شكلي بنقل الولد من مدرسة مستقلة الى مدرسة خاصة

[بوحارب]

السلام عليكم

افكر انقل ولدي من مدرسة لوسيل الأبتدائية المستقلة

الى مدرسة الفرقان الخاصة ومكانهم في اللقطة

اشرايكم

طبعا الأسباب كثيرة

منها المدرسات مب متعاونين مع الطلبه

اذا ولي الأمر اشتكى على مدرسة تقوم المعلمة بتكوين قروب على الطالب نفسه

مديرة المدرسة ماعندها ادارة جيدة للمدرسة

الولد غايب 4 ايام ولا احد اتصل يعرف السبب او يسأل عنه ليش غايب

اسبوع كامل انتظر المديرة ترد على التلفون ولا يوجد رد والحجه دايما مشغوله او عندها اجتماع!

الطفل يشتكي للمدرسة يقولها الأولاد اضربوني تقوله ( تستاهل ) !!!!

المدرسة تصارخ على الولد وتقوله عقب الصراخ روح اشتك عند امك وابوك قدام الطلبه

يعني اللي موجودين في المدرسة مب معلمات ولا مربيات بل مجرد موظفين رايحين يستلمون رواتب فقط

والله اني ضد المدارس الخاصة ولا ابغيها وابي الولد يتعلم في المدارس المستقلة مع ربعه عيال قطر واخوانه المقيمين مواليد قطر

ومع معلمات قطريات وأدارة قطرية لكن للأسف مانشوف منهم الا تدمير للطالب ولا فيه اي تعليم او تطوير

وماقول الا حسبي ونعم الوكيل

[شيخ القبيلة]

بوحارب انقله الفرقان احسن

[راجي الْعفو]

وعليكم السلام و رحمة الله و بركاته

الله يعينك يا بوعبدالرحمن

العتب على من يجيب هالاشكال و يخليهم مدرسات

خاطري اعرف شروط القبول ؟!

ولا نقدر نعمم ع كل المدارس لانه في مدارس بادارة متميزة

و واحد كرك حق فوفو عشان يهدي شوي

[كيلو حديد]

أفضل استثمار في تعليم الأبناء فأبحث عن مصلحتهم التعليميه والله يوفقك

[Rider]

مشكلة ياخوي فيه مدارس مستقلة تخرب على مدارس اخرى طبعا مب اي مدرسة مستقلة سيئة فيه مدارس على مستوى لكن اذا كنت ملتزم بالمنطقة الجغرافيه هنيه المشكلة

[Dana’1]

يوو يا بو حارب
ماشفت ولا سمعت شي
بنت عمي تعلمني على موقف مع ولدها بالصف جايها يعلمها و مغبون وليتها متكلمه على غلط من الطلاب او شطانه
تخيل على درس اجتماعيات*نسيت تفاصيل شرحها للدرس وحتى الفاظاها البذيئه
بس يالعموم يشرح ظاهره التغيرات بالطبيعه ولحد اسبابه اتجاه اهل الباديه والفلاحين للمدن وووالخ
وقالت لهم وهي تطالعهم شفتو يالبدو ... .... هذا انتو المهم انقهر الولد جاء بيرد الا زميله رد عليها يقول بس ما برد حرتي
ليش تقول كذا اساسا ليش تجيب طاري بدو وحضر وتتعنصر وتنقل هالعنصريه للطلاب الي مابينهم الا كل خير
يبغى امه تجي وتكلمها
عاد وقتها كانت قريبا الاختبارات والولد متفوق تقول مابغى تحطه براسها الي بتقول كذا عادي تحط الولد براسها بس بعد الاختبارات بروح وبقولهم
وبس والله

موفقين

[الحياة الخالدة]

عليكم السلام ورحمة الله وبركاته
ولد أختي بنفس المدرسة بس عمري ما سمعتها تشتكي من المدرسات أو الإدارة
يمكن في جذي وجذي
ويمكن ولدك مثلك راعي مشاكل :tease:

[العرابي]

انقله افضل ولو تاخذ راي ولدك يكون افضل

[الهديل]

انقله الفرقان احسن

[بوخالد911]

خلك ع المستقلة افضل

انقله لمستقلة ثانية
الخاص مب شي

[بصمة قطرية]

شوف مدرسة مستقلة غيرها ..
مب شرط خاص ..!!!

