غسالة أوتوماتيك ..

[بصمة قطرية]

السلام عليكم ورحمة الله و بركاته

صبـاح الخير ..


حسب تجاربكم إيش أفضل ماركة غسالات أوتوماتيك ..
أبيها حجم كبير ..
فل أوتوماتيك ..


شكراً مقدماً ..

[دااانة قطر]

وعليكم السلام ورحمة الله وبركاته

صباح النور والسرور
جربت سامسونج ممتازه
وجزبت شارب بعد اوكي
عندي الثنتينشارب صغيره
والاولى كبيره
وهلي عندهم سامسونج حجم كبير
ولها اكثر من ظ¥ سنوات
يوم خذتها نصحوني صديقاتي ابتعد عن lg

[بانغ بانغ]

البرندات العالمية معظمها زين

[ضوى]

عزيزتي انا اخذت دايو كوريه ، ضمان 15 سنه عالموتور ، روعه شوي عليها ، 9 كيلو غسيل و7 تنشيف ، مرتاحه جدا ، قريب السنه عندي ، قطي الثياب وانسيهم وعقب بس ضربه خفيفه بالاوتي وانتهينا ، ويني عنها من زمان تشققت يدي من الغسيل والتنشيف والشمس ، الحمد لله عالنعمه ، صح نسيت ال جي تعيسه تحملي تقربينها

[ya3coub]

حجم كبير الهفي ديوتي

المانع عنده الكبيرة و فوق فيها الي تنشف نفس بعض المغاسل الي فالدوبي, لها عيب واحد لازم تكسرين الطوفة علشان المروة للتنشيف نفس الأقزوز مال المطابخ.

مكان المحل لازم فوكالة البيجو الدائري الثالث اتوقع باتجاه اشارات السينما و انتي جاية من اشارات المنتزه

سعرها حول الخمس ألاف ريال مرات يسون عروض و تنزل بس سعرها فيها.


هاي شكل المروحة الي فوق.. القياب يطلعون ناشفين خالصين و حارين
https://i.ytimg.com/vi/OApt1Xz7My8/maxresdefault.jpg


http://67.210.105.28/a/2008/20080417/5086.JPG

هاي شكلها

[ضوى]

يعقوب هذي كلش مب عملية اشيل الثياب من الغسيل وارد احطهم في النشافة يمكن توفر وقت بس متعبة

[ya3coub]

يعقوب هذي كلش مب عملية اشيل الثياب من الغسيل وارد احطهم في النشافة يمكن توفر وقت بس متعبة

انتو ادرى بصراحة احنا فالبيت عندنا ما شاء الله 3 غسالات من لما اخذنا هاذي الأمور صارت اريح جدا جدا عالخدم, و عندنا يوميا غسيل و أغلب الوقت و اإعتماد عليها الباقي محطوطين زينة لأن يختربون او حتى الأوتو مالهم مو بذاك الزود


انا الي يهمني كل يومين الثياب موجودة بغرفتي و بس, الله يعطيكم الصحة خواتنا امهاتنا و الخدم ايضا على هالنعمة :nice: الله لا يحرمنا منكم

[ضوى]

انتو ادرى بصراحة احنا فالبيت عندنا ما شاء الله 3 غسالات من لما اخذنا هاذي الأمور صارت اريح جدا جدا عالخدم, و عندنا يوميا غسيل و أغلب الوقت و اإعتماد عليها الباقي محطوطين زينة لأن يختربون او حتى الأوتو مالهم مو بذاك الزود


انا الي يهمني كل يومين الثياب موجودة بغرفتي و بس, الله يعطيكم الصحة خواتنا امهاتنا و الخدم ايضا على هالنعمة :nice: الله لا يحرمنا منكم

