متى نرتاح و نستانس

[أبو سعود]

منذ أيام قال لي أبني الصغير وهو بالصف

الثاني الأبتدائي


أحنا من الصبح ولغايه الظهر موجودين بالمدرسه

معظم الوقت ندرس ونكتب الواجبات ونوصل البيت

مع أذآن العصر نحس بالتعب وايد وايد


وبعد ما نرتاح شوي نبتدي ندرس ونكتب الواجبات

يعني يومنا معظمه دراسه في دراسه

متى نرتاح و نلعب ؟ ؟ ؟


وقال لي أشرايك تروح أنت تدرس مره ثانيه

علشان تحس فينا .


قلت له الحمد لله أنا خلصت من الدراسه وأشتغلت

والدور عليكم تدرسون وتتعلمون وتتعبون شوي


قال لي يبا ترضى أنت تحضر أوراق شغلك للبيت

وتخلصها علشان ما ترتاح


( قلت بنفسي ) المفروض هذا السؤال يوجه للساده

المسؤولين القائمين على التعليم

هل يستطيعوا أنهاء معاملاتهم بالبيت مثل الطلبه

لكي يحسوا فيهم


وعلى فكره أيام المدارس الحكوميه كان اليوم المدرسي

ينتهي تقريبآ الساعه الثانيه عشر والنصف

وكان أفراد الأسره يجتمعون مع بعض لتناول

وجبه الغذاء

وكان يوجد وقت كافي للراحه ومن ثم يذاكر

الطلبه دروسهم

أما الآن ينتهي الدوام بالمدارس المستقله الساعه

الواحده والنصف ويصل الطلبه لمنازلهم متأخرين

عند وقت أذآن العصر


وواضح عليهم الأرهاق والتعب والتذمر


ومعظم أفراد الأسره لا يجتمعون مع بعض

لتناول وجبه الغذاء


أي توقيت. المدارس المستقله قد ساهمت بدرجه كبيره

في عدم شمل أفراد الأسر خصوصآ عند تناول

وجبه الغذاء

وكذلك ساهمت في عدم وجود الوقت الكافي للطلبه

لكي يرتاحوا

[qatari911]

على ايامي واخر الثانويه سنة 98 تقريبا نخلص الساعه 1:45 دقيقه
والابتدائي كان 1:30 او 1:15 يطلعون
ونوصل البيت على 2:15الى 2:30 ونتقدا ورقاد الى المغرب ونقوم ونفتح الكتب ونراجع ونحل الواجبات والبعض يسحب على الدراسه
ما اشوف انها اثرت علينا او على حياتنا الاجتماعية
لو ولدي سألني ردي عليه انه يشد حيله واذا تبي تستانس وترتاح الاجازة جايه
ادرس عدل على شان ترتاح في الاجازة وتستانس
جيل هالوقت مادري شفيهم

[ضوى]

بصراحه اخوي بو سعود وايد مرفهين عيالنا ، مانبيهم يتعبون بحياتهم ، ولا نبيهم يدرسون ، ولا يتأخرون في المدارس خلهم صدقني اولها تعب عقب ان شاء الله بيرتاحون لتخرجوا واشتغلوا ، علموهم خلقنا اللنسان في كبد ، مافي راحه عالارض راحة المؤمن في الجنه فقط

[راجي الْعفو]

معك قلبا و قالبا

ولدك الله يحفظه قال وين نلقى وقت نلعب لان هذا شي طبيعي في الاطفال

والمربي يقول وين نلقى وقت نطلع جيل يرفع راية الاسلام

ما اعرف وش بيصير لو قللو دوامهم

المواد الدسمة و طول فترة الدوام ما تنفعهم شي ابدا والواقع خير شاهد

[ضوى]

على ايامي واخر الثانويه سنة 98 تقريبا نخلص الساعه 1:45 دقيقه
والابتدائي كان 1:30 او 1:15 يطلعون
ونوصل البيت على 2:15الى 2:30 ونتقدا ورقاد الى المغرب ونقوم ونفتح الكتب ونراجع ونحل الواجبات والبعض يسحب على الدراسه
ما اشوف انها اثرت علينا او على حياتنا الاجتماعية
لو ولدي سألني ردي عليه انه يشد حيله واذا تبي تستانس وترتاح الاجازة جايه
ادرس عدل على شان ترتاح في الاجازة وتستانس
جيل هالوقت مادري شفيهم

اتفق معاك ، على ايامي المنهج دسم من قلب وواجبات ونشاط وامتحانات ماشوف صار فينا شي عيالنا دلاليع نخاف عليهم من لفحه الشمس ومن لفحه الهوا اشدعوا خلوهم يتعبون عشان يحسون بطعم النجاح

[الزعفراني]

والله المفروض يطبقون عندنا النموذج الفنلندي في التعليم ..

