استفسارات سريعه بخصوص القبو؟

[peace-qtr]

السلام عليكم ورحمة الله وبركاته..

توني في مرحلة التخطيط

بخصوص البيسمنت..

سويت بيسمنت وافكر الغي نصه والغي الحمامات واللفت.. عشان اخاف من مشكلة المياه الجوفية فالمستقبل

الارض صوب مجمع ازدان الجديد في الوكير

وماعرف هالاراضي اللي هناك تصلح لبناء قبو او لا

شلون طبيعة الارض هناك ؟؟

بخصوص تكلفة البيسمنت لمساحة 157 م ؟؟ كم بيكلفني تقريبا

واستفسار ثاني بخصوص الحجر.. شنو افضل نوع حجر.. صناعي او طبيعي ؟

سوري / سعودي / اردني

وشلون بالنسبه للتكلفة ؟؟

ومشكورين..

[معماري قطري]

عليكم السلام ورحمة الله وبركاته

هذي استفسارات تاخذ وقت طويل ولشرح البيسمنت حطيت طريقة حتى لو فيه مياه جوفية تقدر تتغلب عليها والطريقة تستخدم في اوروبا من زمان .. في ألمانيا في الثلج والمطر الكثيف يكون البيسمنت دورين ونازل ومن أيام هتلر يسوون التصريف السريع حول البيسمنت وحطيت يوتيوبات في يوتيوبيات البناء توضح الطريقة وشرحتها

خل اللفت والحمامات لو بتسويه وسو التصريف نوعين نوع للصرف الصحي ونوع لمياه الأمطار .. خل المنهولات خارجية ومحفور لها بنفس الوقت بلكونة تنور على البيسمنت حتى لو بعرض متر واحد وفوق تقدر تغطي بشبك حديد يعني الدخول لها من البيسمنت .. أو تخليها مفتوحة بالكامل وتسوي حايط بسيط عن لحد يطيح من الحوش في الحفرة .. يستوي عندك سهولة لصيانة المنهولات والمضخات داخلها ( لازم تشوف اليوتيوب حتى تفهم شاقصد )

البيسمنت أكيد بيكلفك كخرسانات وعزل والتشطيب تتحكم فيه والعادة التشطيب مع البنيان المتر ما يقل عن 3000 حالياً والنظام هذا عبارة عن حجر جنب الحائط وفوقه فلتر يمنع الرمل من الدخول .. قماشي يكون ورخيص متوفر أو حتى تقدر تستخدم خيش .. وتحت بايبات مخرمة تجمع الماي وتحوله لمنهول فيه مكينة ضخ ترفع الماي تماتيك بالعوامة .. تقدر تستفيد منه للزراعة لو ماي مطر بشرط المياه الضحلة ما تكون مرتفعة ولهذا يلزمك دراسة تربة من مختبر معتمد

تقدر تسوي البيسمنت تشطيب بسيط وكذلك البنتهاوس وتوفر شوي في التكلفة

الحجر ما انصح به ولا عمري سويته صبغ جوتاشيلد كفاية ولو تبي تطعيم كثير من مقاولين الحجر ما ينصحونك لأنهم يبون يشتغلون على كبير

[معماري قطري]

بالنسبة للتكلفة محد يقدر يعطيك رقم محدد الا اللي بينفذ ويسوي حساباته .. لو تسوي مناقصة بتشوف الفرق يوصل حول مليون بين مقاول ومقاول وهذا على فرض كلهم جيدين .. قصدي للبيت كامل

[معماري قطري]

نسيت شيء مهم البارحة كتبت لك رد وكان بريدك مليان .. بديت احط عقد بالعربي في موضوع العقود المثبت وباقي منه حول 20 صفحة بانزلهم بالتتابع حسب الفرصة

[peace-qtr]

ماقصرت ياخوي

اي شفت العقد اللي بالعربي اليوم وخذت منه كم بند وحطيته في عقدي..