امين يااارب

صح هالغسالات وايد مريحة صج تاخذ وقت لانك تبي غسيل نظيف وريحة نظيفة ، اللي بحوضين متعبة ومملة ، واللي مافيها تنشيف بعد متعبة في الحر ومتعبة في البرد ، االلي يكون التنشيف منها وفيها وايد مريحة بس مشكلتها تاخذ وقت يعني مب اقل من 3 ساعات غسيل وتنشيف يعني ممكن تتضطر تغسل على يومين ، خاصة اذا الكمية كبيرة ، لذلك تفادت هالنقطة وصرت اغسل بشكل يومي مانتظر تتجمع الثياب عاد ولا الشباب وابوهم ماشاء الله باليوم ثوبين غير الملابس الداخليه اللي يبي لها عناية خاصة ، بصمة الغسالة اللي حطها يعقوب موجودة باللولو وايربول ، وعلى فكرة في بعد في تدمر ، نصيحة دشي النت واقري عن هالموضوع وايد بتستفيدين الله يوفقج

[مستـريــح البـــال]

عزيزتي انا اخذت دايو كوريه ، ضمان 15 سنه عالموتور ، روعه شوي عليها ، 9 كيلو غسيل و7 تنشيف ، مرتاحه جدا ، قريب السنه عندي ، قطي الثياب وانسيهم وعقب بس ضربه خفيفه بالاوتي وانتهينا ، ويني عنها من زمان تشققت يدي من الغسيل والتنشيف والشمس ، الحمد لله عالنعمه ، صح نسيت ال جي تعيسه تحملي تقربينها


اوافق الاخت ضوى ، دايو جيدة ، وبعد توشيبا ( 10 كيلو اذا ما اخطيت) استمرت معانا فوق ال 6 سنين ..

وعقب بدلتها للبيت ب سامسونج ، لكثرة مدح المحلات لها ، بس لا زلنا نفضل توشيبا ..

[لبيبة]

وعليكم السلام ورحمة الله وبركاته،

إذا عندج مساحة، تجيبين غسالة سامسونج،

ونشافة من سامسونج منفصلة عن الغسالة،

وبتوفرين وقت في الغسيل والتنشيف خصوصا للكميات الكبيرة.

بالنسبة للاستخدام مريح وعملي، والعناية بالجهازين قليلة،

مجرد تنظيف دوري للنشافة من النسيج العالق والماي المتبخر من الملابس والمتجمع في حوض.

وكذلك جربت غسالة ونشافة من Bosch وهي ممتازة،

ولكن ما اعرف اسعارهم وتجربتي للجهازين كانت لمدة قصيرة،

وكيلهم ناصر بن خالد.

[Dana’1]

عندي ال جي 17kg
http://www.lg.com/eg_en/washing-machines/all-washing-machines/lg-F1255RDS27

لها ثلاث سنوات تقريبا ما اشتكيت من اي عطل الحمدلله وضمان 10سنوات

الي قال عليها يعقوب حييل ممتازات بعد جربناها زمااان ببيت اهلي سنوات اظن ماركة جنرال اليكتريك
بس غساله يمها النشافه مو فوق بعض.....وحتى استخدامها مع الخدم اسهل لهن
واحس تنظيفهن اقوى واحسن من الغسالات الاماميه
شيكي عند تدمر امس كان اشوف عندهم تخفيضات وعروض

موفقه

[فواز..]

حجم كبير الهفي ديوتي

المانع عنده الكبيرة و فوق فيها الي تنشف نفس بعض المغاسل الي فالدوبي, لها عيب واحد لازم تكسرين الطوفة علشان المروة للتنشيف نفس الأقزوز مال المطابخ.

مكان المحل لازم فوكالة البيجو الدائري الثالث اتوقع باتجاه اشارات السينما و انتي جاية من اشارات المنتزه

سعرها حول الخمس ألاف ريال مرات يسون عروض و تنزل بس سعرها فيها.


هاي شكل المروحة الي فوق.. القياب يطلعون ناشفين خالصين و حارين
https://i.ytimg.com/vi/OApt1Xz7My8/maxresdefault.jpg


http://67.210.105.28/a/2008/20080417/5086.JPG

هاي شكلها

فعلاً غسالة محترمة وعملية ومريحة .. وسريعة مقارنة بغيرها

[asulaiti]

الإخت ضوى .. هل تحتاحين لغسالة مع نشافة بنسبة 100% ؟

لأن معظم الغسالات المتوفرة في السوق (وهي معظمها ممتازة للماركات المعروفة .. سماسونج ،، شارب ،، بانسونيك ... الخ) نسبة التنشيف فيها تتراوح مابين 60% - 75% ..

