نتمنى ان يكون موسم التخيم للقطرين فقط !!

[حمد 2002]

السلام عليكم ورحمه الله وبركاته

نتمنى ان يكون موسم التخيم للقطرين فقط !!


الكل ايعرف انه من شروط التخييم المؤقت في البر وعلى السواحل أن يكون طالب الترخيص (((( قطري الجنسية )))) .. واتمنى من اخواني القطرين بانهم مايطلعون تراخيص ويعطونها للاجانب حتى لو ((مجاننا )) من باب المعرفه والجيرة ..

واتمنى كذلك من وزاره البلديه والبيئه بأن تقوم بحملات تفتيشيه مفاجأه ، تطلب من الاشخاص المتواجدين بالمخيم أن تكون بطاقتهم الشخصيه التي صدر لها التصريح ، بان تكون خاصه بهم وليست لغيرهم !! ..


كفانا مجامله في سبيل رفاهيتنا كمواطنين !! ..

من حقنا الاستمتاع ببلدنا بموسم التخيم وفقا للقوانين الموضوعه وبدون مخالفه لها !!


مع التحيه ..

[ضوى]

دامها للقطرين بس ماظن احد يفرط فيها وماقد سمعت انه في احد اشتكتى انه اجر ترخيصه والا اهدى ترخيصه لاجنبي ، انت سمعت بهالشي ؟

[حمد 2002]

دامها للقطرين بس ماظن احد يفرط فيها وماقد سمعت انه في احد اشتكتى انه اجر ترخيصه والا اهدى ترخيصه لاجنبي ، انت سمعت بهالشي ؟

سمعت والله بس مب متأكد ..

اتمنى من الاخوان الاعضاء التوضيح والمشاركه ..

[بومحمد المطاوعه]

شكثر اجانب يطلعون بأسم القطريين

شوفهم هالسنه فالغاريه

منثريين

[حمد 2002]

شكثر اجانب يطلعون بأسم القطريين

شوفهم هالسنه فالغاريه

منثريين

اها ..

شكرا لك على التوضيح يالذيب ..

[Faz]

والله ياليت يكون هالوعي موجود عند المواطنين

نفس موضوع التموين:secret:

[بومحمد المطاوعه]

اها ..

شكرا لك على التوضيح يالذيب ..

العفو

كل سنه فالغاريه اكثر شي
بتشوف عنن جنسيات عربيه
بس بأسماء قطريين

[حمد 2002]

والله ياليت يكون هالوعي موجود عند المواطنين

صادق والله

[حمد 2002]

العفو

كل سنه فالغاريه اكثر شي
بتشوف عنن جنسيات عربيه
بس بأسماء قطريين

اتهقى بهالسبب انه اكثر المناطق البحريه والمهمه اتخلص بسرعه ومايعطون عليها رخص للقطرين :telephone:

[بومحمد المطاوعه]

اتهقى بهالسبب انه اكثر المناطق البحريه والمهمه اتخلص بسرعه ومايعطون عليها رخص للقطرين :telephone:

كلها واسطات ياحبيبي

عندك واسطه
بتمشي امورك وبتحصل لك عنه مكانها مضبوط
ماعندك واسطه

انتظر السستم والدور والتأليف الي بيقطونه عليك والمكان


الله المستعان

[بانغ بانغ]

حمد

احيانا اخواننا العرب ايكونون محترمين انفسهم ومالهم حس بين العنن ..

[حمد 2002]

حمد

احيانا اخواننا العرب ايكونون محترمين انفسهم ومالهم حس بين العنن ..

القانون قانون اخوي ولا عطف ولا رحمه فيه بما انه صادر للقطرين فقط

[حمد 2002]

كلها واسطات ياحبيبي

عندك واسطه
بتمشي امورك وبتحصل لك عنه مكانها مضبوط
ماعندك واسطه

انتظر السستم والدور والتأليف الي بيقطونه عليك والمكان


الله المستعان

صادق يالذيب ..

الله المستعان

[بومحمد المطاوعه]

حمد

احيانا اخواننا العرب ايكونون محترمين انفسهم ومالهم حس بين العنن ..

