اشجار مثمرة في قطر

[Fahad Alqahtani]

السلام عليكم ورحمة الله وبركاته..

عندي مساحة حديقة 4*8 ودي ازرعها شجر مثمر او منه فايده. الحين زراعها بس عشب و ورد .

اللي عنده خبرة في الاشجار والزراعة لايبخل علينا..


بحثت وسويت لسته بالشجر اللي في بالي :

كنار
التين
رمان
ليمون
الموريجنا (مدري اذا هي موجودة )
النيم
النخل يبي له عنايى خاصة وان شاء الله بزرع لي ثنتين

شرايكم في اللسته ..

[شموخ دائم]

,

,

مرحبا

ما شاء الله طيبه اللسته

الليمون ( ضروري ) واهم شي تنتبه للانواع
في اصناف كثيره من الليمون واحسنها الي يطلع بقطر الليمون الدائري العماني
عجيب انتاجه غزير وطعمه ممتاز
وخاصه للعصير

احيانا تزرع نوع وبعد كم سنه انتظار وتكبر الشجره ووقت الثمر تتفاجا ان النوع غير مناسب

والنخل ضروري ايضا يكون صنف جيد ومثمر تاكل انتاج البيت
:)


,

,

[سعود.]

ماراح اتدخل بالستة انت ابوها وسمها .

بس عليك بالنيم ( لانه ) تعمل كطارد للحشرات ( بس ) فيه كلام انة خطر لو حد من الاطفال مثلا اكل من ورقها ؟؟؟؟

عندك ( السرو ) منظرها جميل . ابعد الزراعه من الاساسات .الا اذا عندك قوالب زراعية .

[معماري قطري]

مبروك الإنجاز الطيب وان شاء الله سكنت

عندك التين والتوت واللوز كثر منه

[Fahad Alqahtani]

,

,

مرحبا

ما شاء الله طيبه اللسته

الليمون ( ضروري ) واهم شي تنتبه للانواع
في اصناف كثيره من الليمون واحسنها الي يطلع بقطر الليمون الدائري العماني
عجيب انتاجه غزير وطعمه ممتاز
وخاصه للعصير

احيانا تزرع نوع وبعد كم سنه انتظار وتكبر الشجره ووقت الثمر تتفاجا ان النوع غير مناسب

والنخل ضروري ايضا يكون صنف جيد ومثمر تاكل انتاج البيت
:)


,

,

مرحبا ومسهلا.. الليمون والكنار والنخل في قايمة اللسته وفيه شجرة الماريجوانا يقولون زينه وصحية بس ما عرفت وين تنباع

[Fahad Alqahtani]

ماراح اتدخل بالستة انت ابوها وسمها .

بس عليك بالنيم ( لانه ) تعمل كطارد للحشرات ( بس ) فيه كلام انة خطر لو حد من الاطفال مثلا اكل من ورقها ؟؟؟؟

عندك ( السرو ) منظرها جميل . ابعد الزراعه من الاساسات .الا اذا عندك قوالب زراعية .

النيم زين ومثل ما قلت طارد للحشرات والظاهر بزرع لي وحده

[Fahad Alqahtani]

مبروك الإنجاز الطيب وان شاء الله سكنت

عندك التين والتوت واللوز كثر منه

مربحا ومسهلا أبشرك سكنت ولله الحمد بس في اخر شهرين جاني وتعب من البنا ،، ما قمت اكاسر العمال واللي يقوله لي أرد عليه أبشر بس فكنا ��
بس الليتات ارخصت سعرها وتوهقت وزين انها عليها وغيرتها وزدت على سعرها شوي

[MAZEN37]

من صجك شجرة الماريجوانا
ههههه
يمكن تقصد شجرةالمورينجا

[النهار]

المورنجا مافي اسهل من زراعتها
لوشفت شجره في اي مكان ماعليك الا ان تاخذ لك فرع منها وحطها في الارض اسبوعين تحصلها انبتت
او روح اي جمعيه صوب الخضره الهنديه تحصل مثل القرون اشتر لك قرن واحد يكفي ويفي الغرض لان بتحصل فيه حوال عشرين بذره
طلع البذور وخلهم في الشمس يومين وبعدها ازرعهم في الارض خلال اسبوع تطلع النبته
صراحه هذه الشجره عجيبه تسمى الشجره المعجزه

[q6ryah]

شجره القشطه والبعض يسميها شريفه تجربه زراعتها في بيتي ناجحه جدا ولله الحمد وايظا شجره الجيكو والجوافه والترنج واللوز والصبار كلهم مثمرين ووقت القطف يفرح الانسان لما يوزعها على الحيران وماننسى البابايا عجيبه ومثمره تبارك الله غير عن اغلب الخضره اليوميه

[q6ryah]

برجع ازرع واصلح الي مات من بعد طول السفر وانشغالي بالعلاج وراح اجرب المورنجا لانه فوائدها عجيبه سمعت عنها وشجره النيم زرعتها بأصيص والخين بخليهم ينقلونها

[النهار]

شجرة النيم بعد نقلها الي التربه حتى يشتد عودها يجب وضع دعمات لها لكي لاتميل ويتم زراعتها في مكان محمي من الرياح
وتكون يعيده عن الجدار على الاقل مترين

[q6ryah]

شكرا اخوي النهار وان شاء الله بتبع الارشادات لانه فوائد النيم كثيره

[ساراام]

:nice: باقي لوز بحريني

[عايش فرحان]

ما انصحك بالكنار لان جذوره ممتدة و تخرب البلاط و البنيان .. عن تجربة..

[الوطنيه]

الله يوفقك