الكساد في سوق السيارات في قطر بدأ يحصد البعض.

[الدوحة 2010]

تشير الكثير من التقارير اليومية و المبيعات الشهرية لمعارض السيارات في قطر إلى حقائق تثير القلق فيما يخص واقع تجارة السيارات المستعملة في قطر في الوقت الحالي.



و بحسب استبيان قامت به كيو موتر، فإن حوالي 30% من مجموع معارض السيارات المستعملة تعاني خطر الإغلاق منذ بداية العام الجاري نتيجة للكساد في تجارة السيارات المستعملة، والذي تعود أسبابه بشكل مباشر إلى الوضع الإقتصادي العام الذي تمر به المنطقة و تباطؤ نمو الأسواق المحلية.



كما دفعت عوامل أخرى إلى انخفاض مبيعات السيارات المستعملة، مثل إنخفاض أسعار السيارات الجديدة. فقد انخفضت أسعار بعض السيارات الجديدة عن مثيلاتها في العام السابق بنحو 15%. و كانت العروض التي تقدمها وكالات السيارات على سياراتها الحديثة كفيلة بإضعاف سوق المستعمل. و خاصة العروض التي من شأنها تقسيط دفعات السيارة. و من المتوقع خروج نحو 40% من معارض السيارات التي تبيع المستعمل فقط مع حلول نهاية العام 2017.



و من أهم الأخطاء التي وقع فيها أصحاب معارض السيارات المستعملة:



١. إعتمادهم على السوق المحلي. مما يعني بيع سيارة من قطر إلى قطر. و مع وجود مجموعة خيارات لمن يرغب ببيع سيارته بعرضها في مواقع إلكترونية مختلفة، عزف الكثيرون عن عرض سياراتهم لدى المعارض. و في نفس الوقت، تسهل هذه المواقع عملية التواصل بين البائع و المشتري و لم يعد هناك حاجة لوجود وسيط كالمعرض.



٢. العمل بسياسة ما قبل 2006. أي قبل الطفرة الإلكترونية في قطر. فبعد العام 2006 اتجهت الكثير من الشركات للاستثمار في القطاع التكنولوجي و منه انشاء مواقع أو تطبيقات أو حتى إنشاء قواعد بيانية عن الزبائن كحد أدنى.



٣. عدم التطوير الإداري و عدم إدخال خدمات جديدة.



٤. عدم صرف أي ميزانية على الدعاية و التسويق.



هذه الأسباب أدت إلى الكساد و البطئ الشديد في البيع لكثير من المعارض المختصة ببيع المستعمل فقط.

[خوي الدرب]

هذا ببساطة لأن أسعار السيارات كان مبالغ فيها بشكل بعيد عن الواقع جدا

[ya3coub]

أخوي الدوحة امس مار و بالغلط ابي اشرد من الزحمة و دخلت صوب المعارض و طبعا كل شوي يطلع واحد و اليجدامك على راحته تعوذت من ابليس و دخلت معرضين اسعار السيارات مو رخيصه !!!

و الخبر نفسه اذكروه فالكويت و السعودية و بنسب أقل بس ما اتوقع.

بعض السيارات ليلحين ملاكها طالبين فيها اسعار مرتفعه و الي فالمعارض يزيدون عليها ربحهم

[حمد بن سعد]

مافي شي يتم على حاله

[aloosh]

اخوي دوحه سيارات المستعمله غاليه بعد تقول الواحد يبيع سياره جديده
الكل صار شريطي الاجنبي والمقيم والقطري:)

[Rider]

كثر العرض وقل الطلب هذا لي حاصل علشان كذا صار ركود

[monatee]

شي محد يشوفه الا في قطر

ركود .. قله الطلب .. كثره المعروض

سعره ماينزل ويستمر في الارتفاع

[SeniorTrader]

كنت افكر اشتري جييب رانقلر 2016 اعلى واحد فيهم وبابين

الشركة مسويين عليهم عروض واسعارهم 136 الف

وبالمعارض معروضين نفسهم ونفس المواصفات على 147 الف

وبعضهم مستعمل واسعارهم اغلى من الجديد

فكنسلت فكرة الشراء من الاساس

[كيلو حديد]

