** سماع اصوات **

[ضوى]

صباح الخير عليكم أجمعين

مدري اشلون ابتدي الموضوع ، ماحاولت اقرأ في الموضوع حتى مايصيبني الوسواس لكن باقولكم اللي صاير يمكن احد عنده تفسير منطقي للي يصير

السالفة انه صار لي مدة يمكن ثلاث سنين تقريبا اسمع صوت بغرفتي وبأوقات مختلفة غير منتظمة ، صوت اقدر اشبهه بقطعة صفيح رقيقة جدا لما تضغط عليها تطلع صوت ( متخيلين الصوت ) مدري اشلون اوصفه بس كانه شي مضغوط وعقب يرد مكانه شوي شوي بصوت . مع العلم فوق غرفتي غرفة ولدي تمام ومافي اي وجود لاي شي ممكن يطلع هالصوت .
وصوت ثاني اسمعه دايما وبشكل غير منتظم صوت الاذان لدرجة اني افزز عيالي للصلاة ويكون اصلا ماأذن للحين .
الصوت الثالث اللي اسمعه وهالشي جديد صوت همس بالبيت الحق مصدر الصوت واركز عدل يختفي .

مدري شنو ممكن يكون تفسيره بس الأكيد انها مب تخاريف سن الاربعين لانه اسمعه بوضوح شديد وصوت الصفيح حتى زوجي يسمعه ومستغرب .

مناقشة هالموضوع معاكم بيريحني ويخفف عني انتظر مشاركاتكم

[بانغ بانغ]

سبحان الله من يومين كنت افكر انزل موضوع عام في الاستراحة عن الجن والوسوسة والاشياء الغريبة اللي انشوفها ونسمعها

لي عودة قريبة بإذن الله لاني اعاني من نفس اللي اتواجهينه وكانت لي خبرات بعضها سيئة فيها

[بوسيف الهاجري]

عليج بسوره البقره
هاتي مسجل وخليه القران شغال يوميا
وان شالله اتروح هذي الاصوات

[شبح الصمت]

صباح النور ضوى

ومتابع لانه ما عندي اي تجربة
والله يحفظكم

[للصبر اخر]

:omg:


:eek5:

omen

[مستـريــح البـــال]

اتوقع لا يخلا بيت من الاصوات، ودائما افسرها بانها تمدد بسبب الحرارة وانكماش بسبب برودة الجو او المكيف، كالجبس، او تمديدات الماي او الكهربا ..

لا القي لها الكثير من البال، دام الموضوع ما وصل لدرجة المضايقة..

وفي نفس الوقت ودائما مشغلين سورة البقرة..

وفي صوت بعد ينسمع، طقه في الكباته او درج التسريحه ..

*

*

بس ما قلتي لنا انتي شنو توقعاتج أو تفسيرج لها ؟ :)

[بانغ بانغ]

عليج بسوره البقره
هاتي مسجل وخليه القران شغال يوميا
وان شالله اتروح هذي الاصوات

اخوي في مردة وعفاريت ما يطلعون من سورة البقرة

الاذكار اللي احنا غافلين عنها وبعض مظاهر الاستيطان عن طريقهم

هذا لو كان موضوع جن اما قد يكون اصوات اشياء اخرى من برع او وسوسة وانا اشك انها وسوسة

[@north_star@]

مرات الاصوات تكون من فتحات التكييف اذا عندكم مركزي ومرات ممكن اي شي معلق على طرف البيت من برا ومب ثابت ويتحرك ويحك الطوفة وعليكم بالقران بجميع الاحول

[brooq]

السالفة انه صار لي مدة يمكن ثلاث سنين تقريبا اسمع صوت بغرفتي وبأوقات مختلفة غير منتظمة ، صوت اقدر اشبهه بقطعة صفيح رقيقة جدا لما تضغط عليها تطلع صوت ( متخيلين الصوت ) مدري اشلون اوصفه بس كانه شي مضغوط وعقب يرد مكانه شوي شوي بصوت . مع العلم فوق غرفتي غرفة ولدي تمام ومافي اي وجود لاي شي ممكن يطلع هالصوت

سؤال عندكم في البيت كراج سيارات (طبيلات) ... احتمال يحدث فيها احتكاك بين الصفائح (الشينكوات) أو الحديد إذا في الجو هواء.

[سالم الزهران]

كلنا عندنا طقطقة ومثل ما قال الأخ لو تفتح باب اخر البيت بس بشكل معين يمكن تحرك سلسلة في نجفة او شيء من الزينة محطوط على سطح ناعم او مصقول عادي

احياناً تكرر نفس الشيء ,, يخلي الواحد يفكّر فيه ....... فيه يوم من الأيام كنت احس باهتزاز وانشد اللي جنبي تحس بنفضة يقول ( لا )

ذيك المرّة كان قدامي قلاص ماي و حسيت النفضة واطالع القلاص الا و الماي يهتز ... طلعت الشارع قلت يمكن احد يحفر و لا يسوي اشغال ( مافيه )

طرى لي اروح اتطوع في مركز الزلازل ( ع بالي الطيور تحس في الزلازل مب البشر ) :) طبعاً لها تفسير بس الله اعلم ربما حتى يكون دينمو رفع الماي او اي مروحة ممكن تسبب خلل في جزيئات الهواء وضغط معين

امور واجد لا تحاتين .

.
.
.
.
اللي يطري له ان في البيت سكن ولا شيء . ارقد و آمن و الله انا حنا اللي نروعهم و لا موذي اليوم الا ابن آدم .

[الماريّة]

مرحبتين اختي ضوى

الموضوع عادي جدا لاتحاتين

اكيد مثل ماتفضل احد الاخوان الانكماشات والتمدد سواء للخشب او البلاستك مع حراره الجو
او اصوات برى البيت بس تحسينها قريبه ...

ومافيه شي يخوف لاتخلين الوسواس يلعب فيج والله جدا عادي

واحيان تكون الاذن فيها طنين او خرفشه وتسمعينها حسبالج برى
وهي داخل الاذن

فهذي كلها اصواااات عاديه .. والله يحفظكم ان شاء الله من كل سوء
وباين عليج ماشاء الله محافظه على دينج فمستحيل يكون جن ضار

الجن الكافر يدخل البيوت الا كلها اغاني ولهو وقليل قرايه القران فيها

وربي يحفظكم ويستر عليكم

/
\

[qatari911]

صباح الخير عليكم أجمعين

مدري اشلون ابتدي الموضوع ، ماحاولت اقرأ في الموضوع حتى مايصيبني الوسواس لكن باقولكم اللي صاير يمكن احد عنده تفسير منطقي للي يصير

السالفة انه صار لي مدة يمكن ثلاث سنين تقريبا اسمع صوت بغرفتي وبأوقات مختلفة غير منتظمة ، صوت اقدر اشبهه بقطعة صفيح رقيقة جدا لما تضغط عليها تطلع صوت ( متخيلين الصوت ) مدري اشلون اوصفه بس كانه شي مضغوط وعقب يرد مكانه شوي شوي بصوت . مع العلم فوق غرفتي غرفة ولدي تمام ومافي اي وجود لاي شي ممكن يطلع هالصوت .
وصوت ثاني اسمعه دايما وبشكل غير منتظم صوت الاذان لدرجة اني افزز عيالي للصلاة ويكون اصلا ماأذن للحين .
الصوت الثالث اللي اسمعه وهالشي جديد صوت همس بالبيت الحق مصدر الصوت واركز عدل يختفي .

