شفت قطوه، بس مادري عادي ولا؟

[المحاميه]

السلام عليكم

امس الله يسلمكم قمت الفجر
ودخلت الله يعزكم الحمام عشان اتيدد
اول مابطلت باب الحمام شفت قطوه بيضه واقفه عند دريشة الحمام
انا تخرعت وصكرت الباب وشردت وهي ماتخرعت :(

كان توه مأذن الفجر، قبل الاقامه..
هل هالشي عادي ولا

المشكله:
اني من يومي اخاف من شي اسمه قطوه
الشي الثاني ان هالحمام فالدور الثاني، فاشلون جات لين فوق ووقفت ورا الدريشه؟
والمشكله الاخيره ان صادني خوف من البيت بشكل عام ومن الغرفه والحمام بشكل خاص

حد ينصحني، يمكن يطير الخوف :(
وشكراً

[حمد 2002]

هههههههههه ههههههعه هههههههه

[المحاميه]

حمد شاللي يضحك؟
ترا الموضوع جد مب ضحك وغشمره

[حمد 2002]

والله موضوعج يضحك

[Dana’1]

في حال كان قطو بالحوش متعوده عليه او حتى بالحي فدخول القطوه للبيت وارد

قريب من هالموقف صار مع اختي وصارت زوبعه
كانت ايام شتويه واختي بغرفتها تدرس ،، تخيلي معها بالفراش تحت بطانيتها لابده القطوه تقول اختي تو بتكي الا احس بشي غير طبيعي وصوت خرفشة صدر واسمي واتجاهل الصوت الا الصوت ماخف وكل ماله يقرب اذا اتكي ،تروعت من الصوت عقب قامت تتسمع حركت الفراش شافتها
طبعا ما اقولك الزوبعه الي صارت لان اختي تموووت خوف من القطاوه
ووهي بالممر تصارخ كلنا طلعنا برا الغرف استنفار تام
و حتى القطوه تروعت من صرخة اختي واستنفرت معنا ههههههههه
وما اقولك على باقي القصه هههههه
هذا موقف واحد
الموقف الثاني
هي نفسها نسمع صوتها من فتحة التكييف ( مكيف مركزي)وللأمانه نسيت وين حصلوها
اذا ماخاب ظني بفتحة التكييف دخلت من برا مع انه الوحده الخارجيه للمكييف داخل مكان مغلق وله باب بس يمكن فتحوه للصيانه ودخلت تحوس
فطبيعي دخول القطط للبيت،،خصوصا اذا كانت كله بحوشكم


اما اذا تظنين انها جن فسمي بالرحمن واقرئي سورة البقره

[المحاميه]

الحوش فيه قطاوه
اللي مصبرني ان لونها ابيض

انا نفس اختج
اخس شي عندي القطاوه
اخاف وايد منهم ماعرف ليش

هو عادي
لكن اللي مب عادي
هالوقت
وين جايه مع صلاة الفجر؟

والله مسكينه اختج
الله لايحطني بهالموقف

[ضوى]

عادي الموقف ومايخوف اصلا ، القطاوه بكل مكان تحصلينهم ، عيل لو تدخلين بيتي شبيصير فيج !؟ القطاوه تتحفاج من اول ماتفتحين الباب والوان واشكال مهب قطو والا اثنين ولا حتى ثلاثه حول ثمانيه ولا عشرة وكلهم ودودين ومايخافون وكل بين كم يوم واحدة تتمشى بصاله البيت الله المستعان

[المحاميه]

بل

لالالا

هالوضع صعب
ماتقبلهم كلش

مادري
انا خفت
لان ماتوقعت
تفاجات
والوقت غلط
مادري اشلون بانسى :(

[ضوى]

انسي عادي شغلي لج فيلم رعب واستمتعي

[Charisma]

اللي مصبرني ان لونها ابيض



ههههههههههههههه يعني لو لونها اسود شبيصير ؟

مكانها : عادي جدا عالدريشه فوق السور فوق الطبيله في السطح فوق الملحق عادي قطو وين المشكله ؟

التوقيت : اللي متخوفه منه ، بعد عادي ، قطو و ماوراه شي ولا ودوام يمكن سهران يمكن باله مشغول مهموم متملل ..:rolleyes2:

ردة الفعل : بعد طبيعي، القطو برى ولاهو بحولج لو انتبه عليج يمكن يتصرقع اكثر منج .


