إنَّا لله وإنا اليه راجعون

[الوسيط العقاري]

توفيت ريم سيف حميد الكلباني 18 عاماً
الله يرحمها ويغفر لها
#وفيات_قطر

توفيت نورة خليل ابراهيم علي الهيدوس 18 عاماً
الله يرحمها ويغفر لها

#وفيات_قطر

أثر غرقهما في مسبح سكن الطالبات بجامعة قطر ..

[بانغ بانغ]

لا حول ولا قوة الا بالله

[يمامـة]

لا حول ولا قوة الا بالله

الله يرحمهم ويصبر اهاليهم..

[حمد بن سعد]

لا حول ولا قوة الا بالله

انا لله وانا اليه راجعون

الله يرحمهم ان شاء الله ويصبر اهلهم

[@north_star@]

لا حول ولا قوة الا بالله وانا لله وانا اليه لراجعون .... الله يرحمهم ويصبر ذويهم

[شبح الصمت]

لا حول ولا قوة الا بالله

الله يرحمهم ويتجاوز عنهم ويثبتهم عند السؤال

والله يتقبلهم شهيدات

[ضوى]

الله يرحمهم ويغفر لهم ويعفي عنهم ويهون عليهم السؤال

[الحياة الخالدة]

إنا لله وإنا إليه راجعون
الله يرحمهم ويغفر لهم ويسكنهم الجنة
ويلهم أهلهم الصبر والسلوان

ولا حول ولا قوة إلا بالله العلي العظيم

[رجل الجزيرة]

الله يرحمهم ويصبر أهلهم وإنا لله وانا اليه راجعون.

[fooz55]

لا حول ولا قوة الا بالله

انا لله وانا اليه راجعون

[رجل الجزيرة]

يا إخواني وأخواتي

فائدة حديثية:
لا تقل ((إن شاء الله ))عندما تدعو لنفسك !أو لأحد!...إلا في موضعين:
أبو هريرة رفعه: «إذا دعا أحدكم فلا يقل:
اللهم اغفر لي إن شئت، اللهم ارحمني إن شئت،
ولكن ليعزم المسألة، فإن الله لا مكره له»متفق عليه!
والموضعان المُسْتثْنَيَان هما:
(1)ذهب الظمأ وابتلت العروق وثبت الأجر إن شآء الله تعالى،
(2)حديث عيادة المريض : لا بأس طهور إن شآء الله .

[راجي الْعفو]

انا لله و انا اليه راجعون

الله يغفر لهم و يرحمهم
وين الامن ؟

[مستـريــح البـــال]

الله يرحمهم برحمته ، ويصبر قلوب اهلهم ..

[النهار]

لا حول ولا قوة الا بالله

الله يرحمهم ويصبر اهاليهم..

[معماري قطري]

الله يرحمهم ويتقبلهم شهيدات

العتب على الجامعة اللي حوض سباحة بدون رقابة وعمقه اكثر من 1.2 متر الكافي للسباحة وللقفز نحتاج مترين ونص

[JN000N]

انا لله و انا اليه راجعون

الله يغفر لهم و يرحمهم
وين الامن ؟

مافي امن
ولا في رقابه
والبرجه مفتوحه طول الوقت
يفترض ان تكون البرجه مسكره ف اوقات معينه تنفتح ومع وجود مدربه

الله يرحمهم ويصبر اهلهم

[Dana’1]

إنا لله وإنا إليه راجعون
الله يرحمهم ويغفر لهم ويسكنهم الجنة
ويلهم أهلهم الصبر والسلوان

ولا حول ولا قوة إلا بالله العلي العظيم

[الماريّة]

لاحول ولا قوه الا بالله
انا لله وانا اليه راجعون

الله يتقبلهم شهداء

[لبيبة]

إنا لله وإنا إليه راجعون،

الله يرحمهم ويغفر لهم ويسكنهم الجنة،

ويلهم أهلهم الصبر والسلوان،

ولا حول ولا قوة إلا بالله العلي العظيم.

[الحاقول]

السنه الماضيه وفاة والد طالبه بحادث سياره في الجامعه
والسنه غرق طالبتين في سكن الجامعه
هذا هوالاهمال من جامعة قطر

[عاشق الشهادة]

انا لله وانا اليه راجعون

[راجي الْعفو]

مافي امن
ولا في رقابه
والبرجه مفتوحه طول الوقت
يفترض ان تكون البرجه مسكره ف اوقات معينه تنفتح ومع وجود مدربه

الله يرحمهم ويصبر اهلهم

لما نقول الاهمال ع اصوله
هذا هو !
الله المستعان ، الله يرحمهم و يتقبلهم شهداء..

[بوعلاوي]

انا لله وانا اليه راجعون

الله يرحمهم ويغفر لهم ويغمد روحهم الجنه

[السيف5]

الله يرحمهم ويغفر لهم

[Locale]

الله يرحمهم ويصبر اهلهم

[عاشق العديد]

الله يرحمهم برحمته ..

شي مب غريب ع جامعة قطر الاهمال فالدم يسري .. الله يعين ذويهم ويصبرهم ..

[durra]

إن لله وإن إليه راجعون

الله يرحمهم ويغفرلهم ويتقبلهم من الشهداء، ويربط على قلوب احبابهم بالصبر

الدوحة - بوابة الشرق
وافت المنية، مساء أمس الإثنين، طالبتين إثر غرقهما في مسبح سكن طالبات جامعة قطر.

ونعى المجلس التمثيلي الطلابي في جامعة قطر الطالبتين، دون أن يذكر تفاصيل وفاتهما.

وقال في تغريدة عبر حسابه بموقع التواصل الاجتماعي "تويتر" أنه "ينعى ببالغ الحزن والأسى وفاة المغفور لهم الطالبتين نورة الهيدوس وريم الكلباني ونسأل الله لذويهم الصبر والسلوان".

وعلمت "بوابة الشرق" أن نورة كانت تحاول إنقاذ صديقتها، فغرقت معها.

هذا وتصدر هاشتاق #نوره_الهيدوس ترند أعلى الهاشتاقات في قطر، وتحول الهاشتاق إلى سجل عزاء يدعو للطالبتين بالرحمة والمغفرة ويلهم أهليهما الصبر والسلوان.

