هل هذا الكلام صحيح عن مطعم ماكدونلز ام اشاعات لغرض تجاري ؟

[نفسي عزيزه]

أخبار مهمة:
أصدر المجلس الاسلامي القضائي (mjc) والرابطة الدولية للدراسات القرآنية شهادة عن مطاعم ماكدونالدز. بالاشارة الى مكتب المطبخ في ولاية فلوريدا، بالولايات المتحدة الأمريكية، أظهرت دراسة عن مكونات ماكدونالدز دليل إيجابي من مواد لحم الخنزير وهو ما يسمى "lm10" تستخدم في ماكدونالدز، وهي المايونيز، والبطاطس والتوابل والزيت.
وأكد مسؤولون ماكدونالدز في أمريكا بأن جميع مكونات الصلصة التي تستورد لها أساس من المنتجات القائمة على لحم الخنزير.
وينصح المسلمين المستهلكين بالامتناع عن ماكدونالدز.

وقد اصدر المجلس الاسلامي القضائي (mjc) وiqsa أيضا شهادة بذلك تم تعميمها في جميع المناطق بأمريكا. ومن الواجب إعلام الآخرين بذلك.

يرجى إرسالها الى جميع من يعنيه الامر.


وصلني عبر الواتس اب طبعا مانخلى من اعضاء الشبكه وخبرتهم فقلت اشاوركم لاني بين فترات اطلب منهم فهل في دليل على صحة هذا الكلام او مجرد غرض تجاري وشكرا لكم يالغالين

[بانغ بانغ]

مستحيل تسمع تاكيدات

هاي بزنس

[نفسي عزيزه]

يعني مضروب تهقى فيه خنزير ؟

[durra]

كلشي ارتفع سعره
الا مطاعم الوجبات السريعه
وعز الله جيل بكبره تربي ويتربى عليها
واخرتها خلل هرمونات وسمنه

[نفسي عزيزه]

http://m.huffpost.com/ar/entry/9332104

[نفسي عزيزه]

http://alwatan.kuwait.tt/mobile/marticledetails.aspx?id=248864&yearquarter=20131

[Dana’1]

ماكدنونالدز يصنع حسب مواصفات كل دوله .. احنا دول اسلاميه فما تستخدم فيها زيوت او شحوم الخنزير

لكن عموما فيها مواد مصنعه وحافظه مافيها خير لا الجبنه جبنه طبيعيه ولا الدجاج او اللحم بدون هرمونات وزيوت مهدرجه ووو الخ

[بوخالد911]

الله وحده أعلم.

لكن ما أستبعد دعاية من شركة منافسة تبي تضرها بأي شكل.

[شموخ دائم]

,

,


مرحبا


الكلام كثير عن هذي المطاعم

واعتقد كثير مبالغ فيه

بالنسبه للخنزير والدهون لازم يكتبون يحتوي او لا
لان لازم يكتبون ( Halal )
للمسلمين وايضا يكتبون (KOSHER ) لليهود لانهم ما ياكلون الخنزير ايضا
وبعض انواع الاكل

ومن المستحيل يغامرون ويحطون خنزير لانهم راح يتعرضون لقضايا كثيره وتعويضات



,

,

[معماري قطري]

اللي في أمريكا فرق عن اللي في قطر اللي في قطر يختلف وأحلى

بس مكدونالدز وبرغر كنغ وكنتاكي وونديز والغالبية الباقية كلها لو ما كان فيها خنزير فيها هرمونات وفي اللحم خليط شحم وعقب ومواد الله أعلم بها ومشبعة بالدهون الضارة

[حمد بن سعد]

اشوفه لذيذ :nice:

[qr95]

اللهم لك الحمد والشكر

[بوحارب]

انا بنفسي سألت موظف ماكدونالدز في اي فروع لندن

وقلت له هل الأكل عندكم حلال وقالي لااااااااااا

لا دجاج ولا لحم

[ضوى]

مدري اصلا اشلون تتجرؤون وتاكلون هالاكل السريع والله الريحة بس تميع الجبد

[نفسي عزيزه]