عليج بليموووناااضه وامورج طيبه .

[Charisma]

انسي عادي شغلي لج فيلم رعب واستمتعي

ههههههههههههههههههههه .

[البرونزي]

ذكرتيني بموقف صالي من فتره بسيطه
حصلت قطوه عمرها بين الشهر والشهرين
داخل كور مكيف الشباك الدور الثاني
شلون وصلت الله اعلم
والي نزلها الدفاع المدني من كثر ما الموضوع غريب
ماوصلنا للطريقه الي وصلت فيها القطوه لهالمكان
وخاصه انها صغيرررره

[معماري قطري]

المفروض تسكرين الشباك بطابوق هالمرة قطو ما تدرين شيجي بكرة

[راجي الْعفو]

سبحان الله
توني الفجر اول ما دخلت البيت شفت قطو ناقز فوق الطبيله
وبعد ما شفت كل جسمه ، نصه مع الذيل واختفى- يعني موقف مخيف اكثر - وشكله مربرب

بس الحياة حلوة يالمحامية .

المره الجاية قولي له : صباح الخير كتوة

[Charisma]

سبحان الله
توني الفجر اول ما دخلت البيت شفت قطو ناقز فوق الطبيله
وبعد ما شفت كل جسمه ، نصه مع الذيل واختفى- يعني موقف مخيف اكثر - وشكله مربرب

بس الحياة حلوة يالمحامية .

المره الجاية قولي له : صباح الخير كتوة

تخيل يرد عليها : صباااح النوررر والسروررر:eek5::funny:escape

[R 7 A L]

اكيد جن
انصحك تجيبين مطوع يقراء في البيت

[وحيد-الشوق]

على طاري القطاوة كانت في قطوة في حوشنا مبين عليها قطوة بيوت مب شوارع المهم عطيتها لرفيجي ساكن في الوكير بعد يومين جات الوكرة سيارة مب قطو هههههههههه

تركي عنج الوسواس ولاتكبرين الموضوع

[بريق الحق]

ان شاء الله مافيج الا كل خير
لا تفكرين وايد وامورج طيبه

[راجي الْعفو]

تخيل يرد عليها : صباااح النوررر والسروررر:eek5::funny:escape

كل شي جايز ليش لا ^_^

[المحاميه]

ههههههههههههههه يعني لو لونها اسود شبيصير ؟

مكانها : عادي جدا عالدريشه فوق السور فوق الطبيله في السطح فوق الملحق عادي قطو وين المشكله ؟

التوقيت : اللي متخوفه منه ، بعد عادي ، قطو و ماوراه شي ولا ودوام يمكن سهران يمكن باله مشغول مهموم متملل ..:rolleyes2:

ردة الفعل : بعد طبيعي، القطو برى ولاهو بحولج لو انتبه عليج يمكن يتصرقع اكثر منج .


عليج بليموووناااضه وامورج طيبه .


