رأيكم في : Ford F150 لأصحاب الخبرة ...

[asulaiti]

الإخوة الأفاضل ..

أفكر بشراء Ford F150 .. كابينتين .. مستعمل موديل 2013 أو 2014 ..
حيث أنني من مستخدمي السلفرادو 2010 .. واللي عندي LTZ .. وأفكر في بيعه ..

أنا كنت محتار مابين Ford F150 ومابين التندرا .. ولكن وجدت فرق سعر بينهم ..
فقررت آخذ فورد (قرار مؤقت وليس نهائي) وخاصة وأن التندرا لم ينزل للخليج ومعظمه مستورد من أمريكا ..
والشكل الجديد نزل من 2014 .. وفئة اللمتيد سعره عالي شوي .. فترحجت عندي كفة الفورد ..

سؤالي لأصحاب هذا الصنف (حلوه الصنف هذه :nice:) ..
ماهي عيوب Ford F150 ؟

ماذا عن توفر قطع الغيار وأسعارها؟ وهل تتوفر خارج الوكالة؟ ومدى سهولة توفر موزعي قطع الغيار في قطر؟

الـ Ford F150 كم حصان ماكينته؟ أنا تعجبني مكينة التندرا القوية، وهي تعطي 380 حصان ..
لكن الفورد ما أدري عنه ..

وأشكر الجميع مقدماً ....

[asulaiti]

وأيضاً سؤال .. هل الرابتر فئة أخرى أم أنه نفسه لكن معدل من حيث قوة الماكينة؟

لأنني كذا مرة رأيت فورد f150 يشبه الرابتر كثيراً لكن بدون كلمة الرابتر على البدي ..

[عاشق العديد]

للفورد ماعرف ولكن اذا تبي تعرف عن استخدام التندرا ..

بشكل عام موتر كرف .. ومايتعب ومايقول لا ..

مشكلته فتانكي البترول تانكيه صغير .. ومع الدعس يشرب وايد ..

اما عن قطع الغيار كل مايركب ع السكويا يركب ع تندرا ..

كا سواقه وراحه مايحتاي .. وماحصل معاي الحمد لله اي خراب وانا كارف الموتر ..

اما عن الفورد اتمنى احد من شباب الي عندهم يفيدك ..

[Rider]

نسيبي عنده واحد ويمدحه يقول ريف وأحسن من الجمس والشفر خدمة الوكالة تطورت عن قبل قطع الغيار نفس اسعار الجمس والشفر بس ليش ماتاخذ الجديد ماله حل وسعره مب غالي نصيحة لا تاخذ مستعمل

[asulaiti]

مشكلته فتانكي البترول تانكيه صغير .. ومع الدعس يشرب وايد ..

شكراً على مرورك اخوي ..

مشكلته هذه في الشكل الجديد؟
ولا في عموم التندرا بشكل عام؟

وهل الستيرنق فل باور ولا نفس الجماسي نص باور؟

[حمد 2002]

انا عندي موتر 2014 شاريه جديد ب 120 الف ريال من سنتين ..

موتر ماعليه كلام وماخترب عندي للحين ..

[asulaiti]

بس ليش ماتاخذ الجديد ماله حل وسعره مب غالي نصيحة لا تاخذ مستعمل
وليش الجديد اخوي؟
هل فيه شيء مميز يستحق الشراء؟
مثل تقوية المكينة بشكل كبير، أو رفاهية زيادة أو مواصفات تستحق أخذها بعين الاعتبار ؟

وشكراً على الإفادة أخي الفاضل ....

[asulaiti]

انا عندي موتر 2014 شاريه جديد ب 120 الف ريال من سنتين ..

موتر ماعليه كلام وماخترب عندي للحين ..

حمد تقصد الفورد ولا التندرا؟

[حمد 2002]

حمد تقصد الفورد ولا التندرا؟

الفورد 150

[asulaiti]

شكله لين الحين تحت الضمان .. وانتبه اخوي حمد من هذا الموضوع ...

الوكالات بعض الأحيان يخفون عن الزبون مشاكل تظهر في السيارة التي لم يبقى على ضمانها سوى سنة وحولها ..
وينتظرون لين يخلص ضمانك (خاصة اذا المشكلة لا تكون ظاهرة للعيان، أو لا تشعر فيها إلا في حالات نادرة) وهذه حصلت لي أكثر من مرة ومع أكثر من وكالة ..