أنتظر نزولها أكثر عشان أشتري

[Azizuk]

اخبر الوالد يبيع ويشتري في السيارات واذكر المعرض كان مكانه في سناء وجبري وعلى ماضن معرض نجم أو الخليفي اسمه مب ذاكر اسمه بالضبط وكان الوالد متخصص في بيع وشراء المرسيدس 5.6 اكثر شي وبعض السيارات الثانية

اعلى سعر ربح اندفع له في سيارة 5 آلاف ريال وكان الرجال رغبان في السيارة حلف وقسم ان مايطلع من المجلس الا والسيارة معاه

وإلا كان الربح في السيارات المستعملة بين الف الى ألفين ريال

اما الحين راعي المعرض يبي السيارة ياخذها منك برخيص جداً ويستفيد مب اقل من 20 الف وبعضها اكثر

اخر مره بعت سيارة في معرض في 2007 على حدا معارض طريق سلوى وبعتها عليه ب 90 ونباعت ثاني يوم 115

وسيارة ثانية 2009 ساموها ب 80 ورفضت وعرضتها في المواقع الالكترونية وجابت لي 100 الف ولو صابر عليها يمكن تجيب اكثر

المعارض طغو وتكبرو وهذا نهاية التكبر كساد وخسارة

ايّام حلوه كانت على معرض الوضيحي ومعرض نجم والشهابي

[hamoor4ever]

اخبر الوالد يبيع ويشتري في السيارات واذكر المعرض كان مكانه في سناء وجبري وعلى ماضن معرض نجم أو الخليفي اسمه مب ذاكر اسمه بالضبط وكان الوالد متخصص في بيع وشراء المرسيدس 5.6 اكثر شي وبعض السيارات الثانية

اعلى سعر ربح اندفع له في سيارة 5 آلاف ريال وكان الرجال رغبان في السيارة حلف وقسم ان مايطلع من المجلس الا والسيارة معاه

وإلا كان الربح في السيارات المستعملة بين الف الى ألفين ريال

اما الحين راعي المعرض يبي السيارة ياخذها منك برخيص جداً ويستفيد مب اقل من 20 الف وبعضها اكثر

اخر مره بعت سيارة في معرض في 2007 على حدا معارض طريق سلوى وبعتها عليه ب 90 ونباعت ثاني يوم 115

وسيارة ثانية 2009 ساموها ب 80 ورفضت وعرضتها في المواقع الالكترونية وجابت لي 100 الف ولو صابر عليها يمكن تجيب اكثر

المعارض طغو وتكبرو وهذا نهاية التكبر كساد وخسارة

ايّام حلوه كانت على معرض الوضيحي ومعرض نجم والشهابي

صادق المستعمل اغلى من الجديد ونادر تحصل سيارة بسعر معقول يعني تلاقي مثلا الجديد موديل سنه 2017 ب 160 والمستعمل فرق سنتين ب 140000 اذا مب اكثر يعني الفرق مب ذاك الزود

[Alm@n$ei]

شركة النيسان لعبتها صح مع العرض

[MAZEN37]

شركة النيسان لعبتها صح مع العرض

وشو عرضهم

[شموخ دائم]

,

,


مرحبا


شكرا على الموضوع

هو سبب واحد فقط


( نزول أسعار البترول )

