محرومين من النوم بسبة ازعاج العمال نص الليل [الأرشيف]

مشاهدة النسخة كاملة : محرومين من النوم بسبة ازعاج العمال نص الليل

الخيالة

11-10-2016, 03:56 PM

سلام عليكم
بغيت استفسر عن الموضوع

عندنا حفريات عند البيت و يشتغلون من الساعه عشرة فى الليل لين عشرة الصبح مرات لين العصر في نص الاسبوع هالشي مسموح لهم ولي لا؟ لان طول الليل مانقدر نرقد و ابوي بروحه تعبان ريال كبير ولي قدر ينام من صوت الجرافات ازعاج وايد هل لهم وقت معين يعني مب معقوله نص الليل يشتغلون جذيه و يسببون ازعاج عندنا ريال كبير مريض و عندنا اليهال مع اقل صوت يقومون

ya3coub

11-10-2016, 03:59 PM

الأكيد عندهم تصريح

بس يوم الجمعه عالأقل لازم يوقفون في نوع ثاني من التصاريح

يكون فقط فالويك اند و كنا نعاني منه.

فالعادة الحفر و الجرافات بالكثير 3 اشهر, لما تخلص اصلن بتكونون تعودتو

اخبر جيرانا بيتين اهدموهم و ردو بنوهم من جد و جديد كنا نعاني معاهم فترة بسيطة و عدت, الله يعينكم لو عندهم تصريح ويك اند من 6 الصبح يوم الجمعه.

اعمال الليل هاي شي طبيعي فالدوحة

الخيالة

11-10-2016, 04:04 PM

مايبنون بيت يعدلون الشارع يكسرون مادري شنو يسوون اقصد ليش من الصبح مايشتغلون عشر بالليل لين الفجر شلون نرقد ورانا دوام بلضبط ورا غرفتنا احنا و ابوي و الوالد يتعب وايد من هالشي

محمد2

11-10-2016, 04:33 PM

معليه استحملوا (قطر تستحق الافضل منا )

Rashid554

11-10-2016, 04:50 PM

مساكين عمال بليل احسن لهم الجو يكون ارحم

الخيالة

11-10-2016, 05:07 PM

اكيد يعورون القلب انا اقصد الصبح من ساعه خمس لين تسع او عشر زين عقب من المغرب لين ساعه 11 بس نص الليل ازعاج اذا واحد عنده مريض بالبيت شنو يسوي عيل ؟

مرتبش

11-10-2016, 10:54 PM

اتوقع لا تصريح ولا حاجة.. فقط انه اريح للمقاول شغل الليل.. اشتكوا عليه

معماري قطري

11-10-2016, 11:37 PM

اتوقع لا تصريح ولا حاجة.. فقط انه اريح للمقاول شغل الليل.. اشتكوا عليه

صحيح شغل بين البيوت المفروض الصبح .. عندنا يهدمون بس من صبح لين الظهر .. قبل مقاول الحديقة يشتغل من 12 الليل وأكيد بروحه بدون تصريح بس ازعاجه محدود

معماري قطري

11-10-2016, 11:38 PM

الله يحفظ إبوج ويحفظكم ويحفظ المسلمين

ya3coub

11-10-2016, 11:50 PM

اتوقع لا تصريح ولا حاجة.. فقط انه اريح للمقاول شغل الليل.. اشتكوا عليه

ممنوع أي "مقاول" يشتغل و يسبب ازعاج بدون تصريح, و الشكوى اهي الي بتبين ما اعتقد انه في احد عنده شركه بيشتغل و يزعج الناس بدون تصريح

و ايضا مو بيت شارع يعني بعقد مع اشغال او البلدية او المرور احد هالثلاث جهات :)

بوخالد911

12-10-2016, 12:26 AM

لا
غير مصرح لهم بالليل.

حاولي تشوفين اللوحة اللي مكتوب عليها تفاصيل المشروع
اخذي جوال المسؤول وكلموه.

واتصلوا بعد في أشغال وعطوهم رقم المشروع وهم بيتصرفون.

اتذكر قبل بفريجنا كانوا شغالين في أعمال الصرف الصحي.
وفجأة اشتغل البوكلين. أصوات مزعجة
رحت كلمت مسؤولهم ووقفهم.

بصمة قطرية

12-10-2016, 01:21 AM

قدام بيتنا يبنون مجمع سكني ..
و فعلاً إزعاج لكن شنسوي
مساكين العمال ما يقدرون يشتغلون الصبح ..