هههه ردك عجيب
لانك ماتخاف منهم
لو تخاف جان تغيرت نظرتك وماقلت هالكلام

امبله شافتني القطوه
لما بطلت الباب شافتني
بس ماشردت*هي

انا اللي شردت للاسف
:(

[المحاميه]

ذكرتيني بموقف صالي من فتره بسيطه
حصلت قطوه عمرها بين الشهر والشهرين
داخل كور مكيف الشباك الدور الثاني
شلون وصلت الله اعلم
والي نزلها الدفاع المدني من كثر ما الموضوع غريب
ماوصلنا للطريقه الي وصلت فيها القطوه لهالمكان
وخاصه انها صغيرررره

بل
والله هالسوالف تخرع
كان زين ينقرضون القطاوه او يخشونهم ف مكان وماشوفهم كلش


المفروض تسكرين الشباك بطابوق هالمرة قطو ما تدرين شيجي بكرة

بسم الله
ليش تقولي جذي
بروحي تصرقعت من شفتها

انا طيعي ماخاف وعادي عندي اقعد بروحي حتى لو فليل الخ
بس هذي اعفستني
حسبي الله عليها

[المحاميه]

سبحان الله
توني الفجر اول ما دخلت البيت شفت قطو ناقز فوق الطبيله
وبعد ما شفت كل جسمه ، نصه مع الذيل واختفى- يعني موقف مخيف اكثر - وشكله مربرب

بس الحياة حلوة يالمحامية .

المره الجاية قولي له : صباح الخير كتوة

تخيل انت
ادش مره ثانيه نفس الوقت واحصلها نفس المكان
شبيكون وضعي؟

[المحاميه]

اكيد جن
انصحك تجيبين مطوع يقراء في البيت

من وين قلت اكيد؟
لو لونها اسود كان شكيت
وبعدين واقفه مع اذان الفجر؟
ركز



على طاري القطاوة كانت في قطوة في حوشنا مبين عليها قطوة بيوت مب شوارع المهم عطيتها لرفيجي ساكن في الوكير بعد يومين جات الوكرة سيارة مب قطو هههههههههه

تركي عنج الوسواس ولاتكبرين الموضوع


وراك وراك
مافي فكه
:(



ان شاء الله مافيج الا كل خير
لا تفكرين وايد وامورج طيبه

ان شاء الله
هذا الكلام الزين


ترا انا طارحه الموضوع من صجي
والله قمت اشيك على اي غرفه ادشها
اخاف احصل قطوه منخشه

ياريت يكون الكلام في صياغ الموضوع
بدون ضحك ونكت

لان ادري اغلب الناس ماتخاف من القطاوه
بس انا اذا شفت قطوه فالشارع اتأزم
اشلون لو شفتها فالمنظر السابق؟

ياريت تقدرون موقفي وشعوري
واللي يحس الموضوع بايخ لايعلق رجاء
واللي عنده رد يخدم موضوعي حياه


وشكراً

[MAZEN37]

ذكرتيني بموقف صالي من فتره بسيطه
حصلت قطوه عمرها بين الشهر والشهرين
داخل كور مكيف الشباك الدور الثاني
شلون وصلت الله اعلم
والي نزلها الدفاع المدني من كثر ما الموضوع غريب
ماوصلنا للطريقه الي وصلت فيها القطوه لهالمكان
وخاصه انها صغيرررره

اتصلت على الدفاع المدني علشان القطوه ؟

[بن يوسف الثقفي]

قطوه شي عادي مافي داعي للخوف
بس الخوف لو واحد دخل وشاف رأس عنز على الدردشة هني بقول لج هدي البيت بكبره لأن صج البيت بيكون فيه سكن
أما قطوه شب عادي وأكثر من العادي

[بانغ بانغ]

المحامية

يمكن اركبت فوق الطبيلة وشارت صوب الجامة وما قدرت تنزل

حتى لو مافي طبيلة ، ترى القطاوة يتسلقون الطوف خاصة اذا الطوفة مب ملسة يعني فيها بروز من نوعية الصبغ

هذا والله اعلم وحتى ان طلع جني ، مسكين قاعد ايقومك حق الصلاة يحليله

[المحاميه]

اتصلت على الدفاع المدني علشان القطوه ؟

هههههه
ايه عيل شيسوي

[المحاميه]

بن يوسف الثقفي
كلامك عدل
يالله القطوه اهون
والحوش اصلا فيه قطاوه


بانغ
مايضحك
هي ماقعدتني ولاشي
حصلتها لابده عند الدريشه
اظاهر انها وقفت وتوهقت
احسن محد قالها تتعدى على املاك غيرها