[توشيبا]

لاحول ولاقوه الابالله

[ورد الدوحه]

لاحول ولاقوه الابالله ان لله وانا اليه راجعون
الله يرحمهم جميعاً ونسأل الله ان يتقبلهم شهداء

[الخيالة]

لا حول ولا قوة الا بالله

الله يرحمهم انا لله وانا اليه راجعون

[معماري قطري]

مافي امن
ولا في رقابه
والبرجه مفتوحه طول الوقت
يفترض ان تكون البرجه مسكره ف اوقات معينه تنفتح ومع وجود مدربه

الله يرحمهم ويصبر اهلهم

الله يرحمهم بس القوانين العالمية معروفة في هذا الصدد

العمق لو كان 1.2 متر بيكون كافي للسباحة براحة وفي نفس الوقت بعيد عن الخطورة للكل بما إن المكان حق كبار .. وينكتب تحذير لو ما فيه حماية للي أقصر من هذا الطول والأطفال لازم في وجود كبير معاهم

[عابر سبيل]

الله يرحمهم بس القوانين العالمية معروفة في هذا الصدد

العمق لو كان 1.2 متر بيكون كافي للسباحة براحة وفي نفس الوقت بعيد عن الخطورة للكل بما إن المكان حق كبار .. وينكتب تحذير لو ما فيه حماية للي أقصر من هذا الطول والأطفال لازم في وجود كبير معاهم

تخيل معي يا معماري..
ان الحادث حدث لبنت واحد من (الفورمنيه) غير القطريين
اللي يعملون تحت مقاول يشتغل في احد مشاريع كاس العالم 2022..

ايش تتخيل بتكون ردة الفعل "العالمية" على
حادث غرق بنت الفورمن غير القطرية
في بركة سباحه قطرية!!؟؟

تخيل بس و خلها على الله:secret:

[حبر وقرطاس]

انا لله وانا اليه راجعون

[حبر وقرطاس]

يجب ان يكون تعليم السباحه الزامي فالمدارس لا حول ولا قوه الا بالله
بنات الجنسيات الاخرى متعلمين من صغرهم يسبحون ماينخاف عليهم
هذا الحادث نقطه سوداء في جبين المجلس الاعلى للتعليم
ومؤشر على نقص في مناهج تعليم الطلاب والطالبات المهارات الحياتيه النافعه

[راعي الكورفت]

الله يرحمها ويغفر لها انا لله وانا اليه راجعون

[ممنوع اللمس]

الله يرحمهم ويغفر لهم ويعفو عنهم ويصبر اهلهم

[ya3coub]

لا حول ولا قوة إلا بالله الله يرحمهم يا رب و يصبر اهاليهم

[Chanel]

انا لله وانا اليه راجعون

الله يرحمهم ان شاء الله ويصبر اهلهم

[نفسي عزيزه]

لاحول ولا قوة الا بالله طلعت بنت اخت رفيجي الله يرحمها ويرحم الي معاها ويدخلها الفردوس الاعلى من غير حساب ولاسابق عذاب

[رهيب]

انا لله وانا اليه راجعون ... الله يغفر لهم و يرحمهم ويصبر ذويهم

[JN000N]

الله يرحمهم بس القوانين العالمية معروفة في هذا الصدد

العمق لو كان 1.2 متر بيكون كافي للسباحة براحة وفي نفس الوقت بعيد عن الخطورة للكل بما إن المكان حق كبار .. وينكتب تحذير لو ما فيه حماية للي أقصر من هذا الطول والأطفال لازم في وجود كبير معاهم

مانبي قوانين عالمية
نبي الي يمشي على وضعنا احنا واللي نحتاجه مب اللي العالم يمشون عليه
هذول بنات صغار يهالو توهم متخرجين من الثانويه
فكل الحالات حتى ولو يعرفون يسبحون لو وحده يدور عليها راسها لو وحده ماتعرف تسبح وتزلق وهي تتمشى جنب البرجه
لو اي شي يصير نحط كل الاحتمالات
ليش مافي حواجز عالبرجه؟ ليش مافي مدربه لها اوقات معينه حق الي خاطرهم يسبحون

[cavok]

اللة يرحمهم يا رب

[bohilal191]

انا لله وانا اليه راجعون

الله يرحمهم ويغفر لهم

[مضارب مستثمر]

لا حول ولا قوة الا بالله

انا لله وانا اليه راجعون

الله يرحمهم ان شاء الله ويصبر اهلهم

[بوخالد911]

الله يرحمهما ويتقبلهما من الشهداء.

[بوخالد911]

ففي الحديث المتفق عليه أن النبي صلى الله عليه وسلم قال: الشهداء خمسة: المطعون، والمبطون، والغريق، وصاحب الهدم، والشهيد في سبيل الله. رواه ابن ماجه وأبو داود وغيرهم

[JN000N]

http://up.arabseyes.com/uploads2013/05_10_16147561856163291.jpeg



للاسف
احنا دايما ننطر تصير مصيبه عشان ندور حلول
ماعندنا ثقافة تفادي المصايب بوضع قوانين تحد من هالحوادث اللي تخسرنا وايد ناس

[الوسيط العقاري]

رئيس جامعة قطر: فجعنا بنبأ وفاة الطالبتين نورة الهيدوس وريم الكلباني

محليات الثلاثاء 04-10-2016 الساعة 01:37 م
الدوحة - بوابة الشرق

نعى رئيس جامعة قطر الدكتور حسن الدرهم الطالبتين نوره الهيدوس و ريم الكلباني، اللتان وافتهما المنية مساء أمس الإثنين إثر غرقهما في مسبح سكن طالبات جامعة قطر.

وقال د. الدرهم في تغريدة عبر حسابه بموقع التواصل الاجتماعي "تويتر" : "فجعنا البارحة بنبأ وفاة الطالبتين نورة الهيدوس وريم الكلباني أسأل الله أن يرحمهما ويغفر لهما وأن يلهم عائلتيهما الصبر والسلوان".

وفي وقت سابق قالت جامعة قطر أنها "تتابع مع الجهات المختصة التحقيقات حول الحادث أولا بأول، وذلك للوقوف على ملابساته وأسبابه. "

ووافت المنية، مساء أمس الإثنين، طالبتين إثر غرقهما في مسبح سكن طالبات جامعة قطر.

وعلمت "بوابة الشرق" أن نورة كانت تحاول إنقاذ صديقتها، فغرقت معها.

هذا وتصدر هاشتاق #نوره_الهيدوس ترند أعلى الهاشتاقات في قطر، وتحول الهاشتاق إلى سجل عزاء يدعو للطالبتين بالرحمة والمغفرة ويلهم أهليهما الصبر والسلوان.

