العمادي ولا عيادة الدوحة ؟!

[بوخميس]

السلام عليكم ورحمة الله وبركاته

احتاج أسو منظار للقولون، ومحتار بين العمادي وعيادة الدوحة، نفس السعر تقريباً.

فكرت في الأهلي لكن السعر طلع تقريباً الضعف

فهل حد جرب يسو منظار في العمادي او عيادة الدوحة، يعطينا تجربته أو توصيته، وعند أي دكتور.

[حمد 2002]

ابعد عن عياده الدوحه ..

[المحاميه]

انا أقول استخير ربك وشوف وين يسهلك ..

[رجل الجزيرة]

خلك على مستشفى حمد وليه أنت مستعجل؟

[ya3coub]

انا سويتها عند العمادي الدكتور اتوقع عراقي مادري ما اتذكر جنسيته محترم جدا جدا جدا و كنت متخوف


بالنسبة حق العمادري كلشي كان سلس ماعدى التخدير !!!!

ابعد عن الدكتورة الهندية او الدكتور\ة الي بتشوفهم قبل المنظار لازم اهو\ي نفسهم الي يكونون قبل المنظار انا كنت اكلم دكتور باكستاني او هندي و محترم جدا و شال الخوف الي كان فيني و قالي ما بتحس بشي لأنه تخدير كامل, انصدمت بوحدة هندية و دفشه و انا من الناس الي اخذ السيلان بيدي اليمين و اهي مصرة على اليسار و ماعندي عروق تسمح لأني عارف جسمي من زمان دايما فاليمين.

فأول انطباع كان سلبي بعدها قالت بتجرب اذا ما نفع بتحطه فاليمين بتسوي تست ابره فيها ماي و حطتها و دفعت الماي و الألم غير طبيعي لأنها لمست العضم و ادفعت الماي بقوة لدرجة اني قمت اصارخ عليها و طلبت من اي نيرس يعطوني اياها فاليمين إلا هاذيج و دخل الدكتور قالي اشفيك قلت له هاذي ما اعرفها و انا متعامل مع غيرها و المفروض الي كلمني انه يكون اهني انا ابرة التخدين طالما الجرعة موجودة خل اي نيرس تعطيني اياها اذا تعرف تحط سيلان و بالفعل حطوها بيدي اليمين و قالولي عد لين خمسه انا وصلت رقم سبعه او ثمانية و بعدها ما اوتعيت إلا بغرفه الإفاقة.

غير هاي ما اعرف عن عيادة الدوحة.

العمادي انصح فيه شرط التخدير يكون بنفس الشخص الي انت تتعامل معاه قبل العملية بيومين\ ثلاث ايام.

بيعطونك دوى مسهل و اشرب بس شوربة و ابعد عن المأكولات ثلاث ايام بلياليها قبل المنظار

و ما عليك شر ان شاء الله

[رآعي موآجيب]

خلك على مستشفى حمد


:thumbup1:1+

[الحياة الخالدة]

انا سويته في مستشفى حمد ومن احسن ما يكون

ماعليك شر

[راعي الكورفت]

جارنا ابوجاسم الله يرحمه سوى العمليه في العمادي وكان يتألم ويشتكي بعد العمليه ومات بعد فتره من عملية القولون في العمادي .

انا سويت عملية رباط صليبي في العمادي سنة 2007 والعمليه فشلت والسبب المستشفى والطبيب الزائر ماديين ومايهتمون إلا بالفلوس وكمريض جديد لعملية الرباط حتى علاج طبيعي ماقالوا لي والدكتور قال إن اسوي العلاج الطبيعي بعد شهر من العمليه وعضلات رجلي صارت ضعيفه جدا كالدجاجه ذيك الأيام ومااقول إلا حسبي الله ونعم الوكيل فيهم.

ولاتقدر تشتكيهم لأنهم يوقعونك على اوراقك إخلاء المسؤولية في حال الأخطاء الطبيه .

اسمع نصيحة الإخوان وسوها في مستشفى حمد .

بالتوفيق والله يشفيك اخوي .

[بوخميس]

الشر ما يجيكم جميعاً

كان ودي اسويها في حمد

لكن ما اقدر على مواعيدهم البعيدة

[وحيد-الشوق]

وعليكم السلام ورحمة الله وبركاته

ماتشوف شر ياخوي، أنا افكر اسوي منظار عن قريب ممكن اعرف كم قالوا لك الاسعار في العمادي والاهلي ؟

[معماري قطري]

الله يشفيكم جميع ويشفينا

[بوخميس]

وعليكم السلام ورحمة الله وبركاته

ماتشوف شر ياخوي، أنا افكر اسوي منظار عن قريب ممكن اعرف كم قالوا لك الاسعار في العمادي والاهلي ؟

العمادي وعيادة الدوحة 2500 + التسجيل 200
الأهلي بين 4000 - 6000 والتسجيل 500

[مضارب دوسري]

والله انا اخبر من سنتين كنت فالاهلي سويت عند العذبه
منظار معده

وكان تخدير موضعي
ونفس الدكتور اخبر ايضا يشتغل في مستشفى حمد والاهلي في نفس الوقت

اذا كان هو ف انصحك فيه

[مضارب دوسري]

وما تشوف شر اخوي

[معماري قطري]

والله انا اخبر من سنتين كنت فالاهلي سويت عند العذبه
منظار معده

وكان تخدير موضعي
ونفس الدكتور اخبر ايضا يشتغل في مستشفى حمد والاهلي في نفس الوقت

اذا كان هو ف انصحك فيه

العذبة من الربع القدامى والحديثين مجتهد الله يحفظه

[بصمة قطرية]

سويت منظار للمعدة في الأهلي عند العذبة
تحت تخدير كامل ..
كل هلي مسوين عند العذبة ،
العذبة تخصص معدة وقولون ..
و طبعاً من أفضل الدكاترة في قطر ..
توكل على الله و روح للعذبة
إدفع أكثر و إنت واثق بعد رب العالمين
إنك في يد دكتور كفوووو ..
صدقني للمعدة والقولون مافي دكتور بعد العذبة ..
لو قالوا لك مافي موعد روح كلمه شخصياً
بيدخلك على طول ..

[وحيد-الشوق]

العمادي وعيادة الدوحة 2500 + التسجيل 200
الأهلي بين 4000 - 6000 والتسجيل 500

شكراً لك ياخوي بس ليش الاهلي مبالغين في الاسعار لايكون مستشفى 5 نجوم اخرتها حاله من حال الباقي والجهاز نفسه

[بوخالد911]

خارج من الشر.

[حمد بن سعد]

الدكتور حمد العذبه جعل من جابه الجنه في الاهلي روح له والله انه شيخ

[المحاميه]

يعطيكم العافيه عالمعلومات جميعا