الخطوط القطرية .... مرة أخرى ودائما وأبدا !!!!!

[بانغ بانغ]

موضوع مثل كرة تنس الطاولة

ايروح ويرجع ولا في حل لهالمعضلة اللي وقفت في وجوه هل قطر

** أنا عن نفسي مثلا بعد اسبوع باسافر سان فرانسيسكو ومافي خط مباشر على القطرية ( ترانزيت لوس انجلس ) وحصلت على الامارتية دايركت ( ترانزيت دبي )

والفرق بين التذكرتين 9000 ريال قطري بالتمام والكمال على درجة البزنس

هل هاي معقوول من شركة محلية

اللي حادني هو الأميال فقط " لو قررت اركب القطرية "

لكن حاليا الوضع صوب دبي وبنشوف

وغير العالم الي ايعانون من القطرية او بالاحرى ( الخطوط الجوية لغير القطريين )

[ورد الدوحه]

الله يعيينك اخوي هالقطرية مادري متى بتستعدل!!
حتى في العروضات اللي اتسويها القطرية من أسمع عنها على طول أتصل في السفريات يقول لي لا
العروضات في أيام معينه مايصير في اجازة الكريمس ولا اجازه نص السنه ولا الإجازة اللي أسبوع في شهر أربعه :eek5:
معقولة؟؟؟؟؟

[captin]

فعلا القطرية مالها رحلة مباشرة الى سان فرانسيسكو

اذا تبي القطرية الخيار الوحيد تسوي كونيكشن من احد محطات القطرية العشر في امريكا

يفضل تكون لوس انجلوس عشان بتكون قريبة جدا من سان فرانسيسكو وعندك نيويورك او شيكاغو او واشنطن الخ

في كل الاحوال على القطرية او الشركات الثانية راح تغير طيارة في احد المطارات .

من منطقة الخليج عندك الاتحاد من ابوظبي او الامارات من دبي .

في رايي الشخصي التوقف في اروربا مريح اكثر من الطيران المباشر خصوصا للساحل الغربي

الخيارات في اوروبا ( البريطانية عن طريق لندن - لوفتهانزا عن طريق فرانكفورت او ميونخ - كي ال ام عن طريق امستردام )
لو قدرت توقف في اروربا ونت راجع يومين بيكون احسن عشان تعدل النوم وما تعاني من الجت لاغ .

[بانغ بانغ]

فعلا القطرية مالها رحلة مباشرة الى سان فرانسيسكو

اذا تبي القطرية الخيار الوحيد تسوي كونيكشن من احد محطات القطرية العشر في امريكا

يفضل تكون لوس انجلوس عشان بتكون قريبة جدا من سان فرانسيسكو وعندك نيويورك او شيكاغو او واشنطن الخ

في كل الاحوال على القطرية او الشركات الثانية راح تغير طيارة في احد المطارات .

من منطقة الخليج عندك الاتحاد من ابوظبي او الامارات من دبي .

في رايي الشخصي التوقف في اروربا مريح اكثر من الطيران المباشر خصوصا للساحل الغربي

الخيارات في اوروبا ( البريطانية عن طريق لندن - لوفتهانزا عن طريق فرانكفورت او ميونخ - كي ال ام عن طريق امستردام )
لو قدرت توقف في اروربا ونت راجع يومين بيكون احسن عشان تعدل النوم وما تعاني من الجت لاغ .

الله يجزيك خير كابتنا

المشكلة في الخطوط الطويلة احب سمتة وحدة

الاشكالية في السعر شوف كم الفرق

حرااام والله

[شبيه الريح]

صبحكم الله بالخير

بخصوص الاسعار

قارن بين الرحلات المباشره بتحصلها نفس الشي لا تسوي مقارنه بين مباشره وترانزيت

بخصوص الافضليه فالاماراتية افضل من في الخدمات داخل الطيارة والطيارات احدث واكبر

[بانغ بانغ]