[معماري قطري]

بدال ما ينفجع يحط حلول أول بأول يشوف شصاير

[معماري قطري]

مانبي قوانين عالمية
نبي الي يمشي على وضعنا احنا واللي نحتاجه مب اللي العالم يمشون عليه
هذول بنات صغار يهالو توهم متخرجين من الثانويه
فكل الحالات حتى ولو يعرفون يسبحون لو وحده يدور عليها راسها لو وحده ماتعرف تسبح وتزلق وهي تتمشى جنب البرجه
لو اي شي يصير نحط كل الاحتمالات
ليش مافي حواجز عالبرجه؟ ليش مافي مدربه لها اوقات معينه حق الي خاطرهم يسبحون

الشيخة ليش ما تبين قوانين عالمية؟

هذي مواصفات أمنية للأحواض وزيدي عليها عدم وجود حواف حادة وزيادة الأرضية ما تزحلق .. العمق شيء أساسي 1.2 متر غالب اللي أعمارهم فوق 12 سنة يقدرون يوقفون فيه ولا يغرقون وذكرت هذا حتى الكل يحذر ولازم واجب جامعتنا الحذر قبل الكل .. انا بدون ما اشوف عرفت إن العمق غزير ويمكن متر ونص وفوق لأن وحدة كانت على وشك الغرق والثانية حاولت انقاذها وغرقوا الثنتين

والمهم كذلك وجود عدة انقاذ على الأقل تيوبات أو جاكيتات سباحة

[JN000N]

الشيخة ليش ما تبين قوانين عالمية؟

هذي مواصفات أمنية للأحواض وزيدي عليها عدم وجود حواف حادة وزيادة الأرضية ما تزحلق .. العمق شيء أساسي 1.2 متر غالب اللي أعمارهم فوق 12 سنة يقدرون يوقفون فيه ولا يغرقون وذكرت هذا حتى الكل يحذر ولازم واجب جامعتنا الحذر قبل الكل .. انا بدون ما اشوف عرفت إن العمق غزير ويمكن متر ونص وفوق لأن وحدة كانت على وشك الغرق والثانية حاولت انقاذها وغرقوا الثنتين

والمهم كذلك وجود عدة انقاذ على الأقل تيوبات أو جاكيتات سباحة

بس العمق اكبر من 1.2 متر
وغزيرة وايد برجتهم ع كلام ناس من هلي هناك وتسبحو فيها
حسبتك تقول ان البرجه طولها زين وان القوانين العالميه ف هالطول ما تحتاج مدربين
عشان جذي قلتلك مانبي هالقوانين العالميه نبي شي يمشي لنا على اوضاعنا
وقلت نبي حواجز ونبي اوقات معينه لدخول البرجه ونبي رقابة
البنات الله يرحمهم توفو والحرقة في قلوب اهلهم اكثر
الحين الدور على الي ياي متاخر وبيحط قوانين للامن والسلامه
دايما جذي احنا ننطر تصير المصيبه عشان نستعدل من البدايه نستعدل مافي

[المحاميه]

لاحول ولاقوة الا بالله

الله يرحمهم ويغفرلهم ويصبر اهلهم
الله يثبتهم عند السؤال

ان لله وان إليه راجعون

[R 7 A L]

لاحول ولاقوة الا بالله

[طبيب قطري]

الله يرحمهم ويصبر اهلهم ، استغرب عدم وجود لايف جارد او منقذه بالبركه ، اذا البركه مفتوحه لازم تتوفر فيها كل وسائل الامن والسلامه.

[محمMد]

إنا لله وإنا إليه راجعون
الله يرحمهم ان شاء الله ويصبر اهلهم

[بومحمد المطاوعه]

http://up.arabseyes.com/uploads2013/05_10_16147561856163291.jpeg



للاسف
احنا دايما ننطر تصير مصيبه عشان ندور حلول
ماعندنا ثقافة تفادي المصايب بوضع قوانين تحد من هالحوادث اللي تخسرنا وايد ناس

اي والله صدقتي

كلامج 100%
لازم تصير مصيبه عقب يفكرون

ارواح الناس لعبه على بالهم

اتمنى اهل البنات يطالبون بالحق ولا يسكتون

واتمنى البنات يخلون السكن لين يحطون لهم سكن محترم وفيه كل الشروط والضوابط

بنات الناس مب لعبه تحت يد الاهمال

[شبح الصمت]

اي والله صدقتي

كلامج 100%
لازم تصير مصيبه عقب يفكرون

ارواح الناس لعبه على بالهم

اتمنى اهل البنات يطالبون بالحق ولا يسكتون

واتمنى البنات يخلون السكن لين يحطون لهم سكن محترم وفيه كل الشروط والضوابط

بنات الناس مب لعبه تحت يد الاهمال




تعذروني على كلامي ادري بيزعل ناس وايد بس خلونا ما نحط اللوم على الجامعة
نتكلم اشوي بعقل


الطالبة الي اذكرت في ردها انها في سكن ومافي اشراف والا مشرفات ..
ان حطو لهم مشرفات قالوا المشرفات يحكرون لنا
وان شلوهم قالوا نبي اهتمام !!

شيء وصار وما نعرف اشلون الحادثة ولكن نترحم عليهم والله يتقبلهم شهيدات ..

بس لو الحين وحده رايحه الجامعة واهلها مطمنين انه بنتهم فالجامعة
وطلعت مع رفيجااتها وصار عليهم حادث وتعورت او ماتت

اللوم بيرجع على من !!!
طبعاً ومن دون اي كلام على الجامعة
ليش اطلعونهم وليش صار هالشيء وليش وليش .. !!
قبل كانوا يحكرون للداش والطالع عقب افتحو الباب للكل الي يبي يدخل لا بطاقة والا شيء ..


امر غريب عجيب ان صار تشدد قالوا حكروا لنا
وان عطوهم الاذن الصمخه قالوا مهملينا ..


والحل !!!

[بومحمد المطاوعه]

تعذروني على كلامي ادري بيزعل ناس وايد بس خلونا ما نحط اللوم على الجامعة
نتكلم اشوي بعقل


الطالبة الي اذكرت في ردها انها في سكن ومافي اشراف والا مشرفات ..
ان حطو لهم مشرفات قالوا المشرفات يحكرون لنا
وان شلوهم قالوا نبي اهتمام !!

شيء وصار وما نعرف اشلون الحادثة ولكن نترحم عليهم والله يتقبلهم شهيدات ..

