رأيكم في البلاط الإمارات للحوش ؟؟؟ [الأرشيف] - منتديات شبكة الأسهم القطرية

مشاهدة النسخة كاملة : رأيكم في البلاط الإمارات للحوش ؟؟؟

الإكسير

25-10-2016, 09:32 PM

السلام عليكم
رأيكم في البلاط الإماراتي للحوش... يتحمل تمشي عليه السيارات.؟؟؟مايتغير لونه من الشمس؟؟؟

خبراتكم لاهنتوا ؟!

معماري قطري

25-10-2016, 09:54 PM

جربت الرمادي الأملس ما فيه نقشات ولا تخشين .. صار له 11 سنة بس المشكلة يمتص الرطوبة ويبقع شوي لكن قوي ما يتكسر ويوميا تدوسه السيارات .. مركبة على صبية خرسانة 15 سم بدون حديد بس خلطة فايبر

انصحك به ولو تبي تشوف على الطبيعة حاضر .. صور حطيت في موضوع حق اختي سويت قطر عن أخطاء الصبغ

بوخالد911

25-10-2016, 11:25 PM

يتحمل وبقوة
ركبت لبيتي اليديد بو 3 سنتي
والمتر ب42 ريال
من بيت الأحساء بشارع سلوى
قبل محطة عزيز اللي فيه كنتاكي.

الإكسير

26-10-2016, 12:33 AM

معماري قطر وبوخالد مشكورين وماقصرتوا... البلاط لقيته عند نابينا المتر على ظ£ظ¦ ريال ...لازم اسوي حديد تحت البلاط ولا مايحتاج ؟؟؟

معماري قطري

26-10-2016, 02:20 AM

معماري قطر وبوخالد مشكورين وماقصرتوا... البلاط لقيته عند نابينا المتر على ظ£ظ¦ ريال ...لازم اسوي حديد تحت البلاط ولا مايحتاج ؟؟؟

صبية خرسانة 15 سم بدون حديد بس خلطة فايبر .. مواصفاتها في موضوع العقود أول الموضوع تقريبا

ساراام

07-11-2016, 05:20 AM

صبية خرسانة 15 سم بدون حديد بس خلطة فايبر .. مواصفاتها في موضوع العقود أول الموضوع تقريبا

هلا الشيخ

شنهي طريقه الصبيه دورتها ماحصلتها

وتنفع صبيه للحوش بدون بلاط؟؟ ومادري اذا تصلح لعمل درج؟

معماري قطري

07-11-2016, 08:11 AM

هلا الشيخ

شنهي طريقه الصبيه دورتها ماحصلتها

وتنفع صبيه للحوش بدون بلاط؟؟ ومادري اذا تصلح لعمل درج؟

صباح الخير

تصلح حق كل شيء .. هذي الخلطة من الاضافات اللي ممكن تطلبها مع الردي مكس أو تضيفها قبل الصب .. تجي في عبوات شراها المقاول قبل من الدرويش اسمها cemfiber additive وأكيد فيه غيرها كثير .. تتحول خيوط فيبر وتعطي تقوية حق الخرسانة حتى ما تتشلخ

شوف مواصفاتها بالضبط في موضوع العقود المثبت في بداية حساب الكميات

تصلح لدوس السيارات أكيد وفيه بعد لو تحب تسوي طريقة تسوي حزوز بسيطة وتحط على الخرسانة ايبوكسي مثل الصبغ يعطيها حماية وعزل عن الماء ليخربها

لعمل الدرج لو بتسوي طرفها مقوس وبتحط سجاد عليه تنفع .. شكلها الرمادي مب حلو وأكيد بتبقع داخل البيت تحتاج معالجة أو تغطية .. خارجي ما يهمك الشكل كثير

هذي سويناها من فوق 11 أو 12 سنة وألحين مؤكد فيه مواد أكثر ولعدة استخدامات .. حتى عرفت إن فيه مصنع مشترك لهذي المواد أُردني قطري بس ما اعرف اسمه للأسف موجود في قطر

معماري قطري

07-11-2016, 08:18 AM

ساراام

07-11-2016, 09:52 PM

هذي الصفحة وشارح فيها أكثر عن المادة .. العمال العاديين والاستشاريين غالبيتهم ما يعرفون هذي النوعيات .. سووها لي شركة Hkh حمد بن خالد بن حمد وشرح لهم الاستشاري .. كانت العبوة ب 70 اظن و5 عبوات يكفون سيارة الردي مكس والخرسانة ما تحتاج قوية وغالية تحتاج 20 كيلونيوتن وفيها ميوعة شوي شبه سائلة

http://www.qatarshares.com/vb/showthread.php?620463-%E4%D5%C7%C6%CD-%DA%C7%E3%C9-%DD%ED-%C7%E1%CA%DA%C7%DE%CF-%C7%E1%E5%E4%CF%D3%ED-%E1%E1%C8%E4%C7%C1-%E6%C7%E1%C7%D3%CA%D4%C7%D1%C7%CA/page5