وآخرها النيسان باترول، توني مخلص الضمان .. من سنة وهنا ظهرت لي عيوب أنا أشك أنها كانت موجودة من قبل أن ينتهي الضمان بكم شهر لكن ما كانوا يقولون لي ..
والدليل أن بعد انتهاء الضمان بالضبط، بدأوا بسرد العيوب الفنية في السيارة والتي بلغت فاتورة تصليحها في الوكالة حول 16.000 ريال !!

فإذا بقي على ضمانك أقل من سنة أنصحك أن تقوم بفحص شامل للسيارة عند كراج كبير ومحايد .. مثل التيسير وغيره من الكراجات الكبيرة ..
وخلهم يفحصون السيارة وبعدها لو في أعطال وعيوب تروح للوكالة في موعد خدمة السيرفس القادم .. وتقولهم عن العيوب ..

[asulaiti]

الفورد 150
تنصح فيه يا حمد؟
وش تفضل الفورد ولا التندرا؟
وكم قوة الماكينة؟

[Rider]

وليش الجديد اخوي؟
هل فيه شيء مميز يستحق الشراء؟
مثل تقوية المكينة بشكل كبير، أو رفاهية زيادة أو مواصفات تستحق أخذها بعين الاعتبار ؟

وشكراً على الإفادة أخي الفاضل ....

نعم الجديد مواصفاته اكثر نسيبي ماخذه من السعودية فرق السعر 50 الف يقول مواصفات السعودية افضل من قطر وضمانه دولي يعني عادي تشيكات في الوكاله لي في قطر في النهاية سعره اقل من الجمس والشفر وترى الفورد سيارة قديمة ومعروفه من سنيين من اقوى السيارات لكن الوكالة كانت تعبانه لكن الحين فرق غير واهتمام من الوكالة

[شموخ دائم]

,

,


مرحبا


الفورد

جمس

دودج رام

حسب الترتيب


وبس

مطلوبه وقويه وكل شي متوفر وتطربك في البر والبحر

وسعرها مناسب
اما الموديل انت وحاجتك فيه وسبب الشراء


رووووح وفالك طيب


,

,

[asulaiti]

نعم الجديد مواصفاته اكثر نسيبي ماخذه من السعودية فرق السعر 50 الف يقول مواصفات السعودية افضل من قطر وضمانه دولي يعني عادي تشيكات في الوكاله لي في قطر في النهاية سعره اقل من الجمس والشفر وترى الفورد سيارة قديمة ومعروفه من سنيين من اقوى السيارات لكن الوكالة كانت تعبانه لكن الحين فرق غير واهتمام من الوكالة
فرق السعر 50 الف معقولة !!
إذا هالفرق فعلاً أنا آخذ من السعودية ولا عندي مشكلة ..
أنا السكويا عندي خذته من السعودية من وكالة عبداللطيف .. بس الفرقية ماكنت كبيرة إلا أن اللون اللي كنت أبغيه غير موجود في الدوحة ..
وسويت له ضمان aaa لمدة خمس سنوات عداد مفتوح .. وإلى الآن على الضمان ..

[asulaiti]

,

,


مرحبا


الفورد

جمس

دودج رام



الدودج حلو وقوي .. أفضل من الجمس في رأيي ... لكن بيعته صعبة ياخوك ..
مو مرغوب في الدوحة .. لذلك حصرت نفسي في موترين فقط ..

إما تندرا أو فورد ....

[حمد 2002]

تنصح فيه يا حمد؟
وش تفضل الفورد ولا التندرا؟
وكم قوة الماكينة؟

انا سافرت فيه دبي كمن مره والسعوديه والبحرين والحين ماشي عندي 60 الف كيلو تقريبا ومايشتكي من شيء الحمد لله ، ورحت فيه البر ايام الفقع والغاريه والشمال ، والحمد لله ماقط اخترب ، وبالنسبه للزيت والايل اغيره بشكل مستمر في وقود ، وغيرته او مره بالوكله وتالي بوقود كل 5 الاف كيلو ، والامور اوكي ..

وبالنسبه لقوه المكينه بشيك عليه اليوم وبقولك يالطيب ..

[بعيد النظر]

صبحك الله بالخير اخووي ..


انا سقت الفورد في الوكالة .. تست درايف ..
واللي صار اني بعت الجمس .. وخذت لي رابتر ..


الربع والله اغلبهم حولو للفورد ف 150 .. الجديد ..
ايكو بوست .. 6 سلندر .. وعزمه اقوى من الرابتر اللي عندي 8 سلندر .. ومكينة 6.2


الموتر كريافة ولا أروع .. و كـ قوة ممتاز .. وسواقة ممتع ..
والموتر عليه ضمان وما يشكي ابدا ..


طبعا" كلامي كله على الجديد .. القديم زين ..
بس الجديد شي ثاااني !



