عيد الهالوين .. عيد الشيطان

[قطريه ماركه]

المعاني المسيحية للهالوين

omen:wizard:



اسمه هو اختصار لعبارة
" All Hallows’ Eve "

أي " ليلة جميع القديسين " ، أي الليلة السابقة لعيد جميع القديسين في التقويم الغربي.

وكلمة
" Hallow "
هي كلمة قديمة إنكليزية جداً تعني " القداسة ". ولهذا يدعى " ليلة جميع القديسين

Day of all Hallows أي Day of all Saints ".
فالهالوين في المعنى المسيحي هو الليلة السابقة لعيد جميع القديسين الذي يصادف في الأول من تشرين الثاني نوفمبر حسب التقويم الغربي ( حسب التقويم الشرقي تحتفل الكنيسة الأرثوذكسية في الأحد التالي لعيد العنصرة بعيد جميع القديسين ). بدايات هذا العيد تعود إلى الفترة عندما كانت روما وأوربا لم تزل أرثوذكسية وكانت تسبق العيد احتفالات تقليدية في الليلة السابقة له.


الممارسات الغامضة والغريبة في هذه المناسبة تعود في أصولها لشعب السلتيك Celtic People الذين عاشوا في الجزر البريطانية. ولهذا السبب كان حتى الزمن القريب يجري الإحتفال بالهالوين كعيد " للرعب " في بريطانيا والولايات المتحدة وبعض الدول التي تنحدر شعوبها من أصول وثقافة بريطانيتين. ومنذ أمد ليس ببعيد بدأت التقاليد المعروفة للهالوين من أشباح وسحرة تنتشر في البلاد الأخرى.


ويحتفل له في فصل الخريف. وكانوا يعتقدون أنه في يوم عيده فإن أرواح الموتى تجوب الأرض وأنه يجب استرضاؤها لكي لا تصنع شراً. ولتمثيل هذا الطقس كان الناس يزورون البيوت كما تفعل الأرواح ويطالبون باسترضائهم " يجمعون مالاً ". كما كانت تُقدّم التضحيات البشرية في تلك الليلة الرهيبة.




الخلاصة :

هذه الاحتفالات لا تمت للاسلام بصلة و لكن نراها موجودة في جميع المجمعات التجارية و المحلات الكبيرة
بدأت الاستعدادات لها و تزينت واجهات المحلات بتلك الأشكال الغريبة !!

ف متى نرى وقفة جادة لتلك الظاهرة !!

لا للاحتفال بأعياد الكفار

[راجي الْعفو]

الله يجزاج خير

الحذر الحذر من اتباع سَنَن اليهود و النصارى و الكفرة

[قطريه ماركه]

الله يجزاج خير

الحذر الحذر من اتباع سَنَن اليهود و النصارى و الكفرة

و يجزاك بالمثل
صح يا اخوي الخوف من تقليد و اتباع الكفار عن جهل

[ضوى]

بصراحة ماشفت مظاهراحتفال بهالخربوطة شفتيها بمكان اختي قطرية ؟ متسببة ابي ابلغ عنهم

[مستـريــح البـــال]

لا يكون بعد يحتفلون بها في المدارس الاجنبية !!!! :anger3:

[راجي الْعفو]

لا يكون بعد يحتفلون بها في المدارس الاجنبية !!!! :anger3:

اي نعم ، شرايك ^_^

الاخ كاريزما نزل موضوع بهالخصوص


صرنا نحذر من امور ما كنا نعرف رقعة وجهها في السابق !!

[مستـريــح البـــال]

اي نعم ، شرايك ^_^

الاخ كاريزما نزل موضوع بهالخصوص


صرنا نحذر من امور ما كنا نعرف رقعة وجهها في السابق !!

تباً ،، :eek5:

الله يكافينا الشر ..

[R 7 A L]

انا حالياً في امريكا واليوم وحدة امريكية تقول لي الاثنين الجاي 31-10 فيه عندنا*عيداسمه
الهاليوين ماتعرفونه
قلت نعرفه
استغربت قالت مع انه عيد خاص لنا حنا هل امريكا وكندا شلون تعرفونه
انا سكتت وقلت في صدري هذي ماتدري ان عندنا ناس يحتفلون فيه
والشهر الجاي يحتفلون بالديك الرومي من غير راس السنه بس خليتها ماقلت لها

[قطريه ماركه]

بصراحة ماشفت مظاهراحتفال بهالخربوطة شفتيها بمكان اختي قطرية ؟ متسببة ابي ابلغ عنهم

