على مجهودك
ولكن المشكله اشوفها ما انحلت في حالة احتكاك السياره فالمطب
لان مجرد ما تتعدي الاطارات الاماميه المطبه راح ترتفع وبتحك فبطن السياره ؟
لازم يكون في طريقه بحيث ان المطبه ماترتفع الا في حالة مرور السياره بالكامل ز

والله يعطيك العافيه


لا ان شاء الله لان المطبة ذات اللون الاصفر والاسود اساسا هى رسمية ومعتمدة وارتفاعها عشرة سم ، ولا لها علاقة بالاختراع ،، وانا اضفت لها الاسبرنج تحتها ، على هذا الاساس المرور وافق على التجربة ،

[رجل تعليم]

المطبات ضرورية فعلامن أجل سلامة الراجلين

فكرة روعة اخوي الله يوفقك

[معماري قطري]

فكرة حلوة ومناسبة للي بيخفف بتنزل واللي بيجي مسرع بتخض سيارته

من رايي تنكتب عندها السرعة المثالية والمريحة يقهروني الهنود والفلبينيين سياراتهم صالون وتكون أريف من كثير من السيارات الكبيرة لكن يوقفون توقيف كامل بعدين يمرون على المطب

شفت نوع الكتروني يقيس سرعة السيارة ويكون مستوي مع الأرض ولو السيارة مسرعة يرتفع بسرعة بشكل زاوية حادة

[مدور عقلي]

وممكن تطمنا ,, هل حققت النتيجة المجوه ولا , على الأنطباع ايجابي ؟ّ!

[jajassim]

المطبات ضرورية فعلامن أجل سلامة الراجلين

فكرة روعة اخوي الله يوفقك

وياك وجزاك الله خير،،

[jajassim]

فكرة حلوة ومناسبة للي بيخفف بتنزل واللي بيجي مسرع بتخض سيارته

من رايي تنكتب عندها السرعة المثالية والمريحة يقهروني الهنود والفلبينيين سياراتهم صالون وتكون أريف من كثير من السيارات الكبيرة لكن يوقفون توقيف كامل بعدين يمرون على المطب

شفت نوع الكتروني يقيس سرعة السيارة ويكون مستوي مع الأرض ولو السيارة مسرعة يرتفع بسرعة بشكل زاوية حادة


خوش اسم المطبة المثالية ،، :nice:

[jajassim]

وممكن تطمنا ,, هل حققت النتيجة المجوه ولا , على الأنطباع ايجابي ؟ّ!

نعم حققت بنسبة 70 % وطلبوا مني ( المرور ) تعديل الاسبرنجات الى اقوى ، واخفاء الصوت ، حتى احصل على اعتماد رسمي ، دعواتكم ،، omen

[بوخالد911]

الله يوفقك وتنال مرادك.

[معماري قطري]

خوش اسم المطبة المثالية ،، :nice:

ههههههه انا قلت السرعة المثالية اللي تمشي بها على المطبة بسبب بعضهم يوقفون بالكامل

زين شوف اليوتيوب ذيه للطريق الأحمر .. في بانكوك شفته وعند مخرج طريق سريع فيه انحنائين يسببون حوادث بس عندهم تمسك التواير وتخف سرعتها وتمشي السيارة في مسارها


https://www.youtube.com/watch?v=s5kkN1dghMQ

[معماري قطري]

مثال مزعج للمطبات واتمنى يتخلصون من كل مطب ويكتفون بكاميرات ومخالفات .. مثلاً السرعة 50 وواحد يسوق 55 يكون متعدي ب 10% وتكون حدود مسموحة أكثر على كل 1 زيادة 100 ريال لحد معين بعدها سجن لأن السرعة في منطقة سكنية تعتبر جريمة


https://www.youtube.com/watch?v=q7pjz98yYkI

[معماري قطري]

هذي مطبات أمنية توقف السيارة غصب


https://www.youtube.com/watch?v=jeVIirbf_3A

[jajassim]

ههههههه انا قلت السرعة المثالية اللي تمشي بها على المطبة بسبب بعضهم يوقفون بالكامل

زين شوف اليوتيوب ذيه للطريق الأحمر .. في بانكوك شفته وعند مخرج طريق سريع فيه انحنائين يسببون حوادث بس عندهم تمسك التواير وتخف سرعتها وتمشي السيارة في مسارها


https://www.youtube.com/watch?v=s5kkN1dghMQ


بعد ما يخالف خوش اسم ، :nice:

[jajassim]

الله يوفقك وتنال مرادك.