بس لو الحين وحده رايحه الجامعة واهلها مطمنين انه بنتهم فالجامعة
وطلعت مع رفيجااتها وصار عليهم حادث وتعورت او ماتت

اللوم بيرجع على من !!!
طبعاً ومن دون اي كلام على الجامعة
ليش اطلعونهم وليش صار هالشيء وليش وليش .. !!
قبل كانوا يحكرون للداش والطالع عقب افتحو الباب للكل الي يبي يدخل لا بطاقة والا شيء ..


امر غريب عجيب ان صار تشدد قالوا حكروا لنا
وان عطوهم الاذن الصمخه قالوا مهملينا ..


والحل !!!

طبعآ هالامر ياخوي
في ناس نفس ماقلت
وفي ناس بتصفق وبتقول شكرآ على القرار

لاشك عن هالأمور

لكن بشكل عام ونسبه كبيره يبون الأمن ويبون التحكر

اما الي مايبون ومن هالأمور نسبه بسيطه مشكلتهم هذي

مانسمع لهم ونترك الأهم
والي ماتبي
تقعد ف بيت ابوها وتسرح وتمرح على كيفها بدون حسيب ورقيب براحتها

اما الجامعه المفروض فيها ضوابط وقوانين وامن وكل شي ,,

والي تبي تقعد والي ماتبي

فمان الله

[راجي الْعفو]

اذا السكن بهالاهمال فشلون الناس تترك بناتها فيه بهالسهولة ؟!
( مع اني ضد موضوع سكن الطالبة بنفسها و اهلها موجودين )

[بومحمد المطاوعه]

اذا السكن بهالاهمال فشلون الناس تترك بناتها فيه بهالسهولة ؟!
( مع اني ضد موضوع سكن الطالبة بنفسها و اهلها موجودين )

صدقت
هالامر بعد الله اعلم فيه ياخوي
ولكن ليش هالأهمال
احنا ف دوله ولله الحمد الخير في كل زاويه

[أم عزوزي]

الله يرحمهم برحمته ويغفر لهم ويصبر أهلهم

بصراحه مافي احسن من سكن العين في الامارات ... معتقل مب سكن ... بس صج يمشون البنات على الصراط المستقيم
وبصراحه كنا في امان لابعد الحدود .... الله يذكر ذيك الأيام بالخير ...

أتمنى الجهات المعنيه تتخذ تدابير احسن وافضل من الوضع الحالي

الله المستعان

[JN000N]

تعذروني على كلامي ادري بيزعل ناس وايد بس خلونا ما نحط اللوم على الجامعة
نتكلم اشوي بعقل


الطالبة الي اذكرت في ردها انها في سكن ومافي اشراف والا مشرفات ..
ان حطو لهم مشرفات قالوا المشرفات يحكرون لنا
وان شلوهم قالوا نبي اهتمام !!

شيء وصار وما نعرف اشلون الحادثة ولكن نترحم عليهم والله يتقبلهم شهيدات ..

بس لو الحين وحده رايحه الجامعة واهلها مطمنين انه بنتهم فالجامعة
وطلعت مع رفيجااتها وصار عليهم حادث وتعورت او ماتت

اللوم بيرجع على من !!!
طبعاً ومن دون اي كلام على الجامعة
ليش اطلعونهم وليش صار هالشيء وليش وليش .. !!
قبل كانوا يحكرون للداش والطالع عقب افتحو الباب للكل الي يبي يدخل لا بطاقة والا شيء ..


امر غريب عجيب ان صار تشدد قالوا حكروا لنا
وان عطوهم الاذن الصمخه قالوا مهملينا ..


والحل !!!

ليش هم حطو لهم مشرفات وقالولهم مانبي وليش؟
اصلا الطلعه والدخله ف السكن بالعزر مب بالسهوله
تصاريح واوقات معينه ولازم مايتاخرون وكل الطالبات الي دخلو السكن عارفين مسبقا بالقوانين ف شدخل بيعترضون ودخولهم اختياري؟
موضوع البنت تطلع من ورا اهلها او تسوي شي ثاني هاي موضوع يختلف كليا عن اللي صار ف السكن
بنات دشو يتسبحون ف البرجه وحده غرقت والثانيه تبي تنقذها وماقدرت شدخل نقول في جزء من اللوم عليهم
يعني موضوع وفاة هالبنتين في كفة والامور الي ذكرتها في ردك في كفة ثانيه
هذول عبارة في بيت مب ف الجامعه

[أبو سعيد]

لا حول ولا قوة الا باللة

[ضوى]

اذا السكن بهالاهمال فشلون الناس تترك بناتها فيه بهالسهولة ؟!
( مع اني ضد موضوع سكن الطالبة بنفسها و اهلها موجودين )

واذا بمنطقة بعيدة ؟ واذا البنت تبي تتعلم وتخدم بلدها ؟؟ الحكومة ماقصرت وحطت سكن للطالبات ونجي احنا نتذمر وليش نحط عيالنا ؟ لا نحبسهم في البيت ، اعتراضك مقبول لكن فيما يخصك لكن كمبدا ماشوف فيه شي ابدا والله يوفق بناتنا ان شاء الله ويرفعون اسم قطر فوق ، والامر قضاء وقدر ، امر الله نفذ ، الان يجب الانتباه اكثر وتأمين السكن بشكل مكثف لسلامة الطالبات

[ضوى]

ليش هم حطو لهم مشرفات وقالولهم مانبي وليش؟
اصلا الطلعه والدخله ف السكن بالعزر مب بالسهوله
تصاريح واوقات معينه ولازم مايتاخرون وكل الطالبات الي دخلو السكن عارفين مسبقا بالقوانين ف شدخل بيعترضون ودخولهم اختياري؟
موضوع البنت تطلع من ورا اهلها او تسوي شي ثاني هاي موضوع يختلف كليا عن اللي صار ف السكن
بنات دشو يتسبحون ف البرجه وحده غرقت والثانيه تبي تنقذها وماقدرت شدخل نقول في جزء من اللوم عليهم
يعني موضوع وفاة هالبنتين في كفة والامور الي ذكرتها في ردك في كفة ثانيه
هذول عبارة في بيت مب ف الجامعه

هاي اللي انا متاكدة منه مافي طلعات ولا اي شي من هالقبيل الا باجراءات مكثفه ، ومدري ليش شبح خلط الامور ، ارد واقول امر الله نفذ ولازم الحين يكون فيه اجراءا ثاني

[حنظلة]