اي ضوى شفتها
مخصصين لها جزء كبير داخل اتش اند ام اللي ف فيلاجيو
و محل تجهيز الحفلات و اجهة المحل اليقطينة العوودة

[قطريه ماركه]

انا حالياً في امريكا واليوم وحدة امريكية تقول لي الاثنين الجاي 31-10 فيه عندنا*عيداسمه
الهاليوين ماتعرفونه
قلت نعرفه
استغربت قالت مع انه عيد خاص لنا حنا هل امريكا وكندا شلون تعرفونه
انا سكتت وقلت في صدري هذي ماتدري ان عندنا ناس يحتفلون فيه
والشهر الجاي يحتفلون بالديك الرومي من غير راس السنه بس خليتها ماقلت لها

تلقاها تدري بس تستعبط
اللي ف اتش اند ام اغلبهم امريكان يتشروون هم و عيالهم
اكيد وصلهم الخبر انه اهني يشوفون مظاهر الاحتفال و تتوفر لهم المشتريات مثل بلادهم و أحسن بعد

[ya3coub]

لا يكون بعد يحتفلون بها في المدارس الاجنبية !!!! :anger3:

من ايامي المدارس و الجامعات و الكليات للعلم غير الحفلات الخاصه الي بسكن الطلاب و فبعض الأماكن.

و الحين شلل الخراب الي الحقوهم اخر كم سنة فأماكن معروفه فالدولة بدون ذكر و الفنادق

اتمنى التشديد فمثل هالأشياء الي يكثر فيها اللممنوعات ايضا مو حبا فالهالوين او غيره في فئة تبي اي شي علشان يستمتعون و يربطونه بالأجانب و انه شي فالعالم كله و من هالكلام


------

القرنقعوه في ناس اتقول عنه حرام سنويا !!!
هاي يعتبر قرنقعوه رعب عندهم

بس عند البعض عبارة عن حفلات بمكياج لبس "افلام الرعب"

والله يسهدي و يستر عالجميع يا رب و الي يمولون و يقصون على عيالنا و يسحبونهم للخراب عسا ينفضحون و يكونون عبره لغيرهم يا رب

[R 7 A L]

اهم شي انتبهوا اذا شفتو القرع ( اليقطين )
لعبتهم ههههههه

[الحياة الخالدة]

لا يكون بعد يحتفلون بها في المدارس الاجنبية !!!! :anger3:
ههههههههههه الحين بيقولون لك اللي ما يبي لا يشارك عياله في هالاحتفال
دفاع مستميت عن أصل الخراب

[قطريه ماركه]

اهم شي انتبهوا اذا شفتو القرع ( اليقطين )
لعبتهم ههههههه

اذا شفناه بناكله عنهم :nice:

[الحياة الخالدة]

اذا شفناه بناكله عنهم :nice:

إي والله شحلاته .. احنا شعلينا منهم ومن عيدهم الخايس
ربطوه فيه وهو ماله خص

[ضوى]

اي ضوى شفتها
مخصصين لها جزء كبير داخل اتش اند ام اللي ف فيلاجيو
و محل تجهيز الحفلات و اجهة المحل اليقطينة العوودة

حسبي الله عليهم سبع التحاسيب ، وين المسؤولين ؟ شي عادي هاي ؟

[قطريه ماركه]

إي والله شحلاته .. احنا شعلينا منهم ومن عيدهم الخايس
ربطوه فيه وهو ماله خص

صااااجه :victory:

[قطريه ماركه]

حسبي الله عليهم سبع التحاسيب ، وين المسؤولين ؟ شي عادي هاي ؟

عااادي امام اعين الناس
و بعد تهاني الخليج :omen2:

[طلعة الروح]

انا بعد شفت يقطينة كبيره في هايبرماركت صوب الخضار وربطت هالشي بموسم احتفال لهم

[العقل المدمر]

من وانا صغيرة اشوف كل سنة يبيعون اغراض احتفال هالوين وكرسمس وفالنتاين وغيرهم
وكل سنة تزيد هالمحلات والاغراض ما تنقص
واشوف المسلمين يحتفلون بهالخرابيط
وسمعت ويا رب يكون غلط ان البعض يسافرون حق هالاحتفالات خصوصا الكرسمس

[SULTAN KSA]

ما خلاها تنتشر في منطقتنا الا ربعنا اذا راحو لامريكا وجا وقت عيد الهالوين لبسو عيالهم لبس الهالوين ومع الخيل ياشقرا وشوي شوي يتعود عليها الشعب ويصير شي عادي

[سعود.]