[المحاميه]

خلاص انا قررت اقوي قلبي وانسى الموضوع

وادخل واطلع من الغرفه ولا كاني شفت شي
بس ان حصلتها مره ثانيه الله لايقول
اهني باسوي زوبعه على قولت ديور

وباحشركم انتو اول شي :(

[بانغ بانغ]

بن يوسف الثقفي
كلامك عدل
يالله القطوه اهون
والحوش اصلا فيه قطاوه


بانغ
مايضحك
هي ماقعدتني ولاشي
حصلتها لابده عند الدريشه
اظاهر انها وقفت وتوهقت
احسن محد قالها تتعدى على املاك غيرها

ههههههه والله من صجي اتكلم

خالتي في ابوظبي من ثلاثين سنة كانوا ساكنين في قصر نصه مهجور .

كانت اتقول انها احيانا الفجر تلمح وحده اتدش غرف اعيالها الفجر ولما اتقوم زوجها وايروحون ركيض للغرف

ايشوفون اعيالهم قاعدين حق صلاة الفجر

يسالونهم من اللي قعدتكم ... ايقولون يما اشفيك نسيتي ! انتي اللي قعدتينا .من شوي

وتمت ساكته عن الموضوع سنين وعقب بلغتهم لين اكبروا

مادري صج او لا بس في جن مسلمين في كل مكان

بالتوفيق مع القطوة

[بن يوسف الثقفي]

عشان ترتاحين أكثر وأكثر دخلي يوتيوب وشوفي مقاطع القطاوه صايدينهم في أماكن محد يتوقع أن هالقطوه بتوصل لهلمكان

[المحاميه]

لا شكرا

ماحب حتى اشوفها
وحتى لو لعبه ماحب اشوفها

متعقده منهم من وانا صغيره
مع ان ماصارلي موقف بس جذي ماحبهم

[مافيا قطر]

:taunt::vampire:ههههه شفتي قطوه خفتى عيل لو يطلع لج بورجل مسلوخه ايش بتسوين

telephone:
اقول تريقي بس بيض مع جبن

ارفعي عليها قضيه

يمكن قطو مش قطوه وفكرج قطوه

[بريق الحق]

لا شكرا

ماحب حتى اشوفها
وحتى لو لعبه ماحب اشوفها

متعقده منهم من وانا صغيره
مع ان ماصارلي موقف بس جذي ماحبهم

ابتعدي تفكيرج عنهم واستعيني بالله واستقوي بالله

[المحاميه]

:weeping:

[العقل المدمر]

ماشفت شي غريب فالموضوع
طبيعي جدا ان القطوة تكون قاعدة عالفجر
واللي يربون قطاوة ويرقدون معاهم بيلاحظون ان حزتهم اصلا نص الليل والفجر ومن تطلع الشمس ينامون
ودامها ما خافت وخصوصا لونها ابيض اكيد اليفة ويمكن شاردة من ناس بعد
وحتى مكانها عادي .. في ناس يلقون قطاوة فوق السطوح بعد خصوصا ان قطاوة الشوارع ريولهم طويلة وينطون مسافات عالية
وحتى اذا وديتيها مكان بعيد لا تتخرعين لو شفتيها ثاني يوم فبيتكم لان بعد مخهم جي بي اس ما شاء الله

[aziz4z]

عادي جدا
ياما القطاوا اللي عندي أشوفهم فوق سطح البيت و أستغرب كيف طلعوا فوق ، و عندي قطو كل يوم تقعد في دريشة المطبخ ، لا وبعد تفتحها بأظافرها
أنا معود قطاوا الفريج أطعمهم قبل الفجر و قبل صلاة المغرب فألاقيهم كلهم و من أماكن بعيدة يتجمعون عند باب بيتي بس هالوقتين.
فعادي جدا ، اللي يقول جني و لا وحش ماعنده سالفة ، هاي قصص حق الاطفال عشان ينامون بسرعة