عيالي في مدرسة ثانوية أجبروني فيها الوزارة
و للأسف الشديد المدرسة ما تصلح أكاديمياً
رحت الوزارة و قلت لهم أبي أنقل عيالي من هالمدرسة
لمدرسة ثانية من البداية بغيتها وانتو قلتوا مافي شاغر ..!!
ما طلعت من الوزارة إلا بعد ما وصل للمدرسة إيميل التسجيل
طبعاً إستثناء ..
و يوم سألوني ليش ما تبين هالمدرسة قلت لهم أكاديمياً مب عاجبتني
حتى سياسة المدرسة كلش مب شي ..
وتم النقل الحمدلله والمدرسة ممتازة ..
روح الوزارة و شوف مدرسة ثانية تتبع المنطقة
مع إن الفرقان أخبرها زينه بس تجنب الخاص ..
بالتوفيق ..

[h9466]

الحقيقة اسلوبها غير تربوي واكيد الولد بيتأثر من موقفها لمدة طويلة ... الأفضل تنقله

[roma27]

سمعت عن مدرسه عمر بن الخطاب ممتازه

[بصمة قطرية]

سمعت عن مدرسه عمر بن الخطاب ممتازه

عمر الأولى في الوعب
عمر الثانية في الدفنة
فعلاً الثنتين ممتازين ..

[المحاميه]

المكان الصحيح للشكوى هو وزارة التعليم
بس وقف على راسهم وكون جاد في الشكوى وخذ حق ولدك من هالهيئة اللي تحتاج للتربيه قبل التعليم
مافاد
ارفع الموضوع فوق
تقدر تغير مدرسته سواء خاصه او حكوميه
لكن من يعوضكم عن الضرر الادبي اللي صادكم؟
توكل على الله واشتك

[المحاميه]

المدارس تاخذ الطلاب حسب منطقة السكن

مايصير واحد ساكن في الشمال ويروح يسجل ف مدرسة عمر اللي ف الوعب
وهكذا

هذا اللي اعرفه

[معماري قطري]

عليكم السلام ورحمة الله وبركاته
ولد أختي بنفس المدرسة بس عمري ما سمعتها تشتكي من المدرسات أو الإدارة
يمكن في جذي وجذي
ويمكن ولدك مثلك راعي مشاكل :tease:

بو حارب راعي مشاكل .. دأ ملوش حس

[بصمة قطرية]

المدارس تاخذ الطلاب حسب منطقة السكن

مايصير واحد ساكن في الشمال ويروح يسجل ف مدرسة عمر اللي ف الوعب
وهكذا

هذا اللي اعرفه

في تساهل في هالناحية إذا في شاغر ..

[R 7 A L]

اذا مش مستقصدينه هو بالذات خله حاله حال عيال قطر ان نجح ممتاز وان مانجح بيعوض ان شاءالله

[حمد 2002]

بوحارب

لاتشجع ولدك على الهروب من المشاكل بالانتقال لمدرسه اخرى ..

لانه ليس من اسلوب القيادي الناجح او الشخص الناجه مواجهه المشاكل بالهروب ..

بل بالتصدي لها وحلها من جذورها ..

اطلب مقابله مع المديرة شخصيا عن طريقك او طريق احد من الاهل ..

اجلس مع ابنك وجوف شنو مشاكله وليش يتصرفون معاه المدرسه هالتصرف ..

اذا انضرب ابنك في المرات القادمه ومحد خذ حقك من المدرسه ، اشتك ((بمركز الشرطه )) وبتخلي الاداره حقه المدرسه تتأدب ..