مدري شنو ممكن يكون تفسيره بس الأكيد انها مب تخاريف سن الاربعين لانه اسمعه بوضوح شديد وصوت الصفيح حتى زوجي يسمعه ومستغرب .

مناقشة هالموضوع معاكم بيريحني ويخفف عني انتظر مشاركاتكم

نفس الشي مع الوالدة واكثر شي الاذان تكسر الباب علينا علشان الصلاه وهو اصلن مو وقت صلاة
انا تقريبا سمعت مرتين اذان في وقت متأخر من اليل وماكان وقت صلاه
والله يعزكم لما ادخل الحمام اسمع صوت الوالدة ينادي اطلع منه لجهة الصوت احصل البيت فاضي او الوالدة نايمه وكذا مره اقولها تنادين بسمي تقول لا

مع ان الحمد الله متحصنين بالاذكار
والقران شغال في البيت وقت النوم ولما يكون البيت فاضي

[بعيد النظر]

مافيه الا كل خيير ان شاء الله ..
وما يخلى اي بيت من هـ الاصوات .. طقة او خرفشة !



بس سالفة الهمس هذي الله اعلم فيها ..

[qatarman8008]

هذي الاصوات عادية وتصير في كل بيت لايجب اعطائها اهتمام اكبر من حجمها..
الاسباب تكون مثل اللي ذكروا الاعضاء فوق اما بسبب تاثر بعض المعادن بالحرارة والبرودة ولاتنسون ان الجبس فيه فريم معدني ..
المهم لو كان فيه شك بوجود جن او ماشابه..
فعليكم بقراءة سورة البقرة في الفترة قبل صلاة المغرب..
ولكن يجب الانتباه لشيئ هنا..
القران لا يترك هذا في البيت لا بد من الاستماع له..
طبعا اذكار الصباح والمساء شيئ مهم جدا يغفل عنه كثير من الناس..
والله الحافظ..

[أم عزوزي]

عليكم بتشغيل سورة البقره
وتبخير البيت بالملح الخشن
او اللبان
ورش ماي مقري على زوايا البيت
وان شاء الله ماعليكم شر

[ضوى]

اخواني وخواتي

تعليقاتكم اسعدتني جدا ، والحمد لله انا اصلا مب موسوسة انه جن ، انا بس خاطري اعرف تفسير لهاالاصوات ، تعليق قطرمان اقرب شي للصوت اللي اسمعه صح ممكن الفريم المعدني يطلع هالصوت هذا احتمال كبير ، طيب والاذان والهمس ؟ للعلم انا اؤمن بوجود الجن اكيد بس ماجزم بوجودهم ببيتي . (وَقُلْ رَبِّ أَعُوذُ بِكَ مِنْ هَمَزَاتِ الشَّيَاطِينِ* وَأَعُوذُ بِكَ رَبِّ أَنْ يَحْضُرُونِ ) صدق الله العظيم

[الحاقول]

من 15 سنه كنت اسمع اصوات موسيقى عندما انام
عندما اقول لزوجتي انني اسمع اصوات موسيقى تقول انا لا اسمع هذا يتخيل لك
وبعدها اخذ السمع عندي يضعف في الاذن اليمنى بدرجه كبيره
وعندما ذهبت الى الدكتور قال اصوات الموسيقى التي تسمعها عندما تذهب للنوم
دليل وجود ماء في الاذن يتحرك عندما تنام وتسمع هذا الصوت الذي على شكل موسيقى
وعندما زاد الماء في الاذن ضعف السمع
ثم قال انت بحاجه الى استخراج الماء من الاذن وبعدها ترجع الاذن طبيعيه
والحمد الله تم سحب الماء من الاذن بجهاز خاص يحافظ على طبلة الاذن خلال السحب
وبعدها كانت الامور طبيعيه

[فيصل99]

اختي لايكاد يخلوا بيت من عمار من الجن
بيتنا وغرفتي خاصة اذا انا فالصاله اسمع صوت مشي على الرخام والليت يفتح ويشتغل وهلي شاهدين حتى الوالدة غير اصوات في المطبخ وغير الطيف الي يشوفونه هلي كانه خيال حد مر وهذول من عمار البيت اكيد لكن الواحد ياخذ الاسباب من المداومة على الصلاة و الأذكار الشرعية وتشغيل القرآن بشكل مستمر واخراج الصور والدمى من البيت ، والواحد يطنش مايوسوس ولايعطيهم اكبر من حجمهم لانه هم الي يخافون من البني ادم انا تعودت من كثر ماسمع ومطنش والأمور طيبه ولا صار شي .

لكن احتمال وارد بعد نفس ماقالوا الي قبلي من تفسيرات قد تكون صحيحه مع اني مب مقتنع اذا الاصوات بشكل مستمر، وطبقي النصايح الي فوق وكانه مافي شي .
احيانا العمار يكونون مسلمين صالحين يتأذون من هل البيت اذا كانوا على معاصي .
واحيانا يكونون غير مسلمين ويتاذون من هل البيت اذا كانوا صالحين وعلى خير والله يدفع اذاهم باتخاذ الأسباب الكفيله بمنع كيدهم

فلاتوسوسين ولاتعطين الموضوع اكبر من حجمه

[بانغ بانغ]

يا اخوان نعم في اصوات تطلع نتيجة اعراض خارجية مثل التمدد واحيانا نتيجة الحفريات برع

بس الاخت اتقولكم همس واضح يسمعونه واستغرب انكار الجن والارواح من البعض

انا كانت لي مشاركة عن تجربة شخصية في موضوع اختنا بصمة من كم شهر عن الجن في الاستراحة وما ودي اطرحها مرة ثانية

احد المواقف اني كنت احس وبيقين ان واحد يتنفس عندي وعلى ويهي ... سكرت المكيفات قلت يمكن المكيف ايهف في ويهيي . وكل ما اكون بروحي احس بالتنفس الغريب واروح الغرفة الثانية اقول يمكن الخدامة اتنافخ ومحد موجود

الحمدلله على كل حال وجبت مطاوعة مشايخ وقروا في البيت وقالوا لي بروحهم ان البيت مش مريح ( ذيك الفترة وعقب ارتاح الوضع الحمدلله )

واقسم بالله اني حتى يوم اصلي بروحي فوق في الغرفة واحيانا ظلام خرمس كنت احس انه في حد ايصلي وراي واحس بركوع وسجود شخص وطبعا هاي صلاة يعني لازم نحترم هالشي لو فعلا كان صحيح في حد منهم

هذا والله اعلم وليس بالضرورة انكون صج

[مافيا قطر]

:taunt:omenانا احيانا اسمع صوت امي يناديني اروح اقولها انتي صوتي علي تقول لا

سالت واحد قال مش وساس هاي


عليج بصوره البقره والمعوذات وخلى القران شغال على طول في البيت

واذا ما نفع عليج بالزار ودق طبول مع فحم مولع ومعاهم بخور وملح

[هداف]