مادري الحجر شكلا احلى والصبغ بعد سنه سنتين يخترب ويبين وبضطر اصبغ بس الحجر مايخترب شكله مثل ماهو

وشكلي مثل ماقلت بسوي الملاحق والبنت هاوس والبيسمنت تشطيب عادي

[شموخ دائم]

,

,


مرحبا

حياك الله اخوي الكريم


اذا حضر الماء بطل التيمم

الباشا الكبير معماري قدم معلومات 10|10 ما نقدر نزيد ولا كلمه في الأمور الفنيه

انا بتكلم في جانب التكلفه ومن فكر المقاول

157 متر بيسمنت
بتكلفك بحدود ال 500 الف الى 700 الف ريال هذا اذا افترضنا الأرض فيها مشاكل
من ناحيه صلابه الحفار ( صخريه ) او ( مياه جوفيه ) ونقدر نعرف طبيعه الأرض
من اقرب موقع ينحفر جنبك ونشوف ناتج الحفر بالعين المجرده ممكن نعرف
الوضع كيف (تقريبا )

*( نعمل جس الأرض ) بطريقه الدريل في 3 أماكن مختلفه بالأرض
وناخذ عينات 3 ويطلع فيها تقرير
وبعدها نكون متاكدين 100% من طبيعه الأرض على عمق 6 متر


( الملاحظ في سوق قطر مقاولين الفيلات يعمل عقد منفصل للبيسمنت )
خوفا من الخساره بهذه المرحله ( المقاول الخبره )


وبعد الحفار العميق 6 متر
يجلس مع الاستشاري ( اجتماع ) ويقرر طبيعه الاعمال المطلوبه ( مياه جوفيه + مضخات + تصريف + عوازل
ويضع لها الطريقه والتكلفه للبناء

ممكن تطلع التكلفه 500 الف وممكن الاستشاري يطلب اعمال خاصه تكلف 700 الف

تنحسب ويوقع العقد

ويتم البناء ( وكل شي واضح ) للمالك والاستشاري والمقاول

والجميع يطلع راضي وما تصير مشكله نهائيا

المقاول حاسبها صح
والمالك مرتاح لمشروعه على أسس صحيحه
والاستشاري مطمن من معالجه طبيعه الأرض ومايكون عنده مخاوف


لاتخاف من المشاكل الان احنا بعصر التكنولوجيا والحل لكل مشكله
سهل والتجارب كثيره والبيت بيكون مافيه مشاكل نهائيا



الببسمنت ممتاز جدا وانا اشجع عليه
عندك ( دور كامل ) وبتحتاجه مستقبلا وللمساحه الي فيه وهو متعدد الاستخدام
ولو ما سويته ( ممكن تندم ) عليه
دور كامل وما اخذ من ارضك أي مساحه

واذا فات الفوت ما ينفع الصوت
:)





,

’

[وحيد-الشوق]

وعليكم السلام ورحمة الله وبركاته

اذا الارض كبيرة والمقاول شركة عادية غض النظر عن القبو افضل تكلفه عالية وفوق هذا الخوف من المياة الجوفية ابعد عن عوار الراس احسن

[بوخالد911]

بخصوص الحجر

أنصحك بالسوري الصدفي أو المصدف كما يطلقون عليه

المتر ب 170 ريال
اذا ما خاب ظني

لو بتحط واجهة البيت حجر
انصحك تدخل نوعين مختلفين من الحجر
مثل : الصدفي مع المفجر
مع ديزاينات حول الدرايش

موووفق.

[peace-qtr]

,

,


مرحبا

حياك الله اخوي الكريم


اذا حضر الماء بطل التيمم

الباشا الكبير معماري قدم معلومات 10|10 ما نقدر نزيد ولا كلمه في الأمور الفنيه

انا بتكلم في جانب التكلفه ومن فكر المقاول

157 متر بيسمنت
بتكلفك بحدود ال 500 الف الى 700 الف ريال هذا اذا افترضنا الأرض فيها مشاكل
من ناحيه صلابه الحفار ( صخريه ) او ( مياه جوفيه ) ونقدر نعرف طبيعه الأرض
من اقرب موقع ينحفر جنبك ونشوف ناتج الحفر بالعين المجرده ممكن نعرف
الوضع كيف (تقريبا )

*( نعمل جس الأرض ) بطريقه الدريل في 3 أماكن مختلفه بالأرض
وناخذ عينات 3 ويطلع فيها تقرير
وبعدها نكون متاكدين 100% من طبيعه الأرض على عمق 6 متر


( الملاحظ في سوق قطر مقاولين الفيلات يعمل عقد منفصل للبيسمنت )
خوفا من الخساره بهذه المرحله ( المقاول الخبره )


وبعد الحفار العميق 6 متر
يجلس مع الاستشاري ( اجتماع ) ويقرر طبيعه الاعمال المطلوبه ( مياه جوفيه + مضخات + تصريف + عوازل
ويضع لها الطريقه والتكلفه للبناء