ونعم في البعض
صدقت ولكن شفننا مناظر كجره في بعض العنن
وهالسنه بنشوف بعد

الله المستعان

[كيفي قطري]

تعال شوفهم في عريده حدث ولا حرج ،،،، انا شخصياً رحت لوزارة البيئة واشتكيت وكان الرد مخييب للآمال ....... يقولي شتبينا نسوي نروح ونطلعه من المخيم ،،،، وكان ردي عليه لا طبعاً بس روح لصاحب التصريح واسحب التصريح منه وبتنتهي السالفه ... لكن لا حياة لمن تنادي

[حمد 2002]

تعال شوفهم في عريده حدث ولا حرج ،،،، انا شخصياً رحت لوزارة البيئة واشتكيت وكان الرد مخييب للآمال ....... يقولي شتبينا نسوي نروح ونطلعه من المخيم ،،،، وكان ردي عليه لا طبعاً بس روح لصاحب التصريح واسحب التصريح منه وبتنتهي السالفه ... لكن لا حياة لمن تنادي

صدقت اخوي ..

وهالشيء الي يحرم القطرين من بعض الاماكن المهمه !! ..

[R 7 A L]

المفروض هذا الي يخالف القانون ويأخذ ترخيص ويأجر على من لاينطبق عليهم القانون يعلق في برج الرياضة يومين بعدها ينزلونه لطواري حمد ( المشرحة ) من قريب

[CH Engineer]

الترخيص للقطريين فقط
تاجير او تسليم المخيم المخيم لغير القطري مخالف للقانون
بس انك تشوف اجنبي بالبر وتشتكي !!!
يمكن القطري ربعه اجانب ،، قطيتهم وحده وكل واحد ماخذ يوم بالأسبوع لاهله والويكند للشباب


خلوا عنكم العنصريه

[qatari911]

خلنا واقعيين شوي من الي سمح للاجانب بهالشي ؟؟؟ بعض الشباب القطريين يسون العنن ويجيبون خرابيطهم لا فلبينيات ولا عربيات والمسكرات طبعا ما اظلم الناس واقول الكل لا والله البعض منهم وهذا الي خل الاجانب يستأجرون باسم القطري ويسون النون ومايعلمون
اذا الؤلؤه على الدراجات وشاقله وحده معاه والا الي في السياره ويترقصون لا من شباب ولا من بنات ((انا مو سلبي ولا ضد القطريين لكن اشوف شي استغرب وقسم بالله ماالي نفس اطلع من البيت والسبب هالاشكال ومن جهه ثانيه الزحمة الي تخليك تعيف الطلعه

[Faz]

الترخيص للقطريين فقط
تاجير او تسليم المخيم المخيم لغير القطري مخالف للقانون
بس انك تشوف اجنبي بالبر وتشتكي !!!
يمكن القطري ربعه اجانب ،، قطيتهم وحده وكل واحد ماخذ يوم بالأسبوع لاهله والويكند للشباب


خلوا عنكم العنصريه

مافي عنصريه في الموضوع بس لما اتكون العنه كلها اجانب مافي قطري في الموضوع اتوقع واضحه

ولا الي عايشين معنا في البلاد ومعانا في حطيات وعنن هاي شي واضح ولا احنا كارهينهم بالعكس اخوانا ومانقول عنهم شي

[معماري قطري]

تعال شوفهم في عريده حدث ولا حرج ،،،، انا شخصياً رحت لوزارة البيئة واشتكيت وكان الرد مخييب للآمال ....... يقولي شتبينا نسوي نروح ونطلعه من المخيم ،،،، وكان ردي عليه لا طبعاً بس روح لصاحب التصريح واسحب التصريح منه وبتنتهي السالفه ... لكن لا حياة لمن تنادي

المفروض يتخالف وينحط بلاك لست وينشرون تحذير بهذا الأمر

بنفس الوقت يسمحون لعدد معين من اخواننا العرب والتصريح بإسمهم وفي مناطق معينة ومخصصة لهم ومن يخالف بعد بلاك لست وسحب الترخيص والغرامة

[الحياة الخالدة]

يعني تهقون بعض القطريين متخذينها تجارة والا بس من باب الطيبة والميانة ؟؟
في هالحالة لازم السلطات تشيك كل فترة على هالعنن وتتأكد من اللي يستخدمها

[qatari911]

يعني تهقون بعض القطريين متخذينها تجارة والا بس من باب الطيبة والميانة ؟؟
في هالحالة لازم السلطات تشيك كل فترة على هالعنن وتتأكد من اللي يستخدمها

بعضه تجارة وبعضهم طيبه
واذا فيه تشييك وتكون على غفله بتشوفون العجب من الاجانب والقطريين وعلشان ماتزعلون ((البعض))

[R 7 A L]