وياك وجزاك الله خير ،، :victory:

[معماري قطري]

بعد ما يخالف خوش اسم ، :nice:

أكيد خوش اسم ولو عندك واسطة تركب ثنتين عند بيتنا ما تقصر

قبل لجنة المرور ركبوا بعدين لجنة ثانية خلت كل المطبات عند بيوت الغير قطريين وشلتهم عند بيوت القطريين

[بصمة قطرية]

ماشاءالله بالتوفيق أخوي جاسم ..
شفت فيديو عجبتني وايد الفكرة ..

[الزعفراني]

اختراع حلو لكن اعتقد من السهل تعطيل فعالية المطب والله اعلم .. اقصد سهل تخريب المطب خصوصا سالفة السبرنقات ..

[راجي الْعفو]

اختراع وطني ، وشي مشرف لنا جميعا ..

عاد ساوم المرور عالسعر لا يقصون عليك ^_^ ( مزحة )

ولا تنسى احتساب الاجر في كل عمل تعمله ..
بالتوفيق ياخوي جاسم..

[بانغ بانغ]

اختراع وطني ، وشي مشرف لنا جميعا ..

عاد ساوم المرور عالسعر لا يقصون عليك ^_^ ( مزحة )

ولا تنسى احتساب الاجر في كل عمل تعمله ..
بالتوفيق ياخوي جاسم..

هلا شيخنا

عاد لا تكسرهم بالهمر h2 مالك

[راجي الْعفو]

هلا شيخنا

عاد لا تكسرهم بالهمر h2 مالك

مرحبا شيخ بنوغ

ويييني وين الهمر ياراقل ^_^

اللي بيكسرهم انت بالجمس اللي عندك ..

[مـراحـب]

اختراع حلو لكن اعتقد من السهل تعطيل فعالية المطب والله اعلم .. اقصد سهل تخريب المطب خصوصا سالفة السبرنقات ..

انا كل يوم أمر عليه ، ، ابشرك اليوم في وحده اختربت اتوقع

[jajassim]

أكيد خوش اسم ولو عندك واسطة تركب ثنتين عند بيتنا ما تقصر

قبل لجنة المرور ركبوا بعدين لجنة ثانية خلت كل المطبات عند بيوت الغير قطريين وشلتهم عند بيوت القطريين

في السابق ادارة المرور هى تطلع تصريح مطب ، ويحال الى بلدية الدوحة لتركيب المطبة
حاليا ادارة المرور تطلع تصريح ويحال للاشغال لتركيب المطبة

شكلت لجنة المطبات برئاسة الاشغال وعدد اعضاء من المرور لازالة المطبات العشوائية وايضا عدم مطابقتها للمواصفات

بالرغم اني طلبت المواصفات من الاشغال وحتى المرور ،، وكل واحد يقول مب عندي روح عند فلان ورحت عند فلان قال روح عند علان ورحت عند علان لقيت نفسي خارج المبنى ،،


وتقول تبي واسطه ،، ههههههههه

البوساء :swoon2:

[jajassim]

ماشاءالله بالتوفيق أخوي جاسم ..
شفت فيديو عجبتني وايد الفكرة ..

مشكورة ما قصرتي ، وان شاء الله بنطورها اكثر ،،

[jajassim]

اختراع حلو لكن اعتقد من السهل تعطيل فعالية المطب والله اعلم .. اقصد سهل تخريب المطب خصوصا سالفة السبرنقات ..

