سكرو محطات البترول وورطونا في الازدحامات

[قطري2022]

هل هالوضع كان الهدف من تسكير المحطات ؟ كنا نعبي بترول في اي مكان وبكل سلاسة واريحية ، الحين قمنا ندور المحطات الي ماعليها زحمة ، واوقات نضطر نصف في الزحمة ، ممكن نعرف ليش تسكرت المحطات من غير ماتتوفر لنا محطات تكفي الناس وتعبي البترول باريحية مثل قبل ؟

[نفسي عزيزه]

ايييه خلها على الله

راح زمان الاريحيه الحين كل زحمه وشقى والحمدلله على كل حال

[نايم سهران]

السبب لاننا في زمن الاحتكار

[الحياة الخالدة]

بالعون ما سووا فينا خير

[ya3coub]

حتى بالدراجة صرت انقع الله يا زمن :( شنسوي مالك إلا مع اذان الفجر تعبي بترول

[نفسي عزيزه]

انا كنت اعبي بترول الفجر ههههههههههههههههه

[monatee]

شكله غصب طيب المحطات كلها لازم تصير وقود

[Qtr37]

ااااااخ
تقريبا خمسة واربعين دقيقه احتاج علشان اعبي من اقرب
محطة

[رجل الجزيرة]

تصدقون أروح محطة سلوى مليانة حتى محطة عجيان مليانة والحين يا إما أروح شيشة أبو نخلة وإلا وقود مكينس بس قريبا بنتهون من محطة وقود الجديدة في منطقتنا بس الله يعينا من الحراسة العامة وكلية ومعهد الشرطة.
:)

[GENIUS]

جهة الكورنيش ولا محطة قريبة إلا محطة حوار وإنتظار أكثر من ساعة ومحطة البترول قرب نفق المناعي تم إغلاقها.

ننتظر افتتاح محطة وقود على طريق المطار الجديد ونشوف كيف راح يرتبون الطريق لهالمحطة و شكلهم توهقوا في المدخل من أي جهة يكون.

الله يعينكم خاصة أهل الوكرة ونواحيها.

[مختلف جداََ]

جهة الكورنيش ولا محطة قريبة إلا محطة حوار وإنتظار أكثر من ساعة ومحطة البترول قرب نفق المناعي تم إغلاقها.

ننتظر افتتاح محطة وقود على طريق المطار الجديد ونشوف كيف راح يرتبون الطريق لهالمحطة و شكلهم توهقوا في المدخل من أي جهة يكون.

الله يعينكم خاصة أهل الوكرة ونواحيها.

هلا أخوي جينيس

أذكر من فترة أنا ذكرت موضوع محطة التيسير اللي صكروها في الوكير ، و إنها مسكره من شهر يناير اللي طاف لين اليوم ، و بدون ما يسوون فيها شي غير إنهم سوروها .

و أذكر أحد الأعضاء قال لي أسألك ( أعتقد بانغ بانغ ) .

[PathFinder]

الوضع لا يطاق في المحطات وعملت ازدحام في الشوارع الرئيسية ايضا. واللي يقهر مضختين في كل مسرب والمضخه بطييئه تعبي بالقطاره.

[بانغ بانغ]

مافي خدمة صب في البيت

دناكر متنقلة اتجيك البيت او الشغل واتعبي لك

[قطري2022]

لهدرحة مافي تخطيط ، ماتوقعو الزحمة الي بتصير اذا سكرو المحطات من غير مايبنون محطات بديلة ؟ احنا نخلص من زحمة الشوارع واخطاء اشغال والشوارع الي كل ثلاث شهور تتكسر وتتصلح ونطيح في سالفة طوابير محطات البترول ؟
يا ناس نبي ناس تخطط صح ، لين متى بنتم ضحايا ناس ماتفقه بالتخطيط ؟ قبل ع الكورنيش مثل ما قال اخونا في محطة بترول مسوية شغل جامد ، ليش تسكرت قبل لا يسوون محطة بديلة ؟ اااه حرام الي يصير فينا ، اعصابنا راحت ، الواحد بروحه الي فييه كافيه ، بعد بيقعد يحاتي وين يعبي بترول ؟