الترخيص للقطريين فقط
تاجير او تسليم المخيم المخيم لغير القطري مخالف للقانون
بس انك تشوف اجنبي بالبر وتشتكي !!!
يمكن القطري ربعه اجانب ،، قطيتهم وحده وكل واحد ماخذ يوم بالأسبوع لاهله والويكند للشباب


خلوا عنكم العنصريه

ماعليش اخوي طاري العنصريه ماله داعي وهل قطر وقطر ارفع من هالشي

[العلياا]

عفوا مافهمت سبب الموضوع وشنهو الاعتراض عليه بالضبط ؟؟

[Rider]

كلامك اخوي حمد ذهب اصلي وكل كلمة قلتها في محلها ياخي خلو قطر للقطريين يكفي مانعرف نروح ولا نطلع محل الا اهم مسيطرين عليه حتى في العنن بيلحقونا

[غريب الدّار]

قواك الله اخوي حمد على الموضوع

وبغض النظر عن قطريين وأجانب :
دام في قانون ، أتمنى الكل يلتزم

[R 7 A L]

عفوا مافهمت سبب الموضوع وشنهو الاعتراض عليه بالضبط ؟؟

الاعتراض على خرق القانون
نتمنى ان يطبق القانون

[نفسي عزيزه]

خلهم يستانسون حالهم حالنا

[نفسي عزيزه]

حياكم الغاريه مكس قطرين وعرب الي يبي مجبوس موجود والي يبي كبه ومشاوي موجود والحمدلله اللهم ادم علينا نعمة الامن والامان

[R 7 A L]

خلهم يستانسون حالهم حالنا

ماطردنا حد بس انحب قطر ونحب ان تنهض فوق بتطبيق القوانين

[QtrGate]

صحيح هناك بعض التجاوزات من الي يبيعون تراخيصهم او يأجرون العنه
لكن مب معناها ان نمنع اَي اجنبي انه يحضر العنه

عندنا مقيمين عرب عاشو معانا وكلنا عيش مع بعض
ونعطيهم يوم السبت كل أسبوع يودون اهلهم العنه

لان يوم السبت دائماً تكون العنه فاضيه

[نفسي عزيزه]

بالظبط رحال

انا معاك بالقوانيين*قصدي

[saeed2005]

العنصرية بتودي البعض في ستين داهية ( يحشر المتكبرون يوم القيامة أمثال الذر يطأهم الناس بأقدامهم ) والذين يتحججون بالقانون ممكن يجيب نص القانون وهل يمنع أن يأجر القطري أو يهب عنته لغير القطري الرجاء النقاش بموضوعية ؟

[البرونزي]

والله كنا سنين نخيم فالشمال والامور ماشيه
لكن الحين تعال دور لك مكان على السيف
واغلبهم اجانب اللوم على الي داق صدره
ومطلع لهم تصريح بأسمه مب كفايه مناشبينا
في باقي الامور ؟؟

[R 7 A L]

العنصرية بتودي البعض في ستين داهية ( يحشر المتكبرون يوم القيامة أمثال الذر يطأهم الناس بأقدامهم ) والذين يتحججون بالقانون ممكن يجيب نص القانون وهل يمنع أن يأجر القطري أو يهب عنته لغير القطري الرجاء النقاش بموضوعية ؟


مرحباً اخوي سعيد

أولاً يجب علينا ان نحترم القانون الذي وضعه أمير البلاد المفدى والجهات العليا التي تمثل سموه
ثانياً شوف مشاركة الاخ بعدك رقم 35
المساحة صغيرة والعدد محدود والكثير ممن يشملهم القانون لا يجدون مكان يخيمون فيه .

[البرونزي]

العنصرية بتودي البعض في ستين داهية ( يحشر المتكبرون يوم القيامة أمثال الذر يطأهم الناس بأقدامهم ) والذين يتحججون بالقانون ممكن يجيب نص القانون وهل يمنع أن يأجر القطري أو يهب عنته لغير القطري الرجاء النقاش بموضوعية ؟

ايش دخل العنصريه في الموضوع ؟؟
الامور واضحه التصريح للقطري بس
طيب قول ليش بس للقطري ؟؟
راجع اقرب فرع عندك وجادلهم ممكن تقنعهم
ويفتحون التصاريح للكل وبعدها بنقول ياهلا ومرحبا فيهم

[saeed2005]

ايش دخل العنصريه في الموضوع ؟؟
الامور واضحه التصريح للقطري بس
طيب قول ليش بس للقطري ؟؟
راجع اقرب فرع عندك وجادلهم ممكن تقنعهم
ويفتحون التصاريح للكل وبعدها بنقول ياهلا ومرحبا فيهم