هلا الشيخ،،هذي الطريقه اقدر اسويها بنفسي لو تترجم الطريقه اكون شاكر لك
او اذا احصلها جاهزه احسن بعد
لان باستخدمها كصبيه للحوش

وبالنسبه للدرج انا كنت اقصد عتبات بس خاني التعبير

لان عندي عتبات الصاله الخارجيه مو عاجبيني اول ماتطلع من الباب على طول تنزل

وهذا الشي مو عاجب كبار السن خصوصا،،عشان كذا قلت بسكر العتبات كامله

يعني اخليها متساويه مع الباب وبعدها اعمل عتباب جديده من الامام اتمنى تكون فاهم علي،،يعطيك العافيه

معماري قطري

07-11-2016, 11:34 PM

هلا الشيخ،،هذي الطريقه اقدر اسويها بنفسي لو تترجم الطريقه اكون شاكر لك
او اذا احصلها جاهزه احسن بعد
لان باستخدمها كصبيه للحوش

وبالنسبه للدرج انا كنت اقصد عتبات بس خاني التعبير

لان عندي عتبات الصاله الخارجيه مو عاجبيني اول ماتطلع من الباب على طول تنزل

وهذا الشي مو عاجب كبار السن خصوصا،،عشان كذا قلت بسكر العتبات كامله

يعني اخليها متساويه مع الباب وبعدها اعمل عتباب جديده من الامام اتمنى تكون فاهم علي،،يعطيك العافيه

الله يعافيك

بالنسبة للعتبات تقدر تسويها رامب بسلوب سهل لو عندك مساحة

عتبات الدرج ذكرت لك حلولها لازم لها تغطية حتى لو تبغي ببورسلان أو رخام .. تقدر تستخدم أي صبية ببرم زواياها حتى ما تنكسر وتصبغها صبغ ايبوكسي قوي بس الشكل بيطلع مب حلو للداخل وأحسن تغطيها بسجاد .. انا سويت درج سهل ببلاط شعبي ودرابزين ألمنيوم ما كلفني شيء وبحاول اصوره فيديو واحطه في فيديوهات أو يوتيوبيات البناء إن ما نسيت

يا اخوي عن الترجمة هذا اسم المادة وشرحت طريقتها تنخلط مع الردي مكس .. وذكرت لك تبيها جاهزة ومخلوطة وتبي تسويها بنفسك تواصل مع الردي مكس ممكن يقدرون يسوونها .. أو تشتريها من محل مواد بناء مثل العمودي اتوقع عندهم والدرويش مؤكد عندهم بإذن الله .. حتى فيه صبغات تنخلط مع الردي مكس ومع هذي المادة وتستوي الأرضية بلون حلو .. تحتاج اشراف هندسي ومواصفات كثيرة انا اقول باختصار وتحتاج حماية من تحت ببلاستيك سميك وتحتاج فواصل تمدد

معماري قطري

07-11-2016, 11:38 PM

مقادير الخلط لازم يحددها مهندس انشائي أو حسب الشركة المصنعة

ساراام

08-11-2016, 02:54 AM

الله يعافيك

بالنسبة للعتبات تقدر تسويها رامب بسلوب سهل لو عندك مساحة

عتبات الدرج ذكرت لك حلولها لازم لها تغطية حتى لو تبغي ببورسلان أو رخام .. تقدر تستخدم أي صبية ببرم زواياها حتى ما تنكسر وتصبغها صبغ ايبوكسي قوي بس الشكل بيطلع مب حلو للداخل وأحسن تغطيها بسجاد .. انا سويت درج سهل ببلاط شعبي ودرابزين ألمنيوم ما كلفني شيء وبحاول اصوره فيديو واحطه في فيديوهات أو يوتيوبيات البناء إن ما نسيت

يا اخوي عن الترجمة هذا اسم المادة وشرحت طريقتها تنخلط مع الردي مكس .. وذكرت لك تبيها جاهزة ومخلوطة وتبي تسويها بنفسك تواصل مع الردي مكس ممكن يقدرون يسوونها .. أو تشتريها من محل مواد بناء مثل العمودي اتوقع عندهم والدرويش مؤكد عندهم بإذن الله .. حتى فيه صبغات تنخلط مع الردي مكس ومع هذي المادة وتستوي الأرضية بلون حلو .. تحتاج اشراف هندسي ومواصفات كثيرة انا اقول باختصار وتحتاج حماية من تحت ببلاستيك سميك وتحتاج فواصل تمدد