بس انخفض طلعت المشاكل والتقشف

حتى الناس العاديه ( قلقه ) وتحاول تمسك الكاش حتى تتضح الرويه

وتتاثر البورصه والاعمال

كل شي وقف بقطرلانها ( دائره ) مغلقه ووقفت هذه الدائره


اكثر مشاريع الدوله وقفت او تم تاجيلها وبالتالي اكثر الشركات

( وقفت الشركات ) وسرحت موظفينها وعمالها

واذا الموظفين تسرحوا

وبالتالي يوقف الطلب على

1- السيارات
2- الإيجارات
3- الاكل والغذاء
4- مواد البناء


الي يحرك سوق السيارات ( الشركات ) وليس الافراد

كنت في احد الوكالات للسيارات وامامي ( مندوب ) شركه
طلب 50 بيك اب جديد يبيهم ضروري خلال يومين ويترجاء الموظف
والفلوس جاهزه لان موقعين عقد لمشروع ويبون سيارات للموظفين والفورمنيه
بأقصى سرعه والموظف يقوله ما اقدراوفرلك عندي شركات قبلك طالبه
وقاله انصحك تروح ( معارض السيارات ) تشتري منهم مستعمل

تخيل حجم القوه الشرائيه اذا في مشاريع


الركود اليوم طال كل القطاعات

وهذا شي طبيعي ومتوقع في هذه ( المرحله ) لكل ( دول الخليج )

ولذلك الدول الان تعالج

( أسعار البترول ) في اجتماع الرياض بين دول الخليج وروسيا وفنزويلا

ومتوقع الاتفاق على رفع سعر البترول الى ما بين 60 دولار الى 70 دولار في 2017

و80 دولار في 2018
وهذا السعر جيد لدول الخليج

لان بيرفع ميزانيات دول اخليج و ممكن اعاده المشاريع المؤجله

وتعود العجله الى العمل والدوران


ترجع العجله تدور

مشاريع جديده
يعني شركات تزيد موظفينها وتشتري لهم سيارات وتطلب الايجار الجديد

من شقق وبيوت ومخازن وسكن عمال و المعدات والمواد

وينتعش السوق من جديد

,

,

[qatarwiz]

طرح ممتاز شموخ

[شيخ الديرة]

ولا مشاركة ذكرت الغش والكذب وتغيير العداد

الناس اليوم غير، ما ينضحك عليها مثل الاول

[رحال]

ز
اخبر الوالد يبيع ويشتري في السيارات واذكر المعرض كان مكانه في سناء وجبري وعلى ماضن معرض نجم أو الخليفي اسمه مب ذاكر اسمه بالضبط وكان الوالد متخصص في بيع وشراء المرسيدس 5.6 اكثر شي وبعض السيارات الثانية

اعلى سعر ربح اندفع له في سيارة 5 آلاف ريال وكان الرجال رغبان في السيارة حلف وقسم ان مايطلع من المجلس الا والسيارة معاه

وإلا كان الربح في السيارات المستعملة بين الف الى ألفين ريال

اما الحين راعي المعرض يبي السيارة ياخذها منك برخيص جداً ويستفيد مب اقل من 20 الف وبعضها اكثر

اخر مره بعت سيارة في معرض في 2007 على حدا معارض طريق سلوى وبعتها عليه ب 90 ونباعت ثاني يوم 115

وسيارة ثانية 2009 ساموها ب 80 ورفضت وعرضتها في المواقع الالكترونية وجابت لي 100 الف ولو صابر عليها يمكن تجيب اكثر

المعارض طغو وتكبرو وهذا نهاية التكبر كساد وخسارة

ايّام حلوه كانت على معرض الوضيحي ومعرض نجم والشهابي

كلام سليم 100%

[بوخالد911]

معظم المعارض نصابين
تودي له موتر
وتقوله بكم يسوى ؟
يقولك مثلا مية الف
تقوله انزين ببيعه عليك بذي السعر
يقولك لا. بشتريه ب 85 الف
!!!

[saeed2005]

من الأسباب أيضا امتناع البنوك عن التمويل إلا في حدود مكافأة نهاية الخدمة قلل السيولة عند البعض والله يصلح الحال

[قدام]

الله يكون في عوينهم .. ويرزقهم المال الحلال
ما عمري شفت راعي معرض صادق و ناصح للزباين و كلامه صحيح

[راعي الكورفت]

اسباب كساد سوق المعارض :

1) النصب والاحتيال من شريطيتهم فما من أحد سلم منهم وانا تعرضت لاحتيالهم ولا يلدغ المؤمن من جحره مرتين

2) ظهور مواقع بيع بالإنترنت وتطبيقات بالجوال مثل مزاد وقطرسيل الذين دمرا معارض السيارات.