ممكن تجاوب على السؤال هل القانون يمنع أن يؤجر القطري لغير القطري أو يشارك القطري غير القطري أو يمنح القطري غير القطري ؟ هذا سؤالي وهو بسيط جدا لو كنت على اطلاع القانون

[saeed2005]

مرحباً اخوي سعيد

أولاً يجب علينا ان نحترم القانون الذي وضعه أمير البلاد المفدى والجهات العليا التي تمثل سموه
ثانياً شوف مشاركة الاخ بعدك رقم 35
المساحة صغيرة والعدد محدود والكثير ممن يشملهم القانون لا يجدون مكان يخيمون فيه .
أخي رحال أنا واجبي أحترم القانون هذا لا شك فيه لكن هل يوجد أساسا قانون يمنع القطري من منح أو تأجير أو مشاركة غير القطري في عنته ؟ هذا سؤالي ؟
ثانيا لا اعترض أبدا على تفضيل أو تقديم أهل البلد بأي ميزة فهذه بلدهم ونحن ضيوف عند قوم كرام ولو أن صاحب الموضوع اقترح أن يتم تخصيص أماكن لأهل البلاد وغيرها لغيرهم لكان طرحه مقبولا

[حمد 2002]

ممكن تجاوب على السؤال هل القانون يمنع أن يؤجر القطري لغير القطري أو يشارك القطري غير القطري أو يمنح القطري غير القطري ؟ هذا سؤالي وهو بسيط جدا لو كنت على اطلاع القانون

ولا يسمح بتأجير الموقع، وللوزارة الحق في الحذف والإضافة أو التغير في شروط التصريح البيئي، وعدم إعطاء أو نقل التصريح البيئي لشخص آخر ويمنع التأجير، وفي حالة انتهاك أي من الشروط أعلاه سيتم سحب التصريح البيئي،

http://www.al-watan.com/news-details/id/29102/d/20160929

جريده الوطن القطري - شروط التخيم

Sep 29, 2016

[بومحمد المطاوعه]

حياكم الغاريه مكس قطرين وعرب الي يبي مجبوس موجود والي يبي كبه ومشاوي موجود والحمدلله اللهم ادم علينا نعمة الامن والامان

هههههههه

اللهم امين

حتى في شكشكه
وفي طمبوره

وفي هبان ورقص شرقي


هالسيف اخس سيف ف قطر عندي

[Riku3]

ذكرتوني العام على السيف كل يوم اغاني "رقصني يا قدع" وريحة الشيشه لوعت جبودنا هذا غير ملابسهم الي لك عليها @_@ ..

انا مب ضد اعطاء العنه لشخص بشكل ودي بعض ايام الاسبوع .. بس بعضهم مايستاهلون .. والمفروض في تشديد اكثر بخصوص الحدود وتباعد المخيمات عن بعض.

[saeed2005]

ولا يسمح بتأجير الموقع، وللوزارة الحق في الحذف والإضافة أو التغير في شروط التصريح البيئي، وعدم إعطاء أو نقل التصريح البيئي لشخص آخر ويمنع التأجير، وفي حالة انتهاك أي من الشروط أعلاه سيتم سحب التصريح البيئي،

http://www.al-watan.com/news-details/id/29102/d/20160929

جريده الوطن القطري - شروط التخيم

Sep 29, 2016

جيد لكن يبقى في حكم الجائز أن يمنح القطري غير القطري عنته مجانا هذا ما لم ينص القانون على منعه وأما عدم إعطاء التصريح أو نقله فيشمله حتى القطري فمن خرج التصريح باسمه لا يجوز نقله باسم غيره أيا كان

[ذكي جدااا]

المفروض يفتحون الترخيص للاجانب وكل واحد مسؤول عن مخيمه واللي يخالف ينسحب منه الترخيص. الاجانب سواء عرب او غير عرب هم ناس ويبون يشمون هواء ويغيرون جووو. اما بخصوص اذا كانت هناك في مخالفات المفروض يكون في تفتيش على المخيمات.

[saeed2005]

المطلوب يا حمد 2002 تطالب بمنع أن يمنح أي قطري عنته لغير القطري وبعدها طالب بحملات تفتيشية والمخالف قطه في السجن وعلى الإبعاد على طووووووووول

[البرونزي]

ممكن تجاوب على السؤال هل القانون يمنع أن يؤجر القطري لغير القطري أو يشارك القطري غير القطري أو يمنح القطري غير القطري ؟ هذا سؤالي وهو بسيط جدا لو كنت على اطلاع القانون
يا اخي بديهيا التصريح للقطريين مايبيلها تفكير
ولو مش ممنوع كان فتحو التصريح للكل بلا هالحوسه
وثانيا نعم يمنع التاجير

[راعي الكورفت]

انا مطلع تراخيص لكذا اجنبي أعرفهم معرفه شخصيه.