:taunt:omenانا احيانا اسمع صوت امي يناديني اروح اقولها انتي صوتي علي تقول لا

سالت واحد قال مش وساس هاي


عليج بصوره البقره والمعوذات وخلى القران شغال على طول في البيت

واذا ما نفع عليج بالزار ودق طبول مع فحم مولع ومعاهم بخور وملح




تمزح انت ولا من جدك !! ,, وين السنن والنهج النبوي من سالفة الزار وطبول وطمبوره الخ

[هداف]

عوازل البيت تسوي اصوات معا البروده والدفوه ... صوت الاذان والهمس منها حالات نفسيه او مشاكل في السمع

[مافيا قطر]

omenجرب الزار وشوف النتيجه

حياك يقوم الخميس جلسه زار

[سالم الزهران]

يا اخوان نعم في اصوات تطلع نتيجة اعراض خارجية مثل التمدد واحيانا نتيجة الحفريات برع

بس الاخت اتقولكم همس واضح يسمعونه واستغرب انكار الجن والارواح من البعض

انا كانت لي مشاركة عن تجربة شخصية في موضوع اختنا بصمة من كم شهر عن الجن في الاستراحة وما ودي اطرحها مرة ثانية

احد المواقف اني كنت احس وبيقين ان واحد يتنفس عندي وعلى ويهي ... سكرت المكيفات قلت يمكن المكيف ايهف في ويهيي . وكل ما اكون بروحي احس بالتنفس الغريب واروح الغرفة الثانية اقول يمكن الخدامة اتنافخ ومحد موجود

الحمدلله على كل حال وجبت مطاوعة مشايخ وقروا في البيت وقالوا لي بروحهم ان البيت مش مريح ( ذيك الفترة وعقب ارتاح الوضع الحمدلله )

واقسم بالله اني حتى يوم اصلي بروحي فوق في الغرفة واحيانا ظلام خرمس كنت احس انه في حد ايصلي وراي واحس بركوع وسجود شخص وطبعا هاي صلاة يعني لازم نحترم هالشي لو فعلا كان صحيح في حد منهم

هذا والله اعلم وليس بالضرورة انكون صج

اخ بانغ , كنت مسترخي على الكنب ونعست ؟؟؟ او مغمض عيونك ؟

[راجي الْعفو]

omenجرب الزار وشوف النتيجه

حياك يقوم الخميس جلسه زار

وش زاره الله يهدااك

تبيه يعالج المشكله بشي محرم ؟!

القران و السنة مافي علاج انفع منهم لطرد مثل هالامور ان كانت موجودة

وابتعدوا عن هالجلسات بارك الله فيكم ..

[بانغ بانغ]

اخ بانغ , كنت مسترخي على الكنب ونعست ؟؟؟ او مغمض عيونك ؟

اشوف مباراة يعني fully charged يعني احساسي صحيح مية مية

[بانغ بانغ]

في مشايخ دين ينكرون تلبس الجن للانس ووجودهم وازعاجهم للناس

اعرف اساميهم وعايشين في الدوحة

[راجي الْعفو]

في مشايخ دين ينكرون تلبس الجن للانس ووجودهم وازعاجهم للناس

اعرف اساميهم وعايشين في الدوحة

اهل السنة متفقين ع هالشي
فاللي ينكر خله يراجع نفسه
لان اعتقاده هذا مخالف للنهج الصحيح

[ضوى]

شاكرة لكم جميعا استفدت جدا من مناقشتكم

خلوني اقول لكم شي ، بنتي تحب تسمع اغاني وطبعا الهيدفون في اذنها واحيانا تنام وتنساه باذنها ، لين مرة جاتني الفجر مفزوعة اشفيج اسم الله عليج شصاير واحاول اهدي فيها تقول يمه كان في احد عالسرير وتنفس في ويهي ، طبعا انتهزت هالفرصة وقلت لها ماتدرين شنو ذي ؟ قالت لا ، قلت لها هذي الياثوم وكان شوي وبيطبق على انفاسج لولا رحمة الله فيج ، خافت وتمت تسال لين وصلت معاها إلى ان الاغاني تعطيها هالاحساس المرعب ، ماقول قطعت الاغاني نهائيا بس عالاقل ماقامت تسمع بالليل وخففت وايد بعد نقول الحمد لله والله يهديها ويهدينا اجمعين

ارد واقولكم انا مش موسوسة ولله الحمد ، انا بس ابي اشوف في ناس مثلي يصيدها هالشي وكنت ابي تفسير .
اخوي هداف شنهو المقصود بالاسباب النفسية ؟
قد اتفق معاك في الاسباب السمعية بس اسباب نفسيه الحمد لله ماظن عندي شي يسبب لي هالحالة

والحمد لله مب فخر ولا منة الاذكار مداويمن عليها رقيه اليهال مداومين عليها ، البقرة شغالة بس نقراها من وقت لوقت مب دايما بس القراية نفسها مستمرة وبالذات بو العيال ماشاء الله عليه ، طبعا العيال الله يهديهم ويصلحهم لاهين بجوالاتهم غير حصص التحفيظ مايقرون

[بانغ بانغ]

اهل السنة متفقين ع هالشي
فاللي ينكر خله يراجع نفسه
لان اعتقاده هذا مخالف للنهج الصحيح

والله يا راجي .... احنا مؤمنين الحمدلله ونعرف كثير من هالاسرار وحضرنا جلسات مع مشايخ بس نسكت احسن لان البعض بيفكرنا انثير بلبلة

اخت ضوى / الله يطمنك واريح بالكم وما تشوفون وتسمعون الا اللي ايسركم

[سالم الزهران]

شف ابو فيصل ,,, يوم يكون الواحد معصّب حدّه أو طربان حدّه و بعد في وحده نسيتها .. يتغير أحساسة بالاشياء و يمكن مر عليكم حالات الغضب وتعرفون ان الاحساس يتغيّر

طالما انك كنت منشد مع المباراة و يمكن متحمس وانت ما تدري بتهيئ لك اشياء كثيرة و لو واجهت ظنونك وقمت لفيت البيت و بطلت الباب و دشيت المطبخ ما بتلاقي الا ( الرحمن الرحيم ) على قولة شيباننا

و يمكن ترجع تسمع اي طقة او همسه او شيء لف من وراك ولا فيه الا العافية .

أصدقائي الالكترونيين : والله منطقتنا جبال و فيها اماكن ما تخيلها . كل هالامور ( تعتبر مخاوف وكل ما تواجه شيء منها تجتازه ) ويصبح الوضع عندك له تفسير

حتى لو تميت تستوحش من الوحدة او من بعض الاماكن ... هاي شيء مقبول و الانسان اسمه انسان لانه يستوحش من الوحدة ...