اظن من صف اول لين خامس مافي امتحانات ولا واجبات دراسية .. بس تنمية مهارات عند الطلاب .. وانشطة صفية وتفاعليه :)

والمدرس عندهم أظن يداوم فقط 4 ساعات في الاسبوع في هالمرحلة ..

وتعتبر فنلندا الان رقم 1 في جودة التعليم على مستوى العالم

وفيه كذا مقطع في يوتيوب ومترجمين يتكلمون عن النظام عندهم هناك

[الماريّة]

والله ماينلامون الطلاب بصراحه

الوقت متأخر ومع الزحمه الواحد يزهق ويروح اليوم كله تعبت مارتاح شوي ورفه عن نفسه
يازين دراستنا لول الابتدائي يخلصون س 12 او 12 ونص والثانويه وحده وخلاص نرجع يمدينا
نتغدا مع اهالينا ونقيل ونقوم ندرس العصر الوقت فيه بركه

الحين ضاغطين عليهم بكل شي من وقت الدراسه المتأخر ومن الزحمه الي تنقع الواحد
الله يعينهم صج عيالنا

ويلومونهم ل تمللوا وكرهوا المدارس

الله المستعان

[Rider]

وزارة التعليم حدث ولا حرج طول الدوام وزن الشنطه لي الياهل يشيل شنطه اكثر من وزنه امور اخرى
على ايامنا الداوم لين 12 ونص غير الضرب من قبل المدرسين والحمد الله لي طلع ضابط ولي مهندس ولي دكتور

[حظيظ]

تعقيباً على كلام الاخ الزعفراني هذا هو الفيديو عن التعليم في فنلندا

https://www.youtube.com/watch?v=CAHwaSIeZpY

[R 7 A L]

على ايامنا من المدرسة للبيت نص ساعة بالكثير الحين فوق ساعة ونص من الزحمة

[أبو سعود]

للأسف اللي لاحظتها من بعض الردود ومن قبل

البعض دائما يلقون اللوم على الطلبه ويعتبرونهم

جيل مرتاح ولا يتحملوا ولا يشعروا بالمسؤوليه


في حين لا يلقون المسؤوليه على أسلوب الدوام

الطويل و الممل و المرهق للمدارس المستقله

والتي سببت الكثير من الأرهاق والتعب لأبنائنا الطلبه


وكذلك لم يلوموا بعض المناهج وهي عباره عن

دراسات نظريه وحشو كلام ولا يستفيد منها أحد بشئ


خلال الأسبوعين الماضيين ذهبت زوجتي كذا مره

للمدرسه. نفسها وللمدارس الأخرى التي يدرس بها

أبنائنا ولتطمئن على مستواهم ومستوى المناهج


فلاحظت أن المدرسات عليهن ألتزامات عديده من الانشطه

وأهم شي عندهم أن يخلصوا المناهج

ولاحظت أن بعض المدرسات يستدعون بعض الطلبه

خلال فسحه النشاط

أو يبحثوا عن حصص أحتياط لأستكمال الدروس

لأ ن ما عندهم وقت


ولاحظت أهم شي عند بعض المدرسات أنهم يخلصوا المناهج

حتى لو كان وقت فسحه النشاط

( وقت راحه الطلاب )


ولاحظت لبعض المدرسات كاللغه العربيه لا يهمهم

الأتقان في كتابه وقراءه الحروف عند الطلبه

أهم شي عندهم هو أنهم يثبتوا للأداره المدرسيه

أنهم أستطاعوا أن يخلصوا المناهج وذلك حتى

لا تتأثر التقارير عليهم

[أبو سعود]

اليوم سلمت أبني مصروفه اليومي من الريالات

لكي يشتري من مقصف المدرسه

فقال لي يبا أنا اليوم ما أقدر أشتري من المقصف


قلت له ليش ؟


قال لي بالحرف الواحد

أنا اليوم أبي أحاول ألعب وأستانس مع ربعي

شوي بالفسحه

لأن ما عندنا وقت نرتاح ونلعب بالمدرسه كله

دراسه في دراسه

وأذا فطرت بالفسحه الوقت بيروح عنا

وما لعبت معاهم


هذا أن دل على شي فأنه يدل على عدم تخصيص

الوقت الكافي المناسب للطلبه لكي يرتاحوا من كثره

الدراسه والمناهج الطويله

[الماريّة]