ممكن تطلع التكلفه 500 الف وممكن الاستشاري يطلب اعمال خاصه تكلف 700 الف

تنحسب ويوقع العقد

ويتم البناء ( وكل شي واضح ) للمالك والاستشاري والمقاول

والجميع يطلع راضي وما تصير مشكله نهائيا

المقاول حاسبها صح
والمالك مرتاح لمشروعه على أسس صحيحه
والاستشاري مطمن من معالجه طبيعه الأرض ومايكون عنده مخاوف


لاتخاف من المشاكل الان احنا بعصر التكنولوجيا والحل لكل مشكله
سهل والتجارب كثيره والبيت بيكون مافيه مشاكل نهائيا



الببسمنت ممتاز جدا وانا اشجع عليه
عندك ( دور كامل ) وبتحتاجه مستقبلا وللمساحه الي فيه وهو متعدد الاستخدام
ولو ما سويته ( ممكن تندم ) عليه
دور كامل وما اخذ من ارضك أي مساحه

واذا فات الفوت ما ينفع الصوت
:)





,

’

صدمني السعر ماتوقعته مكلف لهدرجة حسبته بحدود 400 الف !!

انا بخلي المقاول يدرس الخرايط وبشوف كم بيسعر لي

مشكوور

[معماري قطري]

مشكور إخوي شموخ دائم على الكلام الطيب

انا حسبت البيسمنت على 4000 لتشطيب خفيف والتكلفة في الانشاءات وطلع لي 628000 .. وما حبيت اذكرها لأن السعر يختلف مؤكد من حد أدنى لحد أعلى بس مستحيل مقاول يسوي بخسارة الا مقاول ما يعرف شغله

بالنسبة للحفر للبيسمنت لو نخليه بارتفاع معقول 2.5 متر مثلاً من السقف للأرضية صافي وبدون جبس بس كورنيشات بسيطة وتكييف سبلت ما بنحفر أكثر من 3 متر ولو سوينا بلكونات نازلة مب محتاجين نرفع أرضية الدور الأرضي

نصيحتي تسأل مقاولين والاستشاري عن السعر واذا الميزانية للبناء محدودة ركز على البنتهاوس وباقي البيت ولو تبي مراجعة لتصميمك لازم بنطلع آراء أفضل بس ترسل فايل الاوتوكاد وشوف شصار في التصاميم في موضوع مراجعة المخططات المعمارية

[معماري قطري]

شوف من أيام اخوي شموخ دائم حاط بنيان لصالة وهو مشتغل فيها بدون ربح كلفته حول 3000 وشوي للمتر مع الأثاث والأثاث لازم يدخل الحسبة لأن ما فيه بيت بينسكن بدون تأثيث .. هو مسوي أساس قطعة وحدة مقارب للبيسمنت البيسمنت ضيف عليه الجوانب خرسانات والحفر

[معماري قطري]

ماقصرت ياخوي

اي شفت العقد اللي بالعربي اليوم وخذت منه كم بند وحطيته في عقدي..

مادري الحجر شكلا احلى والصبغ بعد سنه سنتين يخترب ويبين وبضطر اصبغ بس الحجر مايخترب شكله مثل ماهو

وشكلي مثل ماقلت بسوي الملاحق والبنت هاوس والبيسمنت تشطيب عادي

بيتي انا صبغته من برا صبغ أي كلام وتم حول 10 سنين وبعد 10 سنين غيرته من رملي لين أبيض وإن شاء الله وأعطاني عمر مب مغيره الا بعد 15 سنة .. بيت عبدالله بن حمد العطية مصبوغ أبيض من سنوات طويلة ولا تغير والسبب الأبيض يقاوم الأشعة فوق البنفسجية اللي تغير اللون

[الرايــق]

السلام عليكم
اخوي بالنسبة للبيسمنت انتبه انتبه للشركة اللي تشتغل العازل
لازم العزل يكون ممتاز والا بتدخل في دوامة..