ما اقول الا الله يرحمهم برحمته ويصبر أهلهم ونقطة مهمة لازم الكل يعرفها ( انقاذ الغريق بدون معرفة الطريقة الصحيحة لإنقاذه إنتــحــــــــــــار )

[العلياا]

الله يرحمهم برحمته ويغفر لهم ويصبر أهلهم

[راجي الْعفو]

واذا بمنطقة بعيدة ؟ واذا البنت تبي تتعلم وتخدم بلدها ؟؟ الحكومة ماقصرت وحطت سكن للطالبات ونجي احنا نتذمر وليش نحط عيالنا ؟ لا نحبسهم في البيت ، اعتراضك مقبول لكن فيما يخصك لكن كمبدا ماشوف فيه شي ابدا والله يوفق بناتنا ان شاء الله ويرفعون اسم قطر فوق ، والامر قضاء وقدر ، امر الله نفذ ، الان يجب الانتباه اكثر وتأمين السكن بشكل مكثف لسلامة الطالبات

اولا انا ما تكلمت عن البنات اللي توفوا الله يرحمهم، كلامي عام عن النظام
اذا فيه اهمال و مافي مشرفات متابعات للطالبات فاللي يحط بنته في مكان مثل هذا مخطئ عند جميع العقلاء
ولا التعليم اهم من موضوع التربية ؟ مثل سالفة المدارس الخاصة ؟

ولما قلت ضد هذا رايي الشخصي سواء كانت هناك مشرفات او لا ،
تبقى البنت مب نفس الولد نتركه بروحه و لانحاتيه ، لانه في النهاية اسمه رجل .

التعليم و رفع راس البلد له طرق كثيرة غير محصورة ، فما يحتاج نحكر نفسنا في مكان مثل هذا و كأن البدائل كلها انتهت

[ضوى]

اولا انا ما تكلمت عن البنات اللي توفوا الله يرحمهم، كلامي عام عن النظام
اذا فيه اهمال و مافي مشرفات متابعات للطالبات فاللي يحط بنته في مكان مثل هذا مخطئ عند جميع العقلاء
ولا التعليم اهم من موضوع التربية ؟ مثل سالفة المدارس الخاصة ؟

ولما قلت ضد هذا رايي الشخصي سواء كانت هناك مشرفات او لا ،
تبقى البنت مب نفس الولد نتركه بروحه و لانحاتيه ، لانه في النهاية اسمه رجل .

التعليم و لرفع راس البلد له طرق كثيرة غير محصورة ، فما يحتاج نحكر نفسنا في مكان مثل هذا و كأن البدائل كلها انتهت

من قالك مافي مشرفات ؟؟ وشنهي البدائل لبنت في الذخيرة ؟؟

[راجي الْعفو]

من قالك مافي مشرفات ؟؟ وشنهي البدائل لبنت في الذخيرة ؟؟

شوفي الصورة اللي نزلتها جنون
اما موضوع البدائل فهذا الشخص يدبره في وقته ويعرف شلون يتصرف، ذخيرة او غيرها من المناطق
ومش ملزوم انه يترك بنته في مكان مثل هذا
ينطر لين مما ربه ييسر له
القصد ان التساهل في مثل هالموضوع غير صحيح

[Charisma]

انا لله وانا اليه راجعون

عسى الله يرحمهم ويتجاوز عنهم ويجعل مثواهم الجنه ، ويلهم اهلهم وذويهم الصبر والسلوان .

[رشدان]

الله يرحمهم ويعظم اجر اهلهم

[Rider]

شوفي الصورة اللي نزلتها جنون
اما موضوع البدائل فهذا الشخص يدبره في وقته ويعرف شلون يتصرف، ذخيرة او غيرها من المناطق
ومش ملزوم انه يترك بنته في مكان مثل هذا
ينطر لين مما ربه ييسر له
القصد ان التساهل في مثل هالموضوع غير صحيح

أخوي راجي كلامك ذهب وهو كلام العقل لكن المشكلة يوم تغيرت المفاهيم عند البعض

[ضوى]

اعوذ بالله فيه ناس لو يسمحون بوأد البنات شرعا كان ماقصروا

[JN000N]

شوفي الصورة اللي نزلتها جنون
اما موضوع البدائل فهذا الشخص يدبره في وقته ويعرف شلون يتصرف، ذخيرة او غيرها من المناطق
ومش ملزوم انه يترك بنته في مكان مثل هذا
ينطر لين مما ربه ييسر له
القصد ان التساهل في مثل هالموضوع غير صحيح

شنو الصوره اللي نزلتها
لايكون مكتوب فيها انهم مقطوطين ف الشارع
البنات الي من مناطق بعيده وين يسكنون حق الجامعه؟
السكن ترى مشددين على طلعتهم ودخلتهم
لكن داخل البيت نفسه مافي حد يتابعهم كلن مسؤول نفسه
الاهمال مب من الاهل
الاهمال من الجامعه اللي ملزومه انها توفر لهم مشرفات يتابعونهم وحتى اصلا المفروض يكون في عياده داخليه لو مافي حق اي وحده تحتاج مساعده او يصير لها شي
وين يروحون عيل بنات الناس

[ورد الدوحه]

ما اقول الا الله يرحمهم برحمته ويصبر أهلهم ونقطة مهمة لازم الكل يعرفها ( انقاذ الغريق بدون معرفة الطريقة الصحيحة لإنقاذه إنتــحــــــــــــار )

وانا أقرأ تعليقج تذكرت الآيه (ومن أحياها فكأنما أحيا الناس جميعاً) صدق الله العظيم

أحياها / أنقذها من حريق أو غرق أو أو
مايجوز انسميه انتحار
أكيد المتوفيه في نيتها الانقاذ
أسأل الله يتقبلهم شهداء ويرحمهم ويغفر لهم ...