وانصحك تمر الوكالة وتسوقه وتجربه .. وبالتوفيق

[asulaiti]

صبحك الله بالخير اخووي ..

انا سقت الفورد في الوكالة .. تست درايف ..
واللي صار اني بعت الجمس .. وخذت لي رابتر ..

الربع والله اغلبهم حولو للفورد ف 150 .. الجديد ..
ايكو بوست .. 6 سلندر .. وعزمه اقوى من الرابتر اللي عندي 8 سلندر .. ومكينة 6.2

الموتر كريافة ولا أروع .. و كـ قوة ممتاز .. وسواقة ممتع ..
والموتر عليه ضمان وما يشكي ابدا ..

طبعا" كلامي كله على الجديد .. القديم زين ..
بس الجديد شي ثاااني !

وانصحك تمر الوكالة وتسوقه وتجربه .. وبالتوفيق
صبحك بالنور والسرور أخوي بعيد النظر ...

أنا أمس مريت وكالة الفورد .. وشفت المواتر هناك .. ما أخفيك تفاجأت بأسعاره .. حيث الموديل الأساسي يبلغ حوالي 180 ألف ريال !!
بينما الموديل التالي حوالي 190 ألف ريال، مع دف لوك وقير السرعات في الأسفل وليس في المقود ..
أما الفئة الأعلى منه فسعره حوالي 218 ألف ريال، سيتات جلد وفتحة بانروما وكاميرا أمامية و و و و الخ من الكماليات ..

طبعاً الأسعار هذه كلها للفورد 6 سلندر .. 8 سلندر ماعندهم ومخلص لأن كمياتهم كانت قليلة ..
لكن قالي أن 6 سلندر أقوى وأسرع من 8 سلندر .. بفضل تقنية إعادة تدوير الهواء فيه لاستخدامه في عملية توليد الضغط للبساتن .. أي أنها مساعدة للقود وبالتالي
سيحدث عندك فرق في صرفية الوقود بشكل أقل من 8 سلندر بنسبة تقدر تقريباً بحوالي 20% ...
هذا ما قاله لي .. ولست متأكداً من كلامه .. أقول يمكن يبغي يصرف اللي عنده علشان 8 سلندر مخلص من عندهم ..

شكل الموتر حلو .. وداخليته حلوه .. وطلبت تجربة القيادة وبانتظارهم ..

لكن ياخوي سؤال .. انت تقول الفورد ايكو بوست .. 6 سلندر .. عزمه اقوى من الرابتر ؟
واللي عندك 8 سلندر أو 6 ؟

[بعيد النظر]

صبحك بالنور والسرور أخوي بعيد النظر ...

أنا أمس مريت وكالة الفورد .. وشفت المواتر هناك .. ما أخفيك تفاجأت بأسعاره .. حيث الموديل الأساسي يبلغ حوالي 180 ألف ريال !!
بينما الموديل التالي حوالي 190 ألف ريال، مع دف لوك وقير السرعات في الأسفل وليس في المقود ..
أما الفئة الأعلى منه فسعره حوالي 218 ألف ريال، سيتات جلد وفتحة بانروما وكاميرا أمامية و و و و الخ من الكماليات ..

طبعاً الأسعار هذه كلها للفورد 6 سلندر .. 8 سلندر ماعندهم ومخلص لأن كمياتهم كانت قليلة ..
لكن قالي أن 6 سلندر أقوى وأسرع من 8 سلندر .. بفضل تقنية إعادة تدوير الهواء فيه لاستخدامه في عملية توليد الضغط للبساتن .. أي أنها مساعدة للقود وبالتالي
سيحدث عندك فرق في صرفية الوقود بشكل أقل من 8 سلندر بنسبة تقدر تقريباً بحوالي 20% ...
هذا ما قاله لي .. ولست متأكداً من كلامه .. أقول يمكن يبغي يصرف اللي عنده علشان 8 سلندر مخلص من عندهم ..

شكل الموتر حلو .. وداخليته حلوه .. وطلبت تجربة القيادة وبانتظارهم ..

لكن ياخوي سؤال .. انت تقول الفورد ايكو بوست .. 6 سلندر .. عزمه اقوى من الرابتر ؟
واللي عندك 8 سلندر أو 6 ؟


مرحبا كلامهم 100% صحيح ..
والرابتر اللي عندي 8 سلندر ومواتر ربعي ايكو بوست 6 سلندر واقوى من موتري ..


واتمنى انك تعطيني رايك عقب ما تسوقه .. لاني اجوفه الرقم 1 في البياكم لحتى الحين ..
وبالتوفيق ان شاء الله