[Rider]

مخرج طالب هذا الشي

[طلعة الروح]

حسبنا الله ع اللي حط قرار الاغلاق ولا قدر يبدل او يطور من المحطات الموجوده قبل اغلاقها ... انا اعتبرها صوره من صور الفساد انك تقرر قرار وبالمقابل تضر البلاد والعباد بقرارك الغبي الفاشل بدون خطه بديله واضحه للمواطن المطحون في الشوارع المؤقته وفي الزحمه وضغط ع الاعصاب في الصباح والليل.. صحيح ان المواطن يحاول يتكيف مع اوضاع جديده ((مفتعله)) بس مب على طول التكيف يكون حل عملي خاصة اذا واجهنا ظروف طارئة

[شيخ الديرة]

سكروها لان كل واحد يبني محطة على مواصفات كيف كيفي

نحتاج على الاقل 100 محطة جديدة بالدوحة فقط، حتى ما يتحول الشارع الى خط انتظار للمحطة

[المبرمج صلاح]

المشكلة في محطات وقود الزحمة ليس على المحطة فقط بل الزحمة تقوم باغلاق الشارع الرئيسي وتسبب في اغلاق الشارع بالكامل

الحمد لله افتكيت من هذه المشكلة لان المسجد اللي بصلي فيه الفجر بجانبه مباشرة محطة بترول وقود الريان الجديدة
وكل 3 ايام افول السيارة من هذه المحطة فجرا في اقل من 5 دقايق

الحمد لله

[QATAR-2006]

حياكم الظعاين عندنا محطتين وقود 24 ساعة فاضية =)

[راجي الْعفو]

حياكم الظعاين عندنا محطتين وقود 24 ساعة فاضية =)

هاي جنك تحرهم ^_^




بصراحة خاطري افهم شي واحد

ليش دايما التخطيط عندنا فاشل لمثل هالمشاريع ؟

[MAZEN37]

كله كوم والي ينزل ببرود يرروح السوبرماركت
اداره وقود فاشله

[قطري2022]

لانهم بعض للمسوولين متعينين بواسطة ، والواسطة عادة ترفع الغبي او قليل الخبرة او الي ماعنده ضمير وتقمع الذكي الي عنده ضمير ذو الخبرة الي تخلي اي بلاد تزدهر وتوفر عليها ملايين الملايين ، محد مرجعنا ورى الا الواسطة الي تخلي اهل الخبرة يبلون خبرتهم ويشربون ميتها

[R 7 A L]

سكروها لان كل واحد يبني محطة على مواصفات كيف كيفي

نحتاج على الاقل 100 محطة جديدة بالدوحة فقط، حتى ما يتحول الشارع الى خط انتظار للمحطة

ماعليه
المفروض اول يفتحون 100 محطة واذا اشتغلت يسكرون المحطات الخاصة

[بريق الحق]

دخلت محطات وقود اغبى تصميم في حياتي
هذا الرئيس الكوري الشمالي لازم ياخذه على زاويه وبتفاهم معاه

[شيخ الديرة]

ماعليه
المفروض اول يفتحون 100 محطة واذا اشتغلت يسكرون المحطات الخاصة

تكون كلها تسرب تحت الارض، او تفقع فوق الارض

[ضوى]

سؤال يطرح نفسه

هل انشاء محطات بترول بجوار مباني سكنية جائز قانونياً ؟؟؟

[R 7 A L]

تكون كلها تسرب تحت الارض، او تفقع فوق الارض

ماعليه يصلحون التسريبات
بعد هالمصيبة الي صارت

[مرتبش]

الاحتكار وقلة الشوارع التجارية وسوء التخطيط ادى الى الوضع الحالي

[ابوالعبد]

المفروض بالكورنيش اقل شي محطتين بترول والي الان ولا محطه وايظا المطار القديم المفروض فيها محطه والي الان لايوجد محطه مفرروض محطه بكل مكان عشان مايكون في زحمه