[نوفا91]

الله يرحمهم ويغفر لهم ويصبر أهاليهم

[بومحمد المطاوعه]

شنو الصوره اللي نزلتها
لايكون مكتوب فيها انهم مقطوطين ف الشارع
البنات الي من مناطق بعيده وين يسكنون حق الجامعه؟
السكن ترى مشددين على طلعتهم ودخلتهم
لكن داخل البيت نفسه مافي حد يتابعهم كلن مسؤول نفسه
الاهمال مب من الاهل
الاهمال من الجامعه اللي ملزومه انها توفر لهم مشرفات يتابعونهم وحتى اصلا المفروض يكون في عياده داخليه لو مافي حق اي وحده تحتاج مساعده او يصير لها شي
وين يروحون عيل بنات الناس

صدقتي
الكلام كله والعتب الحين على الجامعه ليش ماوفرت شروط السلامه
من ناحيه العياده الي مسكره ومن ناحيه الأمن الداخلي

اما بخصوص البنات والسكن
لان في اعتقد بنات غير قطريات يدرسون في جامعه قطر وساكنين في السكن ,,

كل الموضوع الان عن لماذا لم يتم توفير سبل السلامه للطلبه

هؤلاء بشر والجامعه محاسبين على هذا الأهمال

ماندري بظروف الناس ولكن جهه مثل هذي المفروض تكون فيها كل طرق السلامه

وكلام اخوي راجي واضح بخصوص مسؤوليه الأهل للبنات بشكل عام
وهذا موضوع مفروغ منه

الأن نبي نعرف ليش اهمال الجامعه من ناحيه السكن

والله يحفظهم ويستر عليهم

[راجي الْعفو]

شنو الصوره اللي نزلتها
لايكون مكتوب فيها انهم مقطوطين ف الشارع
البنات الي من مناطق بعيده وين يسكنون حق الجامعه؟
السكن ترى مشددين على طلعتهم ودخلتهم
لكن داخل البيت نفسه مافي حد يتابعهم كلن مسؤول نفسه
الاهمال مب من الاهل
الاهمال من الجامعه اللي ملزومه انها توفر لهم مشرفات يتابعونهم وحتى اصلا المفروض يكون في عياده داخليه لو مافي حق اي وحده تحتاج مساعده او يصير لها شي
وين يروحون عيل بنات الناس

سالت عن سالفة المشرفة و قلت لها شوفي الصورة
مدري سالفة مقطوطين في الشارع من وين يت
وجاوبتها ع اللي تسكن بعيد

[راجي الْعفو]

أخوي راجي كلامك ذهب وهو كلام العقل لكن المشكلة يوم تغيرت المفاهيم عن البعض

الله يحيك اخوي رايدر
صدقت
حصول التساهل يولد اشيا مرفوضة سواءا شرعا اوعرفا

[عيون الدوحة]

الله يرحمهم

شوفو الفرق بين سكن جامعة قطر وسكن المدينة التعليمية

[بومحمد المطاوعه]

ما اقول الا الله يرحمهم برحمته ويصبر أهلهم ونقطة مهمة لازم الكل يعرفها ( انقاذ الغريق بدون معرفة الطريقة الصحيحة لإنقاذه إنتــحــــــــــــار )

عن جَابِرَ بْنَ عَتِيكٍ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ : (مَا تَعُدُّونَ الشَّهَادَةَ ؟ قَالُوا : الْقَتْلُ فِي سَبِيلِ اللَّهِ تَعَالَى . قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : الشَّهَادَةُ سَبْعٌ سِوَى الْقَتْلِ فِي سَبِيلِ اللَّهِ : الْمَطْعُونُ شَهِيدٌ ، وَالْغَرِقُ شَهِيدٌ ، وَصَاحِبُ ذَاتِ الْجَنْبِ شَهِيدٌ ، وَالْمَبْطُونُ شَهِيدٌ ، وَصَاحِبُ الْحَرِيقِ شَهِيدٌ ، وَالَّذِي يَمُوتُ تَحْتَ الْهَدْمِ شَهِيدٌ ، وَالْمَرْأَةُ تَمُوتُ بِجُمْعٍ شَهِيدٌ) والحديث صححه الألباني في صحيح أبي داود .

[JN000N]

صدقتي
الكلام كله والعتب الحين على الجامعه ليش ماوفرت شروط السلامه
من ناحيه العياده الي مسكره ومن ناحيه الأمن الداخلي

اما بخصوص البنات والسكن
لان في اعتقد بنات غير قطريات يدرسون في جامعه قطر وساكنين في السكن ,,

كل الموضوع الان عن لماذا لم يتم توفير سبل السلامه للطلبه

هؤلاء بشر والجامعه محاسبين على هذا الأهمال

ماندري بظروف الناس ولكن جهه مثل هذي المفروض تكون فيها كل طرق السلامه

وكلام اخوي راجي واضح بخصوص مسؤوليه الأهل للبنات بشكل عام
وهذا موضوع مفروغ منه

الأن نبي نعرف ليش اهمال الجامعه من ناحيه السكن

والله يحفظهم ويستر عليهم

اي والله
يعني الاهل مأمنين على بناتهم ع اساس الجامعة متكفله بسكنهم وسلامتهم
ف انا لو بنتي تدري ف الجامعه وساكنه ف السكن لان بيتنا وايد بعيد وماعندي مواصلات
وصار لها شي لا قدر الله بسبب اهمال من ادارة الجامعة
يلوموني انا ليش؟ خلاص يفتحون فروع عيل للجامعة ف كل منطقه بعيده !!!
انا ما اهملت انا درست وكبرت وربيت بنتي والحين صار انها لازم تكمل واذا بتكمل بنحتاج للسكن
فاتحين السكن حق شنو عيل والا محرد شو ان عندهم مكان للطلبه
زين خل القطريات ع جنب
العمانيات وبقية الخليجيات الي ف السكن وين يروحون؟ اذا المكان مهمل داخليا
شادين حيلهم ف طلعتهم ودخلتهم بس

[بومحمد المطاوعه]

اي والله
يعني الاهل مأمنين على بناتهم ع اساس الجامعة متكفله بسكنهم وسلامتهم
ف انا لو بنتي تدري ف الجامعه وساكنه ف السكن لان بيتنا وايد بعيد وماعندي مواصلات
وصار لها شي لا قدر الله بسبب اهمال من ادارة الجامعة
يلوموني انا ليش؟ خلاص يفتحون فروع عيل للجامعة ف كل منطقه بعيده !!!
انا ما اهملت انا درست وكبرت وربيت بنتي والحين صار انها لازم تكمل واذا بتكمل بنحتاج للسكن
فاتحين السكن حق شنو عيل والا محرد شو ان عندهم مكان للطلبه
زين خل القطريات ع جنب
العمانيات وبقية الخليجيات الي ف السكن وين يروحون؟ اذا المكان مهمل داخليا
شادين حيلهم ف طلعتهم ودخلتهم بس

والله المشكله ياجنون
والبلا في اداره الجامعه

بشكل عام اهم المسؤولين
مهما كانت الظروف
لانعم بظروف الناس وليش مسكنين بناتهم

هذي اهم مسؤولين عنه
والمفروض من اداره الجامعه توفير كامل الشروط والأحتياجات

اولها السلامة والسكن المؤمن للطلبه من ناحيه الأمن والأمان

[JN000N]

