لتنازل عن خادمه فلبينيه

[دايموند]

السلام عليكم

عندي شغالتين من فلبين ..الاولى عرضتها بالمنتدى من اسبوع تقريبا وراحت في حال سبيلها..

واللحين ابي اصرف الفلبينيه الثانية وشكلي بكتفي بالاندونيسيه مالتي..

الشغاله الفلبينيه عمرها 42 سنه صار لها تقريبا اربعه شهور معاي وماعندها خبرة سابقه.. ممتازة مع الاطفال وحنونه معاهم وكانت ماسكه ولدي الرضيع وممتازة بشغل البيت من كوي وتنظيف وغسيل اما الطباخ ليحين ماعلمتها..نشيطه تقوم مبكر..
متزوجه وعندها 8 يهال...


سبب التنازل :


سبب واحد لا غير ..امس اكتشفت عندها جوال :weeping: وقالت لي ان الجوال علشان تكلم عيالها وريلها
وانا موصيتها لو تبي تكلم تقولي وبعطيها جوالي..
واللحين خلاص انكسرت الثقه بينا ..


هذا السبب الوحيد الي غلاني اتنازل عنها والا هي ممتازة واحسن حتى من الفلبينيه الي راحت..


المطلوب 8000 ريال للعلم كلفتني 13000 ريال
وممكن تجربتها 3ايام

[بومحمد المطاوعه]

الله يعينج

ويسهل امورج

[Rider]

كثر التنازل عن الخادمات الفلبينية بعد عودة الاندونيسات بس اختي الجوال صار عادي يكون عند الخدم مافيها شي اذكر من اكثر من 10 سنين كنا نرفض الجوال عند الخدم ونعتبرها مصيبه لكن الحين عادي ترى هي انسانه ومن حقها تواصل مع اهلها اهم شي ماتسوي مصيبه في البيت وللعلم فقط الخدامة طل الزمن ولا قصر لازم يكون عندها جوال حتى لو تهريب مثل ماصار مع خدامتج

بس ملاحظة اختي هل الخطر في الجوال ولا الخطر اني اعطي الخادمة طفل رضيف تمسكه

[دايموند]

مرحبا اخوي رايدر..شكرا عالنصيحه..الخطر في الاثنين انا كانت تحت مراقبتي لما يكون الرضيع عندها..
اما الجوال فمن حقها تكلم من اهلها بس ماعتقد من حقها تتملك الجوال بدون رضى كفيلها خاصه هي اصلا كانت موقعه اتفاقيه مع مكتبهم في الفلبين انها ماتبي لا جوال ولا نت ولا فيس بوك..واهني انا قلت لها وقت ماتبين تتكلمين قولي لي وبعطيج جوالي تهذرين فيه لين ماتشبعين ..لكن تتملك بالخفي ماحبيت الحركه

شكرا لك

[Rider]

مرحبا اخوي رايدر..شكرا عالنصيحه..الخطر في الاثنين انا كانت تحت مراقبتي لما يكون الرضيع عندها..
اما الجوال فمن حقها تكلم من اهلها بس ماعتقد من حقها تتملك الجوال بدون رضى كفيلها خاصه هي اصلا كانت موقعه اتفاقيه مع مكتبهم في الفلبين انها ماتبي لا جوال ولا نت ولا فيس بوك..واهني انا قلت لها وقت ماتبين تتكلمين قولي لي وبعطيج جوالي تهذرين فيه لين ماتشبعين ..لكن تتملك بالخفي ماحبيت الحركه

شكرا لك
كلامك صحيح مادام بينكم اتفاق من قبل لكن سبحان الله هالخدم يجون مايبغون شي بس تقول ابغي اشتغل واخر شي تقلب بعد ماتشوف الخادمات كل وحده عندها جول وكل وحده تكوك الثانية

[الجرناس]

سلام عليكم
ديانة الخادمه وشي لوسمحت

[آل فيصل]

السلام عليكم شيكي على الخاص لو تكرمتي

[مــاي ورد]

خدامتي تقول سبب وجودي عندكم النت ههههه

الله يعينا على هالخدم و زين ما تسوين

[المحاميه]

موجوده ولا طارت؟

[دايموند]

موجوده ولا طارت؟

طااااااااارت من اسبووووع

يا اخوان الي مستعجل ويبي شغاله وخاصة من اندونيسيا جربوا مكتب سيلين الي فالوكرة ..

بصراحه قالوا لي شفالتي بتجيني بعد شهر لكن خلال 10 ايام الا هي في بيتنا .. وطلعت الشغاله ممتازة والله احسن من الفلبينيه وطباخة وماتبي جوال عادي وتشوف اليهال واهم شي مسلمه

[المحاميه]

^

لا اخاف منهم
راعيين سحر
مب ناقصين والله

[دايموند]

^

لا اخاف منهم
راعيين سحر
مب ناقصين والله

مايصير نعمم ..

ترى في مناطق معروفة تمارس السحر مثل قرية جاوة وجاكرتا.
وفي مناطق عندهم معروفة بتشددهم وتمسكهم بتعاليم الدين الاسلامي مثل كروان

[فنجان قهوة]

^

لا اخاف منهم
راعيين سحر
مب ناقصين والله

................
اï»»ندونيسيات الي يمارسون السحر وهم اï»»قليه.. معظم سحرهم للمحبه ...عشان يبعدون المشاكل ويحبونهم اهل البيت...وليس منه ضرر...وهي عبارة عن ايات وبعض الطï»»سم.

اما الفلبينيات فسحرهم للضرر واï»»نتقام ويستعملون النجاسات ...واعتقاد خاطئ ان الفلبينيات ما يمارسون السحر.