[aloosh]

اول شي لا فيه خوف ولا شي
وقطو ابيض اللي اخبره يحذرون من الاسود
وبعدين يمكن انزلت صوب دريشه ولا فيه مكان تنزل منه اكثر وهذا يحدث مرات
لا تخافين ولا شي امر عادي
بيوتنا كلها اغلبها فيه قطط من كل اللوان ومتعايشين معها:)

[naklan]

اذا شفتيها مرة ثانية اصرخي ااااااااااااااااااااااا
وشوفي اذا اشردت سوي نفسج شجاعة ووقفي مكانج
وإذا ما اشردت وتغير لون عيونها قولي ااااااااااااااااااااا
وانتي شارده هههههههه

[توشيبا]

انا خفت ياقدعان

قطو وعلى دريشه في الطابق الثاني ودريشه حمام بعد

تخيلي لو انه مب بين الاذان والاقامه كان صار لونه اسود مطفي

[توشيبا]

اول شي لا فيه خوف ولا شي
وقطو ابيض اللي اخبره يحذرون من الاسود
وبعدين يمكن انزلت صوب دريشه ولا فيه مكان تنزل منه اكثر وهذا يحدث مرات
لا تخافين ولا شي امر عادي
بيوتنا كلها اغلبها فيه قطط من كل اللوان ومتعايشين معها:)

مب شرط اسود يمكن كيوت ويحب الالوان الفاتحه

ويمكن فيه عمى الوان

[المحاميه]

ههههههه والله من صجي اتكلم

خالتي في ابوظبي من ثلاثين سنة كانوا ساكنين في قصر نصه مهجور .

كانت اتقول انها احيانا الفجر تلمح وحده اتدش غرف اعيالها الفجر ولما اتقوم زوجها وايروحون ركيض للغرف

ايشوفون اعيالهم قاعدين حق صلاة الفجر

يسالونهم من اللي قعدتكم ... ايقولون يما اشفيك نسيتي ! انتي اللي قعدتينا .من شوي

وتمت ساكته عن الموضوع سنين وعقب بلغتهم لين اكبروا

مادري صج او لا بس في جن مسلمين في كل مكان

بالتوفيق مع القطوة


شخبارك انت؟
ليش تقولي هالقصص يعني
ماحب اقرا هالسوالف كلش

:(

ماشاء الله خالتك صابره بعد ومشيه الموضوع
هههه الله يرزقني قوتها وصبرها

[المحاميه]

ماشفت شي غريب فالموضوع
طبيعي جدا ان القطوة تكون قاعدة عالفجر
واللي يربون قطاوة ويرقدون معاهم بيلاحظون ان حزتهم اصلا نص الليل والفجر ومن تطلع الشمس ينامون
ودامها ما خافت وخصوصا لونها ابيض اكيد اليفة ويمكن شاردة من ناس بعد
وحتى مكانها عادي .. في ناس يلقون قطاوة فوق السطوح بعد خصوصا ان قطاوة الشوارع ريولهم طويلة وينطون مسافات عالية
وحتى اذا وديتيها مكان بعيد لا تتخرعين لو شفتيها ثاني يوم فبيتكم لان بعد مخهم جي بي اس ما شاء الله

الله يسامحج على هالكلام
فال الله ولا فالج

شكلي باحط اكس عالسطح :(

[المحاميه]

عادي جدا
ياما القطاوا اللي عندي أشوفهم فوق سطح البيت و أستغرب كيف طلعوا فوق ، و عندي قطو كل يوم تقعد في دريشة المطبخ ، لا وبعد تفتحها بأظافرها
أنا معود قطاوا الفريج أطعمهم قبل الفجر و قبل صلاة المغرب فألاقيهم كلهم و من أماكن بعيدة يتجمعون عند باب بيتي بس هالوقتين.
فعادي جدا ، اللي يقول جني و لا وحش ماعنده سالفة ، هاي قصص حق الاطفال عشان ينامون بسرعة