3) سعر المستعمل قريب جدا من الجديد في الوكاله.


كان عندي فورد كراون فكتوريا وعرضتها في المعرض شهرين ولا واحد سأل عنها وسحبت السياره من المعرض وعرضتها في مزاد قطر وانباعت على طول.

سألت شريطي في المعرض سبب الركود عندهم وقلة البيع والشراء فصار يلعن مواقع الانترنت وتطبيقات الجوال الي شردت الزبائن عنهم.

[شيخ الديرة]

ولا تتوقع الانترنت تخلو من النصب، يستوردون سيارات مكنسلة من امريكا ويصلحوها ويبيعوها هنا

[الرويـس]

في موشرات بس مافي شي واقع لهبوط الاسعار بالشكل
بعض تجار المعارض متمسكين بالسعر وعليهم صبر مب صاحي*
اتكلم عالمستعمل

اللي يقول عكس كلامي يدبر لي موتر بسعرن طيب :(

[ابوالعبد]

هههه المستعمل اغلى من. الوكاله هذا سبب عدم شراء ناس المستعمل

[الرويـس]

ليش ارباب

:(

[Azizuk]

الا على طاري المعارض

في قانون نزل بعدم وقوف واستقلال مواقف السيارات في الطرقات وامام المعارض من الجهات المختصة وغرامة ومخالفة مالية على صاحب المعرض

بس للأسف لم يطبق القانون

تجي تبي موقف ماتحصل لك موقف بسبب راعي المعرض عارض السيارات امام المواقف

وقامو يتحايلون اصحاب المعارض يحط السيارة بدون اسم المعرض وبدون سعر

المفروض اذا سيارة ماتحركة لمدة سبوع تخالف السيارة أو تنسحب

[Dana’1]

يعني تنصحون الناس تشتري الحين والا؟

[طلعة الروح]

ليش في شوارع عدله عشان الواحد تنفتح نفسه ياخذ موتر جديد؟

[MAZEN37]

احد عندة علم ليش معرض الواحة اغلق من وزارة التجاره اعتقد السبب بيع سيارات جديدة غير مطابقه لمواصفات الخليج سمعت بالامارات اسعار الكروزرات الجديدة تحت في المعارض ونفس الشي وقفوهم لانهم غير مطابق الحين انا كمستهلك اتحمل المسؤليه ليش يقفونهم

[qatarman8008]

ليست هذه هي الاسباب المباشرة..
الاسباب المباشرة هي ظهور طرق اخرى لتسويق البضائع وممارسة النشاط التجاري بدون فتح محل ولا دفع ايجار ولا اي تكاليف اخرى..
مثل مواقع الانترنت والانستجرام..

[Qt.1]

خلاص المعارض راحت عليها يسكرون احسن لهم بدال الاجار الغالي على الفاضي , عرض السيارات في النت صار الانسب والاسرع للبيع وبدون عمولة المعرض , بالنسبه للاسعار اشوف السوق للحين ماسك الاسعار مهب نازله نزول حاد في تخوف لكن للحين الاسعار مهب رخيصه ,,

[معماري قطري]

عندي سيارات قديمة واحبهم منهم سيارة مشتريها مستعملة بأقل من نص سعرها جديدة وكانت ماشية 45000 وعلى الضمان وقمة النظافة

ولاحظت المعارض لو لي نية البيع ينزلون السيارة لأقل ما يمكن ولو ما بعت بعد فترة يتواصل معاي واحد يشجعني بأنه حصل لي شراي وكله كذب في كذب .. ولشراء سيارة العكس سعرها يكون غالي وتكون من أفضل السيارات عندهم

قطر سيل أسهل وبعض اللي يبيعون كانوا يسجلون شخصي وصج يكون شخص ويراعي الناس في السعر وبعضهم يكذبون ويبيعون عن طريق معارض لكن يكتبون شخصي