شركه لا تعطي تفرغ للدراسه في جامعه قطر

[الشريف90]

السلام عليكم ورحمة الله وبركاته

انا اعمل في شركه غاز في راس لفان و صار لي خمس سنوات طلبت من الشركه يعطوني تفرغ في جامعه قطر حتى احصل على شهاده البكالوريا

ولكن تم الرفض و قد تم اخباري انه علي ان اقدم طلب على البعثات في الشهر الرابع من كل سنه
وسيتم اختيار 3 من 20 الى 30 قطري في الشهر الخامس المشكله هنا انه علي اختيار 3 دول للدراسه وهي برطانيا او امريكا او استراليا
و جامعه قطر ليس من ضمن الابتعاث حتى لو تم اختياري في البعثه الشركه ما راح توافق اني اختار جامعه قطر.
ولم يعطوني اي سبب في اعطائي التفرغ لجامعه الدوله فهل هذا يعني ان الشركه ضد الجامعه?

طبعا بتقولون ليش ما تدرس في الخارج السبب هو اني متزوج وعندي ولدين الله يحفضهم و ثانيا انا صليت استخاره و ماكنت مرتاح هنا انا قررت ادرس في جامعه قطر

السؤال هو هل من جه او قسم معين اقدر اني اشتكي لهم تجبر الشركات الخاصه تعطي القطري تفرغ في جامعه قطر ?
مثالا قطر للبترول ؟
وعندي اسباب انا ما راح احمل الشركه انها تدفع اي مبلغ للجامعه مب مثل الي ياخذ تفرغ في الدول الغربيه
فالشركات تدفع مبالغ للجامعات الغربيه و سكن ويمشيله جزء من معاشه
اما اطلب اني اخذ ثفرغ و يمشيلي جزء من معاي حالي حال غيري
حاليا انا اشتغل و ادرس في نفس الوقت ولكن ما عندي وقت للدراسه الى في الدوام

و السموحه طولت معاكم

[Ali88]

part time في جامعه قطر
مايحتاي موافقه دوامك لان بتكون الكلاسات فليل

[راعي الكورفت]

أعتقد مصانع رأس لفان يودون بعثات داخليه إلى كلية شمال الأطلنطي .

لو حاب تشتكي عليهم فمحد بيسمع لك لأنهم يمشوون على قوانين قطر للبترول المتعلقه بالابتعاث والدراسه.

حاول تطرح مشكلتك في الاذاعه برنامج وطني الحبيب صباح الخير.

بالتوفيق.

[monatee]

هل اطلبوا منك اكمال الدراسه .. او من نفسك تبي تكمل ؟

الي اعرفه اعطاء التفرغ اذا دوامه محتاج للتخصص ويطرشون الموظف يكمل

ولا من حقهم رفض التفرغ

اذا جيه عيل كل الموظفين يبون تفرغ دراسه من دوامهم ويستلمون راتب كامل

[الشريف90]

part time في جامعه قطر
مايحتاي موافقه دوامك لان بتكون الكلاسات فليل

انا حاليا في part time
اداوم الساعه 6الصبح و اطلع الساعه 12
المحاضره عندي الساعه 1 الى 5
ارجع البيت الساعه 6:30 مع الزحمه
كلها ساعتين ارجع انام أقوم الساعه 4 الفجر
السؤال هو متى ادرس ؟

[نوفا91]

مايعطون تفرغ ، واذا طالبت بيقولون لك قدم استقالتك ، روح الجوية اعتقد الفرق راح يكون خمسة الاف واضغط على عمرك وخلص بثلاث سنوات وعقبها ارجع الشركة سوبر فايزر ، اما اذا بتنطر انك تترقى انسى وبتم طول عمرك نفس المكان ، الهنود والمصاروه والباكستانيين ماسكين الشركة ، وانسى يالقطري الترقية



بالتوفيق

[طلعة الروح]

لو خيرونى بين اكمال الدراسه او الشغل اختار الدراسه حتى لو ما اخذت تفرغ من الشغل استقيل واتفرغ لدراسه احبها بس اكيد ان هالoption صعب وغير عملي وللاسف ان مرحلة الباجلر يبيلها تفرغ تام وتركيز مش زي الpost graduate لانها مرحله جديده وصعبه ع الواحد وضروري يتكيف مع متطلباتها بالنسبه لحالتك اخوى اتمنى من كل قلبي ان ربي يعطيك القوة والارادة انك تكمل دراستك على وضعك الحالي وبإذن الله ربي بيسرها وتقدر تنسق اجازاتك بحيث تاخذها في اوقات الامتحانات كخطه بديله لعدم قدرتك على التفرغ الكامل وان شالله يراعونك الاداره بهالنقطه البسيطه خاصه انك ماشالله عندك الطموح والرغبه في النجاح.