بك
انا عندي خوف منهم من وانا صغيره ومستمر للحين
انت عندك عادي
انا لا
عشان جذي تشوف الموضوع عادي
انا ساعات اتوهق واخاف اكشهم
ادور حد يكشهم عني
ههههه مأساه

[المحاميه]

انا خفت ياقدعان

قطو وعلى دريشه في الطابق الثاني ودريشه حمام بعد

تخيلي لو انه مب بين الاذان والاقامه كان صار لونه اسود مطفي

ايه ياتوشيبا
هذا اللي اقوله

ادري انك اتطنز
بس هذا تفكيري
هههه

[القلب المؤمن]

عادي القطاوة بكل مكان ..
بعدين هذي اشارة لج انه لازم تتخلصين من هالخوف مب من القطوة لكن من الخوف بصورة عامة لانه ينعكس بامراض نفسية وعضوية مع الوقت !
تغلبي عالخوف لانه اكبر عائق في الحياة لتحقيق طموحج - بتقولين شدخل الخوف من القطوة والطموح بقول لج الاثار النفسية دام سمحتي للخوف يسيطر عليج في شي معين بحياتج ممكن يتكرر بامور ثانية
جات في وقت صلاة الفجر علشان تدعين لنفسج يخلصج من هذا الخوف
هذا تفسيري والله اعلم

[المحاميه]

شكرا
تفسير منطقي
جزاك الله خير
هو فعلا فيه مرض اسمه الخوف من الحيوانات
وانا اخاف من كل الحيوانات بصوره عامه وهذي الاخت بصوره خاصه
اعتقد له علاقه بالطابع النفسي

ان شاء الله بنتغلب على كل مخاوفنا

[حبر وقرطاس]

واضح اختي عندج فوبيا من القطط لانها مخلوقات مجهوله بالنسبه لج وماتعودتي تلمسينها من انتي صغيره او صار لج موقف فالطفوله وخفتي منها . انا مربي قطط محترف وعندي فالبيت اكثر من قط مب فالحوش لا انما داخل فالبيت واهتم فيهم واعرف لغتهم عدل .الزبده ان خوفج لازم تسيطرين عليه .القطط بطبيعتها مع بدايه ساعات الفجر الاولى تصحى تدور اكلها ومع مغيب الشمس تركد وتنام .والقطاوه عادي تقدر تقفز على حافه السور وتتسلق الاشجار وتطلع طوابق واغلب القطط تحب تجلس عند الشبابيك للبيوت خاصه الشبابيك المفتوحه وفيها شبك لانها تشم روايح الاطعمه والطباخ فالبيت الي لاصقه فالجدران وهي تكون جوعانه .السالفه لا جن ولا عفاريت ولا شي مستقصدج انتي بالذات . اتمنى تعالجين الفوبيا الي عندج لانها بتخلي حياتج تصير اصعب وتسوين من الحبه قبه .

[حمد 2002]

ميااااو

[R 7 A L]

ميااااو

تت ياقطوه ههههه

[حمد 2002]

تت ياقطوه ههههه


ههههههههههه

[الماريّة]

ههههه عادي حبيبتي دامه ابيض عادي
لو اسود ممكن ينخاف منه بس لملونين عادي

ولاتسمعين كلام الاعضاء كلامهم ايطير الصفوق

☺️

[البرونزي]

اتصلت على الدفاع المدني علشان القطوه ؟

اي نعم بعد مابذلنا جهد لكن بدون فايده
وعلى العموم القطوه روح ومافيها شي
اذا ساعدت اي حيوان ولو فيها شي كان
الدفاع المدني رفض يرسل اي مساعده

[معماري قطري]

https://www.youtube.com/watch?v=bAzerblj2q4

[معماري قطري]