الله يعيينك اخوي هالقطرية مادري متى بتستعدل!!
حتى في العروضات اللي اتسويها القطرية من أسمع عنها على طول أتصل في السفريات يقول لي لا
العروضات في أيام معينه مايصير في اجازة الكريمس ولا اجازه نص السنه ولا الإجازة اللي أسبوع في شهر أربعه :eek5:
معقولة؟؟؟؟؟

اي والله

يخدعون الناس ويربطونهم بعروض محددة بوقت وتاريخ معين ما يتغير

والخطوط الأخرى افضل منهم في الخدمات والتسهيلات وطياراتهم افضل

الامارتية الرحلة اللي ذكرتها اعلاه 380 يعني احسن من القطرية

[qatari911]

موضوع مثل كرة تنس الطاولة

ايروح ويرجع ولا في حل لهالمعضلة اللي وقفت في وجوه هل قطر

** أنا عن نفسي مثلا بعد اسبوع باسافر سان فرانسيسكو ومافي خط مباشر على القطرية ( ترانزيت لوس انجلس ) وحصلت على الامارتية دايركت ( ترانزيت دبي )

والفرق بين التذكرتين 9000 ريال قطري بالتمام والكمال على درجة البزنس

هل هاي معقوول من شركة محلية

اللي حادني هو الأميال فقط " لو قررت اركب القطرية "

لكن حاليا الوضع صوب دبي وبنشوف

وغير العالم الي ايعانون من القطرية او بالاحرى ( الخطوط الجوية لغير القطريين )

احسن لك ياالامارتية او الاتحاد لان فيها ميزة وهي يخلصون اجراءات دخولك من مطار ابو ظبي يعني لما توصل للامريكا تدخل عادي وتفتيش عادي

[بانغ بانغ]

صبحكم الله بالخير

بخصوص الاسعار

قارن بين الرحلات المباشره بتحصلها نفس الشي لا تسوي مقارنه بين مباشره وترانزيت

بخصوص الافضليه فالاماراتية افضل من في الخدمات داخل الطيارة والطيارات احدث واكبر

الثنتين غير مباشر اخوي والامارتية على 380

حتى المباشر الامارتية ارخص صدقتي لبعض الوجهات

[بانغ بانغ]

احسن لك ياالامارتية او الاتحاد لان فيها ميزة وهي يخلصون اجراءات دخولك من مطار ابو ظبي يعني لما توصل للامريكا تدخل عادي وتفتيش عادي

هلا بشيخنا قطري ... شكله هاي اللي بيصير

حتى الاentertainment احسن من القطرية افلام واكل وكراسي

خبرك اكثر من نص يوم في الجو

[qatari911]

هلا بشيخنا قطري ... شكله هاي اللي بيصير

حتى الاentertainment احسن من القطرية افلام واكل وكراسي

خبرك اكثر من نص يوم في الجو

:nice:

لو تصير حملة مقاطعة على القطريه من المواطنين كان يمكن تتعدل
بس اعرف ربعنا محد بيقاطع (( بس بقاطعون في الحملة بس على الواقع ما اعتقد )) والصوب الثاني حاجز على القطريه :secret:

نسيت اقول (البعض)

[الزعفراني]

موضوع مثل كرة تنس الطاولة

ايروح ويرجع ولا في حل لهالمعضلة اللي وقفت في وجوه هل قطر

** أنا عن نفسي مثلا بعد اسبوع باسافر سان فرانسيسكو ومافي خط مباشر على القطرية ( ترانزيت لوس انجلس ) وحصلت على الامارتية دايركت ( ترانزيت دبي )

والفرق بين التذكرتين 9000 ريال قطري بالتمام والكمال على درجة البزنس

هل هاي معقوول من شركة محلية

اللي حادني هو الأميال فقط " لو قررت اركب القطرية "

لكن حاليا الوضع صوب دبي وبنشوف

وغير العالم الي ايعانون من القطرية او بالاحرى ( الخطوط الجوية لغير القطريين )

شي طبيعي اخوي يكون فيه فرق في السعر

ثرى حتى الاماراتي لما يحجز ع القطرية من الامارات يطلع له السعر اقل من الحجز ع الاماراتيه