أنا ريحت عمري من سالفة نشر الملابس في السطح أو الحوش .. شغالات مستهترين .. يعلقون بعض الملابس بدون تثبيت احياناً من الكسل .. ولا هواء قوي يطيح بعضهم ..
ولا قطو يتمسح في الثياب !!!!

الحين .. عندي غسالة ونشافة منفصلة .. غسيل الثياب مع تنشيفهم بنسبة 70% تقريباً .. وبعدها يروح الغسيل للنشافة وتطلع ناشفة بنسبة 100% ..
بس فعلاً تحتاجين لتكسير الطوفة علشان يطلع خرطوم تصريف البخار للخارج .. طبعاً تحتاجين لمكان مناسب لوضع الاثنتين بجانب بعض ..

أو تاخذين الغسالة اللي أشار لها الأخ يعقوب والتي هي بجزئين في قطعة واحدة (عكسي أنا حيث عندي جهازين إثنين .. غسالة ونشافة منفصلين) اللي عند الاخ يعقوب ماتاخذ حيز كبير ..
.. بس مثل ما قال .. لازم فتحة تهوية للخارج علشان بخار التنشيف يطلع لخارج الغرفة.. بس خذي ماركات معروفة .. حتى لو السعر عالي .. ريحي بالك لخمس سنوات جدام ...


أو تاخذين غسالات معينة موجودة في السوق وبسعر الإثنين مع بعض (أي سعر غسالة وسعر نشافة مع بعض) تنشف بنسبة 100% كذلك لكن لا تحتاج لفتحة تصريف البخار ..
حيث يوجد في الغسالة نفسها مكان لتجميع بخار الماء الناتج عن عملية التنشيف الساخن، حيث بعد إنتهاء عملية التنشيف تقوم الشغالة بفتح المكان وأخذ الماء الناتج من العملية
والتخلص منه بشكل عادي .. هذه تضطرين لها اذا المكان المراد وضع النشافة فيها لا يسمح بتكسير الحائط وعمل فتحة التهوية هذه ..

اهتمي أكثر ببلد الصناعة .. بالترتيب ... اليابان أو أوروبا وأمريكا .. ثم شرق آسيا مثل كوريا .. ثم تايلند .. وابعدي عن الصيني خير شر !!

بالتوفيق لك ....

[ضوى]

الإخت ضوى .. هل تحتاحين لغسالة مع نشافة بنسبة 100% ؟

لأن معظم الغسالات المتوفرة في السوق (وهي معظمها ممتازة للماركات المعروفة .. سماسونج ،، شارب ،، بانسونيك ... الخ) نسبة التنشيف فيها تتراوح مابين 60% - 75% ..

أنا ريحت عمري من سالفة نشر الملابس في السطح أو الحوش .. شغالات مستهترين .. يعلقون بعض الملابس بدون تثبيت احياناً من الكسل .. ولا هواء قوي يطيح بعضهم ..
ولا قطو يتمسح في الثياب !!!!

الحين .. عندي غسالة ونشافة منفصلة .. غسيل الثياب مع تنشيفهم بنسبة 70% تقريباً .. وبعدها يروح الغسيل للنشافة وتطلع ناشفة بنسبة 100% ..
بس فعلاً تحتاجين لتكسير الطوفة علشان يطلع خرطوم تصريف البخار للخارج .. طبعاً تحتاجين لمكان مناسب لوضع الاثنتين بجانب بعض ..

أو تاخذين الغسالة اللي أشار لها الأخ يعقوب والتي هي بجزئين في قطعة واحدة (عكسي أنا حيث عندي جهازين إثنين .. غسالة ونشافة منفصلين) اللي عند الاخ يعقوب ماتاخذ حيز كبير ..
.. بس مثل ما قال .. لازم فتحة تهوية للخارج علشان بخار التنشيف يطلع لخارج الغرفة.. بس خذي ماركات معروفة .. حتى لو السعر عالي .. ريحي بالك لخمس سنوات جدام ...