هلا..اللي بسويه بالعتبات راح اسكر الموجود حاليا واعمل عتباب جديده من الامام وراح احط جرانيت بما انه العتبات خارجيه..وفكره درابزين المنيوم حلوه وبتفيد كبار السن على الصعود والنزول
عموما لو استخدمت اسمنت ورمل للدرج بيكون كافي؟
والاسمنت الواحد كم ينحط معاه كيس رمل
سمعت خلطه 1 اسمنت و2 رمل خلطه حلوه بش مادري اذا تنفع،،
في انتظار الصور يمكن اسرق كم فكره..يعطيك العافيه الشيخ

معماري قطري

08-11-2016, 08:23 AM

هلا..اللي بسويه بالعتبات راح اسكر الموجود حاليا واعمل عتباب جديده من الامام وراح احط جرانيت بما انه العتبات خارجيه..وفكره درابزين المنيوم حلوه وبتفيد كبار السن على الصعود والنزول
عموما لو استخدمت اسمنت ورمل للدرج بيكون كافي؟
والاسمنت الواحد كم ينحط معاه كيس رمل
سمعت خلطه 1 اسمنت و2 رمل خلطه حلوه بش مادري اذا تنفع،،
في انتظار الصور يمكن اسرق كم فكره..يعطيك العافيه الشيخ

شكلك مسوي البيت مرتفع وايد وفي هالحالة زيد عدد العتبات حتى يكون ارتفاعهم مريح .. انا للخارج مركب بورسلان أسود بعد صج يغبر بس يومياً يتنظف واشوفه أحلى من الغرانيت وكلفني متره 200 ريال

فكرة الدرج بسيطة جداً وسويت العتبات من بلاط شعبي 25 في 25 وعرض العتبة 25 وارتفاعها حول 18 مزعج شوي بس هذا درج للسطح وما نتستعمله دوم الداخلي 30 كل عتية وبارتفاع 14.5 بالضبط وايد مريح للركوب

ركبت بعد درج حديد حلزوني للخدمات من الحوش للسطح .. بعدين الأفكار الموجودة هنا كلها لخدمة الأعضاء ولا تعتبر سرقة

وهذا الفلم للدرج اتمنى يكون واضح ومفيد

https://youtu.be/UUbmAEVus4Y

ساراام

08-11-2016, 11:26 PM

شغل ممتاز وعجبني الدرج،،ماقصرت يعطيك العافيه

معماري قطري

09-11-2016, 01:15 AM

شغل ممتاز وعجبني الدرج،،ماقصرت يعطيك العافيه

الله يعافيك نفس هذا حتى ممكن رئيسي وعريض وبدون بلاط نهائياً بسجاد على بلاستر معمول صح أو بلاط شعبي

ساراام

09-11-2016, 02:41 AM

الله يعافيك نفس هذا حتى ممكن رئيسي وعريض وبدون بلاط نهائياً بسجاد على بلاستر معمول صح أو بلاط شعبي

ما اعتقد بقدر احط سجاد لان العتبه خارجيه ومعرضه للشمس والمطر
عاجبني الجرانيت لانه يتحمل وانا مجرب صناعه صينيه من قبل اشوفها زينه
بس تخبر لي مكان ممكن يقص القطعه على المقاس ويركبها؟
بخصوص البلاستر المعمول ياليت طريقته؟

معماري قطري

09-11-2016, 02:51 AM

ما اعتقد بقدر احط سجاد لان العتبه خارجيه ومعرضه للشمس والمطر
عاجبني الجرانيت لانه يتحمل وانا مجرب صناعه صينيه من قبل اشوفها زينه
بس تخبر لي مكان ممكن يقص القطعه على المقاس ويركبها؟
بخصوص البلاستر المعمول ياليت طريقته؟

أي عامل بلاستر جيد يسوي لك بشرط الحواف تكون دائرية يعني قوس ربع دائرة حتى ما تنكسر بسهولة .. الجرانيت والرخام وحتى البورسلان يقصونه حسب المقاس ويحفون أطرافه يخلونها مقوسة حتى ما تنكسر ويصنفرونها في محلات الرخام في الصناعية نسيت أي شارع

التركيب لازم حد زين مختص تركيب رخام

ساراام

09-11-2016, 08:13 AM

أي عامل بلاستر جيد يسوي لك بشرط الحواف تكون دائرية يعني قوس ربع دائرة حتى ما تنكسر بسهولة .. الجرانيت والرخام وحتى البورسلان يقصونه حسب المقاس ويحفون أطرافه يخلونها مقوسة حتى ما تنكسر ويصنفرونها في محلات الرخام في الصناعية نسيت أي شارع

التركيب لازم حد زين مختص تركيب رخام

يعطيك العافيه معلومات طيبه ماقصرت