مااقدر ارد واحد يطلب مني شي



لاني


استحي :(


وبعد خلهم يستانسوون بالتخييم والطلعه.

هذا الشي من حقهم .

[نفسي عزيزه]

هههههههه

اللهم امين

حتى في شكشكه
وفي طمبوره

وفي هبان ورقص شرقي


هالسيف اخس سيف ف قطر عندي

الغاريه الايام العاديه وناسه بس بالعطل مشكله وانا خوك
قبل مايفتحون الشاليه ايام 2003 وقبلها بالتسعينات محد فيها كنا نطلع من المدرسه بسزوكي عندنا ونروح نصيد خثاثيق ليييييين 2004 عقب خلاص الغاريه تغيرت وراحوا الطيبيين :weeping: ذكريات

[aloosh]

الى يفتشون عليها بعضها ينقلب وكر لتحشيش والبنات وسكر
الله يكفينا شر ها الاشكال

الحمدلله عزبتي ثابته ورا النخش في شتاء بر وفي صيف بحر

[بوخالد911]

للأسف بعض الأجانب والعرب عندهم الجواز العنابي.
من جذيه نظن ان المخيمات لغيرهم.

[بوخميس]

للأسف بعض الأجانب والعرب عندهم الجواز العنابي.
من جذيه نظن ان المخيمات لغيرهم.

هذا هو

الحين من وين تعرف القطري من غير القطري؟

وايد من المقيمين فوق 50 سنة في الدوحة ما تفرق بينه وبين القطري، وفي قطريين من 10 سنين يقولك (انا كتري)

[يمامـة]

الترخيص للقطريين فقط
تاجير او تسليم المخيم المخيم لغير القطري مخالف للقانون
بس انك تشوف اجنبي بالبر وتشتكي !!!
يمكن القطري ربعه اجانب ،، قطيتهم وحده وكل واحد ماخذ يوم بالأسبوع لاهله والويكند للشباب


خلوا عنكم العنصريه

كنت مشمرة عن سواعدي وياية شخط ابي اطب مع فكرة طرح الموضوع
قريت مشاركتك كعيت بريك عقب ما سحبت الهاند بريك......> :telephone:

ولقيت مشاركتك صحيحة واتفق معاك..

[معماري قطري]

كنت مشمرة عن سواعدي وياية شخط ابي اطب مع فكرة طرح الموضوع
قريت مشاركتك كعيت بريك عقب ما سحبت الهاند بريك......> :telephone:

ولقيت مشاركتك صحيحة واتفق معاك..

الله يستر من سواقتكم يا النساء

اول البريك وبعدين الهاند بريك

[يمامـة]

الله يستر من سواقتكم يا النساء

اول البريك وبعدين الهاند بريك

أولا ما اسوق فلا تلومني لو الفت في قواعد السواقة..http://www.pic4ever.com/images/electricf.gif

ثانيا كتبت كعيت بريك عقب ما سحبت الهاند بريك يعني كعيت من الهاند بريك ...> مسوية عمري افهم في هالسوالف ( ليش اتدقق):weeping:

[رجل الجزيرة]

المطلوب يا حمد 2002 تطالب بمنع أن يمنح أي قطري عنته لغير القطري وبعدها طالب بحملات تفتيشية والمخالف قطه في السجن وعلى الإبعاد على طووووووووول

نعم وبقوة والسبب:
إن البعض الأجانب إلي ما يخافون الله عندهم عنن للقطريين يسهرون ويعربدون ويمكن يجي صحفي أجنبي متخفي وينشر مقالته ويطلع سلبيات قطر، مثل سالفة الصحفية الأمريكية أو بريطانية كانت تحقق في الدعاة في دبي وكانت مقالتها عن تجارة النساء في دبي.

رجاء ما نبغي فضايح كل ما يقرب كأس العالم 2022 يطلعون أي شيء عن قطر، فخلكم منتبهين.

[محمد11]

نعم وبقوة والسبب:
إن البعض الأجانب إلي ما يخافون الله عندهم عنن للقطريين يسهرون ويعربدون ويمكن يجي صحفي أجنبي متخفي وينشر مقالته ويطلع سلبيات قطر، مثل سالفة الصحفية الأمريكية أو بريطانية كانت تحقق في الدعاة في دبي وكانت مقالتها عن تجارة النساء في دبي.