أو تاخذين غسالات معينة موجودة في السوق وبسعر الإثنين مع بعض (أي سعر غسالة وسعر نشافة مع بعض) تنشف بنسبة 100% كذلك لكن لا تحتاج لفتحة تصريف البخار ..
حيث يوجد في الغسالة نفسها مكان لتجميع بخار الماء الناتج عن عملية التنشيف الساخن، حيث بعد إنتهاء عملية التنشيف تقوم الشغالة بفتح المكان وأخذ الماء الناتج من العملية
والتخلص منه بشكل عادي .. هذه تضطرين لها اذا المكان المراد وضع النشافة فيها لا يسمح بتكسير الحائط وعمل فتحة التهوية هذه ..

اهتمي أكثر ببلد الصناعة .. بالترتيب ... اليابان أو أوروبا وأمريكا .. ثم شرق آسيا مثل كوريا .. ثم تايلند .. وابعدي عن الصيني خير شر !!

بالتوفيق لك ....

بالفعل كنت احتاج غسالة ونشافة 100% وبصراحة دورت وايد لانه الموجود تنشيف 50%، لين الله هداني ولقيت دايو ممتازة ومايحتاج تصريف بخار الحمد لله ، صار غسيلي انظف وارتب وريحته غير بعد ، من عقب الخدم عيالي يشتكون من ملابسهم اللي بقع واللي ريحه فقررت اخلي الغسالة داخل البيت عندي بجناحنا ، وصرت انا اللي اغسل مب هم اخليهم يكوون بس وبعد ارتاحوا لانه تقريبا معظم الملابس ماتحتاج كوي ، بس الحين مرتاحة متطمنة عالغسيل حتى الصابون ماقام يخلص بسرعة تعبنا من متابعتهم الله يعينا ، ونرد نقول الحمد لله عالنعمة من كان يصدق بيجي يوم ايدنا مايمسها الماي من غسيل الثياب

[A-Alansari]

شوفي ال جي تجيج غساله ونشافة 100%

اخواني ماخذين منهم ويمدحونهم

وفي البيت عندنا سامسونج 15 كيلو بس تنشف 70% اظن

[راعي الاصفر]

اخت ضوي من وين خذيتي الدايو ماعليك امر

[ضوى]

اخت ضوي من وين خذيتي الدايو ماعليك امر


من اللولو ، وماكانت معروضه ، سالت عنها وتموا يطالعون بعض وقالوا لي في بس مب معروض

[لبيبة]

نسيت اذكر ماركة تمت تجربة غسالة ونشافة (منفصلين) لأكثر من سنة بدون مشاكل إطلاقا،

وهي ماركة Miele الألمانية،

بحثت عن وكيل لها في قطر، ولقيت في الموقع مالهم (http://d.pr/13kg8) انه في اللؤلؤة،

أتوقع ان سعرها مرتفع، ولكنها جودة فعلا،

ولو احتجت اشتري غسالة او نشافة،

أفكر اني باخذها من عندهم.

[سعود.]

بغض النظر عن نوع النشافة
فيه ملاحظة يغفل عنها الكثير النشافة فيها درجات حرارة .والاغلب يضبطها على اقصى درجة حرارة بغرض تجفيف اسرع وهنا المشكلة الحرارة العالية تتلف بعض الملابس . يعني خلوها على درجة حرارة متوسطه او منخفضه فقط .

[بصمة قطرية]

ألف شكر للجميع ..
ما قصرتوا رحم الله والديكم ..
عندي مساحة كبيرة بس تكفي لغسالة كبيرة
و ما عندي مكان لغسالة عادية ..
بإذن الله بشوف اللي ذكرتوهم ..
بالنسبة لي حتى لو الملابس طلعت ناشفة
لازم تضربها الشمس ..
ما أرتاح إذا ما تعلقت الملابس على الحبل و ضربتها الشمس ..

[ذكي جدااا]

صحيح الهافي ديوتي ممتازه وخاصة للتنشيف

[aloosh]

عندي غساله في البيت
ال جي اعتقد

فل اوتومتيك
تحطين فيها الملابس مره وحده تغسلها وتشطفها وتنشفها