اذا السكن بهالاهمال فشلون الناس تترك بناتها فيه بهالسهولة ؟!
( مع اني ضد موضوع سكن الطالبة بنفسها و اهلها موجودين )


سالت عن سالفة المشرفة و قلت لها شوفي الصورة
مدري سالفة مقطوطين في الشارع من وين يت
وجاوبتها ع اللي تسكن بعيد

وانا ردي بناء على هالرد
لما تتسائل شلون الاهالي يتركون بناتهم ف مكان جذي
قول لي حصل لهم مكان افضل ورفضوه؟ طيب لو ما صارت هالمصيبه احنا وانتو بندري ان مافي امن وسلامه؟
محد يدري داخل اسوار السكن شيصير غير من الطلبه نفسهم
وفي طلبه يطنشون ويسكتون ويتغاضون بس عشان يبون يكملون ويتخرجون ويفتكون
قلت انك ضد سكتنالطالبه واهلها موجودين
زين عطنا حل لبنات رويس وذخيره والشحانيه ولجميليه وغيرهم
الاهل امنو على بناتهم في مكان مسكر وعليه حراس ومشددين سالفة خروجهم وطلعتهم بتصاريح لناس معينه
الحين المطالبه من ادارة الجامعه (اللي اثبتت اهمالها) انها توفر كل شي يخص الامن والسلامه
ابتداء من البرجه ووجود مشرفات ومكتب اداره وصيدليه وغيره

[JN000N]

والله المشكله ياجنون
والبلا في اداره الجامعه

بشكل عام اهم المسؤولين
مهما كانت الظروف
لانعم بظروف الناس وليش مسكنين بناتهم

هذي اهم مسؤولين عنه
والمفروض من اداره الجامعه توفير كامل الشروط والأحتياجات

اولها السلامة والسكن المؤمن للطلبه من ناحيه الأمن والأمان

هاي هو
ادارة الجامعه لازم تتحاسب
كثرت اخطاءهم بخصوص الامن والسلامه
والله يعين اهل المتوفيات ويصبرهم

[بومحمد المطاوعه]

هاي هو
ادارة الجامعه لازم تتحاسب
كثرت اخطاءهم بخصوص الامن والسلامه
والله يعين اهل المتوفيات ويصبرهم

اللهم امين
والله شي مؤلم الصراحه ,,

يقولون حتى في بنات كسرو العياده علشان يسعفون البنات الي غرقو

يعني وجود العياده بس اسم

الحمدلله والشكر من اداره

[راجي الْعفو]

وانا ردي بناء على هالرد
لما تتسائل شلون الاهالي يتركون بناتهم ف مكان جذي
قول لي حصل لهم مكان افضل ورفضوه؟ طيب لو ما صارت هالمصيبه احنا وانتو بندري ان مافي امن وسلامه؟
محد يدري داخل اسوار السكن شيصير غير من الطلبه نفسهم
وفي طلبه يطنشون ويسكتون ويتغاضون بس عشان يبون يكملون ويتخرجون ويفتكون
قلت انك ضد سكتنالطالبه واهلها موجودين
زين عطنا حل لبنات رويس وذخيره والشحانيه ولجميليه وغيرهم
الاهل امنو على بناتهم في مكان مسكر وعليه حراس ومشددين سالفة خروجهم وطلعتهم بتصاريح لناس معينه
الحين المطالبه من ادارة الجامعه (اللي اثبتت اهمالها) انها توفر كل شي يخص الامن والسلامه
ابتداء من البرجه ووجود مشرفات ومكتب اداره وصيدليه وغيره

موضوع الاهمال انا متفق معاج فيه و لذلك جاء السطر الاول من كلامي في الاقتباس الاول اللي اقتبستيه
وضع البنات في السكن مع وجود الاهمال
والسطر الثاني وهو رايي الشخصي : الرفض العام، ما اجبرت احد

[بوNasser]

لاحول ولا قوة الا بالله

اسأل الله ان يرحمهن ويغفر لهن و يسكنهن فسيح جناته.

انا لله وانا اليه راجعون

[Rider]

موضوع الاهمال انا متفق معاج فيه و لذلك جاء السطر الاول من كلامي في الاقتباس الاول اللي اقتبستيه
وضع البنات في السكن مع وجود الاهمال
والسطر الثاني وهو رايي الشخصي : الرفض العام، ما اجبرت احد

أخوي راجي فيه ناس دخلوا وأد البنات في الموضوع مشكله كلمة الحقيقة مرات تكون مؤلمة

[ضوى]

الحقيقه مؤلمه للعميان اللي يشوفون الظلام بس

[معماري قطري]

بس العمق اكبر من 1.2 متر
وغزيرة وايد برجتهم ع كلام ناس من هلي هناك وتسبحو فيها
حسبتك تقول ان البرجه طولها زين وان القوانين العالميه ف هالطول ما تحتاج مدربين
عشان جذي قلتلك مانبي هالقوانين العالميه نبي شي يمشي لنا على اوضاعنا
وقلت نبي حواجز ونبي اوقات معينه لدخول البرجه ونبي رقابة
البنات الله يرحمهم توفو والحرقة في قلوب اهلهم اكثر
الحين الدور على الي ياي متاخر وبيحط قوانين للامن والسلامه
دايما جذي احنا ننطر تصير المصيبه عشان نستعدل من البدايه نستعدل مافي

لا الله يسلمج لو غزيرة لازم بتحتاج مدربين ومختصين أمن وهذا المتوقع انها غزيرة

ال 1.2 متر غزر مناسب حق السباحة لمعدل 12 سنة طبعاً بعض القصار جداً هذي حالات شاذة بس المعدل .. ألحين تم تغيير غالبية البرك لهذا العمق وبرك الأطفال ل 70 سم ولازم عليهم إشراف وسن معينة للسباحة

هذا في الأماكن العامة أما في المنازل فكل واحد حر وأفضل لو يطبق مقياس صحيح وآمن

[بصمة قطرية]

لا حول و لا قوة إلا بالله
إنا لله و إنا إليه راجعون
الله يرحمهم و يغفر لهم و يصبر أهاليهم
الله يتقبلهم شهيدات
المجتمع القطري إنفجع بهالحادثة
الإهمال من السكن الطلابي
وين إجراءات الأمن والسلامة
وين الرقابة ..!!
المفروض أقلها تتسكر البركة الليل
و ما يسمحون لحد يدخلها ..
الحين الموضوع عن وفاة البنتين الله يرحمهم
ليش تحور لأشياء ثانية ..!!
مب وقته بصراحة ..
لو في شغلات تبون تناقشونها
إفتحوا موضوع جديد بعيد عن هالموضوع
و لوموا البنات على التمرد و عدم إطاعة الأوامر وووو ..
هالموضوع خلوه للتعزية بعيد عن المناقشات
راعوا مشاعر أهل البنتين
لما يقرون الردود ..!!
الخطأ أولاً و أخيراً على السكن الطلابي
و نتمنى يتم التحقيق و محاسبة المسؤول
عن الخطأ ..