( تعقيب بسيط على الزار : يوم يقول الاخو الزار و ما الزار ! هاي العملية يقنعك ان فيك شيء و يخليك تستنزل على وقع الطبول و الدفوف و تتأقلم مع الوضع و تقول لنفسك خلاص بح ) و قالو نفع معه الزار ؟؟

الزار خلاك تدخل تجربة و تحس نفسك انجنيت ومن عقب عقلت و نفسياً تكون خضت التجربة وطلعت و عطيتهم اللي فيه المقسوم .. )

* حاب اذكر نقطة قبل لا انسى ( النفسية التعبانة او عدم الرضى عن شيء معين اياً كان يعرض الانسان لأمور مثل اللي اذكروها الأخوان .. عودة الانشراح و البهجة تخليك ما تحس بشيء يا مال العافية )

[ضوى]

تمزح انت ولا من جدك !! ,, وين السنن والنهج النبوي من سالفة الزار وطبول وطمبوره الخ

الاخ يمزح اكيد

[بانغ بانغ]

شف ابو فيصل ,,, يوم يكون الواحد معصّب حدّه أو طربان حدّه و بعد في وحده نسيتها .. يتغير أحساسة بالاشياء و يمكن مر عليكم حالات الغضب وتعرفون ان الاحساس يتغيّر

طالما انك كنت منشد مع المباراة و يمكن متحمس وانت ما تدري بتهيئ لك اشياء كثيرة و لو واجهت ظنونك وقمت لفيت البيت و بطلت الباب و دشيت المطبخ ما بتلاقي الا ( الرحمن الرحيم ) على قولة شيباننا

و يمكن ترجع تسمع اي طقة او همسه او شيء لف من وراك ولا فيه الا العافية .

أصدقائي الالكترونيين : والله منطقتنا جبال و فيها اماكن ما تخيلها . كل هالامور ( تعتبر مخاوف وكل ما تواجه شيء منها تجتازه ) ويصبح الوضع عندك له تفسير

حتى لو تميت تستوحش من الوحدة او من بعض الاماكن ... هاي شيء مقبول و الانسان اسمه انسان لانه يستوحش من الوحدة ...

( تعقيب بسيط على الزار : يوم يقول الاخو الزار و ما الزار ! هاي العملية يقنعك ان فيك شيء و يخليك تستنزل على وقع الطبول و الدفوف و تتأقلم مع الوضع و تقول لنفسك خلاص بح ) و قالو نفع معه الزار ؟؟

الزار خلاك تدخل تجربة و تحس نفسك انجنيت ومن عقب عقلت و نفسياً تكون خضت التجربة وطلعت و عطيتهم اللي فيه المقسوم .. )

* حاب اذكر نقطة قبل لا انسى ( النفسية التعبانة او عدم الرضى عن شيء معين اياً كان يعرض الانسان لأمور مثل اللي اذكروها الأخوان .. عودة الانشراح و البهجة تخليك ما تحس بشيء يا مال العافية )


اخوي سالم صدقني ما راح استرسل عشان البعض ما يفكرني استغليت موضوع الاخت

ان بغيت تتأكد اتشرف اقولك

[ضوى]

اخوي بانغ الموضوع موضوعك مافي اي حقوق ملكية للموضوع

[هداف]

الاخت ضوى ,, في مرض نفسي بعيد عنج الشر اسمه هلوسه سمعيه لها درجات
ومسببات ,, منها الاجهاد الزايد الاكتئاب الحزن الشديد السهر الشديد

فيبدا يهلوس الانسان سمعيا وفكريا وتزول هذه الاعراض بزوال السبب لوكان شي عارض وليس مستمر ومزمن

[ضوى]

الاخت ضوى ,, في مرض نفسي بعيد عنج الشر اسمه هلوسه سمعيه لها درجات
ومسببات ,, منها الاجهاد الزايد الاكتئاب الحزن الشديد السهر الشديد

فيبدا يهلوس الانسان سمعيا وفكريا وتزول هي الاعراض بزوال السبب لوكان شي عارض وليس مستمر ومزمن

اتفق معاك بهالجزئية ، صح ممكن تكون هلوسة خاصة هالهمس بديت اسمعه مؤخرا وانا اعاني من اجهاد شديد

[يمامـة]

هل انت الوحيدة اللي تسمعين هالاصوات .. ولا في حد يشاركج في سماعها؟

اذا كنت انت بروحج اللي تسمعينها...............> فابحثي عن الخلل فيج..

واذا كانوا هناك غيرج بعد يسمعها.. الجن يعيشون حولنا وممكن نشوفهم او يصدرون أصوات.. قد يكون
همس او تحرك باشكال ساكني البيت..

اما الأصوات الأخرى.. التغييرات الفيزيائية للمواد قد تكون هي الأسباب..

لاني مرات كثيرة اسمع طرقعة او سحب او طقة ومحد حولي نهائيا..

[مستـريــح البـــال]

الصوت الثالث اللي اسمعه وهالشي جديد صوت همس بالبيت الحق مصدر الصوت واركز عدل يختفي .



مرات نقص بعض الفيتامينات او المعادن في الجسم تسبب حالات وشعور للشخص

كطنين الاذن، اكتئاب ، ولربما تخيل ..

وانا لا اختلف مع الاخ بانغ بانغ فيما ذكر ..

[ضوى]

هل انت الوحيدة اللي تسمعين هالاصوات .. ولا في حد يشاركج في سماعها؟

اذا كنت انت بروحج اللي تسمعينها...............> فابحثي عن الخلل فيج..

واذا كانوا هناك غيرج بعد يسمعها.. الجن يعيشون حولنا وممكن نشوفهم او يصدرون أصوات.. قد يكون
همس او تحرك باشكال ساكني البيت..

اما الأصوات الأخرى.. التغييرات الفيزيائية للمواد قد تكون هي الأسباب..

لاني مرات كثيرة اسمع طرقعة او سحب او طقة ومحد حولي نهائيا..


صوت الصفيح والاذان انا وريلي بس هو بشكل خفيف الهمس محد يسمعه غيري

[ضوى]

مرات نقص بعض الفيتامينات او المعادن في الجسم تسبب حالات وشعور للشخص

كطنين الاذن، اكتئاب ، ولربما تخيل ..

وانا لا اختلف مع الاخ بانغ بانغ فيما ذكر ..

احتمال بس ولله الحمد لا اعاني من اي نقص في الفيتامينات اوالمعادن

[سالم الزهران]

اخوي سالم صدقني ما راح استرسل عشان البعض ما يفكرني استغليت موضوع الاخت

ان بغيت تتأكد اتشرف اقولك

( إِنْ كُلُّ مَنْ فِي السَّمَاوَاتِ وَالْأَرْضِ إِلَّا آَتِي الرَّحْمَنِ عَبْدًا ) سورة مريم

هاي الآية تدبروها يا اخوان و اتكلوا على الله و جوبوا البر و البحر و انتم مفتخرين بها العبودية التي تخلي الله يحفظك من كل سوء و لا شيء يتسلط عليك لو انت في عرين الأسد .
يبدوا لكم الكلام مثالي شوي او يمكن في الواقع يتراقف الواحد و ينسى لكن بالعكس في الواقع يثبت الله الذين امنو .
نتذكر ان الله لطيف بعباده . قو اهيد بس

[شموخ دائم]

,

.