بل
والله هالسوالف تخرع
كان زين ينقرضون القطاوه او يخشونهم ف مكان وماشوفهم كلش



بسم الله
ليش تقولي جذي
بروحي تصرقعت من شفتها

انا طيعي ماخاف وعادي عندي اقعد بروحي حتى لو فليل الخ
بس هذي اعفستني
حسبي الله عليها

وانا اقول المحامية شجاعة

ألحين لو بتترافعين ضد واحد بيجيب قطوة معاه وبيكسب القضية

[طلعة الروح]

الموضوع عادي بس يمكن التوقيت ماكان مناسب بالنسبه لج لو كان ظهر او عصر كان تقبلتي اكثر فاللي صار انج تفاجئتي بوجود كائن غير مرغوب فيه في هذه الساعه..

عن نفسي صارت معاي لأن القط سهل يتسلق ويصعد على الشجر ويدور مكان نظيف يقعد فيه

[الصغيره]

مدري ليه حنا الحريم نخاف من القطاوه

اجل لو تشوفين قطو ببيتنا كنه طرزان نطه وحده من الارض على السور كيف مدري

ماحبهم واخاف منهم

الحل انك تغطين شباك الحمام بورق اسود

واذا استمر الخوف غيري الغرفه او استشيري طبيبه نفسيه عادي ترى مافيها شي فض فضي من الخوف اللي فيك

[همسه]

بسم الله عليج فيه ناس فعلا يخافون من الحيوانات سمي و ما عليج شر ان شاء الله

انا اموت في الحيوانات عزكم الله خصوصا القطاوه لو انا فتحت لها الدريشه تدخل

هههههههههه

[نفسي عزيزه]

يوم الخميس جايب رديمكس يصبونه باللرضيه ورى البيت ويجون القطاوه ويعفسون صبية الردي مكس حفروا وقلبوها حمام لهم وتيبست الصبيه وهي معفوسه
ابطل باب المطبخ الخارجي تدخل قبلي القطوه هههههههههههههههه
ادق سلف حق السياره اسمعهم فوق المكينه يتحركون ويطلعون من السياره
خليت الدريشه مفتوحه بدون شبك دخلت قطوه وشمخت الاثاث :weeping:
والحين هديت لي حمامتين ورى البيت قامو يتحبلون لها القطاوه يبون ياكلونها

وايد قصص مع القطاوه

المهم ان قوي قلبج وان شاء الله امورج طيبه وانسي الموضوع ومن الله بتنسينه

انتي خايفه لان الموضوع فرشش توه بس ان شاء الله مايتكرر هالشي عشان تستعيدين نشاطج القوي :)

[المحاميه]

وانا اقول المحامية شجاعة

ألحين لو بتترافعين ضد واحد بيجيب قطوة معاه وبيكسب القضية

يكسبها من قلب بعد

اخاف منهم بعد شاسوي ..

[المحاميه]

الموضوع عادي بس يمكن التوقيت ماكان مناسب بالنسبه لج لو كان ظهر او عصر كان تقبلتي اكثر فاللي صار انج تفاجئتي بوجود كائن غير مرغوب فيه في هذه الساعه..

عن نفسي صارت معاي لأن القط سهل يتسلق ويصعد على الشجر ويدور مكان نظيف يقعد فيه

صادقه والله
حللتي شعوري صح

اشكرج .. تفهمتي وضعي
ان شاء الله الفئه اللي اضحكت ومافهمت تفهم الحين

[المحاميه]

بسم الله عليج فيه ناس فعلا يخافون من الحيوانات سمي و ما عليج شر ان شاء الله

انا اموت في الحيوانات عزكم الله خصوصا القطاوه لو انا فتحت لها الدريشه تدخل

هههههههههه

لااااا مستحيل
ماشاء الله عليج
ان شاء الله اتعود عليهم نفسج مع اني اشك

[المحاميه]