[captin]

شي طبيعي اخوي يكون فيه فرق في السعر

ثرى حتى الاماراتي لما يحجز ع القطرية من الامارات يطلع له السعر اقل من الحجز ع الاماراتيه



كلامك صحيح أخوي لاحظت بعض الاخوة الاماراتيين على بعض مواقع التواصل الاجتماعي

ينتقدون طيران الامارات على الاسعار العالية وكثير منهم يستخدم القطرية للسفر الى كافة الوجهات
خصوصا اذا كانت عايلة كبيرة وراح يوفرون مبلغ كبير من فرق السعر للاستفادة منه في السكن او غيره.

[Rashid554]

الصراحه القطريه ممتازه خدمه وجوده وطيارات حديثه خصوصا ال 380 و ال 350 والدريملاينر
مع احترامي لصاحب الموضوع تقدر تروح على الاماراتيه محد بيمنعك .

[بانغ بانغ]

الصراحه القطريه ممتازه خدمه وجوده وطيارات حديثه خصوصا ال 380 و ال 350 والدريملاينر
مع احترامي لصاحب الموضوع تقدر تروح على الاماراتيه محد بيمنعك .

الله يحييك اخوي

فعلا شكله هاي اللي بيصير بس المفروض القطرية اتراعي اشوي المواطنين

[Dana’1]

:nice:

لو تصير حملة مقاطعة على القطريه من المواطنين كان يمكن تتعدل
بس اعرف ربعنا محد بيقاطع (( بس بقاطعون في الحملة بس على الواقع ما اعتقد )) والصوب الثاني حاجز على القطريه :secret:

نسيت اقول (البعض)

اساسا تركيز القطريه مو عالقطريين،،. المقاطعه من عدمها ما تفرق معهم
رحلات الترانزيت اهم بالنسبه لهم

شيبه تركي حيييل يحب ويمدح القطريه بالاسعار والخدمه ... يقول لي دوم اسافر عليها اذا بروح شرق اسيا يمدحها ويمدح اخلاق العاملين بمطار قطر
يقول عندنا سفره قريب والمشكله صديقي حجز على طيران الخليح اول مره اجربه ..واحاتي عندك فكره عنها؟
تخيل يحاتي ومايثق غير بالقطريه!

[BLING-QTR]

السلام عليكم اخوي

انصحك احجز القطريه روحه ورجعه لوس انجلوس ومن موقع اي خطوط امريكيه تصلح لك احجز لسان فرانسيسكو انا سويت نفسك وجفت ان السعر مبالغ فيه بس لما حجزت كل شي بروحه صار في فرق كبير فالسعر

الله يعينك عالجت لاق هناك حاول من تنزل من المطار اقرب صيدليه خذ لك شي للجت لاق فرق التوقيت كبير ويبي لك اسبوع لحد ما مخك يتبرمج

[بانغ بانغ]

السلام عليكم اخوي

انصحك احجز القطريه روحه ورجعه لوس انجلوس ومن موقع اي خطوط امريكيه تصلح لك احجز لسان فرانسيسكو انا سويت نفسك وجفت ان السعر مبالغ فيه بس لما حجزت كل شي بروحه صار في فرق كبير فالسعر

الله يعينك عالجت لاق هناك حاول من تنزل من المطار اقرب صيدليه خذ لك شي للجت لاق فرق التوقيت كبير ويبي لك اسبوع لحد ما مخك يتبرمج

بيض الله وجهك اخوي ما قصريت فعلا طال عمرك انا معي حجزين الامارتية والقطرية ال ايه وحاجز على فيرجن ايرلاينز داخلي

بنشوف الله يسر لكن شكلي بافضل الامارتية لاني مادري ليش اتقلق من الطيران الامريكي الداخلي . اما الجت لاق ، لا ابشرك تعودنا عليه هههههه

جزاك الله خير

[BLING-QTR]

