مهندس مختص بالانارة الخارجية للفلل

[fawazqt212]

السلام عليكم ورحمة الله وبركاته
اخواني الكرام
ابي منكم ولا عليكم امر شركة مختصة بالانارة الخارجية للفلل وتوزيع الانارة بحيث تعطي صورة جمالية للفلل .

الله يجزاكم الف خير

[معماري قطري]

عليكم السلام ورحمة الله وبركاته

أول شيء رقم عضويتك كشخة وأول مشاركة لك

ثاني شيء وهو المهم ما اعتقد فيه مهندس مختص بالانارة الخارجية .. غالبيتها فن وليست دراسة وممكن مختصين اللاندسكيبنغ يسوون لك مقترح وكذلك مختصين المبيعات في محلات الانارة .. يعني محتويات الحوش والزراعة ونوعيتها يحط نور بستاند والا أرضي لفوق والا مركب على جذع شجرة

النور هادي في أماكن ودرجته أعلى في أماكن .. ثرى غالبيته فن .. شوف موضوع أخطاء الصبغ حطيت فيه صور حق إضاءَة البيت .. يمكن تحصله ثاني صفحة الله أعلم

[سعود.]

خذ صورة من واجهة المنزل .وروح محل اضاءة اكيد بيعطيك اقتراحات تفيدك ..

[معماري قطري]

خذ صورة من واجهة المنزل .وروح محل اضاءة اكيد بيعطيك اقتراحات تفيدك ..

وبعضهم يحاولون يبالغون حتى يربحون أكثر لكن الواحد يشوف كم محل وبعض المحلات عندهم نوعيات غير عن غيرها من المحلات الثانية

[سعود.]

صدقت يابوعبدالله

[fawazqt212]

الله يعطيكم العافية على التفاعل السريع
بس اذا شايفين الوزارات الجديدة ومبانيها ومجمع فيلاجيو مستخدمين توزيع الاضاىة بطريقة تبرز جمالية الفلة
هي الاقصدة لزم مهندس فنان يبدعلي بالتوزيع

[معماري قطري]

إضاءَة مجمع غير عن اضاءة حوش .. المجمع أكيد الإضاءَة أقوى وساطعة ولازم تصميم هندسي .. للحوش ما اشوف فيه داعي ولو تبغي عندي رقم مهندس كهرباء يسوي ومهندس كهرباء ثاني حتى عنده شركة صيانة وممكن ينفذ لك واثنينهم يشتغلون في الحكومة وما ادري اذا متفرغين أو لا

لو انا مكانك اسوي اضاءة كم نوع وكل نوع بسويج خاص حتى يكون بسهولة أغير منظر البيت بدرجة ونوعية ولون الاضاءَة

[بوخالد911]

ومنكم نستفيد.

[معماري قطري]

في دراستنا خذنا كورس اضاءة وكان في الغالب حساب درجة السطوع على سطح العمل لكن متاكد الحوش فن اكثر من حسابات وارقام

[fawazqt212]

السلام عليكم انا ما كنت اقصد انارة الحوش ولا انارة الاند سكيب الي اقصدة الفلة كواجهة ممكن تضيف لها عدة الوان منها البنفسجي ومنها الاصفر والابيض وممكن تغير كل يوم وجهة الفلة بالاضائة معندسين الاظائة عارفين هي الشغلة ومو اي مهندس كهرباء يفهم في هي الشغلة لزم مهندس اضائة فاليعرف حد او شركة تفهم بهاي الشغلات يدلني وجزاكم الله خير على التفاعل

[سعود.]

نفس كلام اخونا ( معماري )

مافيه مهندس اضاءة مختص . جرب وروح محلات الاضاءة المختصين فقط في الاضاءة في طريق سلوي . بأذن الله تجد ضالتك هناك .

[Azizuk]

يوجد مهندسين اضاءة بس أسعارهم غالية وعلى مستوى عالي

يعنى يهندس حق مشروع ضخم

فندق

ملعب

قاعة

قصر فخم

حفل دولي على مستوى

في واحد من عيال جاسم درويش عنده شركة اضاءة هي اللي مسوية اضاءة فندق برج العرب في دبي وغير وغير من المشاريع العالمية

[معماري قطري]

حق الاستوديوهات وحق الأفلام يستعملون عكس اضاءة الشمس والاضاءة المركزة بكشافات وهذي تتطلب وجود مهندس مختص .. والبرامج الهندسية تحل دوره تقريبا الحين

غالبية منتجي الإضاءة عندهم كتلوجات وبعضهم عندهم برامج حسابات مجانية بس تحتاج ثقافة في الإضاءة

حل مناسب المحول اللي يعطينا تخفيف ورفع لشدة الانارة .. كذلك الفن يلعب دور كبير في لون ونوعية وشدة ومكان النور اللي نبغيه

[معماري قطري]

المشغل عن طريق الايفون يخليك تتحكم في اللون وبسعر بسيط .. تجيب شركة تبيعك الهواء بغالي

ولو عملت عدة توصيلات للحوش ولبعض الغرف من الأساس تكون ضامن تسوي اي تصميم تحبه ويتماشى مع الشكل العام والعناصر المعمارية .. مثال قوس او نافورة او شجرة تحتاج انارة خاصة

كذلك فجوات جدارية وانارة ارضية وبعض الانارة الدائمة واللي تبقى للصبح بخلية ضوئية

[بوخالد911]

أحلى الحركات للاضاءة هي : وضع ليتات تحت الدرايش
مع اضاءة خفيفة


وبالحوش موزع نقاط لليتات بتعكس الإضاءة على الدرايش اللي عليها شعاير وأقواس من حجر السوري من الدرجة الأولى:nice:
وهذا اللي قاعد أسويه حاليا
وليين انتهيت ودخلت الكهربا
بصور لكم
بإذن الله

[معماري قطري]

أحلى الحركات للاضاءة هي : وضع ليتات تحت الدرايش
مع اضاءة خفيفة


وبالحوش موزع نقاط لليتات بتعكس الإضاءة على الدرايش اللي عليها شعاير وأقواس من حجر السوري من الدرجة الأولى:nice:
وهذا اللي قاعد أسويه حاليا
وليين انتهيت ودخلت الكهربا
بصور لكم
بإذن الله

الله يوفقك بو خالد

الاضاءة الخفيفة تجي حتى بقوة واط خفيفة وسهل نحولها على الخلايا الشمسية وممكن حتى بأسلاك بسيطة تجي مثل اللزقة تنحط وتنصبغ .. هذي يمكن ما وصلتنا للحين والمفروض محلات الاضاءة تكون عندهم ستوكات وعندهم عرض للمواد هذي

[معماري قطري]

مثال للانارة والتحكم فيها


https://www.youtube.com/watch?v=eJ0c2lGd0_A