وصلها للمجلس للوزير للشرطه للجهات المختصه الى آخره ...

لكن

لاتسحب ولدك من المدرسه وتنقله لمكان اخر ..

بل واجهم بكل شجاعه وقوه وتعنت ..

حمد 2002

[M&F]

انا ولدي في المدرسة ومااشوف فيها شي بالعكس وايد مهتمين في الطلاب وفي بداية السنة كانوا شوي مشتتين لان توهم ناقلين مبناهم الجديد بس وعطوني رقم جوال لين ما حطوا الارقام الارضيه وبعدها وزعوا ورقه بجميع الارقام المهمة في المدرسة ، وكل ما اروح اشوف المديرة والنائبة الاكاديمية ، و عمره ولدي ما اشتكى من حد الحمدلله
انت لازم تشوف اسباب المشكله وتحلها قبل لا تفكر في النقل
والله الموفق

[المحاميه]

اذا مش مستقصدينه هو بالذات خله حاله حال عيال قطر ان نجح ممتاز وان مانجح بيعوض ان شاءالله

خله يكمل عادي؟

تعرف فيه شي اسمه ضرر نفسي، أدبي، معنوي؟

انت تفتكر اليهال مايحس ولا مايتم ف باله هالامور؟ لو مايهتم كان ماشتكى وعلم ابوه ..

رجاءً ناخذ موقف ايجابي شوي .. احنا على مشارف 2017 ترا

[R 7 A L]

خله يكمل عادي؟

تعرف فيه شي اسمه ضرر نفسي، أدبي، معنوي؟

انت تفتكر اليهال مايحس ولا مايتم ف باله هالامور؟ لو مايهتم كان ماشتكى وعلم ابوه ..

رجاءً ناخذ موقف ايجابي شوي .. احنا على مشارف 2017 ترا

خلاص يابوحاوب انقل ولدك للفرقان واذا تبي واسطة حاضرين
اهم شي مايصير ولدك نفسية ولا معقد ولا انطواي على قوله الاخت

[قطريه ماركه]

الله يكون بعونك

مدارس هالايام حظ و نصيب :omen2:

[Abdulraman]

الفرقان من افضل المدارس
توكل على الله

[حمد 2002]

خلاص يابوحاوب انقل ولدك للفرقان واذا تبي واسطة حاضرين
اهم شي مايصير ولدك نفسية ولا معقد ولا انطواي على قوله الاخت

انا ضد كلام الاخت والله ..

لانه اذا كل ماصارت لولدك مشكله بتنقله ، مب خالص .. كل اسبوع بيداوم بمدرسه !! ..

ولا انت شرايك اخوي رحال ؟

[الحياة الخالدة]

المدرسة بترفع عليك دعوى تشهير

[R 7 A L]

انا ضد كلام الاخت والله ..

لانه اذا كل ماصارت لولدك مشكله بتنقله ، مب خالص .. كل اسبوع بيداوم بمدرسه !! ..

ولا انت شرايك اخوي رحال ؟
والله ياخوي حمد انا قريت ردك الاول في هالموضوع و مؤيد لكلامك

[المحاميه]

كيفكم ..

خلكم كله ساكتين
وخل حقوقكم تروح

عقب لاتقولون ليش وما ليش

وبعدين لو الولد وابوه مب متضررين ما كتب هالموضوع ولا اشرايكم؟

[مختلف جداََ]

النقل مب حل يا بوحارب

طرش وحده من حريم البيت للمدرسة و خل تجتمع مع المديرة و المدرسة اللي غلطت على الولد

و خل تفتهم و تلم بكل التفاصيل و تفهم منهم ليش ما دقو عليكم لما غاب الولد .

اذا تسنعت الأمور خلاص يا دار ما دخلك شر

و اذا تمو على نفس اسلوبهم الله لا يهينك تدل درب المجلس الأعلى

و صدقني هم نفسهم أكيد ما يبون الموضوع يوصل للمجلس


أما إنك تنقل الولد مب حل .