بيض الله وجهك اخوي ما قصريت فعلا طال عمرك انا معي حجزين الامارتية والقطرية ال ايه وحاجز على فيرجن ايرلاينز داخلي

بنشوف الله يسر لكن شكلي بافضل الامارتية لاني مادري ليش اتقلق من الطيران الامريكي الداخلي . اما الجت لاق ، لا ابشرك تعودنا عليه هههههه

جزاك الله خير

ووجهك ابيض اخوي

انصحك قارن بين خدمات الطيارتين اللي اعرفه ان الاماراتيه فيها حمامات الله يعزك للي يبغي ياخذ شور واظن في مساج وصاله بس القطريه ما عندي اي فكره عن طيارتهم للوس انجلوس اللي تروح نيويورك ما عليها زود ولا فيها حتى صاله بس ميزتها الوحيده النقاط للعضويه

بخصوص الطيران الداخلي توكل على الله وما عليك خوف كلها الا حروة الساعه صج ان الطاقم شيبان بس عادي مشي حالك

بالنسبه لي افضل القطريه لجل العضويه والوزن الزايد اللي ما تدفع عليه

على فكره للقطريين تقدر تقدم على خدمة البوابه الالكترونيه عندهم ما تمر على التفتيش ولا طابور الجوازات تقدمه فالنت وتقدر تكلم اي حد فالسفاره يعجل لك الموضوع

[بانغ بانغ]

ووجهك ابيض اخوي

انصحك قارن بين خدمات الطيارتين اللي اعرفه ان الاماراتيه فيها حمامات الله يعزك للي يبغي ياخذ شور واظن في مساج وصاله بس القطريه ما عندي اي فكره عن طيارتهم للوس انجلوس اللي تروح نيويورك ما عليها زود ولا فيها حتى صاله بس ميزتها الوحيده النقاط للعضويه

بخصوص الطيران الداخلي توكل على الله وما عليك خوف كلها الا حروة الساعه صج ان الطاقم شيبان بس عادي مشي حالك

بالنسبه لي افضل القطريه لجل العضويه والوزن الزايد اللي ما تدفع عليه

على فكره للقطريين تقدر تقدم على خدمة البوابه الالكترونيه عندهم ما تمر على التفتيش ولا طابور الجوازات تقدمه فالنت وتقدر تكلم اي حد فالسفاره يعجل لك الموضوع

الله يجزاك خير اخوي على النصايح الطيبة اللي باخذها في الحسبان

[CH Engineer]

انزل ف دبي احسن لك
وخط واحد لوجهتك وتوفر ظ© الاف ريال


لا تفكر بالموضوع اسحب عالقطريه هالمره

[بانغ بانغ]

انزل ف دبي احسن لك
وخط واحد لوجهتك وتوفر ظ© الاف ريال


لا تفكر بالموضوع اسحب عالقطريه هالمره

هاي اكثر خيار ممكن اخذه . اشكرك مهندسنا

[معماري قطري]

الله يعينك عاد سان فرانسيسكو كلها منحدرات تخوف تشوف السماء .. شوف معاك المهندس يعقوب قلبه قوي انت عارفك بتغمض عينك وبتدوس على شيء ما تدري به البريك أو الريس

[معماري قطري]

إخوي راح عليها من فترة بس الاتحاد من بو ظبي ويخلصونك من هناك ما توقف في الطابور .. عاد ما ادري راح سان فرانسيسكو أو لوس انجلوس

[بوخالد911]

الله يعينك.
ويقول المثل : كثر الدق يفج اللحام.

أيادينا اتعبت وهي تدق ولا انفج اللحام. !!!!!!!

[بانغ بانغ]

والله يا شباب اني ما طرحت الموضوع بشكل شخصي ولا حطيت مثال السفرة الا عشان ابين الفروقات في الاسعار وعدم وجود مفاضلة للقطريين على متن ناقلتهم الوطنية وليس فقط موضوع سفرتي الغير مهمة .