رجاء ما نبغي فضايح كل ما يقرب كأس العالم 2022 يطلعون أي شيء عن قطر، فخلكم منتبهين.

السلام عليكم..
اول شي انا مب فاهم شنو المقصد من الموضوع !
لاتقول خرق القانون !! ..
اذا تبي تكلم عن خرق للقانون ترى وايد قوانين مب خرق الا شاقينها شق واولهم احنا ك قطريين ..
2 . ذكر بعض الاعضاء بان هناك بعض الامور الغير مباحه في بعض مخيمات الاجانب .. !!
اتمنى في موسم العنن تروح كل وكيند مع اخواننا جزاهم الله خير لخويا وامن الجنوب توقف معاهم ف الثبوت .. بعدها قولوا ان الاجانب مخيماتهم مصخره ..
ثالث شي ..يجيب تطرق المواضيع بطريقة محترمه مب حق قطريين احنا القطريين واحنا .. واحنا .. اول شي انت لازم تكون قدوة للاجنبي في كل شي ..
اذا شفت الاجنبي لم يحترم قانون بلاده قبل لاتعاقبه روح اساله انت ليش ماحترم هذا القانون !! اذا قال لك ان الكل يتعامل بهذي الطريقة ف الخلل مهب فيه الخلل فينا احنا ..
احنا الي لازم نلتزم بالقوانين الصغيره قبل الكبيره ..

اذا الاجانب عندهم ناس تعطيهم المخيم وهم جالسين باحترام ف الله يوفقهم ..

[محمد11]

للأسف بعض الأجانب والعرب عندهم الجواز العنابي.
من جذيه نظن ان المخيمات لغيرهم.

بارك الله فيك ..

[معماري قطري]

أولا ما اسوق فلا تلومني لو الفت في قواعد السواقة..http://www.pic4ever.com/images/electricf.gif

ثانيا كتبت كعيت بريك عقب ما سحبت الهاند بريك يعني كعيت من الهاند بريك ...> مسوية عمري افهم في هالسوالف ( ليش اتدقق):weeping:

لازم التدقيق وصراحة توقعتج تسوقين .. اللي يسحبون الهاند بريك قبل توقف التواير الخلفية بس وتفتر السيارة

[رجل مثالي]

https://www.google.com/url?sa=t&source=web&cd=1&ved=0ahUKEwjUhfTu3dvPAhWCSRoKHSJPBksQFggKMAA&url=http%3A%2F%2Fwww.arabtravelersforum.com%2Ftrav el270937.html&usg=AFQjCNGZaxVZ59aVUCYFWPUOxxxQyEnxbA

شروط التخييم

[سعود.]

اتوقع حل منصف للطرفين :

تكون اول فترة تسجيل للقطريين . وبعدها تجي فترة تسجيل للمقيمين .

[MAZEN37]

موضوع حمد كل سنه

[محمد11]

موضوع حمد كل سنه

مافي هدف .. بس حساسيه مع خلق الله

[الرايــق]

ما اعتقد فيها اي شي لو تم التسجيل باسم قطري
ياخي اساسا لازم تقدم البطاقة الشخصية لكل معاملة مثل ترجيع اللوحة لترجيع التامين وللتقديم ايضا

فما اشوف فيها اي شي لو واحد ساعد حد اجنبي واسااسا الاجانب اصحاب العنن باعتقادي مش اي اجانب هم صارلهم فترة فوق 40 سنة علي اقل تقدير

وبنفس الوقت اجنبي او غيره لازم يحترم عادات وتقاليد البلد اثناء التخييم وهذا اهم شي

اما ما قراته في بعض الردود من اغاني صاخبه ورقص شخصي فهذاه تصرفات غير مقبولة بتاتا

[بعيد النظر]

ابدا مافيها شي .. حياهم الله بينا ..
والشرط الحشيمة والابتعاد عن الخرابيط ..

[Abdulraman]

ابدا مافيها شي .. حياهم الله بينا ..
والشرط الحشيمة والابتعاد عن الخرابيط ..

كلام سليم

[يمامـة]

لازم التدقيق وصراحة توقعتج تسوقين .. اللي يسحبون الهاند بريك قبل توقف التواير الخلفية بس وتفتر السيارة

مي سوري.. ومنكم نتعلم..