مرحبا


شكرا على الموضوع الحساس

انا تعليقي على صوت ( الاذان ) وصوت ( الام ) وصوت ( الاب ) او صوت الابن او صوت الاخ او الاخت او صوت الزوج او الزوجه

هذي الاصوات نسمعها بين فتره وفتره بشكل غريب ونتخيل ان هم ينادون او الاذان يرفع
لان احنا مهتمين فيها جدا ومتعلقين فيها وتتردد كل يوم علينا داخل البيت مرات كثيره
ومع مرور السنوات يصبح الفه وتحفظ داخلنا بشكل عفوي حفظ عميق

لذلك يعلق هذا الصوت بالنفس والسمع ويرجع لنا بين فتره وفتره على ( شكل صدى ) من العقل الباطن

وتزيد هذي الحاله جدا جدا
عند فقد احد الاشخاص ( وفاه ) لاقدر الله

نسمع صوته احيانا
ونحس بطيفه
وخياله
او احد العادات الي يسويها بشكل يومي
مثل مكان الصلاه
مكان الاكل
وقت دخوله من الباب
وقت ما يصحى من النوم
كلمه يرددها دائما
صوت المسبحه او صوت المفتاح
او صوت انفاسه
احيانا حتى ريحه العطر

هذا امور نفسيه وصدى من العقل الباطن يرجعها
في حاله تاثرنا فيه او الشوق له

لان الاذن ( تطلبها ) ومتعوده عليها ومهتمه فيها

وفاقدتها

احيانا ( تجي قبل موعدها ) مثل صوت الاذان



,

,

[الماريّة]

بسم الله اللهم سكنهم مساكنهم

انا اخاف منهم ومن طرياهم الينانوه:secret: طبعا مع اني ولله الحمد مابعد شفتهم ولاحسيت بهم
بس ماداني حد يسولف منهم اخاااااف هاي وشو يعني مع اني ملازمه مصحفي و وردي اليومي

[العنيده]

جاتني فتره والحمدلله عديتها كنت اسمع صوت همس , واسمع حد ينادي اسمي المشكله اللي حولي ينتبهون اني التفت :)
بس الله يجزاها خير وحده قالت لي خلي ذكر الله دوم على لسانج والحمدلله فتره وعدت ..
احس احيانا يكون حديث النفس ماعرف شلون ممكن اشرح :rolleyes2:

القران و الاستغفار والاذكار افضل شي .. ولاتحاتين

[معماري قطري]

في وقت الفجر توصل البرودة حدها والحرارة تزيد وقت الظهر .. وبعض المواد خصوصا المعدنية تتاثر اكثر من غيرها ونسمع لها طرقعة


اكثر الأشياء اللي تنتج الصوت الثلاجات وبعدها مراوح شفط الدخان مع التغطية المعدنية فوقها

تخيل صوت الاذان له أسباب ثانية وأوقات يكون نتيجة لتتبع هذي الأصوات .. عندنا احنا القبة فتحاتها بلاستيك تسوي طقة قوية والثلاجات في المطبخ الداخلي المفتوح واللي حتى الصالتين مفتوحين على بعض ويوصل الصوت فوق خصوصا وقت الهدوء يكون الصوت محسوس اكثر

[السكين]

بالنسبة للأصوات والله مرت فترة كانت شاغلتني وأقصد صوت ييجي وقت ما أنام مثل أصوات الأثاث والأجهزة الخزانة الثلاجة الطاولة ..إلخ ..بس حللتها بنفسي ..أنا أكون مشغول بالتلفزيون أو الموبايل أو بالكلام فلما أنام يبدأ الهدوء واسمع الشيء اللي كان موجود بس وقت الضوضاء ما كنت أسمعه وعرفت انها امور طبيعية وصرت حتى ما اتلفت لو اسمع صوت غير معتاد .

بقية الأمور أتركها لذوي الإختصاص والعلم أنا ما أفقه شي فيها ولا أفتي.

[عاشق العديد]

عادي مافي مشاكل ..


لاتفكرين فالموضوع وبيروح ..

لكن كثرت التفكير فيه تزيده ..

كانت فالسابق تحصل معاي لما كنت خواف ..

وصارت اعمق لدرجه ملموسه .. لكن اطردي الخوف والامور طيبه ..

[عاشق العديد]

بسم الله اللهم سكنهم مساكنهم

انا اخاف منهم ومن طرياهم الينانوه:secret: طبعا مع اني ولله الحمد مابعد شفتهم ولاحسيت بهم
بس ماداني حد يسولف منهم اخاااااف هاي وشو يعني مع اني ملازمه مصحفي و وردي اليومي

تخيلي تنامين حد يسحب الفراشش ؟؟
انهو الجن انتبهي ؟؟

[الماريّة]

تخيلي تنامين حد يسحب الفراشش ؟؟
انهو الجن انتبهي ؟؟
اللهم سكنهم مساكنهم
بروحي خايفه وانت تزيد علي شكلي الليله برقد بين عيالي :rolleyes2:

[توشيبا]

مدام تسمعين صوت الاذان قولي الحمدالله لي ان اذونج ونفسج متعلقه بالاذان

[monatee]

دام مافي اذيه طنشي

كلنا نسمع اصوات .. اللي عندي صاروا يبدلون قنوات التلفزيون
ويقعدوني حق الدوام اذا سكرت المنبه وراحت علي نومه :)

[هارون الرشيد]

انا عن نفسي لو اسمع صوت في الغرفة ولا اي شيء غريب ماخاف بالعكس أقوله غرد لين الصبح ههههههه

عندي قوة أيمان عظيمة بالله ( ولله الحمد ) ولا اخاف من أنس ولا جن

[قطر خضراء]

التهيئات (الهلوسات) السمعية حالة عادية منتشرة عالميا وتصل في بعض المجتمعات إلى نسب عالية وفي مجتمعات أخرى منخفضة ونسبتها تتراوح بين 3 و 5%
وهي نتيجة إما لضغط نفسي وإرهاق جسدي أو خلل فزيولوجي إما في الهرمونات أو الخلايا العصبية
والأخيرة عادة أسبابها الأغلب عادات غذائية سيئة

والمسألة بسيطة جدا وتصريحك التلقائي بها دليل حاسم وقاطع على سلامة جهازك النفسي والعقلي

عموما ابتعدي عن المنبهات وكذلك المسكنات بقدر الاستطاعة والوجبات السريعة خاصة السندويتشات والشيبس والسكريات خاصة البيبسي والآسكريم
اشربي ملعقتين زيت زيتون مساء كل يوم لفوائده الجمة على الغدد الصماء وضبط الهرمونات والدماغ
واكثري من أكل جميع أنواع الخضر والليمون وأيضا الفواكه خاصة الرمان
واحرصي على عدم السهر وابتعدي عن الاجهاد في العمل وكل مايسبب لك شدا للأعصاب
وقللي من أكل اللحوم إلى أقصى حد واكثري من شرب الماء
كذلك تفحصي الأواني التي تطبخين فيها الأكل وأي آنية تجدين فيها أدنى خدش فتخلصي منها فورا لأنها تسرب معادن ثقيلة للأكل فتسبب خللا جسيما في العملية الأيضية للجسم

أخيرا تخلصي من الصور في البيت وامنعي المعازف وواظبي على قراءة الأوردة والقرآن وسماعه فَاللَّهُ خَيْرٌ حَافِظًا وَهُوَ أَرْحَمُ الرَّاحِمِينَ

[رجل تعليم]

الله يحفظك وبيتك وعيالك أختي ضوى

[العقل المدمر]

,

.