الخيالة

12-10-2016, 06:33 AM

شكرًا ع المرور للجميع

ان شاءالله بنشوف اذا عندهم تصريح او لا المشكلة ابوي عنده صداع من نوع الشديد غير القلب و الضغط لازم وقت نومه يرتاح عدل و هالشارع صغير الحين صار لهم اكثر من خمس شهور من يوم جينا هالبيت و من تقريبا اسبوع بدوا يشتغلون نص الليل لين الصبح و صبح بعد يكملون لين الظهر

khaldoon

12-10-2016, 08:02 AM

اطلب منه التصريح و لو رفض اشتكي عليه الشرطه

احنا كنا نشتغل في مناطق سكنية اول ما واحد من الجيران يجي يحكي معنا نسويله اللي يبيه ...ما اعتقد احد يسمح بالشغل بالليل في مناطق سكنية

qatari911

12-10-2016, 08:19 AM

معليه استحملوا (قطر تستحق الافضل منا )

خير نستحمل ازعاجهم علشان قطر تستحق الافضل(( مش منطقي الي تقوله))
دامها تستحق الافضل خلهم يشتغلون من الصبح الى المغرب مافيه مشكله لكن يشتغلون في اليل وقت الي الناس بتنام وترتاح فيه

qatarwiz

12-10-2016, 10:21 AM

كلامك صج, لازم اوقات النوم تاخذ فب الاعتبار

معماري قطري

12-10-2016, 11:29 AM

ما ادري ليش ما يستخدمون التفجير للحفر أو للهدام .. فيه عبوات بسيطة وصوتها ثواني بدل الطقطقة وفيه مصدات صوت لو بيفجرون في الليل .. في الأُردن سووا تقاطع من نفقين فوق بعض في جبل صخري في 3 شهور و20 يوم وكان المقاول عقده 4 شهور و10 أيام عطوه على العشرين يوم مكافأة عن كل يوم مبلغ جيد .. مب مليار مثل اللي عندنا ولا حتى مليون

المهم كنت هناك واسمع التفجير آخر الليل صوت خفيف وما يوصل الا بسبب السكون والهدوء .. وخلص التقاطع مزروع ومتكامل وكانت التحويلات حوله من الأساس سهله .. وفي برنامج في دسكفري قال مسؤول الفريق الأمريكي مال التفجير كنا مشتغلين في الأُردن واتوقع هذا المشروع

صورت حفلة وداع حق المحطة جنب بيتي وهم يهدمونها للسنة الثالثة تقريباً يخلونها فترة ويهدمون شوي .. صج المهنية مفقودة والغبار يتطاير واللي جنب المحطة مباشرة بيت اخوي وتأذى منهم .. المشكلة بيكون هنا حفار وبنيان وبعد بنفس الطريقة البدائية وبدون مراعاة لحماية المنطقة

نحتاج تغطية أو رش ماء حتى ما تتطاير الأتربة والمياه المعالجة تستخدم لهذا الغرض وهناك قانون برش الدفان بالماء والأولى الرش وقت الهدم لكن هذي اداراتنا الهندسية ناقصة عقل ودين وذمة وتطبيق قوانين

هذي المحطة وهم يهدمونها

http://i.imgur.com/OUuD44Z.jpg

وهذا فيديو بالصوت والصورة

https://youtu.be/SjndmWBcgag

Rider

12-10-2016, 11:52 AM

الخيالة

12-10-2016, 12:33 PM

اذكر جنب بيتي ارض فاضيه وقرر راعيها يبنيها وشتغل البوكلين ضرب فالحصى وغرفتي وراى هالارض ازعاج ماله حل ماكنت اعرف انام قاعد فوق الاسبوعين يحفر وبصراحة بعد الاسبوع الاول اشتقت حق صوته وصرت ماعرف ارقد الا اذا شغل البوكلين ترى الواحد فترة بعدين يتاقلم مع الوضع

الموضوع مب عن نتعود ع الصوت في ناس تعبانين في بيوتهم عندهم حد تعبان و مثل ما قلت الوالد كبير في العمر يتعود علي شنو و هو محتاج للراحه حتي لو نغير غرفته كله نفس الشي الشارع ورا الغرف و ينسمع الصوت و غير ازعاج السيايير العمال بنفسهم بعد يقعدون يصارخون يوم يكلمون بعض

A-Alansari

12-10-2016, 12:36 PM

معماري قطري

12-10-2016, 02:30 PM

عندنا في العزيزيه نفس الشي صارلهم اكثر من 6 شهور والحفارات تشتغل يبتدون بالضبط من الساعه6 الصبح ولين 12 فليل يوقفون

مرات وقت الصداع لازم انزل لهم واتهاوش معاهم اخليهم يسكرون حفاراتهم

ولين اليوم ماخلصو والشارع بكبره على بعضه مب اكثر من 300 متر مادري شقاعدين يحفرون من 6 شهور

يمن قايلين لهم في نفط :secret:

خساير ما لها داعي لو يستعملون مضخات ويحفرون حفر بسيط بيفتكون وبيوفرون وقت وجهد ومال