ملاحظة في كذا مشاركة يقولون إنه عندهم من عيالهم في نفس المدرسة و ما عمرهم اشتكو من المدرسة .

يعني في حلقة ناقصة في الموضوع


نصيحة أخوية طرش وحدة من الأهل و بتتضح لك الصورة كاملة . و على أساس الزيارة تقدر تحدد شنو خطوتك الجاية

[الرويـس]

الله يعينك

[الرويـس]

تعال نبطل انا وانت مدرسة خاصة
بجيب لك مدرستين حق كل مادة

شتبي بعد :(

[هيليوم]

النقل مب حل يا بوحارب

طرش وحده من حريم البيت للمدرسة و خل تجتمع مع المديرة و المدرسة اللي غلطت على الولد

و خل تفتهم و تلم بكل التفاصيل و تفهم منهم ليش ما دقو عليكم لما غاب الولد .

اذا تسنعت الأمور خلاص يا دار ما دخلك شر

و اذا تمو على نفس اسلوبهم الله لا يهينك تدل درب المجلس الأعلى

و صدقني هم نفسهم أكيد ما يبون الموضوع يوصل للمجلس


أما إنك تنقل الولد مب حل .

ملاحظة في كذا مشاركة يقولون إنه عندهم من عيالهم في نفس المدرسة و ما عمرهم اشتكو من المدرسة .

يعني في حلقة ناقصة في الموضوع


نصيحة أخوية طرش وحدة من الأهل و بتتضح لك الصورة كاملة . و على أساس الزيارة تقدر تحدد شنو خطوتك الجاية



اتفق معاك

[حـ ن ـيـ ن]

اختيار القائد نقطة مهمة ، هناك مدارس جمعت بين نقطتين الضبط السلوك و الأكاديمي ، وهناك من

حققت الضبط السلوكي ولكنها غير متميزة أكاديميا أو العكس ، وهناك مدارس للأسف لم تحقق الأولى

ولا الثانية ...

وهنا دور الوزارة والمسؤولين بمتابعة المدارس والموازنة بينهم ومتابعة من لا يصلح سواء إداري أو

أكاديمي وعدم الإكتفاء بالأوراق .

[أبو يووسف]

ولدي في روضة لوسيل وللأمانة إدارة المدرسة من مدرسات وإداريات متعاونات، وكذلك الولد استفاد كثيرا

[R 7 A L]

كيفكم ..

خلكم كله ساكتين
وخل حقوقكم تروح

عقب لاتقولون ليش وما ليش

وبعدين لو الولد وابوه مب متضررين ما كتب هالموضوع ولا اشرايكم؟

هل تشوفين النقل يا اختي الكريمة هو الحال في نظرك ؟

[طلعة الروح]

من رأيي الشخصي أن النقل مش حل واذا أصريت تنقله أعرف وين المشكله بالضبط ترى الأولاد شياطين ويشاغبون وأكيد مثل مايضرب ينضرب وعقب يشتكي انه انضرب .. المعرفه نور أخوى بو حارب قبل ماننقل الولد نستوعب الاسباب ونفهمها عشان نحلها بشكل جذري والقرار ساعتها متروك لك بالاستمرار في نفس المدرسه او النقل

[يمامـة]

تعال نبطل انا وانت مدرسة خاصة
بجيب لك مدرستين حق كل مادة

شتبي بعد :(

وتصير بدر خان القطري ( شلوا عنك الفيس الأزرق المعتفس في المنتدى)

[يمامـة]

بوحروب

قريت موضوعك عشرين مرة.. ابي اشوف شي يدل انكم رحتوا مدرسة ولدك مالقيت..

اشلون تحكم على الأمور من طرف واحد بس.. لمجرد ان إدارة المدرسة ما ردوا على تلفونات حضرة جنابك؟

ما يصير كوذي ما يصير..