[َQernas_Qtr]

السلام عليكم..
اول شي انا مب فاهم شنو المقصد من الموضوع !
لاتقول خرق القانون !! ..
اذا تبي تكلم عن خرق للقانون ترى وايد قوانين مب خرق الا شاقينها شق واولهم احنا ك قطريين ..
2 . ذكر بعض الاعضاء بان هناك بعض الامور الغير مباحه في بعض مخيمات الاجانب .. !!
اتمنى في موسم العنن تروح كل وكيند مع اخواننا جزاهم الله خير لخويا وامن الجنوب توقف معاهم ف الثبوت .. بعدها قولوا ان الاجانب مخيماتهم مصخره ..
ثالث شي ..يجيب تطرق المواضيع بطريقة محترمه مب حق قطريين احنا القطريين واحنا .. واحنا .. اول شي انت لازم تكون قدوة للاجنبي في كل شي ..
اذا شفت الاجنبي لم يحترم قانون بلاده قبل لاتعاقبه روح اساله انت ليش ماحترم هذا القانون !! اذا قال لك ان الكل يتعامل بهذي الطريقة ف الخلل مهب فيه الخلل فينا احنا ..
احنا الي لازم نلتزم بالقوانين الصغيره قبل الكبيره ..

اذا الاجانب عندهم ناس تعطيهم المخيم وهم جالسين باحترام ف الله يوفقهم ..


+1 :victory:

[khalid525]

طالما ان التخييم مؤقت ويصير في موسم الشتا ياليت يعطون التصاريح حق المقيمين واهل الخليج اللي يبون يقضون الشتا عندنا ، افضل من التخييم العشوائي اللي يسبب تلوث حق البيئة اقصد بعض العوايل اللي تكشت في البر ويتركون بقايا القمامة وراهم .

[بوخالد911]

طالما ان التخييم مؤقت ويصير في موسم الشتا ياليت يعطون التصاريح حق المقيمين واهل الخليج اللي يبون يقضون الشتا عندنا ، افضل من التخييم العشوائي اللي يسبب تلوث حق البيئة اقصد بعض العوايل اللي تكشت في البر ويتركون بقايا القمامة وراهم .


لو افتحوها بحررررري لكل الناس
القطريين ما بيحصلون مكااااان
:(

[مسك روز]

نعم نعم نتمنى ذلك مناشبينا في كل شي

بروحها قطر صغيره ونص شواطئها شاليهات خاصه عاد خلو لنا هالنتفه نخيم فيها

[Faz]

بس زياده على الموضوع حسب علمي القطريين وغير القطريين يقدرون يخيمون في الويكند بدون تامين والتصاريح

[كاشف الغطاء]

شي جيد لو وفروا لهم بديل .. عنن تتأجر من الدولة والشركات السياحية المرخصة بشكل رسمي

[مشلاقي]

كل سنه نفس الموضوع الاجانب والاجانب
هو الاجنبي مو انسان وبعدين معظم الاجانب الي لهم عنن هم من مواليد البلد واعمارهم مو صغيره
واذا كان لديك احصائيه عن عدد الاجانب الي صادوهم مخلين بالاداب في العنن اكاد اجزم النسبه لاتذكر
في علاقات اجتماعيه بعيده جدا عن الجنسيه يحكمها الود والعشره الطيبه بين الناس وعلاقات الصداقه
بين بعض المواطنين والاجانب ( العرب) اكبر من اعتبارات اخرى
احنا انولدنا وتربينا على هذه الارض الطيبه وبين اهلها الطبين وما يفرقنا عنهم فقط غير الجواز
لكن نحمد الله انه في كل زمن يوجد ناس طيبين

[بومحمد المطاوعه]

الغاريه الايام العاديه وناسه بس بالعطل مشكله وانا خوك
قبل مايفتحون الشاليه ايام 2003 وقبلها بالتسعينات محد فيها كنا نطلع من المدرسه بسزوكي عندنا ونروح نصيد خثاثيق ليييييين 2004 عقب خلاص الغاريه تغيرت وراحوا الطيبيين :weeping: ذكريات

رحت للأسف يوم الجمعه الربع قاعدين

تعال شوف الوصاخه من بعض الناس
عقب مايقعد ويبلع ويتعشى ويستانس

يقط وصاخته ولا يشيلها

وكان في واحد قريب منا قاعد مع اهله

من الجنسيات العربيه ,,

قبل لايحرك خليناه يشيل وصاخته
وعقب حرك

ياخي بعضهم مايستحي على ويها

[حبر وقرطاس]