مرحبا


شكرا على الموضوع الحساس

انا تعليقي على صوت ( الاذان ) وصوت ( الام ) وصوت ( الاب ) او صوت الابن او صوت الاخ او الاخت او صوت الزوج او الزوجه

هذي الاصوات نسمعها بين فتره وفتره بشكل غريب ونتخيل ان هم ينادون او الاذان يرفع
لان احنا مهتمين فيها جدا ومتعلقين فيها وتتردد كل يوم علينا داخل البيت مرات كثيره
ومع مرور السنوات يصبح الفه وتحفظ داخلنا بشكل عفوي حفظ عميق

لذلك يعلق هذا الصوت بالنفس والسمع ويرجع لنا بين فتره وفتره على ( شكل صدى ) من العقل الباطن

وتزيد هذي الحاله جدا جدا
عند فقد احد الاشخاص ( وفاه ) لاقدر الله

نسمع صوته احيانا
ونحس بطيفه
وخياله
او احد العادات الي يسويها بشكل يومي
مثل مكان الصلاه
مكان الاكل
وقت دخوله من الباب
وقت ما يصحى من النوم
كلمه يرددها دائما
صوت المسبحه او صوت المفتاح
او صوت انفاسه
احيانا حتى ريحه العطر

هذا امور نفسيه وصدى من العقل الباطن يرجعها
في حاله تاثرنا فيه او الشوق له

لان الاذن ( تطلبها ) ومتعوده عليها ومهتمه فيها

وفاقدتها

احيانا ( تجي قبل موعدها ) مثل صوت الاذان



,

,

هاي تفسيري بعد
موضوع طبيعي ويصير عند الاجهاد والتعب
الواحد يسمع او يشوف شي متاثر فيه
فكونج تسمعين الاذان فهاي دليل حرصج على الصلاة فوقتها
وانا متاكدة لو كنتي مصحصحة وركزتي الصوت بيختفي علطول

تذكرت لما كنت اشوف ليت البلاك بيري وانا مسكرة الجوال اصلا :(

[Charisma]

اتوقع لا يخلا بيت من الاصوات، ودائما افسرها بانها تمدد بسبب الحرارة وانكماش بسبب برودة الجو او المكيف، كالجبس، او تمديدات الماي او الكهربا ..

لا القي لها الكثير من البال، دام الموضوع ما وصل لدرجة المضايقة..

وفي نفس الوقت ودائما مشغلين سورة البقرة..

وفي صوت بعد ينسمع، طقه في الكباته او درج التسريحه ..

*

*

بس ما قلتي لنا انتي شنو توقعاتج أو تفسيرج لها ؟ :)

رد سليم ، أسمع بعض الأصوات أحيانا .. وبدون أي تردد ألبس قبعة العم وحيد وابدأ البحث والأستكشاف .. حتى يتبين لي ان المصدر هو ماذكرته في مشاركتك .omen

[بومحمد المطاوعه]

القرأن الكريم
وخصيصآ سورة البقره

الحل الوحيد للراحه

حزات ادخل بيت امي ومحد فالبيت هلي كلهم مسافرين
اقول السلام عليكم اسمع رد للسلام
ولا اخاف ولا احاتي
لأن امي الله يحفظها دايمآ تشغل سورة البقرة ولله الحمد

[راعي الكورفت]

قبل ماتنامين !

شغلي القرآن سورة البقره بصوت هادي للشيخ عبدالباسط عبدالصمد رحمه الله ومشكلتك انشاءالله بتنحل.


ولو ماراح الصوت !!


شوفي شيخ يقرأ داخل الغرفه.


ولو ماراح الصوت!!




بيعوا البيت :cry2:

[الحياة الخالدة]

موضوعج يخرع
ما قريت غير أول سطرين
الله يحفظ الجميع

[بصمة قطرية]

تصير معاي وايد
أسمع صوت الأذان و لا صوت حد من العيال يناديني ..
دوم أسمع يمه
الحين الكاسكو يناديني يمه
فصار الوضع عادي ..
في البيت القديم العيال و الخدامات دوم يقولون
يشوفون حد يركب على الدرج يروح فوق
و يكون لابس ثوب ..
و صوت الكعب على الدرج دايماً الصبح ..
تفسيري إنهم اللي يسمونهم ( سكان البيت )
و موجودين في كل بيت ..

[نفسي عزيزه]

اوهووووو شمنزلين انا بروحي وين أروح الحين مافي الا ارقد ف بدي الهولكس :weeping:

[JN000N]

اوهووووو شمنزلين انا بروحي وين أروح الحين مافي الا ارقد ف بدي الهولكس :weeping:

الله واكبر
يعني احين انت تخاف
انت بروحك يخافون منك يالعيار

[بانغ بانغ]

انا احيانا انصح بعض اللي يبنون

لا تتركون بيوتكم مفتوحة حطوا باب حديد او ناطور ايسجل رقم كل من يدخل بيوت بدون اذن تحت التنفيذ

في بعضهم مالهم دين ولا ملة يزرعون عمل او يدفنون شي داخل البيت

سمعت من مشايخ سوالف كثيرة بهالخصوص

كنت اعرف واحد امسوين له عمل وما خلى شيخ ما راح له والله يشفيه

كان ايقول اسمع اصوات واحس بشي يمشي على جسمه ومحد ايصدقه لين خذناه عن مشايخ في السعودية والامارات وقطر .... لين اكتشفوا انه مسحور بعمل في بطن سمكة في البحر . عاد تعال فكك ووين اتحصلها

الله يلعنهم لا رحمة ولا ملة

والله يحفظ الجميع

فمب شرط الصوت يعني بيبات او تشينكو او جبس يتكسر .... احنا ما ننكر الظواهر الطبيعية لكن ايضا ما ننكر الجانب الاخر من هالعالم

نفسي عزيزة شوف فيلم the exorcist 1 تراه فيلم كوميدي عجيب لا يفوتك

[الماريّة]

الحين وين ارقد توني بحط راسي على المخده
مادري شلي خلاني ادش هني واقرا بعض ردودكم الي تخرع:rolleyes2:

[المحاميه]

بسم الله
ماقدر اكمل الموضوع

مب ناقصه اتخرع :weeping:

[المحاميه]

الحين وين ارقد توني بحط راسي على المخده
مادري شلي خلاني ادش هني واقرا بعض ردودكم الي تخرع:rolleyes2:

نفسي

قريت كمن رد وشليت عليه

:secret:

طيرتوا النوم

[بومحمد المطاوعه]

ههههه
اشدعوه المحاميه والماريه

جذي تخافون خخخخ

يبيلكم تاخذون لفه ف فويرط وتكشتون ههههه

[بومحمد المطاوعه]

تصير معاي وايد
أسمع صوت الأذان و لا صوت حد من العيال يناديني ..
دوم أسمع يمه
الحين الكاسكو يناديني يمه
فصار الوضع عادي ..
في البيت القديم العيال و الخدامات دوم يقولون
يشوفون حد يركب على الدرج يروح فوق
و يكون لابس ثوب ..
و صوت الكعب على الدرج دايماً الصبح ..
تفسيري إنهم اللي يسمونهم ( سكان البيت )
و موجودين في كل بيت ..