اطلب من المدام تروح المدرسة وتتواصل مع الاخصائية الاجتماعية وتشوف شنهي السالفة..
و تتواصل مع إدارة المدرسة ... وتقف بنفسها بشكل مباشر على مشكلة ولدك في المدرسة..
لربما ولدك هو المشاغب.. ولربما هو شخصيته ضعيفه فيستأسدون عليه الذيابة..

ما يصير كل ما اشتكى ولدك من مدرسة مرة او مرتين او ثلاث بتنقله وانت قاعد في البيت..

زعلتني منك....> زين جذيه الحين؟ :(

[الرويـس]

وتصير بدر خان القطري ( شلوا عنك الفيس الأزرق المعتفس في المنتدى)

اسكتي والله

احس في شي ناقصني

):

[JN000N]

لو انا ام الولد
اروح المدرسه واحط هالمعلمه التعبانه واعلمها شلون تصير معلمه عدله كلهم الاولي عالتالي
عموما احنا اخوي الصغير ما دخلناه هالمدرسه لان من البدايه من اول مره رحت بسجله جفت موظفات الاستقبال اسلوبهم مثل اشكالهم التعبانه وديته مدرسه ثانيه
واذكر ان ابوي رفع فيهم تقرير ع ايام المجلس الاعلى وهم الي اقترحو علينا المدرسه الي فيها الحين
تلاحق ولدك وطلعه من عندهم هذول ما وراهم رجا

[حبر وقرطاس]

مدرسه الفرقان من اقوى المدارس وعيالنا درسوا فيها .ماتتردد سجل ولدك فيها

[حمد 2002]

شخبار ولدك بوحارب

للحين يظربونه الطلاب والمعلمات ولا يظربهم :rolleyes2:

[المحاميه]

لو انا ام الولد
اروح المدرسه واحط هالمعلمه التعبانه واعلمها شلون تصير معلمه عدله كلهم الاولي عالتالي
عموما احنا اخوي الصغير ما دخلناه هالمدرسه لان من البدايه من اول مره رحت بسجله جفت موظفات الاستقبال اسلوبهم مثل اشكالهم التعبانه وديته مدرسه ثانيه
واذكر ان ابوي رفع فيهم تقرير ع ايام المجلس الاعلى وهم الي اقترحو علينا المدرسه الي فيها الحين
تلاحق ولدك وطلعه من عندهم هذول ما وراهم رجا

شفتوا اشلون ياللي اتدافعون؟؟

تقولون خله .. وخل يتحمل ووو ..

خير؟؟؟

اذا بدايته جذي .. اشلون بيكمل تعليمه وشنو بيكون شعوره ..

[بوحارب]

الفرقان من افضل المدارس
توكل على الله
صادق واليوم انا عندهم وماشيين في امور النقل بس توهقنا في سالفة الباص فيه زحمه شوي



ولدي في روضة لوسيل وللأمانة إدارة المدرسة من مدرسات وإداريات متعاونات، وكذلك الولد استفاد كثيرا
ولدي الثاني في روضه الوسيل بعد والروضه ماعليها اي كلام من المديرة الى عاملة الباص

كلهم ينحطون على الراس ومهتمين في الأولاد اخر اهتمام

لكن المدرسة للأسف لا المديرة ولا المعلمات مجرد اشباح قاعدين في المدرسة

ولا اهتمام في الطلاب ولا تعليم مثل الناس



بوحروب

قريت موضوعك عشرين مرة.. ابي اشوف شي يدل انكم رحتوا مدرسة ولدك مالقيت..

اشلون تحكم على الأمور من طرف واحد بس.. لمجرد ان إدارة المدرسة ما ردوا على تلفونات حضرة جنابك؟

ما يصير كوذي ما يصير..

اطلب من المدام تروح المدرسة وتتواصل مع الاخصائية الاجتماعية وتشوف شنهي السالفة..
و تتواصل مع إدارة المدرسة ... وتقف بنفسها بشكل مباشر على مشكلة ولدك في المدرسة..
لربما ولدك هو المشاغب.. ولربما هو شخصيته ضعيفه فيستأسدون عليه الذيابة..