اليوم سلمت أبني مصروفه اليومي من الريالات

لكي يشتري من مقصف المدرسه

فقال لي يبا أنا اليوم ما أقدر أشتري من المقصف


قلت له ليش ؟


قال لي بالحرف الواحد

أنا اليوم أبي أحاول ألعب وأستانس مع ربعي

شوي بالفسحه

لأن ما عندنا وقت نرتاح ونلعب بالمدرسه كله

دراسه في دراسه

وأذا فطرت بالفسحه الوقت بيروح عنا

وما لعبت معاهم


هذا أن دل على شي فأنه يدل على عدم تخصيص

الوقت الكافي المناسب للطلبه لكي يرتاحوا من كثره

الدراسه والمناهج الطويله

ياعمري عليه والله عورني قلبي اختار يجوع عشان اللعب ،،،،
يااخوي انتوا بعد خصصوا له وقت لو ساعه يلعب فيها ويتحرك عشان ماييده ملل وزهق
من حق الطفل انه يلعب ويتحرك واللعب اصلا للاطفال يعتبر من التربيه لانه نشاط وحيويه

الله يعينهم فعلا اذا احنا لكبار نتملل من طول وقت الدوام فكيف بهم اطفال

الله يحفظهم لك يارب

:
:

[السيف5]

اسألوا المدرسين وبتعرفون حال الطلبة آخر حصة
فاتحين حلوجهم من التعب واي استيعاب هذا اللي بيدخل مخوخهم
فعلا نظام وقت الانصراف مضر اجتماعيا ومامنه فايده دراسيا

[وحيد-الشوق]

حياتنا صارت شقى والسبب الزحمة والشوارع :)

الحمدلله على كل حال

[الزعفراني]

تعقيباً على كلام الاخ الزعفراني هذا هو الفيديو عن التعليم في فنلندا

https://www.youtube.com/watch?v=CAHwaSIeZpY

شكرا لك :victory:

[Azizuk]

انا اشوف المدارس لو يركزون على مادتين أو ثلاث مواد في اليوم احسن من يعطونهم كذا مادة ويتشتت فكر الطالب

يعنى لو التركيز في اليوم على ثلاث مواد ويكون تركيز مكثف احس ان الطالب راح يستفيد اكثر

وفي نفس الوقت تتخصص الحصه الاخيرة لحل الواجبات

والفترة الزمنية لك حصه ساعة ونص أظن ان وقت كافي ان المدرس يشرح المادة لطالب

والطالب يكون أخذ قدر كافي لفهم المادة ومناقشتها

طبعا الساعة ونص ماتكون شرح فقط

المفروض يتخللها وقت للمناقشة والحوار

[عثرة جواد]

موضوع تشكر عليه اخوي

المشكلة هي احنا شنو نبي من عيالنا قادة ونبني فيهم المستقبل والا جيل همه يلعب ومش حالك

لو الدولة استوعبت الي يصير كان تغير كل شي لان الأبناء اليوم هم امل المجتمع الي نسعى انه ينهض

الوقت عامل كبير ف تنظيم وقت الطالب والي المفروض يكون هو الأساس ف تنميته وتطوره

زيادة أوقات الدوام لاتسمن ولا تغني من جوع .....


عسااك ع ااالقوووة

[يمامـة]

ما اخبر يا بوسعود المدرسة مسوينها للعب..

المدرسة من اسمها مدرسة مشتقة من درس..

فكيف يا هل ترى درس مع لعب في مدرسة؟

احنا من جيل التعليم بالدز.. ما كنا نروح المدرسة وفي اذهاننا انها مكان للعب..

ومن يوم ما دخلنا الأول الابتائي لين خلصنا الثانوية اللعب كان في حصص الرياضة
او عند غياب المدرسات.. حتى لما تخصصنا علمي شلوا عنا حصص الرياضة.

ولا اخبر كنا نقول ليش ما نلعب في المدرسة.. واحنا اللي كانوا يعطونا القصاص طول اسبوعنا نقضيه
في القصاص سواء في المدرسة او لما نرجع البيت..

فإذا ولدك يشتكي.. المشكلة تكمن في ولدك اللي يحتاج الى إعادة برمجة لفهمه لسبب تواجده في المدرسة..

ما يصير كل شي يتحندون عيالنا عليه نوافقهم الرأي.. فالعلم يحتاج صبر وجهد وتعب و وقت..

وهالشي ما بيصير دام الطالب حاط في باله انه من حقه يروح المدرسة و يلعب..

وانتوا في البيت احتضنوا الولد بحيث انكم تساعدونه على طرد هالافكار السلبية من مخه..
واذا هو محتاج يلعب في الفسحة.. سوا له وجبات من البيت علشان ما يترك اكله بسبة الزحمة في الكانتين..

ترى اتبعت هالاسلوب مع بنتي وهي في الثانوية .. احط بوكس خاص فيه فواكه وبكس ثاني فيه ورق عنب
او كفتة مقلية او سندويشات.. لأن ما كان عندها وقت تروح تشتري من المقصف هذا أولا ... واذا صار عندها وقت
ما يعجبها اكل المقصف..

فلا تتجاوبون مع متطلبات عيالكم في طلب الراحة..

وشكرا لكم..