حتى البريفيلج كلاب .... مافيه امتيازات وايد

وقاعات القطرية مب مثل دبي

الله المستعان

[بوحارب]

ودني معاك :(

[بانغ بانغ]

ودني معاك :(

هههههههههه احطك مكان الطيار ابشر

[بوحارب]

هههههههههه احطك مكان الطيار ابشر

ههههههههههههه

تبشر بالجنه

[الـقـاسـي]

انا اتردد على امريكا بشكل كثير

جربت القطريه والاتحاد والاماراتيه

افضلهم لامريكا وبدون مقارنه الاتحاد اولا لانك تخلص الجوازات واجراءات دخول امريكا من بوظبي وهالشي عن نفسي ادفع فيه فرق سعر لو كانت الاتحاد اغلى من القطريه

غير هذا يكفي الواي فاي ممتاز وسريع 21 دولار طول الرحله القطريه اتوقع واي فاي بس في الطيارات الجديده وتروح نيويورك فقط حسب علمي

لان بصراحه اذا وصلت امريكا وانت طاير 14 او 15 ساعه وتتفاجئ بالزحمه ع الجوازات اللي عادي توقف فيها ساعتين هالشي يجلط بروحه غير انه اذا حولك على شؤون الهجرة وقعدوك اربع او خمس ساعات بتكره حياتك

ف نصيحه روح ع الاتحاد وانت مغمض

ادخل بنفسك الموقع الرئيسي وللعلم ترا الاتحاد يوم عن يوم تختلف الاسعار يعني اذا تقدم يوم او تاخر يوم يفرق معاك السعر

انا حصلت تذاكر من عندهم مره وكانوا معاي بنتي وزوجتي خذتها بزنس كلاس 3 تذاكر ب 23 الف ريال سعر ولا في الخيال

[بانغ بانغ]

انا اتردد على امريكا بشكل كثير

جربت القطريه والاتحاد والاماراتيه

افضلهم لامريكا وبدون مقارنه الاتحاد اولا لانك تخلص الجوازات واجراءات دخول امريكا من بوظبي وهالشي عن نفسي ادفع فيه فرق سعر لو كانت الاتحاد اغلى من القطريه

غير هذا يكفي الواي فاي ممتاز وسريع 21 دولار طول الرحله القطريه اتوقع واي فاي بس في الطيارات الجديده وتروح نيويورك فقط حسب علمي

لان بصراحه اذا وصلت امريكا وانت طاير 14 او 15 ساعه وتتفاجئ بالزحمه ع الجوازات اللي عادي توقف فيها ساعتين هالشي يجلط بروحه غير انه اذا حولك على شؤون الهجرة وقعدوك اربع او خمس ساعات بتكره حياتك

ف نصيحه روح ع الاتحاد وانت مغمض

ادخل بنفسك الموقع الرئيسي وللعلم ترا الاتحاد يوم عن يوم تختلف الاسعار يعني اذا تقدم يوم او تاخر يوم يفرق معاك السعر

انا حصلت تذاكر من عندهم مره وكانوا معاي بنتي وزوجتي خذتها بزنس كلاس 3 تذاكر ب 23 الف ريال سعر ولا في الخيال

جزاك الله خير اخوي ما قصرت

اتوقع تسهيلات الجوازات فقط للاتحاد حتى الاماراتية ما عندها

والله فكره اشوف اسعارهم واقرر لان عندي مجال اسبوع

[الـقـاسـي]

جزاك الله خير اخوي ما قصرت

اتوقع تسهيلات الجوازات فقط للاتحاد حتى الاماراتية ما عندها

والله فكره اشوف اسعارهم واقرر لان عندي مجال اسبوع

صحيح الخدمه فقط على طيران الاتحاد

وفي شغله ثانيه اتوقع اسمها global entry حق القطريين مسوينها تقدم عليها وتروح تسوي مقابله في مطار حمد او في مكتب في واشنطن ويعطونك مثل البطاقه تخلص اجرائاتك اسرع وماتوقف في الزحمه المميز فيها ماترتبط بأي طيران

[Abdulraman]

:nice:

لو تصير حملة مقاطعة على القطريه من المواطنين كان يمكن تتعدل
بس اعرف ربعنا محد بيقاطع (( بس بقاطعون في الحملة بس على الواقع ما اعتقد )) والصوب الثاني حاجز على القطريه :secret:

نسيت اقول (البعض)

اتذكر من سنتين او اقل الكاتبه مريم ال سعد سوت حمله لمقاطعة القطريه والكل وقف معاها من الشباب وكان في شعار مقاطعة القطريه والكل حاطه في تويتر
ولكن
في واحد معروف وله منصب رد على الكاتبه ف تويتر وكان رده ان انتي ماتعرفين شي يعني بهالمعنى وعقبها الكل اللى كان واقف مع الكاتبه مريم ال سعد تبرأ منها وشالوا الشعار
المهم ربعنا جبناء ومابي اقول كلمه اكبر منها
والكاتبه ليحين تحث على المقاطعه وربعنا مب حولها

[معماري قطري]

والله يا شباب اني ما طرحت الموضوع بشكل شخصي ولا حطيت مثال السفرة الا عشان ابين الفروقات في الاسعار وعدم وجود مفاضلة للقطريين على متن ناقلتهم الوطنية وليس فقط موضوع سفرتي الغير مهمة .

حتى البريفيلج كلاب .... مافيه امتيازات وايد

وقاعات القطرية مب مثل دبي

الله المستعان

مصدق وهذا طبعك الطيب إحنا بس نحب نلف شوي عن صلب الموضوع

[معماري قطري]

اتذكر من سنتين او اقل الكاتبه مريم ال سعد سوت حمله لمقاطعة القطريه والكل وقف معاها من الشباب وكان في شعار مقاطعة القطريه والكل حاطه في تويتر
ولكن
في واحد معروف وله منصب رد على الكاتبه ف تويتر وكان رده ان انتي ماتعرفين شي يعني بهالمعنى وعقبها الكل اللى كان واقف مع الكاتبه مريم ال سعد تبرأ منها وشالوا الشعار
المهم ربعنا جبناء ومابي اقول كلمه اكبر منها
والكاتبه ليحين تحث على المقاطعه وربعنا مب حولها

القطرية لو كبار المسؤولين يعانون مثل معاناتنا معاها كان تغيرت أُمور كثيرة

[بانغ بانغ]

حبيب بوعبدالله
حبيب القاسي


خلاص وسأشد الرحال الى دبي ... والاماراتية خلاص حجزت

لا عوار راس ولا اكل تعبان ولا افلام بايته

اللي يبي شي ايبلغني بس مافي ايفون !!!!!!!!!!

[غريب الدّار]

والله يا شباب اني ما طرحت الموضوع بشكل شخصي ولا حطيت مثال السفرة الا عشان ابين الفروقات في الاسعار وعدم وجود مفاضلة للقطريين على متن ناقلتهم الوطنية وليس فقط موضوع سفرتي الغير مهمة .

حتى البريفيلج كلاب .... مافيه امتيازات وايد

وقاعات القطرية مب مثل دبي

الله المستعان
مرحبا بانغ

الله يعطيك العافية


بس الشباب بينوا لك ان حتى الخطوط اللي فاضلت بينها وبين القطرية (اللي هي الإماراتية ) تسوي نفس الحركة مع المواطنين في الاماارات !!!

يعني هالشي قاعد يصير دايما

كونك (او غيرك ) يطالبون بان القطرية تسوي تخفيضات للقطريين هذا موضوع ثاني

واكيد الكل يدور الرخص و (المال والبنون زينة الحياة الدنيا) ، بس هذا يعني ان القطرية مب أسوأ من غيرها
والمفاضلة في غير محلها

شلون نفاضل بين جهتين يقومون بنفس الفعل؟؟ :)



وتروح وترد بالسلامة يابانغ
والله يحفظك

[بانغ بانغ]

في الوطن اليوم


الخطوك الجوية القطرية ..... افضل طيران بالمنطقة


نتمنى كناقل وطني بس والله العظيم ضحك عالناس ....

http://www.al-watan.com/Latest-News/الخطوط-القطرية-توضح-سبب-انزال-أحد-الركاب-بعد-اصراره-على-عدم-الجلوس-في-الدرجة-المخصصة-لتذكرته

http://www.al-watan.com/news-details/id/32670

[غريب الدّار]

نتمنى كناقل وطني بس والله العظيم ضحك عالناس ....