[معماري قطري]

من حرقة القلب

المسألة واضحة مسألة سيفتي واجراءات سلامة ولو جامعة أجنبية بنشوف التحقيقات اشتغلت والتصوير وكبار المسئولين .. ألحين على مستوى صغير وبيقولون قضاء وقدر ولا بمغيرين شيء أو احتمال يسكرونها بالكامل وهذا المرجح

[alshammari]

الله يرحمهم ويغفر لهم

حسب ماسمعت انا البركة مغلقة ولكن تسللوا البنات لها بطريقة ما
حتى من بلغ عليهم بعض البنات اللي كانوا هناك واضطروا لكسر الباب الزجاجي وصادهم جروح من الزجاج عشان يحاولون ينقذونهم لكن فاتهم الاوان

عموما رحمهم الله وبصراحة تفاجأت في بنات قطريات بسكن وحدهم وماشوف عندنا مناطق بعيدة
الرويس ساعه الى ساعه ونص عن الدوحة
الخور 40 دقيقة
الكرعانة ساعه
والله مرات من الزحمة من الريان للكورنيش ممكن تقطع هالمشوار بساعه ونص!!

مبالغ في موضوع سكن طالبات عشان سكنهم بعيد

[امـ حمد]

إنا لله وإنا إليه راجعون
لا حول ولا قوة الا بالله
الله يرحمهم ويغفر لهم ويصبر اهاليهم

[JN000N]

الله يرحمهم ويغفر لهم

حسب ماسمعت انا البركة مغلقة ولكن تسللوا البنات لها بطريقة ما
حتى من بلغ عليهم بعض البنات اللي كانوا هناك واضطروا لكسر الباب الزجاجي وصادهم جروح من الزجاج عشان يحاولون ينقذونهم لكن فاتهم الاوان

عموما رحمهم الله وبصراحة تفاجأت في بنات قطريات بسكن وحدهم وماشوف عندنا مناطق بعيدة
الرويس ساعه الى ساعه ونص عن الدوحة
الخور 40 دقيقة
الكرعانة ساعه
والله مرات من الزحمة من الريان للكورنيش ممكن تقطع هالمشوار بساعه ونص!!

مبالغ في موضوع سكن طالبات عشان سكنهم بعيد

دامك سمعت
لا تجي تكتب اللي تسمعه بس وانت مش متأكد
البرجه مفتوحه 24 ساعه ومافي حمايه
البنات كسرو الدريشة مالت العياده عشان يسعفونهم
ولعلمكم في اداريه موجوده تكون لين 12 عقب تروح وطول الوقت قاعده داخل ع جوالها ولا تدري بالذنيا ولا عن البنات ولا تلف عليهم ولا تسوي شي

اذا رويس مب بعيده على الطالبات الي يدرسون ف الجامعه شالقريب ان شاء الله؟
من الي بيتعبل فيهم كل يوم يضرب خط اييبهم ومرات محاضراتهم صبح مرات ظهر واوقات متفرقه؟
الكلام سهل والواقع صعب ترى

[نفسي عزيزه]

شنو الصوره اللي نزلتها
لايكون مكتوب فيها انهم مقطوطين ف الشارع
البنات الي من مناطق بعيده وين يسكنون حق الجامعه؟
السكن ترى مشددين على طلعتهم ودخلتهم
لكن داخل البيت نفسه مافي حد يتابعهم كلن مسؤول نفسه
الاهمال مب من الاهل
الاهمال من الجامعه اللي ملزومه انها توفر لهم مشرفات يتابعونهم وحتى اصلا المفروض يكون في عياده داخليه لو مافي حق اي وحده تحتاج مساعده او يصير لها شي
وين يروحون عيل بنات الناس


انا مع هالرد

الله يكملج بعقلح ردودج طيبه

[نفسي عزيزه]

ومن يؤت الحكمة فقد أوتي خيرا كثيرا

[نفسي عزيزه]

دامك سمعت
لا تجي تكتب اللي تسمعه بس وانت مش متأكد
البرجه مفتوحه 24 ساعه ومافي حمايه
البنات كسرو الدريشة مالت العياده عشان يسعفونهم
ولعلمكم في اداريه موجوده تكون لين 12 عقب تروح وطول الوقت قاعده داخل ع جوالها ولا تدري بالذنيا ولا عن البنات ولا تلف عليهم ولا تسوي شي

اذا رويس مب بعيده على الطالبات الي يدرسون ف الجامعه شالقريب ان شاء الله؟
من الي بيتعبل فيهم كل يوم يضرب خط اييبهم ومرات محاضراتهم صبح مرات ظهر واوقات متفرقه؟
الكلام سهل والواقع صعب ترى

بالظبط

بارك الله فيج ونفع بك

[العرابي]

لاحول ولا قوة الا بالله

الله يرحمهم ويغمد روحهم الجنع

[راجي الْعفو]

أخوي راجي فيه ناس دخلوا وأد البنات في الموضوع مشكله كلمة الحقيقة مرات تكون مؤلمة

والله ياخوي رايدر هالكلام نقوله و نبي الزين للبنات
وطبيعي الرجل لما يتكلم في مثل هالمواضيع نظرته تكون أشمل و أحرص و أشد غيرة من المرأة
لان هذي فطرة طبيعيه فيهم


عموما، هدفنا من هالكلام إصلاح الأوضاع و عدم الإهمال

[حنظلة]

يا أخوان انا لم أجزم او المح انه الاخت انتحرت لاقدر الله وونحسبها شهيده بأذن الله ولكـــــــن تعليقي كان تحذير بأنك لو ماكنت سباح ماهر وعندك خبرة بالأنقاذ احتمال انك تغرق مع اللي تنقذه كبير جدا جدا