صدقتي
في جن مسلمين وفي جن كفار
وفي منهم البلشتي وفي منهم الخلوق والطيب الي في حاله

حالهم نفس حال البشر ولكن هم جن ومن النار

يعني عادي بتحصلين الي يأذي وبتحصلين الي اي حاله

حزات عيالي يشوفون حد يركب الدرج فالبيت
اقولهم لاتخافون هذيله ناس مايسوون شي لكم
بس لو شفتو قولو بأسم الله
وحزات اسمع يهال يصيحون او صوت واحد يركض على الدرج
ولكن ولا عمرهم اذوني بشي

مره ف بيت امي ردو علي السلام ههههه
والوضع عادي من صجج

[white bird]

:eek3:

..

[بانغ بانغ]

صدقتي
في جن مسلمين وفي جن كفار
وفي منهم البلشتي وفي منهم الخلوق والطيب الي في حاله

حالهم نفس حال البشر ولكن هم جن ومن النار

يعني عادي بتحصلين الي يأذي وبتحصلين الي اي حاله

حزات عيالي يشوفون حد يركب الدرج فالبيت
اقولهم لاتخافون هذيله ناس مايسوون شي لكم
بس لو شفتو قولو بأسم الله
وحزات اسمع يهال يصيحون او صوت واحد يركض على الدرج
ولكن ولا عمرهم اذوني بشي

مره ف بيت امي ردو علي السلام ههههه
والوضع عادي من صجج

امضبط معهم بو محمد ههههه

[JN000N]

احين من صجكم اتجوفون الموضوع يخرع ؟ :rolleyes2:
امانه صج

[بوخالد911]

س
هل جبتوا أحد المشايخ وقرى في البيت؟؟؟؟

[الماريّة]

احين من صجكم اتجوفون الموضوع يخرع ؟ :rolleyes2:
امانه صج

جنون انا عني ماحب سوالف ذيلا الي ماينطرون

يختي يجيني قشعريره. ههههههه والله صدق

بس موضوع ضوى مافيه شي يخرع لان الي هي تسمعه اكيد انه
اصوات عاديه مب انه عندهم سكاوونه لا بسم الله عليهم

بس انا عني صدق ماحب طرياهم يمكن من كثر روحاتي للبر قمت اخاف:secret:

[JN000N]

جنون انا عني ماحب سوالف ذيلا الي ماينطرون

يختي يجيني قشعريره. ههههههه والله صدق

بس موضوع ضوى مافيه شي يخرع لان الي هي تسمعه اكيد انه
اصوات عاديه مب انه عندهم سكاوونه لا بسم الله عليهم

بس انا عني صدق ماحب طرياهم يمكن من كثر روحاتي للبر قمت اخاف:secret:

المفروض دامج اكثر شي ف البر يكون الموضوع سهالات عندج حتى ينانوه :secret: :tease:
مادري احس حتى لو صج ينانوه مابيخرع لو كانو مسلمين
لكن لو مرده وشياطين اي كلنا بنتصرفع هههههه

[R 7 A L]

اعتقد للبرودة والحرارة دخل في الاصوات

[الشفق الحالم]

اختي احنا عندنا نفس الصوت عادي هذي من البايبات مالت الحمامات الله يعزج يكون فيها هوا ولما تبطلي الماي او الديمنه لما تشتغل تطلع هالصوت عادي وباقي الاصوات لاتركزي معاها لانها كلها اصوات من البيت ، مره شفت برنامج بناشونال جيوجرافك مسويين بحث عن البيوت اللي فيها اصوات عبالهم اشباح وبالاخير طلعت السالفه كلها من البيت نفسه التركيبات ، الخشب، الحديد وسبحان الله علم الفيزيا يشرحلج كلهذا اشلون الاصوات تطلع

[بومحمد المطاوعه]

امضبط معهم بو محمد ههههه

ههههههههه شرايك
ربعي
يونسوني حزات لو محد فالبيت
احذف مطاره الماي من فوق بالعماله
ههههههه
بس اقول بأسم الله قبلها علشان مايجيني كف :nice:

[بومحمد المطاوعه]

اعتقد للبرودة والحرارة دخل في الاصوات

صدقت
حزات تسمع اشياء تتطرقع

هذي عاديه لان في اشياء تنكمش في البرد واشياء تتمطط فالحر

هذي طبيعي

[ضوى]

ماشاء عليكم اخواني وخواتي ماقصرتوا كفيتو ووفيتوا ، تفسيراتكم منطقية ومقنعة ، واذا كانوا من اهل البيت الله يكافينا شرهم واذا كانت اصوات عادية الله المستعان ، واذا كانت تهيؤات الله يثبت علينا العقل والدين والحمد لله من قبل ومن بعد

[المحاميه]

احين من صجكم اتجوفون الموضوع يخرع ؟ :rolleyes2:
امانه صج


ايه والله
مايخرعج يعني؟

تخيلي تقعدين مره بروحج فليل؟
وتذكرين كلام الاعضاء؟؟
قمة الرعب

انا قاطعت افلام الرعب لانها بايخه وتخرع
مابي اتخيل شي وانا قاعده بروحي

واي حد يتكلم ف سوالف ال....
اقوم عنه

ليش نخرع نفسنا؟ شالحكمه؟

[المحاميه]

انا ارجح اللي قالوا اصوات عاديه بفعل عوامل الطبيعه
لاني دوم لما اسمع اصوات اقول عادي وافسرها جذي


تذكرت
عيد الفطر اللي طاف
كنت قاعده مع هلي نسولف ومشغلين التلفزيون
تخيلوا فجاه صكر (سكر) من نفسه ههههه
ابوي استغرب يقول من بند التلفزيون
انا واختي نضحك نقول بروحه
استغربنا كلنا ان جذي صكر (سكر) بروحه :tease:

[بومحمد المطاوعه]

ايه والله
مايخرعج يعني؟

تخيلي تقعدين مره بروحج فليل؟
وتذكرين كلام الاعضاء؟؟
قمة الرعب

انا قاطعت افلام الرعب لانها بايخه وتخرع
مابي اتخيل شي وانا قاعده بروحي

واي حد يتكلم ف سوالف ال....
اقوم عنه

ليش نخرع نفسنا؟ شالحكمه؟

خلي ايمانج بالله قوي
ولاتخافين
اصلن الجن خوافين مايقدر يشيل فاين لو ماتلبس في اشي

بس قولي بأسم الله الرحمن الرحيم وشوفيه شيسوي
اما بتقعدين تخافين
بيرقصون جدامج وبيبهدلونج وبيلعوزونج

عليج بالأذكار الصباح والمساء واذكار النوم
بتكونين محصنه باذن الله ومب كفو يصيدج شي

لأن الحين جنبج ويقرا الكلام
ويمكن قاعد ف شنطتج بعد
ههههههههههه

[المحاميه]