شمعنى في الامارات مافي زحمه ولا سعوديه لانه يوجد فيها محطات واجد في المنطقه الوحده هنا عندنا بدوحه انتظر ااكثر من 20 دقيقه عشان بس اعبي بترول

[شيخ الديرة]

نحن نسكن الدوحة ونعرف مواقع المحطات، احزن على الزوار اللي يعتمدون على البيانات القديمة لمواقع المحطات التي تم اغلاقها

[سفير الدوحة]

انا اللي اشوفه من وجهة نظري ان اغلب المحطات الخاصة قامت تسوي صيانه وتوسعه في نفس الوقت
وهذا ياخذ وقت قد يمتد لاكثر من سنه
اكيد ان هالصيانه لخزانات الوقود بناء على مواصفات شركة وقود وقد تكون حالة الخزانات او المضخات فعلا تعبانه او ...
ولكن الخطأ ان تباشر اغلب المحطات الصيانه مع بعض وهو اللي سبب ضغط على محطات وقود وخدماتها والازدحام ..
والمفروض ينحل بعمل جدوله زمنية لكل المحطات وصيانتها
خاصة واجراءات الصيانه او التوسعه تختلف من محطة لاخرى على حسب طاقتها الاستيعابيه

وشكرا

[قطري2022]

انا اللي اشوفه من وجهة نظري ان اغلب المحطات الخاصة قامت تسوي صيانه وتوسعه في نفس الوقت
وهذا ياخذ وقت قد يمتد لاكثر من سنه
اكيد ان هالصيانه لخزانات الوقود بناء على مواصفات شركة وقود وقد تكون حالة الخزانات او المضخات فعلا تعبانه او ...
ولكن الخطأ ان تباشر اغلب المحطات الصيانه مع بعض وهو اللي سبب ضغط على محطات وقود وخدماتها والازدحام ..
والمفروض ينحل بعمل جدوله زمنية لكل المحطات وصيانتها
خاصة واجراءات الصيانه او التوسعه تختلف من محطة لاخرى على حسب طاقتها الاستيعابيه

وشكرا

صح لسانك ، هذا المفروض ، لان المصيبة هي ان الي يخطط حق هالمشاريع ماعنده خبرة كافية في التخطيط ، وبعدين اذا وقود لها مقاييس جديدة للخزانات ، ترى محطات البترول القديمة لها عشرات السنين وهي ماشية ولا اروع وماسمعت اخد اشتكى منها ، معناها مقاييس وقود الجديدة وجودها كعدمها وان الخزانات القديمة مامنها خوف ، تذكرت قصة النملة الي كانت تشتغل عدل والاسد الي هو المدير مستانس عليها ، بس يوم حب الاسد يطور من الشغل راح عين نمر وفهد وحصان وغيرهم عزكم الله الي طلعو شغل النملة مب عدل ليما انهو خدماتها وعقبها خسرت الشركة

[fmmja]

مادام مساحة اغلب محطات وقود صغيره
الأفضل انها تكون لتعبئة الوقود فقط بدال المهرجان اللي داخل محطاتهم

اما تكون المحطه نتفه صغيره ويحطون المطاعم والمغاسل والسوبر ماركت وصيانة السيارات فمالها داعي يضيقون على العالم وامر الله من سعه .

[شيخ الديرة]

مادام مساحة اغلب محطات وقود صغيره
الأفضل انها تكون لتعبئة الوقود فقط بدال المهرجان اللي داخل محطاتهم

اما تكون المحطه نتفه صغيره ويحطون المطاعم والمغاسل والسوبر ماركت وصيانة السيارات فمالها داعي يضيقون على العالم وامر الله من سعه .