شرايك يا صاحب الموضوع نحبسهم في بيوتهم وما نسمح لهم بالترفيه في البر ؟
ستحاسب على عنصريتك امام الله يوم لا ينفع مال ولا بنون .
الاجانب الي تتكلم عنهم مسلمين وعرب جاؤوا لقطر لامنها وامانها وعزها يكدحون ويحملون هموم اسرهم ..يبحثون عن الحياه الكريمه والكرامه ...لن يضرك انت او غيرك ان يخيمون فالبر او يوسعون صدورهم مثلك ومثل غيرك هربا من ضغوط الحياه لبضع ساعات او ايام .اتق الله ..
هذولا بشر...
فالماضي البوسنه كانت حروب والان للسياحه ولاستملاك عقارات
فالماضي سوريا كانت احدى اقوى وجهات الخليج للسياحه والان تبدل حالها لحروب وقتل
فالماضي عانت السعوديه من مجاعه وتبرعت لها الصومال بالغذاء والمال
والان السعوديه تملك الخير وتبرع للصومال بالمال زالغذاء
سبحانه يبدل ولا يتبدل حي قيوم ..مقلب الاحوال...
والتاريخ خير مثال ياحمد 2002...ارتق بأرائك فأن القاع
مزدحم

[Bo jassim 33]

شرايك يا صاحب الموضوع نحبسهم في بيوتهم وما نسمح لهم بالترفيه في البر ؟
ستحاسب على عنصريتك امام الله يوم لا ينفع مال ولا بنون .
الاجانب الي تتكلم عنهم مسلمين وعرب جاؤوا لقطر لامنها وامانها وعزها يكدحون ويحملون هموم اسرهم ..يبحثون عن الحياه الكريمه والكرامه ...لن يضرك انت او غيرك ان يخيمون فالبر او يوسعون صدورهم مثلك ومثل غيرك هربا من ضغوط الحياه لبضع ساعات او ايام .اتق الله ..
هذولا بشر...
فالماضي البوسنه كانت حروب والان للسياحه ولاستملاك عقارات
فالماضي سوريا كانت احدى اقوى وجهات الخليج للسياحه والان تبدل حالها لحروب وقتل
فالماضي عانت السعوديه من مجاعه وتبرعت لها الصومال بالغذاء والمال
والان السعوديه تملك الخير وتبرع للصومال بالمال زالغذاء
سبحانه يبدل ولا يتبدل حي قيوم ..مقلب الاحوال...
والتاريخ خير مثال ياحمد 2002...ارتق بأرائك فأن القاع
مزدحم


الحمد لله ان بالمنتدى اقلام واعيه .. وتعرف الله حق المعرفه ..

عقب ما كنت غاسل ايدي ( من بعض الاقلام الدخيله على مجتمعنا الاسلامي الحنيف ) .


الله يجيرنا من فتنه الدنيا وملذاتها وعنصريتها ..

[عس عس]

ابدا مافيها شي .. حياهم الله بينا ..
الارض ارض الله :shy:

[مخطط قطري]

اضم صوتي لصوت حمد ويكون التخييم فقط للقطريين

[معماري قطري]

اللي يقول نتحامل على العرب تعالوا شوفوهم في حديقة اسباير الجمعة والخميس .. صدقوني الخشب المقطع جنب الممشى شلوه عيالهم ونثروه على الممشى .. قبل ممنوعين والحديقة نظيفة الحين احتمال الشجر يقصونه

[معماري قطري]

والهنود صراحة كائنات غريبة حتى مشي ما يعرفون يمشون ولا يتحرك يفتح شوي ولين بغى يقطع الطريق يقطع بيدعمك توقف والا تدعمه كيفك عاد لين دعمته الله يعينك على الريحة

إحتلال Ocupation حتى اللباقة بعيدة عنهم

[الحياة الخالدة]

لا لا لا أخوي معماري انت جذي صاير في قمة العنصرية .. خلك مستعد لجمعية حقوق الانسان لا يتلونك من علباك
وانتو يالقطريين خلكم في بيوتكم .. لا تضيقون على خلق الله وتزاحمونهم .. ولين صار الصيف لا يكون اشوف احد منكم في البلاد .. انتشروا في أصقاع الارض .. وخلوا خلق الله يتنفسون في بلادهم قطر

[Qtr37]

المهم ما نشوف او نسمع عن المنكرات اللي يسوونها ( البعض )

انزين و اهم شي في الصيف لا تسببون زحمة للاجانب في بلادهم بعد ههههههههههه

[حمد بن سعد]

مرحبا بالجميع في دوحة الجميع

عسى مثواك الجنه ان شاء الله