وانت احلى اخوي ،، فعلا محتاجه الى تطوير اكثر ،،

[jajassim]

اختراع وطني ، وشي مشرف لنا جميعا ..

عاد ساوم المرور عالسعر لا يقصون عليك ^_^ ( مزحة )

ولا تنسى احتساب الاجر في كل عمل تعمله ..
بالتوفيق ياخوي جاسم..


ماليقت الا المرور بشترونها الله يرحم ،

في حالة الحصول على الاعتماد ، سيتم انشاء شركة صناعية لانتاجها ،

وجزاك الله خير ،، وتسلم على دعوتك ،، :nice:

[jajassim]

انا كل يوم أمر عليه ، ، ابشرك اليوم في وحده اختربت اتوقع

الله يبشرك بالجنة ،،

جاري اعادة تطويرها اكثر ،،

[R 7 A L]

خساير على الفاضي


معليش اخوي مجرد وجهه نظر

[معماري قطري]

في السابق ادارة المرور هى تطلع تصريح مطب ، ويحال الى بلدية الدوحة لتركيب المطبة
حاليا ادارة المرور تطلع تصريح ويحال للاشغال لتركيب المطبة

شكلت لجنة المطبات برئاسة الاشغال وعدد اعضاء من المرور لازالة المطبات العشوائية وايضا عدم مطابقتها للمواصفات

بالرغم اني طلبت المواصفات من الاشغال وحتى المرور ،، وكل واحد يقول مب عندي روح عند فلان ورحت عند فلان قال روح عند علان ورحت عند علان لقيت نفسي خارج المبنى ،،


وتقول تبي واسطه ،، ههههههههه

البوساء :swoon2:

اووه عيل انا علاقتي اختربت بالكامل مع أشغال والتخيط واحتمال المرور

[معماري قطري]

اختراع حلو لكن اعتقد من السهل تعطيل فعالية المطب والله اعلم .. اقصد سهل تخريب المطب خصوصا سالفة السبرنقات ..

صدقت يدوس واحد بسيارة ثقيلة وثاني يحط قطعة خشب ويضربها تعلق آلية تحرك المطب .. لو يحطون خيال كاميرات أو كاميرات كذبية وينخش شرطي متنكر يشوف المسرعين يوم ويتخالفون بيحسبون الناس الكيمرات صج تشتغل بتشوف اللي بيسرع يحسب ألف حساب

[معماري قطري]

ماليقت الا المرور بشترونها الله يرحم ،

في حالة الحصول على الاعتماد ، سيتم انشاء شركة صناعية لانتاجها ،

وجزاك الله خير ،، وتسلم على دعوتك ،، :nice:

الله يوفقك مع إني أتمنى وجود كاميرات رقابية أقلها قرب المطب .. ناس يجون مسرعين ويمشون عكس السير لتفادي المطب وناس عادي عندهم يشقحون الرصيف .. ولو استوى النظام بسبرنغات وحديد مسكر كنظام مغلق وممكن تثبيته فوق الأسفلت ببراغي بيكون أسهل وأسرع للتركيب .. ممكن حتى نلغي السبرنغات ونسوي نظام مناسب للسرعة المطلوبة لغالبية السيارات

ممكن استخدام التواير القديمة بعد قطع قطع منها تعطي مرونة للمطب وتثبت بألمنيوم أو حديد في الطريق وممكن وضعها بشكل متكرر حتى يكون تأثيرها قوي لتخفيف السرعة ل 15 كلم في الساعة عند المدارس مثلاً .. وممكن تكون مخفية في الأرض وترفع برافعة يدوية وقت نهاية وبداية الدوام بواسطة أمن المدرسة

[معماري قطري]

حلو تعرض الفكرة نشارك في المقترحات لتطوير المنتج لكن التفاصيل تحتاج شغل وتجارب وتطوير

[حبر وقرطاس]

ليكون الي امر عليها مسرع كل يوم وتسوي صوت

[طلعة الروح]