طريقة ثانية هي أنفاق الأعماق اللي حاب يتابع ناشيونال جيوغرافيك ابو ظبي من أيام شايفه وهذي دعايته

https://www.youtube.com/watch?v=xPJ_XXG9YYI

طلعة الروح

12-10-2016, 09:07 PM

هذي مشكله اسمها كهرماء واشغال عدم احترام خصوصية المواطن فجأة تصبح الصبح تلقاهم حافرين عند باب البيت ومضيقين على دخول البيت والخروج منة واذا سألت عن المشروع او دورت اللافته ماتحصل شي ولا تفاصيل ولا موعد الانتهاء ساحبين ع الناس ولاعبين في حسبه بيوتنا فجأة تحصل دخلة البيت متسوره بالحواجز وتعال تفاهم مع المسؤولين الفاشلين في الفهم ومعرفة المشاريع الموجوده في منطقة الحفر تتصل ع الخط الساخن يقولك الموظف لا ادري ولا تشتكي الان اشتكي اذا حفروا وخلوا الحفر مفتوح لمدة 10 ايام بدون تصليح..اذا هاي رد موظفهم مانقول الا الله يخلف علينا من افعالهم العجيبه وتخسيسهم في طرقنا وشوارعنا الي اصلا مب مترقعه.

الخيالة

12-10-2016, 09:44 PM

كلمناهم و قالوا عندهم تصريح من الأشغال يشتغلون 24 ساعه يعني مافي فايده غصب لازم نتحمّل والله يعين الوالد يقول من الأشغال قايلين يشتغلون اربع و عشرين ساعه عشان يخلصون بسرعه شنو ذنبنا اذا ما خلصوا من قبل في الوقت اللي كانوا معطينهم الحين وانا اكتب ازعااااااج ماقول غير الله يعين لا حول و لا قوة

Dana’1

12-10-2016, 10:34 PM

ya3coub

12-10-2016, 10:40 PM

خساير ما لها داعي لو يستعملون مضخات ويحفرون حفر بسيط بيفتكون وبيوفرون وقت وجهد ومال

طريقة ثانية هي أنفاق الأعماق اللي حاب يتابع ناشيونال جيوغرافيك ابو ظبي من أيام شايفه وهذي دعايته

https://www.youtube.com/watch?v=xpj_xxg9yyi

عندنا و بزد للأسف واحد و عشرين tbm فقطر و لما وصلنا 17 اتوقع من سنة و نص حصلت الريل القطرية على شهادة من جينس احتفلو فيها فمؤتمر المواصلات الي صار بأكثر عدد تي بي امز شغاله فمدينة وحدة. و للعلم كل اعمال الخرسانات الي تصير خلصت فالمترو. السؤال وين بيروحون الحين و من بيستفيد منهم و للصرف الصحي بحجم اصغر المفروض يكونون.

كلمناهم و قالوا عندهم تصريح من الأشغال يشتغلون 24 ساعه يعني مافي فايده غصب لازم نتحمّل والله يعين الوالد يقول من الأشغال قايلين يشتغلون اربع و عشرين ساعه عشان يخلصون بسرعه شنو ذنبنا اذا ما خلصوا من قبل في الوقت اللي كانوا معطينهم الحين وانا اكتب ازعااااااج ماقول غير الله يعين لا حول و لا قوة

للأسف اغلب المشاريع عندنا تتنفذ بهالطريقه مافي تواصل بين الشركة الي مستلمة ولا فالي تحتهم ولا من العميل صاحب المشروع ولا مع الإستشاري و قبل الموعد بعده شهور يصير كلشي مرة وحدة بسرعه بسرعه بكل شي خساير للأسف هالشي الي عمري ما فهمته

معماري قطري

12-10-2016, 11:14 PM

المفروض يا زميل المهنة يسوون أنفاق لو سهلة ومضمونة للسيارات أولى في بعض المناطق مع إني من مؤيدين الجسور لقطر كتكلفة معقولة وحل لجميع مشاكل الحفر وتعيش عمر طويل

بس أنفاق الخدمات سهلة جداً وأرخص بكثير وما تحتاج تشطيب فاخر وحمايات مثل القطارات وأصغر كثير مثل ما قلت .. بعدين ممكن ترحيل الصرف لمحطة مركزية قوية ومتكاملة قادرة على معالجة المياه المنزلية + معالجة أبسط للتصريف السطحي للمطر وللمياه الضحلة + تصريف خاص بدناكر وآليات خاصة للصرف الصناعي الأشد خطورة

حتى مياه المطر تحتاج معالجة بعد مرورها على الرواسب في الشوارع وممكن الاستفادة من هذي المياه في الري وفي البحيرات .. دبي نجحت في تدوير 90% من المياه للزراعة وشكل بوظبي لاحقتها بقوة والله يهنيهم عندهم ناس تفكر واحنا تفكيرنا كله منحصر شلون نوفر في المعدات ونخسر في الحفر بالطرق القديمة