اشكركم جميعا

ضوى مرات الانسان يحب التغير لكن يعني مب على طول لان مثل ماقالو مشبع بالدهون بس ضوى ريحته عجيبه ولا شرايج مايجذبج اكلهم ؟

[ضوى]

اشكركم جميعا

ضوى مرات الانسان يحب التغير لكن يعني مب على طول لان مثل ماقالو مشبع بالدهون بس ضوى ريحته عجيبه ولا شرايج مايجذبج اكلهم ؟

ابدا مايجذبني اذا باغير باروح مطعم يقدم اكل عادي مب اكل مشبع بالدهون

[monatee]

انا بنفسي سألت موظف ماكدونالدز في اي فروع لندن

وقلت له هل الأكل عندكم حلال وقالي لااااااااااا

لا دجاج ولا لحم


مادري اذا هم يضيفون الخنزير او لا .. لكن المقصد يوم قالك مب حلال ان الذبح مش حلال

كل المطاعم الاجنبيه في الدول بره اكلها مش حلال فاست فود ولا غيره
حتى لو مافي خمر او خنزير

[نفسي عزيزه]

ابدا مايجذبني اذا باغير باروح مطعم يقدم اكل عادي مب اكل مشبع بالدهون

شكرا لصراحتج

[نفسي عزيزه]

ماقصرتو جميعا ومنكم نستفيد

انا اشوف هالموضوع ضروري لنا كلنا لازم نعرف شناكل ومحد يستغلنا

معلوماتكم طيبه تفيد شريحه كبيره من الاعضاء والي يقرون مب مسجلين فشكرا لكم

[.قطر.]

اتوقع اللي عندنا مافيه المواد اللي من الخنزير

[نفسي عزيزه]

اتوقع اللي عندنا مافيه المواد اللي من الخنزير

رايك مهم ومنكم نستفيد

بحثت بقوقل وطلع مكان الذبح ماليزيا ومسلمين ويصدر الى الكويت والخليج ويختلف عن الي ف امريكا

لان مرات الواحد ياكل منهم ويخاف فمن جذي طرحت الموضوع عشان نتبادل المعلومات

[Dexter]

والله من سنين واحنا نسمع هالكلام وتجينا رسايل واتس اب.. ولا صار شيء، صرت اطنش اي رسالة عن هالموضوع من كثر ما سمعت عنه

[العرابي]

الحين فاتبرجر خذ الجو من ناحيه الجوده والطعم

والمطعم الأمريكي تيدز في جزيره البنانا روعه

[الماريّة]

والله ياخوي هالمطاعم بكبرها مامنها فايده
سواء حلال او حرام

ماشفنا منها الا متن عيالنا وخمول اجسامهم

الله المستعان

[نفسي عزيزه]

صادقه

تبا للاراده الضعيفه

[captin]

في كل الأحوال الوجبات السريعة غير مفيدة غذائيا واستهلاكها على المدى البعيد ضار بشهادة كل المنظمات والجهات الطبية

في كل دول العالم اللي اعرفه ان شركات الوجبات السريعة اللي تفتح لها فروع في مناطق جغرافية في العالم
تسوي فرنشايز مع شركات اقليمية في تلك المناطق مثلا في الخليج لها وكيل مثل شركة الشايع الكويتية
او امريكانا الكويتية السعودية وغيرها في مصر ودول المغرب العربي وايضا نفس الحال في دول شرق آسيا .

ومن خلال اتفاقية الفرنشايز يحددون مصادر المواد للوجبات مثلا مكدونالدز الخليج معظم المواد اما من السعودية او الكويت
حتى الكرتون اللي ينحط فيه السندويش مصنع في الكويت . كنتاكي مثلا معظم مكونات الوجبات من امريكانا في جدة في السعودية.

هذا لايعني ان الوجبات السريعة صحية من الناحية الغذائية لكن هناك رقابة على المكونات على الاقل في دول الخليج عندنا.
وما يمنع الواحد لين هفته نفسه ياكل وجبة لو في مرة في الشهر
المشكلة لعيال لصغار صرط من هالوجبات ليل نهار باقي يتريقون كنتاكي وهارديز :)