[url]http://www.al-watan.com/Latest-News/الخطوط-القطرية-توضح-سبب-انزال-أحد-الركاب-بعد-اصراره-على-عدم-الجلوس-في-الدرجة-المخصصة-لتذكرته]

طيب ولا عليك امر يابانغ تقدر توضح لي شلون ضحك على الناس ؟؟

ضحكوا على الناس في وشو ؟

علشان الواحد يأخذ حذره

[بانغ بانغ]

طيب ولا عليك امر يابانغ تقدر توضح لي شلون ضحك على الناس ؟؟

ضحكوا على الناس في وشو ؟

علشان الواحد يأخذ حذره

ايصبحك بالخير اخوي غريب شخبارك اول شي ومشتاقين لك ما نشوفك وايد اتشارك والا الشغل ماخذك عنا ههههه

هي كخطوط طيران عادية الى مقبولة انتهاءا بمستوى طيب ..... لا يقولون الاول والاحسن والافضل والاكثر انتشارا

بس يوم قطري واقول قطري يعني مواطن يعني من اهل البلد اللي تملك القطرية يطلب حاجة مثل اعفاء وزن زايد شوي او خدمة كبار السن كتوفر كراسي متحركة او سيارات نقل داخلية او تعامل من بعض الموظفات لكثير من المسافرين ...... خاصة القطريين والخليجيين وووووووووووو

بتشوف ان القطرية ليست الافضل وانما احدى خطوط الطيران في العالم

[غريب الدّار]

ايصبحك بالخير اخوي غريب شخبارك اول شي ومشتاقين لك ما نشوفك وايد اتشارك والا الشغل ماخذك عنا ههههه

هي كخطوط طيران عادية الى مقبولة انتهاءا بمستوى طيب ..... لا يقولون الاول والاحسن والافضل والاكثر انتشارا

بس يوم قطري واقول قطري يعني مواطن يعني من اهل البلد اللي تملك القطرية يطلب حاجة مثل اعفاء وزن زايد شوي او خدمة كبار السن كتوفر كراسي متحركة او سيارات نقل داخلية او تعامل من بعض الموظفات لكثير من المسافرين ...... خاصة القطريين والخليجيين وووووووووووو

بتشوف ان القطرية ليست الافضل وانما احدى خطوط الطيران في العالم

ايصبحك بالنور والسرور هلا والله الحبيب :)

بس يابانغ هل يشترط انها أتقدم الخدمات اللي ذكرتها للمواطنين علشان تفوز باحسن طيران في المنطقة؟

وهل كل طيران في العالم يقدم خدمات خاصة للمواطنين ؟

[بانغ بانغ]

ايصبحك بالنور والسرور هلا والله الحبيب :)

بس يابانغ هل يشترط انها أتقدم الخدمات اللي ذكرتها للمواطنين علشان تفوز باحسن طيران في المنطقة؟

وهل كل طيران في العالم يقدم خدمات خاصة للمواطنين ؟

يخوي هل سافرت على الاماراتية او الاتحاد ؟؟

تدري اعرف وزراء ومسئولين ما يسافرون على القطرية كخيار اول ..... وحتى موظفي وزاراتهم .... القطرية ماتكون خبار اولي لهم الا عند الحاجة

الأخ بو محمد الرئيس التنفيذي لو بس اشوي ايركز على نوعية الخدمات المقدمة ... كان احسن

احنا ما نقول هي سيئة جدا ... لكن ليس الافضل وبلاش ضحك عالناس

حبيب وتشرفت بمشاركاتك اخوي