الحمدلله ايماني بالله قوي
واتعوذ من الشيطان

عادي انا ماخاف بشكل عام
والحمدلله ماقد شفت شي

لكن اذا قريت او سمعت سوالف من هالقبيل يتم الكلام ف بالي واخاف اذا كنت بروحي وتبدا التهيؤات عاد تشتغل

[بومحمد المطاوعه]

الحمدلله ايماني بالله قوي
واتعوذ من الشيطان

عادي انا ماخاف بشكل عام
والحمدلله ماقد شفت شي

لكن اذا قريت او سمعت سوالف من هالقبيل يتم الكلام ف بالي واخاف اذا كنت بروحي وتبدا التهيؤات عاد تشتغل

لا عادي بالعكس لاتفتكرين
سمعي قصص وشوفي رعب ولاتخافين

لاتعطين الأمر اكبر من حجمه من صجج
ترى ماراح يصير لج شي الا مكتوب من الله
يعني تطمني

ولو تبين قصص عن الجن قولي :tease:

[JN000N]

ايه والله
مايخرعج يعني؟

تخيلي تقعدين مره بروحج فليل؟
وتذكرين كلام الاعضاء؟؟
قمة الرعب

انا قاطعت افلام الرعب لانها بايخه وتخرع
مابي اتخيل شي وانا قاعده بروحي

واي حد يتكلم ف سوالف ال....
اقوم عنه

ليش نخرع نفسنا؟ شالحكمه؟

افلام رعب ماحب اجوف الا ف النهار وحد معاي ومب ي فلم
بس سوالف ينانوه
يعني ليش اخاف وهم وسطنا عايشين معانا وين مانروح
عشان بس مانجوفهم
وقلت الينانوه المسلمين ماخاف منهم لانهم يخافون الله
هذول الشياطين والكفار الي ينخاف منهم
ياما قعدت بروحي وسمعت اصوات او احس بحركه اشغل اليوتيوب على سورة البقره وارقد

[زايدي]

البيت بين الشتاء والصيف يكون له تمدد وانكماش فربما يكون هذا السبب ،، والأسباب كثيرة
فلتكن آخرها أن البيت مسكون .
وسواء مسكون أو غيره فليكن تشغيل القرآن دائماً

[بوخالد911]

حتى كروزري القديم
في اكس ار
بعد ما أخلص مشاويري وأبنده كنت أسمع أصوات منه.
مثل التطرقع.

[نفسي عزيزه]

الله واكبر
يعني احين انت تخاف
انت بروحك يخافون منك يالعيار

هههههههههههههههههههههههههههههههههههههههههههههههههه هههه

محد يعرفلي الا انتي

[نفسي عزيزه]

قريت ردودكم تخيلت بلاليط حار منجوب مع بيض اه بس روحو عني

فمان الله :weeping:

[ابن الجزيرة]

انا احيانا انصح بعض اللي يبنون

لا تتركون بيوتكم مفتوحة حطوا باب حديد او ناطور ايسجل رقم كل من يدخل بيوت بدون اذن تحت التنفيذ

في بعضهم مالهم دين ولا ملة يزرعون عمل او يدفنون شي داخل البيت

سمعت من مشايخ سوالف كثيرة بهالخصوص

كنت اعرف واحد امسوين له عمل وما خلى شيخ ما راح له والله يشفيه

كان ايقول اسمع اصوات واحس بشي يمشي على جسمه ومحد ايصدقه لين خذناه عن مشايخ في السعودية والامارات وقطر .... لين اكتشفوا انه مسحور بعمل في بطن سمكة في البحر . عاد تعال فكك ووين اتحصلها

الله يلعنهم لا رحمة ولا ملة

والله يحفظ الجميع

فمب شرط الصوت يعني بيبات او تشينكو او جبس يتكسر .... احنا ما ننكر الظواهر الطبيعية لكن ايضا ما ننكر الجانب الاخر من هالعالم

نفسي عزيزة شوف فيلم the exorcist 1 تراه فيلم كوميدي عجيب لا يفوتك



كيف اكتشف المشايخ ان العمل في بطن سمكة في البحر؟؟

[بانغ بانغ]

كيف اكتشف المشايخ ان العمل في بطن سمكة في البحر؟؟

صباحك ورد يخوي

الله يسلمك الخبيث يوم كان يتكلم على لسانه امام الشيخ قال هالكلام بس طبعا مب اكيد لان العفاريت تكذب خوفا من الساحر فيجوز كان يكذب .

[شاهة]

صباح الخير عليكم أجمعين

مدري اشلون ابتدي الموضوع ، ماحاولت اقرأ في الموضوع حتى مايصيبني الوسواس لكن باقولكم اللي صاير يمكن احد عنده تفسير منطقي للي يصير

السالفة انه صار لي مدة يمكن ثلاث سنين تقريبا اسمع صوت بغرفتي وبأوقات مختلفة غير منتظمة ، صوت اقدر اشبهه بقطعة صفيح رقيقة جدا لما تضغط عليها تطلع صوت ( متخيلين الصوت ) مدري اشلون اوصفه بس كانه شي مضغوط وعقب يرد مكانه شوي شوي بصوت . مع العلم فوق غرفتي غرفة ولدي تمام ومافي اي وجود لاي شي ممكن يطلع هالصوت .
وصوت ثاني اسمعه دايما وبشكل غير منتظم صوت الاذان لدرجة اني افزز عيالي للصلاة ويكون اصلا ماأذن للحين .
الصوت الثالث اللي اسمعه وهالشي جديد صوت همس بالبيت الحق مصدر الصوت واركز عدل يختفي .

مدري شنو ممكن يكون تفسيره بس الأكيد انها مب تخاريف سن الاربعين لانه اسمعه بوضوح شديد وصوت الصفيح حتى زوجي يسمعه ومستغرب .

مناقشة هالموضوع معاكم بيريحني ويخفف عني انتظر مشاركاتكم

ضوى روحي

أقول التفسير عام وإلا خاص وإلا اتصل وحشتيني

[الحياة الخالدة]

ضوى روحي

أقول التفسير عام وإلا خاص وإلا اتصل وحشتيني

معليش بدش عرض
حياج الله أختي شاهة .. منورة

[الحريف]

98423

[ضوى]

ضوى روحي

أقول التفسير عام وإلا خاص وإلا اتصل وحشتيني

هلا هلا بالغاليه وحشتيني اكثر

خليه عام واتصلي ��

[بريق الحق]

ادعي الله ان يطلعهم من سو جن مسلم او كفار والله راح يكفيج شرهم

[بنت شرق]

يوم قريت الموضوع ابتديت اسمع اصوات ، فاستعذت بالله من الشيطان الرجيم

[رُفق المجنّا]

الموضوع عادي ولا تفتحين ع نفسش باب الوساوس ولكن اللي مستغرب منه تشغيل القران وهو الأصح قراءة القران وأما تخاريف رش الماي والملح فلا تأخذين بها

[ضوى]

اخواني وخواتي

الامر مهو وسواس كثر ماهو استفسار فقط ، الله يأمننا في بيوتنا يارب من شر الجن والانس

[الزعفراني]

يمكن صوت الضمير :)

[ضوى]

يمكن صوت الضمير :)

تعتقد ؟