بغيت معلومات عن القطرية.

[رجل الجزيرة]

إخواني الكرام

السلام عليكم ورحمة الله وبركاته


أنا كنت من محبي الطيران بشكل جنوني بس جاني خوف فجأة وكنت من يومها متردد بشكل فظيع فأخوي كان أخس مني بس هو تحمس وتجرأ والحين كل ما أقول حياك لدبي إلا ويقول الطيارة أحسن وأسرع وأريح فأنا الحين متمحس ومتشجع وأبغي أقطع الخوف عقب ما شفت في اليوتيوب عن المسافرين في القطرية فعندي أكثر من سؤأل:
1 - ويش الفريق بين الأعمال والأول؟
2 - ويش الفرق بين المرجان والبريميوم والصفوة؟

وجزاكم الله خير الجزاء.
وتمسوا على خير.
:)

[بوخالد911]

السموحة
ما فهمت عليك.
ممكن تعيد الصياغة.
لا هنت.

[شموخ دائم]

,

,


مرحبا


الرجال يسئل عن ( الخطوط القطريه ) وعن الدرجات
الدرجه الاولى ودرجه رجال الاعمال
وعن قاعات المطار

الحين (متمحس) ومتشجع

هذا عاد بيمسكونها عليك

:)

,

,

[معماري قطري]

إخواني الكرام

السلام عليكم ورحمة الله وبركاته


أنا كنت من محبي الطيران بشكل جنوني بس جاني خوف فجأة وكنت من يومها متردد بشكل فظيع فأخوني كان أحس مني بس هو تحمس وتجرأ والحين كل ما أقول حياك لدبي إلا ويقول الطيارة أحسن وأسرع وأريح فأنا الحين متمحس ومتشجع وأبغي أقطع الخوف عقب ما شفت اليوتيوب عن المسافرين في القطرية فعندي أكثر من سؤأل:
1 - ويش الفريق بين الأعمال والأول؟
2 - ويش الفرق بين المرجان والبريميوم والصفوة؟

وجزاكم الله خير الجزاء.
وتمسوا على خير.
:)

قريت العنوان واشتطيت وألحين قريت الموضوع عدل وفهمت منهي القطرية .. كان قلت اللي مديرها الباكر وما يشغلون فيها قطريين الا نادر

والله حق دبي حلاتها تروح سياحية ولو تشوف فلاي دبي والا العربية وتقارن أسعار تذاكرهم أفضل

اليوم صدفة شفت اعلان حق جزيرة سياحية في الفلبين وفيها منظر خلابة قلت اشوف أسعارهم .. طلعت الطيارة تروح مانيلا وبعدين تروح لحول 20 مطار في الفلبين والسعر كامل حول 1600 ريال .. يعني هذي الشركات ما تبي تخسر بعد وتاخذ سعر معقول

[بوNasser]

إخواني الكرام

السلام عليكم ورحمة الله وبركاته


أنا كنت من محبي الطيران بشكل جنوني بس جاني خوف فجأة وكنت من يومها متردد بشكل فظيع فأخوي كان أخس مني بس هو تحمس وتجرأ والحين كل ما أقول حياك لدبي إلا ويقول الطيارة أحسن وأسرع وأريح فأنا الحين متمحس ومتشجع وأبغي أقطع الخوف عقب ما شفت في اليوتيوب عن المسافرين في القطرية فعندي أكثر من سؤأل:
1 - ويش الفريق بين الأعمال والأول؟
2 - ويش الفرق بين المرجان والبريميوم والصفوة؟

وجزاكم الله خير الجزاء.
وتمسوا على خير.
:)


عليكم السلام ورحمة الله
بإختصار
1- الفرق بين درجة رجال الأعمال والدرجة الأولى لكثير من الرحلات ما عاد فيه فرق، بالعكس القطرية (وكثير من خطوط الطيران) الغت الدرجة الأولى في معظم الرحلات الا للطائرات الكبيرة مثل الايرباص 380 وللمسافات البعيدة.
طبعا المسافة بين الكراسي تفرق عن الدرجة السياحية، والكراسي تنسدح وتتحول الى شبه سرير، والخدمة تفرق كثير عن السياحية وايضا الحمامات اعزك الله انظف بحكم ان المستخدمين اقل. اضافة الى انك تكون آخر الصاعدين للطائرة وأول النازلين منها. و لك في الغالب صالات خاصة اكثر راحة وخصوصية في المطارات.

والفرق الأهم هو ان سعر تذكرة الدرجة الأولى ودرجة رجال الأعمال، يكون اضعافا مضاعفة عن سعر التذكرة للدرجة السياحية، ((خصوصا اذا كنت مواطن قطري)).

2- البريميم والمرجان والصفوة هي صالات لمسافري الدرجات الأولى ورجال الأعمال تختلف عن بعضها في درجة الراحة والتميز وتنوع الأكل والمساحات وغيرها.

سفرة موفقة وآمنه بإذن الله.