موفق خير

[peace-qtr]

مشكور إخوي شموخ دائم على الكلام الطيب

انا حسبت البيسمنت على 4000 لتشطيب خفيف والتكلفة في الانشاءات وطلع لي 628000 .. وما حبيت اذكرها لأن السعر يختلف مؤكد من حد أدنى لحد أعلى بس مستحيل مقاول يسوي بخسارة الا مقاول ما يعرف شغله

بالنسبة للحفر للبيسمنت لو نخليه بارتفاع معقول 2.5 متر مثلاً من السقف للأرضية صافي وبدون جبس بس كورنيشات بسيطة وتكييف سبلت ما بنحفر أكثر من 3 متر ولو سوينا بلكونات نازلة مب محتاجين نرفع أرضية الدور الأرضي

نصيحتي تسأل مقاولين والاستشاري عن السعر واذا الميزانية للبناء محدودة ركز على البنتهاوس وباقي البيت ولو تبي مراجعة لتصميمك لازم بنطلع آراء أفضل بس ترسل فايل الاوتوكاد وشوف شصار في التصاميم في موضوع مراجعة المخططات المعمارية

اظن المهندس قالي تكلفته مب وايد حتى جنه قال 150 والله ماتذكر

بس بسال المقاول هو يعرف شغله اكيد

يعني الحفر مش اكثر من 4 وارتفاع البيسمنت اخليه 2 ونص

شلون بلكونات نازلة مافهمت؟

انا فكرت اكنسل البنت هاوس لان حاليا ماحتاجه بس البنيان بيكون ع اساس في بنت هاوس

بس بكنسله ولين احتجته ببنيه كامل.

انا عندي خرايط مطبوعة اسويلها سكان واطرشها عادي ولا لازم فايل الاوتوكاد ؟

[peace-qtr]

بيتي انا صبغته من برا صبغ أي كلام وتم حول 10 سنين وبعد 10 سنين غيرته من رملي لين أبيض وإن شاء الله وأعطاني عمر مب مغيره الا بعد 15 سنة .. بيت عبدالله بن حمد العطية مصبوغ أبيض من سنوات طويلة ولا تغير والسبب الأبيض يقاوم الأشعة فوق البنفسجية اللي تغير اللون

مادري والله قلت بدخل حجر حق الشكل .. بس

او الواجهه حجر بس يمكن

[معماري قطري]

اظن المهندس قالي تكلفته مب وايد حتى جنه قال 150 والله ماتذكر

بس بسال المقاول هو يعرف شغله اكيد

يعني الحفر مش اكثر من 4 وارتفاع البيسمنت اخليه 2 ونص

شلون بلكونات نازلة مافهمت؟

انا فكرت اكنسل البنت هاوس لان حاليا ماحتاجه بس البنيان بيكون ع اساس في بنت هاوس

بس بكنسله ولين احتجته ببنيه كامل.

انا عندي خرايط مطبوعة اسويلها سكان واطرشها عادي ولا لازم فايل الاوتوكاد ؟

الحفر 3 متر شيل منها صبية الأرض حول 40 سم أساس قطعة وحدة واحتمال الاستشاري يسويه 50 سم واحتمال أكثر بعض الاستشاريين يبالغون وايد وانت تدفع .. تبقى عندنا 2.5 تقريباً لسطح الأرض .. وعندنا أرضية البيت مرتفعة حول 45 سم والصبية تحتها بعد حول 30 سم بنصفي على 2.65 متر ارتفاع للدور اللي تحت الأرض وهو معقول

لو بنحفر 4 متر بيكون الإرتفاع 3.65 صافي لو سوينا نفس اللي قبل و 3.65 ارتفاع مكلف بدون فايدة كبيرة .. 3.4 ممكن يعطينا ارتفاع 3 متر لو الصبيات ما سواها الاستشاري عميقة

للحفر حتى شوف البتان كم يحفرون بيعطونك السعر بسرعة وسعرهم أرخص شيء .. بارسل لك رقم واحد كلمه يحفر ويبني كامل بس عيبه بطيء شوي

لو متشكك ومتخوف نصيحتي تحفر حفرة يسمونها استكشافية منها تعرف مكونات طبقات الأرضية وقوتها وتعرف لو فيها رطوبة وماء وتقدر تاخذ عينات توديها مختبر البلدية ويفحصونها ( ممكن يبي لها شوية واسطة ) يفحصون محتواها المائي والكيميكال كومبوزشن للتربة .. الحفرة الاستكشافية بالورور العادي أو البوكلين الصغير أو حتى يدوي وبعد البتان ما يقصرون وتسويها مترين في مترين أو 3 متر وعمقها حسب ما تحب تسوي البيسمنت

تبغي تحفر وتجيب مختبر تربة مختص مثل التيسير ياخذ عينات ويعطيك نتائجها مع الاقتراحات ومع قوة تحمل الضغط للتربة حتى المكتب يصمم على أساسها بعد بيكون حل مناسب