بعدين لو سوينا أنفاق وركبنا داخلها بيبات محمية بقطر مناسب وممكن الدخول فيها وصيانتها وعمل التمديد الضروري بيكون من السهل الشغل فيها تحت الأرض وفحصها 24 ساعة بمجسات الكترونية .. التمديد لشبة الرئيسي منها بيكون بحفر رأسي برق دوار يحفر في دقايق وبدون صوت مزعج وتمديد البايب المنزلي لأي منزل جديد بتنزيله على مكان قابل للفتح وشبكه مع البيب الكبير تحت الأرض في نفق الخدمات

الدول المتطورة تمدد في هذي الأنفاق كيبلات الكهرباء والتلفون والانترنت والغاز وكل شيء عليه كنترول ونظام اغلاق تماتيكي لو صار شيء والاصلاح يكون سريع وبدون أي حفر .. حتى عربات خاصة تنقل العمال

ناديت بهالشيء من زمان وحول 15 سنة وكتبت لسمو الأمير الوالد قبل بهالخصوص والحمد لله تم التوجيه ( وممكن التوجيه موجود من الأساس ) بعمل مدينة لوسيل بهذي الطريقة ونتمنى تتم دراسة عمل كل مناطقنا

معماري قطري

12-10-2016, 11:21 PM

الله يعينكم
جربوا تتواصلون مع المسؤلين بأشغال
المفروض في قانون بالبلد يمنع عملهم24 ساعه بالاحياء السكنيه
في احد المدن بسويسرا منعت اقلاع وهبوط الطائرات تالي الليل احتراما للبشر الي عند المطار!!

يخلون أشغال عنهم ويرفعون شكوى على أشغال عند معالي رئيس مجلس الوزراء .. هذي مهزلة 24 ساعة وفي منطقة سكنية

الشوارع ليش ما يشتغلون فيها في الليل وبخبرات وبدون ضجيج .. الحفر في النهار وبطرق حديثة مثل التفجير والحفار الدوار بدون ضرب وطرق يصم الآذان والشغل الباقي في الليل عندهم 24 ساعة .. وشغل يستمر 24 ساعة بشفتين أو 3 مكونين من 10 أشخاص وآلات بالية وبدون مراعاة لازم بيطول شهور .. أما الشفت 100 شخص مثلاً ومنظمين ويتكلمون بأجهزة وسماعات وهمس بينهم مب مصارخ طبيعي بيخلصون في وقت سريع

الطباخ تعطيه بصلة تقول له قطعها بيدك بيطول وبيعفس المكان وبيعاطس .. أما بسكين قاطعة الوضع غير .. لذلك الآلات ضرورية وسامحوني على التشبيه

A-Alansari

13-10-2016, 07:54 AM

بومحمد المطاوعه

13-10-2016, 08:16 AM

ممنوع الشغل فليل ..

معماري قطري

13-10-2016, 09:24 AM

من دخلوا العرب المهنة هذي انتشر الكذب وانتشرت التجاوزات

الخيالة

13-10-2016, 10:21 AM

والله ماعرف كلمنا شخصين من المهندسين و تموا يتأسفون و قالوا مو بيدنا هاي امر من اشغال نخلص هالشارع بأسرع وقت اسمحولنا والله مو بيدنا و من هالكلام

بومحمد المطاوعه

13-10-2016, 10:22 AM

والله ماعرف كلمنا شخصين من المهندسين و تموا يتأسفون و قالوا مو بيدنا هاي امر من اشغال نخلص هالشارع بأسرع وقت اسمحولنا والله مو بيدنا و من هالكلام

قرار مصخره

qatari911

13-10-2016, 10:29 AM

والله ماعرف كلمنا شخصين من المهندسين و تموا يتأسفون و قالوا مو بيدنا هاي امر من اشغال نخلص هالشارع بأسرع وقت اسمحولنا والله مو بيدنا و من هالكلام

اسمعي الكلام اذا شتغلو بليل اشتكي غصبا عليهم بيوقفو خير ان شاء الله بعد الساعة 12 بليل صدقيني من يشوفون الفزعه وتكلمهم بيوقفون قال ايش قال 24 ساعه ليكون المكان الي هو فيه خالي من الناس وانا مادري

معماري قطري

13-10-2016, 10:49 AM

والله ماعرف كلمنا شخصين من المهندسين و تموا يتأسفون و قالوا مو بيدنا هاي امر من اشغال نخلص هالشارع بأسرع وقت اسمحولنا والله مو بيدنا و من هالكلام

لو حولكم بيت وزير ما أقلقوا سعادته