[ya3coub]

عليكم السلام ورحمة الله
بإختصار
1- الفرق بين درجة رجال الأعمال والدرجة الأولى لكثير من الرحلات ما عاد فيه فرق، بالعكس القطرية (وكثير من خطوط الطيران) الغت الدرجة الأولى في معظم الرحلات الا للطائرات الكبيرة مثل الايرباص 380 وللمسافات البعيدة.
طبعا المسافة بين الكراسي تفرق عن الدرجة السياحية، والكراسي تنسدح وتتحول الى شبه سرير، والخدمة تفرق كثير عن السياحية وايضا الحمامات اعزك الله انظف بحكم ان المستخدمين اقل. اضافة الى انك تكون آخر الصاعدين للطائرة وأول النازلين منها. و لك في الغالب صالات خاصة اكثر راحة وخصوصية في المطارات.

والفرق الأهم هو ان سعر تذكرة الدرجة الأولى ودرجة رجال الأعمال، يكون اضعافا مضاعفة عن سعر التذكرة للدرجة السياحية، ((خصوصا اذا كنت مواطن قطري)).

2- البريميم والمرجان والصفوة هي صالات لمسافري الدرجات الأولى ورجال الأعمال تختلف عن بعضها في درجة الراحة والتميز وتنوع الأكل والمساحات وغيرها.

سفرة موفقة وآمنه بإذن الله.

أخوي بو ناصر كفى و وفى

بس ممكن المقطع الي على اليوتيوب الي خلاك تشيل الخوف أخوي رجل الجزيرة عن المسافرين فالقطرية ؟!!!!

المرجان للي مسافرين على درجة رجال الأعمال ... الكل يقدر يدخلها و الي بطاقته سلفر بعد يقدر يدخلها و يدخل شخص واحد معاه
الصفا للدرجة الأولى و الي عندهم بلاتينيوم و الذهبية اتوقع ايضا تدخلهم لها اهي الي توهم افتتحوها مؤخرا من كم شهر

البريميوم كلهم يعتبرون مميزين و بريميوم

و في حتى صالة يهال الي يسافرون بدون اهاليهم تحت ستة عشر سنة او اول مرة يسافرون تحت الثمنطعش عندهم غرفه ألعاب و شكل سينما و ألعاب فيديو

غير هاي الصالات في الي للقادمون الي رادين الدوحة للإنتظار
و صالة اوريكس حتى الي مسافرين السياحية ممكن يدخلونها مقابل 200 ريال قطري

[رجل الجزيرة]

جزاكم الله خير وبارك الله فيكم جميعا.

الحبيب بو يويعقوب
حاليا في الشغل ومسوين بلوك لليوتيوب فبإذن الله تعالى في البيت بأنزلهم في المنتدى.
وقصدي خاطري أسافر وأكسر حاجز الخوف.
:)

ففي السابق كنت من محبي الطيران مثلا
شرق آسيا تايلاند والفليبين وهونق كونق
والأردن وتركيا والبحرين والإمارات
وبريطانيا تقريبا 5 مرات وأمريكا مرة وآخر شيء الحج سنة 1996 حريق منى ومن ذاك اليوم ما ركبت الطيارة.

[رجل الجزيرة]

How it's made - Airbus A380 for Qatar Airways


https://www.youtube.com/watch?v=DwDRCo3KaC0

[ya3coub]

how it's made - airbus a380 for qatar airways


https://www.youtube.com/watch?v=dwdrco3kac0

هاي تصنيع الــــa380 يازينها رحلوة طويلة بزنس

و عقب ما تطير تروح البار الي ورى تأكل القليل من الفاكهة و تشربلك شامبين حلال اسمه سوجيني عبارة عن عصير عنب غازي بدون كحول. و تستمتع بالإطلالة و الكرسي الي على شكل صوفا ريل على ريل و امورك احسن ما يكون قبل ما يجون الأجانب و يبتدون تدردج ترجع الكرسي و تبتدي سلسلة الأفلام مع الأكل رايح راجع

ابي اسافر مكان بعيد هههههه

دام هالفيديو عيل لازم تشوف الفيديو الوثائقي الي كانو يصورونه و الله العالم اذا خلصوه او لا عن مطار حمد. اتذكر تلفزيون قطر سوو حلقه بس ناشونال جيوغرافك المفروض مسوين عنه ايضا.

[بوخالد911]

How it's made - Airbus A380 for Qatar Airways


https://www.youtube.com/watch?v=DwDRCo3KaC0

جربتها على الفيرست

ولا أروع

ولكن البزنس
كلللللللللللللش مب شي

معظم الرحلات الى بانكوك تشوف الاقبال أكثر على
300-777

هي الأفضل على الإطلاق

[رجل الجزيرة]

جربتها على الفيرست

ولا أروع

ولكن البزنس
كلللللللللللللش مب شي

معظم الرحلات الى بانكوك تشوف الاقبال أكثر على
300-777

هي الأفضل على الإطلاق

طيب أشرح أفصح أبن.
:)