يوم الخميس جايب رديمكس يصبونه باللرضيه ورى البيت ويجون القطاوه ويعفسون صبية الردي مكس حفروا وقلبوها حمام لهم وتيبست الصبيه وهي معفوسه
ابطل باب المطبخ الخارجي تدخل قبلي القطوه هههههههههههههههه
ادق سلف حق السياره اسمعهم فوق المكينه يتحركون ويطلعون من السياره
خليت الدريشه مفتوحه بدون شبك دخلت قطوه وشمخت الاثاث :weeping:
والحين هديت لي حمامتين ورى البيت قامو يتحبلون لها القطاوه يبون ياكلونها

وايد قصص مع القطاوه

المهم ان قوي قلبج وان شاء الله امورج طيبه وانسي الموضوع ومن الله بتنسينه

انتي خايفه لان الموضوع فرشش توه بس ان شاء الله مايتكرر هالشي عشان تستعيدين نشاطج القوي :)

يمكن انت عادي عندك لان ماتخاف منهم

انا حدي اخاف منهم .. ماتقبل هالشي كلش

ههه والله هي مشكله
لان اذا شفتها ف مكان عام
الصراحه اغير المكان ومارضى اجلس فيه ..
ياانا يا هي

[المحاميه]

ههههه عادي حبيبتي دامه ابيض عادي
لو اسود ممكن ينخاف منه بس لملونين عادي

ولاتسمعين كلام الاعضاء كلامهم ايطير الصفوق

☺️

اشكرج على التوضيح

رحمه من الله انها مب سودا
كان تعقدت ..

[المحاميه]

واضح اختي عندج فوبيا من القطط لانها مخلوقات مجهوله بالنسبه لج وماتعودتي تلمسينها من انتي صغيره او صار لج موقف فالطفوله وخفتي منها . انا مربي قطط محترف وعندي فالبيت اكثر من قط مب فالحوش لا انما داخل فالبيت واهتم فيهم واعرف لغتهم عدل .الزبده ان خوفج لازم تسيطرين عليه .القطط بطبيعتها مع بدايه ساعات الفجر الاولى تصحى تدور اكلها ومع مغيب الشمس تركد وتنام .والقطاوه عادي تقدر تقفز على حافه السور وتتسلق الاشجار وتطلع طوابق واغلب القطط تحب تجلس عند الشبابيك للبيوت خاصه الشبابيك المفتوحه وفيها شبك لانها تشم روايح الاطعمه والطباخ فالبيت الي لاصقه فالجدران وهي تكون جوعانه .السالفه لا جن ولا عفاريت ولا شي مستقصدج انتي بالذات . اتمنى تعالجين الفوبيا الي عندج لانها بتخلي حياتج تصير اصعب وتسوين من الحبه قبه .

ادري ان عندي فوبيا
من كل الحيوانات
ومن القطوه بزياده
ماقدر اتقبلهم كلش
صح ماقد تعايشت معاهم
ولا زخيت ولا حيوان
ماقدر اتخيل هالشي او اجبر نفسي
وهو فعلا مرات يسببلي مشاكل

ماصادني موقف بس جذي من جيت عالدنيا ماحبهم ولا ابيهم يقربون صوبي ..

[المحاميه]

حابه اشكر كل اللي تعنوا وردوا على موضوعي
واللي انصحوني
وحسسوني ان هالشي عادي
لان فعلا كنت متوهقه وخايفه
ومع كلامكم حاولت اهدي نفسي واتشجع ..

للحين عندي خوف بس اخف من قبل
وقد ماقدر احاول مافكر فالموضوع ..

[وسمي2016]

,,,,

هذا نوع من التطير والتشاؤم
وذلك منبوذ فالدين,,,,:nice:,,,


،

[المحاميه]

^

اخوي
انا اخاف من القطاوه
وحصلتها ف مكان مب متوقع ووقت مب متوقع
وصادني خوف وبس

هذي كل السالفه
الموضوع نفسي
مب بكيفي
اخاف يعني شاسوي