ما يصير كل ما اشتكى ولدك من مدرسة مرة او مرتين او ثلاث بتنقله وانت قاعد في البيت..

زعلتني منك....> زين جذيه الحين؟ :(
امه راحت ولا طلعت بنتيجة وانا اتصلت عشرين مره ولا حد رد علي

والعام كنت اتصل واكلم المديرة والنائبه الأدارية والمكالمه فوق العشرين دقيقة

ولا فيه اي فايدة بس كلام في كلام وماعندهم الا الكلام

اقولج مدرسة تعبانه وادارتها تعبانه

والله الطالب يروح عندهم ذكي ويرجع البيت غبي :)



لو انا ام الولد
اروح المدرسه واحط هالمعلمه التعبانه واعلمها شلون تصير معلمه عدله كلهم الاولي عالتالي
عموما احنا اخوي الصغير ما دخلناه هالمدرسه لان من البدايه من اول مره رحت بسجله جفت موظفات الاستقبال اسلوبهم مثل اشكالهم التعبانه وديته مدرسه ثانيه
واذكر ان ابوي رفع فيهم تقرير ع ايام المجلس الاعلى وهم الي اقترحو علينا المدرسه الي فيها الحين
تلاحق ولدك وطلعه من عندهم هذول ما وراهم رجا
والله راحت امه للمدرسة لكن المدرسة انكرت وكذبت

وقدام الولد تقول انا ما قلت هالكلام

والولد يقول قدامها بلى انتي قلتي كذا

شنسوي لها يعني اذا هي كذابه نضربها مثلا ؟؟

حتى الأدارية تقول للمعلمة تراها في ذمتج اذا انكرتي هالكلام

تخيلي لدرجة وين وصل الكذب

هذي معلمة .؟؟



شفتوا اشلون ياللي اتدافعون؟؟

تقولون خله .. وخل يتحمل ووو ..

خير؟؟؟

اذا بدايته جذي .. اشلون بيكمل تعليمه وشنو بيكون شعوره ..

صدقتي يالمحامية واشكرج على القيام بدور المحاميه في هذا المووضع وابيج كذا في كل مواضيعي

[بوحارب]

اعتذر عن باقي الردود ونورتوا الموضوع

واللي يعرف مديرة المدرسة ياريت يرسل لها الرابط
يمكن تحسن من مستوى المدرسة والمعلمات اللي عندها

تحياتي

[الحياة الخالدة]

اعتذر عن باقي الردود ونورتوا الموضوع

واللي يعرف مديرة المدرسة ياريت يرسل لها الرابط
يمكن تحسن من مستوى المدرسة والمعلمات اللي عندها

تحياتي
ليش تعتذر عن الرد علي ؟؟

[بوحارب]

عليكم السلام ورحمة الله وبركاته
ولد أختي بنفس المدرسة بس عمري ما سمعتها تشتكي من المدرسات أو الإدارة
يمكن في جذي وجذي
ويمكن ولدك مثلك راعي مشاكل :tease:
يمكن الله وفقه مع مدرسات سنعين ويحشمون الطالب

بعدين انا راعي مشاكل على خفيف

اما الولد حليو وفي حاله :(


المدرسة بترفع عليك دعوى تشهير
وانا برفع عليهم دعوى سوء معامله مع الطلبه

وسوء تعليم

وسوء اهتمام

وسوء ادارة

وسوء اكاديميا




ليش تعتذر عن الرد علي ؟؟

نعتذر عن الرد على البقية ويستثى من ذلك

المدراء ورؤساء الأقسام :(

[R 7 A L]

بو حارب ليش مارديت على تعليقي انا وحمد وكل من قال خل ولدك يبقى في المدرسة ولاتنقله ؟
هل على شانك نويت خلاص تنقل ولدك ؟
المهم اذا بغيت واسطه في الفرقان ترا حاضرين

[المحاميه]

وسوء اكاديميا


:(


من وين متخرج انت؟
الجملة غلط
ومب راكبه ..