ما أظنها عملية مع سواقة البعض الدفشه
أظن بتخترب بعد فتره من وضعها وبتحتاج صيانة
بعدين ماظن ان مشكلتنا في اضرار المطبات قد ماهى مشكلة
طريقة وضع المطبات التي لاتكون واضحه خاصة ف الليل وحجمها غير مناسب وغير انسيابي وتسبب ارهاق للي يسوق خاصه اذا كانت كثيره فالفريج الواحد هذي مشكلة عدم توحيد احجام المطبات وعدم دراسة اماكن وضعها حتى ان كان القصد منها الحد من السرعه الا ان اغلبها مساوئها اكثر بالنسبه للسائق مهما خفف السرعه بسبب المواصفات المزعجه لحجم المطبات خاصة في الطرق الداخلية

[معماري قطري]

عجبتني مطبات في فلوريدا اللي بيمشي عليها يخفف بس مب لدرجة الوقوف هي تحذيرية أكثر منها تعرقلية

مفكر في نموذج ينضبط حسب السرعة ويكون مريح لو السرعة 60 ممكن بسهولة المرور عليه 60 ولو 30 يُعدل ارتفاعه ليناسب سرعة 30

النموذج عبارة عن قوسين متصلين بمفصلات ممكن فتحهم أكثر يستوون شبه نايمين مع الأرض أو إغلاق الجزء المفتوح يرتفعون أكثر .. يبقى تثبيتهم في الأرض من جهة تثبيت كامل ومن جهة ثانية ربط مفتاح التعديل من الجهة المثبتة .. الأقواس من حديد غير قابل للصدأ أو ألمنيوم بطبقة سميكة

[مـراحـب]

اليوم مريت هناك المطبة مش موجودة

[R 7 A L]

يقول لك في اليابان لاتوجد مطبات صناعية لتخفيف السرعة
بل توجد طبقة حمراء مصنوعه من مادة تخفف من سرعة السيارات

لو يحطونها في الاحياء السكنه بتكون احسن من المطبات

[Faz]

اتمنى في يوم يحطون الرادار المتنقل في الفرجان ويحدون من الحوادث بين البيوت بدال مايحطونه على الشوارع السريعه ويسببون حوادث

بتخلي الناس يحترمون السرعه 50 و 40 بين البيوت الي حاليا للاسف محد مفتكر فيها وتلقاهم اقل شي 80 و 100 لانهم يدرون مافي رادار

في المانيا تعودت عليهم من بين البيوت على السرعات الخفيفه صادني مره

[jajassim]

خساير على الفاضي


معليش اخوي مجرد وجهه نظر

من اى ناحية خسائر ؟

[jajassim]

اووه عيل انا علاقتي اختربت بالكامل مع أشغال والتخيط واحتمال المرور

شئ طبيعي ،، ناس تقول لك لا ، قبل ان تتكلم وتشرح رايك ، ،

[jajassim]

صدقت يدوس واحد بسيارة ثقيلة وثاني يحط قطعة خشب ويضربها تعلق آلية تحرك المطب .. لو يحطون خيال كاميرات أو كاميرات كذبية وينخش شرطي متنكر يشوف المسرعين يوم ويتخالفون بيحسبون الناس الكيمرات صج تشتغل بتشوف اللي بيسرع يحسب ألف حساب

ناوي على نيه بس انت اصبرشويه !!!

[jajassim]

حلو تعرض الفكرة نشارك في المقترحات لتطوير المنتج لكن التفاصيل تحتاج شغل وتجارب وتطوير

هههههههههه شئ واضح ،

[jajassim]

ليكون الي امر عليها مسرع كل يوم وتسوي صوت

سبحان الله ،،

[معماري قطري]

هههههههههه شئ واضح ،

من صجي والله ومتمني لك التوفيق لكن لازم ندور عن بعض أوجه القصور

[jajassim]

اليوم مريت هناك المطبة مش موجودة

تم ازالة المطبة لتطويرها ،

[jajassim]

من صجي والله ومتمني لك التوفيق لكن لازم ندور عن بعض أوجه القصور

شئ حلو ندور على انتقادات البناءه وليس الهدامة :deal:

[khaldoon]

الله يوفقك يا الغالي و ان شاء الله هذا الاختراع بينتشر بكل دول العالم

[Faz]

يعطيك العافيه على المجهود الطيب امس شفتها بالفيديو

هل فكرت اتحط فيها time delay انه رجعت المطبه لمكانها الطبيعي يتاخر شوي عشان لو كان الموتر نازل وايد ماتضربه او لاسمح الله السبرينج اذا تمدد مايرجع يضرب الموتر من تحت طبعا اقصد مع الوقت لين قدم السبرنج بيتمدد اكثر في توقعي

[jajassim]

الله يوفقك يا الغالي و ان شاء الله هذا الاختراع بينتشر بكل دول العالم

وياك وجزاك الله خير ماقصرت ،،:nice:

[jajassim]

يعطيك العافيه على المجهود الطيب امس شفتها بالفيديو

هل فكرت اتحط فيها time delay انه رجعت المطبه لمكانها الطبيعي يتاخر شوي عشان لو كان الموتر نازل وايد ماتضربه او لاسمح الله السبرينج اذا تمدد مايرجع يضرب الموتر من تحت طبعا اقصد مع الوقت لين قدم السبرنج بيتمدد اكثر في توقعي

لله يعافيك وتسلم ،

كلامك حلو ،، نعم فكرت ولكن بطريقة ثانية

المطبة البلاستكية ذات اللون الاصفر والاسود في الاختراع هى معتمدة رسمية من الاشغال والمرور وارتفاعها عشرة سم لهذا عملت الاختراع على هذا النوع حتى لا ادخل في مشاكل اخري

ادنى سيارات في قطر لاتقل عن خمس عشر سم حسب كلام المرور ، فلهذا لانحتاج الى هذا التقنية اكيد بيكون مكلفة ولا احد بيهتم فيها ، لان محتاج لها صيانة بالاستمرار ، وربعنا يبون شئ اتسوي وتنساها

وشكرا

[معماري قطري]

لله يعافيك وتسلم ،

كلامك حلو ،، نعم فكرت ولكن بطريقة ثانية

المطبة البلاستكية ذات اللون الاصفر والاسود في الاختراع هى معتمدة رسمية من الاشغال والمرور وارتفاعها عشرة سم لهذا عملت الاختراع على هذا النوع حتى لا ادخل في مشاكل اخري

ادنى سيارات في قطر لاتقل عن خمس عشر سم حسب كلام المرور ، فلهذا لانحتاج الى هذا التقنية اكيد بيكون مكلفة ولا احد بيهتم فيها ، لان محتاج لها صيانة بالاستمرار ، وربعنا يبون شئ اتسوي وتنساها

وشكرا

كلامهم غلط وفيه سيارات نازلة مثل البي ام ال 700 والبورش والكورفيت .. وبعض المطبات بالنظر تشوفها تعرف إنها أكثر من 15 سم .. أحياناً مب بس ارتفاع المطب مؤثر يكون عرضه ويكون شبه مخفي مرتفع فجأة لو ضرب الواحد بريد بعد مرور التواير الجدامية تنزل السيارة وتحك .. وبعض السيارات النازلة تاخذ المطب بالعرض وببطء شديد يعرقل السير وراه ويكون معذور لأن سيارته تحك

[jajassim]

كلامهم غلط وفيه سيارات نازلة مثل البي ام ال 700 والبورش والكورفيت .. وبعض المطبات بالنظر تشوفها تعرف إنها أكثر من 15 سم .. أحياناً مب بس ارتفاع المطب مؤثر يكون عرضه ويكون شبه مخفي مرتفع فجأة لو ضرب الواحد بريد بعد مرور التواير الجدامية تنزل السيارة وتحك .. وبعض السيارات النازلة تاخذ المطب بالعرض وببطء شديد يعرقل السير وراه ويكون معذور لأن سيارته تحك

هدي اعصابك اخوى ،، المطبة الي اقصدها ارتفاعها 10 سم ، والمستخدمة مع الاختراع ،
طبعا هنالك كثير من المطبات باختلاف الارتفاعات والاحجام