بلكونات نازلة بدال ما تحفر وتبني وتدفن تخلي جوانب معينة بعرض معين وعمق معين منور مفتوح كحديقة نازلة .. تقدر تسويها مثل الكسرة داخلة على داخل وفيها درايش وتسكر من فوق بشبك حديد مثل مباني اوروبا على الشوارع وما ادري شاشتراطاتها عند التخطيط لكن شفت واحد مسويها وشفت واحد مسوي حوض سباحة في البيسمنت ومسوي نصه في بلكونة مفتوحة

البنتهاوس أرخص لك بوايد من البيسمنت ولو ما سويته مب حاسبين لك الكهربة وبيعطونك بس للموجود .. بعدين المصعد حلاته يوصله وصعب تسويه بعدين

[معماري قطري]

مادري والله قلت بدخل حجر حق الشكل .. بس

او الواجهه حجر بس يمكن

اللي تحبه سوه إحنا نناقش طرق وبدائل ولتقليل التكلفة

[الوطنيه]

انا مع اخوي معماري قطر الصبغ افضل من الحجر الزين والجيد من الحجر غالي ويمكن المقاول يخربه لك في التركيب والرخيص ما يسو تسويه

[Abu-hmood]

سؤال يا اخوان هل الكلام الي راح اقوله صحيحعندي واحد من الربع عنده شركة مقاولات وسئلته عن القبو فقالي نظام بنيان القبو جهتين خرسانة وجهتين طابوق الجهة يعني (الجدار)

والي انا سمعته انه لازم يكون صب كامل لجميع الجدران

[معماري قطري]

سؤال يا اخوان هل الكلام الي راح اقوله صحيحعندي واحد من الربع عنده شركة مقاولات وسئلته عن القبو فقالي نظام بنيان القبو جهتين خرسانة وجهتين طابوق الجهة يعني (الجدار)

والي انا سمعته انه لازم يكون صب كامل لجميع الجدران

في بعض الدول طابوق وعزل جيد ونظام تصريف مثل اللي ذكرته مرات وفي هذا الموضوع كذلك لكن عندنا مبالغات انشائية ولا تفيد لو التصق بها الماء وتسرب يخرب الخرسانة ويخرب الحديد

[سعود.]

انا مسوى قبو .
بنظام الجدران الخارجية ( خرسانة ) التقاسيم الداخلية طابوق .
العزل بتومين سائل+ رولات عزل مائي من الخارج بالاضافة الى ( الكيكر ) فقط . وقتها ماكنت اعرف النظام الي ذكرة بوعبدالله ولا كنت سويته احتياطيا .

الي يقصدة صاحبك نظام افضل سيفتي . جدران من الطابوق ثم تعزل برولات عزل مائي من الخارج ثم يجي بعدة الجدار الخرساني يكون بعد الطابوق من الداخل .

[معماري قطري]

باحط سكتش مبسط حتى تنفهم فكرة التصريف وحماية الجدران للبيسمنت من أي رطوبة سواء اللي نازلة من المطر وناقعة جنب الجدران ومرطبة الجدران ومع الوقت تخترقها للداخل .. أو اللي تطلع من الأرض على شكل مياه جوفية أو حتى رطوبة

الجدران لو سويناها خرسانة والا طابوق مملوء تجويفه بالخرسانة تؤدي الغرض بس تحتاج تصميم انشائي مدروس ويمكن الطابوق ضروري نحط في تجويفه حديد تسليح

الرسم يمين عندنا داخل البيسمنت ونتجه يسار يجينا الوجه الداخلي عليه التشطيب اللي نبغيه وليس مذكور هنا .. لكن مبين الخرسانة وفوقها خط الطابوق وبعدين الخط الأسود عبارة عن بتومين رول وبعدين يستحسن نحط بلاستيك سميك ويكون ملصوق بلاصق مب مضروب بمسامير .. وأي فتحات في الخرسانة قبل لنحط الرول لازم نسدها عدل لو باسمنت قوي زين ونضبط أي مكان بارز ممكن يخدش العازل .. بعد البلاستيك نركب لوح بلايوود حتى لو 3 ملم لحماية البلاستيك والعازل

بعدها نبدأ ندفن بالكنكري أو قطع حصى بين 1 سم و 6 أو 7 سم وهذي نحصل عليها من غربلة الدفان اللي بنحتاجه للدفان بعدين لمناطق عدة في الحوش