[رُفق المجنّا]

وأزيدك ، جامعة قطر بفلوس لان جهة عملك غير حكومية

[7llo]

اخوي ادرس في كليه المجتمع العصر صح انك بتتعب شوي ولكن عقب بترتاح,

[الشريف90]

هل اطلبوا منك اكمال الدراسه .. او من نفسك تبي تكمل ؟

الي اعرفه اعطاء التفرغ اذا دوامه محتاج للتخصص ويطرشون الموظف يكمل

ولا من حقهم رفض التفرغ

اذا جيه عيل كل الموظفين يبون تفرغ دراسه من دوامهم ويستلمون راتب كامل


هل اطلبوا منك اكمال الدراسه .. او من نفسك تبي تكمل ؟

الي اعرفه اعطاء التفرغ اذا دوامه محتاج للتخصص ويطرشون الموظف يكمل

ولا من حقهم رفض التفرغ

اذا جيه عيل كل الموظفين يبون تفرغ دراسه من دوامهم ويستلمون راتب كامل

لا ولكن هناك شروط لازم أطبقها خلال ثلاث سنوات متواصلة مثال لازم اجيب معدل جيد جدا نتواصل لمده ثلاث سنوات ثانيا حضوري يكون ممتاز والى اخره يعني مب اي حد يقدر يطالب بتفرغ الى الي تنتبق عليه الشروط
بعدين الي يعطونه تفرغ ما ينزله المعاش كامل ظ¤ظ*ظھ‏ من معاشه يروح لدفع رسوم الجامعه

[الشريف90]

وأزيدك ، جامعة قطر بفلوس لان جهة عملك غير حكومية

ممكن تتاكد من المعلومه لان اذا الجه غير حكومية بس الموظف قطري فاعتقد ان مافي اي رسوم للطالب
للعلم شركتي semigovnment

[الشريف90]

اخوي ادرس في كليه المجتمع العصر صح انك بتتعب شوي ولكن عقب بترتاح,

شكرًا على اقطراحك لكن اذا بتتكلم عن الشهاده اعتقد ان شهاده جامعه قطر أقوى

[رُفق المجنّا]

ممكن تتاكد من المعلومه لان اذا الجه غير حكومية بس الموظف قطري فاعتقد ان مافي اي رسوم للطالب
للعلم شركتي semigovnment

أنا جهة عملي تموّل من الدولة ولا تتبع لقانون الموارد البشرية ( شبه حكومية ) ورفض قسم البعثات تغطية رسوم الدراسة والتنمية الادارية رفضوا يعطوني كتاب ترشيح

أنا مريت بالتجربة ومتأكد

[يمامـة]

وأزيدك ، جامعة قطر بفلوس لان جهة عملك غير حكومية

اخوي رفق المجنا ..هو طالب تفرغ.. مب طالب يدرس على حسابهم..

وهو قطري.. جامعة قطر تقبله الأهم جهة عمله يسمحون له بالتفرغ.

[QtrGate]

الله يعينك
انا كنت في شركة تابعة للبترول
وسويت كل الي يبونه ويبت لهم المتطلبات من الايلتس والحضور*
حتى قبول الكلية وكل أموري كانت تمام
ووعدوني بأنهم يعطوني البعثة مع الدفعه الجديدة
لكن طاح البترول وتغيرت المعايير
سجلت في الكلية على حسابي( طبعاً الكلاسات كلها العصر )
حاولت أخذ منهم خروج مبكّر في ايّام محدده وبعد رفضو

وخيروني بين الرجوع للعمل او الاستقاله
فقدمت الاستقاله والله المستعان

[الحاقول]

مره تم ترشيحي لمهمه رياضيه والمدير رفض
فقلت للمدير .. مطلوب منك كتابة رساله بالرفض كما يقولون رد على رسالتهم
خاف المدير ووافق على سفري ..وارسل لهم الموافقه .. وقال على شأن خاطرك ولا تزعل !!