[معماري قطري]

هدي اعصابك اخوى ،، المطبة الي اقصدها ارتفاعها 10 سم ، والمستخدمة مع الاختراع ،
طبعا هنالك كثير من المطبات باختلاف الارتفاعات والاحجام

مهدي أعصابي وقصدي واضح هم يعرفون ارتفاع المطبات عدل .. إذا العريضة المعمولة من انترلوك ورصيف الرصيف 10 سم والانترلوك مرتفع عنه بكثير

بإختصار مقصرين في واجبهم وكل فترة يسوون لجنة غير واللجنة تغير اللي سوته اللجنة قبل حتى ريكورد حق اللي عملوه ما عندهم ويطلبون من اللي انعمل لهم المطب يجيبون الترخيص

[jajassim]

مهدي أعصابي وقصدي واضح هم يعرفون ارتفاع المطبات عدل .. إذا العريضة المعمولة من انترلوك ورصيف الرصيف 10 سم والانترلوك مرتفع عنه بكثير

بإختصار مقصرين في واجبهم وكل فترة يسوون لجنة غير واللجنة تغير اللي سوته اللجنة قبل حتى ريكورد حق اللي عملوه ما عندهم ويطلبون من اللي انعمل لهم المطب يجيبون الترخيص

للاسف ليس هنالك تعاون مابين الاشغال والمرور ،، والشعب ضايع

وعشان الاختراع انا ضعت الحين كل جهة تقول عن الاخر هم مالم خص بالموضوع ،،

[معماري قطري]

للاسف ليس هنالك تعاون مابين الاشغال والمرور ،، والشعب ضايع

وعشان الاختراع انا ضعت الحين كل جهة تقول عن الاخر هم مالم خص بالموضوع ،،

الله يعينك .. حصلت الهوندا سيفيك تحت ال 15 سم وسيارات كثيرة تحت العشرة بعضها توصل 9 سم وأقل خصوصاً الرياضية

سيارات الليموزين حتى لو 15 وتمر على مطباتهم العريضة اللي من انترلوك ورصيف تحك يومكن تتعلق في بعض المطبات اللي قار وكبيرة

[معماري قطري]

10 سم أكيد إنت في السليم هم مطباتهم وايد أعلى من 10 .. والمشكلة الطريق حق كل السيارات وبعض السيارات ألحين تطير فوق المطبات ولا تحس بها مثل اللكزس تسلم لي توايرها .. هم لو بيسوون شيء صح يحطون كاميرات في الفرجان وفي مناطق المرور اللي لازم تخفف فيها ولازم تكون إشاراتهم واضحة حتى الناس تخفف

[jajassim]

الله يعينك .. حصلت الهوندا سيفيك تحت ال 15 سم وسيارات كثيرة تحت العشرة بعضها توصل 9 سم وأقل خصوصاً الرياضية

سيارات الليموزين حتى لو 15 وتمر على مطباتهم العريضة اللي من انترلوك ورصيف تحك يومكن تتعلق في بعض المطبات اللي قار وكبيرة

قامت هيئة الاشغال العامة ، بازالة المطبة وسدوا الحفرة بالقار ، ولا احم ولا دستور
والحين لا اعرف وين المطبة ،، هل سرقوها ؟
حسبي الله ونعم الوكيل ،،

[الحريف]

اخوي جاسم هالمطب بينزل تحت التواير لكن إذا الموتر صغير ممكن يحتك فيه بيت التواير الامامية و الخلفية. صح؟

[jajassim]

اخوي جاسم هالمطب بينزل تحت التواير لكن إذا الموتر صغير ممكن يحتك فيه بيت التواير الامامية و الخلفية. صح؟

ممكن تحدد نوع السيارة ؟

[aloosh]

السبرنغ ما اعتقد يتحمل كم السيارات واوزان مختلفه
والسبرنغ له عمر اتفتراضي ومش ممكن يتحمل الكم الهائل من سيارات

[R 7 A L]