الارباح وسعر السهم يرفضون طلبك

[bohilal191]

هل الاغلاق بسبب وقود واحتكارها أم لسبب معين لأن محطة بترول الأندلس تسوي إعادة بناء لمحطتها وشفت اللوحة ومكتوب عليها المالك محطة الاندلس

[معماري قطري]

أبشركم محطة بترول الحديقة يهدمونها وعفسوا بيوتنا بالغبار .. المفروض يرشون ماي حتى ما يطير الغبار أو يحطون ساتر

باقي شوي هدم صار له فوق السنتين والبناء الله أعلم شكثر بيستمر .. البناء محطة فرعية للريل + الجسر للعبور حق أسباير

[بوخالد911]

مصائب قوم عند قوم فوائدُ !!!!!!

[طلعة الروح]

انا اللي اشوفه من وجهة نظري ان اغلب المحطات الخاصة قامت تسوي صيانه وتوسعه في نفس الوقت
وهذا ياخذ وقت قد يمتد لاكثر من سنه
اكيد ان هالصيانه لخزانات الوقود بناء على مواصفات شركة وقود وقد تكون حالة الخزانات او المضخات فعلا تعبانه او ...
ولكن الخطأ ان تباشر اغلب المحطات الصيانه مع بعض وهو اللي سبب ضغط على محطات وقود وخدماتها والازدحام ..
والمفروض ينحل بعمل جدوله زمنية لكل المحطات وصيانتها
خاصة واجراءات الصيانه او التوسعه تختلف من محطة لاخرى على حسب طاقتها الاستيعابيه

وشكرا

طلع لي محطه خاصه ارجعت بعد الانفجار او الصيانة ( باستثناء محطة الهلال)

[مدور عقلي]

عيل شتقول عن الوكره .. محطه سكروها ومحطة السيف على وشك انها تسكر على حسب الكلام الي وصلني

[PathFinder]

نريد حل لهذه المشكلة باسرع وقت

[Qt.1]

احنى صوب الخيسه والمحطه ماقد شفت فيها زحمه كبيره يعني كله خفايف دقايق وانا مخلص , بس الظاهر داخل الدوحه الزحمه في كل شي ,,

[مرتبش]

محطة الجامعة ومحطة الخليج الغربي سيتم اغلاقهم قريبا للتجديد كما ورد في موقع الدوحة نيوز

[طلعة الروح]

محطة الجامعة ومحطة الخليج الغربي سيتم اغلاقهم قريبا للتجديد كما ورد في موقع الدوحة نيوز

لا حول ولا قوة الا بالله نطالب ب ايجاد البديل في مناطق الاغلاق وتسهيل مداخلها ومخارجها وعدم الاستمرار في المهزله التي حصلت في بعض محطات وقود من طوابير تنتظر وتغلق مسارات الطرق الخارجيه..

[قطري2022]

اتمنى يسلمون هالاعمال لناس ذوي خبرة وبحسون بمعاناة الانسان وفيهم انسانية ، الله يعطيكم العافية ماقصرتو على مشاركاتكم

[معماري قطري]

اتمنى يسلمون هالاعمال لناس ذوي خبرة وبحسون بمعاناة الانسان وفيهم انسانية ، الله يعطيكم العافية ماقصرتو على مشاركاتكم

ثرى بسهولة وبرخيص يسوون محطات بترول مؤقتة والمناطق المفتوحة شكثر .. كلها طريق خفيف اللي دول العالم تسويه بآلاف وقطر تسويه بمليارات ومضخات موصولة بتوانكي خاصة .. ولازم تشبيك واحتياطات سلامة وكمية البترول تكون معقولة مب كبيرة لا قدر الله صار شيء .. بس من يفكر في الحلول؟ ومثل ما يقولون فاقد الشيء لا يعطيه


https://www.youtube.com/watch?v=x7OY2ng-f_M

[معماري قطري]

الألمان ما خلوا شيء لكن ربعنا ما يفكرون صح في وقود قصدي


https://www.youtube.com/watch?v=zpe096vt_SE

[معماري قطري]

بناء محطة وقود في 30 يوم .. هذي شركة وقود عام 3000


https://www.youtube.com/watch?v=5cjjShC_6mk

[سليمان احمد]

ياليت من شروط ال fifa لكاس العالم توفير عدد محطات بترول كان شفنا محطات البترول في كل شارع