دامك رديت على نص الردود .. يالله كمل الباقي .. ولا كل واحد بينشبلك .. هههه :tease:

[حمد 2002]

استنتاج بسيط ..

بوحارب اتبع اسهل حل وهو الهروب من المواجهه مع اداره المدرسه ..

واتبع نفس الحل بموضوعه بالحوار وهو الهروب من المواجهه مع الاراء المضاده له ..

حمد 2002

[بوحارب]

بو حارب ليش مارديت على تعليقي انا وحمد وكل من قال خل ولدك يبقى في المدرسة ولاتنقله ؟
هل على شانك نويت خلاص تنقل ولدك ؟
المهم اذا بغيت واسطه في الفرقان ترا حاضرين
طبعا ردود حمد انا ساحب عليها من زمان لأن اغلب ردوده فيها مثاليه وانت تعرفه ماعنده ما عنده جدتي

المهم رحال انا خلاص غاسل يدي من هالمدرسة لأن ما نفع معاهم اي شي

تعبنا وحنا نتواصل معهم لكن بدون نتيجة

اشكرك على الفزعه وبرجع لك اذا ما اقبلوه في الباص :)


من وين متخرج انت؟
الجملة غلط
ومب راكبه ..



دامك رديت على نص الردود .. يالله كمل الباقي .. ولا كل واحد بينشبلك .. هههه :tease:
ترا عندي دكتوراه في اكثر من تخصص

خليني ساكت بس



استنتاج بسيط ..

بوحارب اتبع اسهل حل وهو الهروب من المواجهه مع اداره المدرسه ..

واتبع نفس الحل بموضوعه بالحوار وهو الهروب من المواجهه مع الاراء المضاده له ..

حمد 2002

روح قشر بصل ههههههههههههه

[ولد العرب]

طبعا ردود حمد انا ساحب عليها من زمان لأن اغلب ردوده فيها مثاليه وانت تعرفه ماعنده ما عنده جدتي

المهم رحال انا خلاص غاسل يدي من هالمدرسة لأن ما نفع معاهم اي شي

تعبنا وحنا نتواصل معهم لكن بدون نتيجة

اشكرك على الفزعه وبرجع لك اذا ما اقبلوه في الباص :)


ترا عندي دكتوراه في اكثر من تخصص

خليني ساكت بس




روح قشر بصل ههههههههههههه
لا وين يقشر بصل
رد على معيض 2002 الحين
انت الحين تعتبر شردت من المدرسه وشردت من معيض
وباقي تشرد ماترد علي :(

[عاشق العديد]

والله المدارس الخاصه زينه ..

والفرقان زينه .. ماعليها خوف وكفايه وقت التدريس مب معقد نفس المستقله .. عن نفسي لو عندي عيال مستحيل اخليهم في مستقله .. انا ابي عيالي يتعلمون مب يقعدون في غونتانمو ..

[بوحارب]

^

اشفيك ياخي ههههههههه





السلام عليكم جميع

ابشركم نقلت ولدي من مدرسة الوسيل المستقلة

الى مدرسة الفرقان الخاصة

والحمدلله الأمور طيبة والولد نفسيته طيبة حاليا وحاب المدرسة والدراسة

ويكفي أن مستوى التعليم افضل وفيه جديه وصرامه اكثر من مدرسة الوسيل

واتمنى هالموضوع ما يعدي كذا عالفاضي وياريت مديرة مدرسة الوسيل ترتب اوراقها من جديد

وتختار نخبة من المعلمات ومساعدة المعلمات عشان ما تقعد لحالها في المستقبل وتشاهد الطاولات فقط في المدرسة

لأن مستوى التعليم والأدارة ما يطمن عندهم كللللش

والسلام عليكم ورحمة وبركاته

[كيلو حديد]

الله يوفقه ويوفقك
وخير ما تبقيه لولدك علم ينفعه وينفع به و خلق يمارسه