من اى ناحية خسائر ؟

السبرنغات بروحها مكلفه

مانبي مطبات نبي سواقين مثقفين

[CH Engineer]

اخوي اذا المطب ظ،ظ* سنتي وما يحك بالسياره من الأساس ماله داعي ينزل المطب

[jajassim]

اخوي اذا المطب ظ،ظ* سنتي وما يحك بالسياره من الأساس ماله داعي ينزل المطب

الهدف اخوي مب عشان تحك السيارة من تحت
من الاساس انا مختار هذه المطبة البلاستيكة لانها ارتفاعها عشرة سم
الهدف من المطب المرن تقليل السرعة وعدم تكسير السيارة مثل المطبات في السيتي او غيره ،
وشكرا

[jajassim]

السبرنغات بروحها مكلفه

مانبي مطبات نبي سواقين مثقفين

الهدف من المطبة المرنة عدم تكسير السيارات ، وشكرا

[jajassim]

السبرنغ ما اعتقد يتحمل كم السيارات واوزان مختلفه
والسبرنغ له عمر اتفتراضي ومش ممكن يتحمل الكم الهائل من سيارات

نجرب ونحكم ،، وشكرا

[معماري قطري]

قامت هيئة الاشغال العامة ، بازالة المطبة وسدوا الحفرة بالقار ، ولا احم ولا دستور
والحين لا اعرف وين المطبة ،، هل سرقوها ؟
حسبي الله ونعم الوكيل ،،

يا رجال أشغال مأمورين ولازم حد من اللي صفقوا طلب ازالتها من وراك

وانا ادور عن نوعيات للمطبات حصلت نوع مع الأرض من الربر ( المطاط ) يعني من نفس نوعية التواير وممكن بعد قص التواير وشبكها مع بعض عمله كغطاء نازل على الأرض ولو احتكت فيه التواير تخف سرعتها

مركب في كندا ومحطوط بحيث السيارات الكبيرة ممكن تمر بدون ما تدوس عليه لتسهيل حركة المطافيء والاسعاف والسيارات الصغيرة على الأقل تايرين يمرون عليه

شوف ما شاء الله عليك إنت إنسان طموح وتحب تسوي شيء نافع .. هذا ارتفاعه حول 5 سم ويبين ملقى على الأرض ويخفف السرعة غصب .. ضيعت الصفحة ودورتها مرة ثانية ما حصلتها بس حصلت يوتيوب لهذي المطبات الهادئة لكثير من السيارات والصعبة للكثير كذلك .. عندنا الصعبة أوقات مستحيلة والهادئة صعبة ومركزين على السيارات المرتفعة


https://www.youtube.com/watch?v=JIXnzO_FBmw

[jajassim]

يا رجال أشغال مأمورين ولازم حد من اللي صفقوا طلب ازالتها من وراك




:swoon2:

[معماري قطري]

اليوم مريت صوب الدفنة بغيت انزل واحضن المطبات واقول لها شكراً

مطباتهم صج حلوة ودي اصور براءَة المطب والسيارة تقفز فرحةً عليه

[jajassim]

اليوم مريت صوب الدفنة بغيت انزل واحضن المطبات واقول لها شكراً

مطباتهم صج حلوة ودي اصور براءَة المطب والسيارة تقفز فرحةً عليه


ليش ما صورت المطبة ؟

،، مطبة حبنا ،،:taunt:

[jajassim]

http://www.qatarshares.com/vb/showthread.php?442164-المطبات-الصناعية

[معماري قطري]

ليش ما صورت المطبة ؟

،، مطبة حبنا ،،:taunt:

كنت مار بسرعة وفي الليل

هي المطبات القار المنحنية انحناء مريح ومصبوغة تبين من بعيد

شكلهم مهتمين بالمنطقة ذيك عندنا شلوا المطبات اللي حطتها اللجنة وخلوا مطب صوب بيت مقيمين عرب وخلوا حول ست مطبات قوية صوب بيوت البتان .. خايفين على عيالهم اللي يمشون في الشارع