طبعاً قبل نكون مسوين سيستم التصريف ومغلفين البايب بقماش خاص يسمح بمرور الماء ولا يسمح بمرور الرمل والطين وبالتالي يسد البايبات .. الحجر كذلك يخلي الماء ينزل ولا ينقع جنب الجدار ويوصل للبايب ويجري فيه حسب الجاذبية والميلان لين يوصل لين خزان محفور له

http://i.imgur.com/uc6NgrU.png

لو نبغي عزل مضمون ومتخوفين من المياه الجوفية نمدد البايبات تحت أرضية وأساسات البيسمنت قبل عملها وندفن بالحجارة كذلك أو الكنكري .. والجوانب الخوف منها أكثر لكن الإحتياط أفضل والتكلفة ولا شيء .. بايبات الصرف الصحي 4 إنش بطول 20 متر ما توصل 100 ريال والقماش بعد رخيص ومتوفر منه أنواع في السوق وينحط في طبقات العزل فوق .. البايبات كلها تصب في منهول كبير وفيه مضخة رفع مثل المضخات العادية لتوانكي الماء مع عوامة تشتغل لو انملا الخزان وللزراعة أو لحفر امتصاصية بعيدة أو للصرف الصحي أو لخارج البيت

وهذا توضيح مبسط للشبكة وكذلك كيف نقدر نسوي الأرض نازلة في مكان في الحوش منها تكون لنا منور وحديقة نازلة ومنها يكون مكان لصيانة وتنظيف المنهول لو دعت الحاجة

http://i.imgur.com/jhAHazp.png

[معماري قطري]

في أسوأ الأحوال لو كان المطر قوي وانملت الأرض حول المنهول التصريف بياخذ وقت لكن الحل عملي ومستخدم في اوروبا في الثلوج والأمطار هناك

[land]

بلكونات نازلة بدال ما تحفر وتبني وتدفن تخلي جوانب معينة بعرض معين وعمق معين منور مفتوح كحديقة نازلة .. تقدر تسويها مثل الكسرة داخلة على داخل وفيها درايش وتسكر من فوق بشبك حديد مثل مباني اوروبا على الشوارع وما ادري شاشتراطاتها عند التخطيط لكن شفت واحد مسويها وشفت واحد مسوي حوض سباحة في البيسمنت ومسوي نصه في بلكونة مفتوحة



جزيل الشكر على الشروح الوافية والمفيدة.

عندي سؤال بخصوص الاقتباس .. هل البلكونات النازلة المقصود فيها القبو اللي بباب خارجي (Walkout Basement)؟

[معماري قطري]

جزيل الشكر على الشروح الوافية والمفيدة.

عندي سؤال بخصوص الاقتباس .. هل البلكونات النازلة المقصود فيها القبو اللي بباب خارجي (Walkout Basement)؟

العفو يا اخوي

نعم نفس المقصود وهذي حتى بعرض 1 متر ممكنة وتكون للانارة والتهوئة ولشوية زراعة متسلقة على الجدارن .. 2 متر بتكون مكان جلوس نازل وخاص وحتى بدرج بسيط تستوي مدخل ثانوي أو مهرب طواريء

[land]

العفو يا اخوي

نعم نفس المقصود وهذي حتى بعرض 1 متر ممكنة وتكون للانارة والتهوئة ولشوية زراعة متسلقة على الجدارن .. 2 متر بتكون مكان جلوس نازل وخاص وحتى بدرج بسيط تستوي مدخل ثانوي أو مهرب طواريء


تسلم عالرد الوافي أخوي ما قصرت

راح نستفسر من وقت لآخر خلال هذه السنة كوننا ننوي شراء أرض وبناءها، فإن شاء الله بنستفيد من هالمرجع القيّم وبقية المواضيع والله يجعله في ميزان حسناتكم ويوفق الجميع

[معماري قطري]

تسلم عالرد الوافي أخوي ما قصرت

راح نستفسر من وقت لآخر خلال هذه السنة كوننا ننوي شراء أرض وبناءها، فإن شاء الله بنستفيد من هالمرجع القيّم وبقية المواضيع والله يجعله في ميزان حسناتكم ويوفق الجميع

الله يسلمك ويبارك فيك ويسهل أُمور الأرض والبنيان

حطيت يوتيوب يشرح الطريقة بعد قبل في يوتيوبيات البناء .. وأي استفسار أو مساعدة في التصميم انا حاضر .. حتى صدقني المقاولين اللي اتعامل معاهم على درجة عالية من المهنية وأوقات اتواصل معاهم واعاتبهم إنهم يحطون أسعار عالية تشرد العملاء .. يعني متابعتي في الغالب دائمة خصوصاً للي يتواصل معاي ويتابع