ما خلاها تنتشر في منطقتنا الا ربعنا اذا راحو لامريكا وجا وقت عيد الهالوين لبسو عيالهم لبس الهالوين ومع الخيل ياشقرا وشوي شوي يتعود عليها الشعب ويصير شي عادي

صدقت ياسلطان

حنا ماضيعنا غير التشبة بالغرب على اساس انة تحضر وتصير cool . والبعض صار ينحرج من تراثة ومبادئة .

[بصمة قطرية]

لا يكون بعد يحتفلون بها في المدارس الاجنبية !!!! :anger3:

يس يحتفلون
و تاس مستانسين مصورين عيالهم و هم يحتفلون بهاليوم ..!!
الله لا يبلانا ..

[مخطط قطري]

99% من المدارس الاجنبيه العامله بقطر تحتفل بهذا العيد منذ سنوات وتروج له

[بانغ بانغ]

سبب ازمة فعلية هالعيد في امريكا والمتنكرين

بيسوون فلم عنهم بيجهز العام الجاي يتناول المهرجين اللي قتلوا ناس من الفضاوة

في سعودي طاحوا فيه ضرب يبي ايخرع الناس ولابس مهرج

[ya3coub]

المدينة التعليمية بجامعه جيورج تاون حاطين مجسمات و اشياء عن الهلوين و باقي الجامعات

و خصوصا الجامعه الهولندية للسياحة معروفه بإحتفالاتها القوية للهالوين سابقا

[طلعة الروح]

سبب ازمة فعلية هالعيد في امريكا والمتنكرين

بيسوون فلم عنهم بيجهز العام الجاي يتناول المهرجين اللي قتلوا ناس من الفضاوة

في سعودي طاحوا فيه ضرب يبي ايخرع الناس ولابس مهرج

اعوذ بالله إمحق عيد اذا هذي السالفه

[سالم الزهران]

اغراض الهالوين و الاقنعة حق الاطفال و البمبكينز والكستيومز كلها في المولات ، لمااااذا ؟

لأن لها زباين و اللي يحتفل بعيد الميلاد لا يجي يقول لنا " الهالوين لا " كلهم سواء ،، خذهم كلهم او اتركهم كلهم

مع الاسف على بعض المسلمين

[طلعة الروح]

اغراض الهالوين و الاقنعة حق الاطفال و البمبكينز والكستيومز كلها في المولات ، لمااااذا ؟

لأن لها زباين و اللي يحتفل بعيد الميلاد لا يجي يقول لنا " الهالوين لا " كلهم سواء ،، خذهم كلهم او اتركهم كلهم

مع الاسف على بعض المسلمين

طيب ليش مانكون واقعيين ومنطقيين ونقول الزباين أجانب يدينون بديانة تحتفل بهذه المناسبات بشكل طبيعي في ثقافاتهم

3/4 السكان اجانب وديانات أخرى

[سالم الزهران]

^
نفس المحلات في دبي و الدوحة و جدة ،،، من يسمح بلوحة محل يكون عنوانها Rituals

والله يا اخت طلعة اهلكنا انفسنا بهذولا الاجانب ،، عندي طفلة عمرها احدعش سنة تسألني اسئلة

اتمنى لو يجتمع وزير التجارة و الشؤون الاسلامية و معهم عبدالله الجبير بعد و يقدرون يجاوبونها على بعض اسئلتها !

" امس تسألني عن صليب موجود على لعبة ؟ "

السماح للاجانب بجلب بضايعهم بداية من الملابس ونهاية بالغراش بنجني ثماره حنظل و علقم

[طلعة الروح]

^
نفس المحلات في دبي و الدوحة و جدة ،،، من يسمح بلوحة محل يكون عنوانها Rituals

والله يا اخت طلعة اهلكنا انفسنا بهذولا الاجانب ،، عندي طفلة عمرها احدعش سنة تسألني اسئلة

اتمنى لو يجتمع وزير التجارة و الشؤون الاسلامية و معهم عبدالله الجبير بعد و يقدرون يجاوبونها على بعض اسئلتها !

" امس تسألني عن صليب موجود على لعبة ؟ "

السماح للاجانب بجلب بضايعهم بداية من الملابس ونهاية بالغراش بنجني ثماره حنظل و علقم

صدقني صعبه يمنعون باسم حرية الاديان وتعدد الثقافات
الدوله مثل ماضفتهم ملتزمه بأمور نفس هذي وبيقولك
كل واحد يحترم دين الثانى وماله خص بديانة غيره شلون وكيف
أما ان بنتك شافت الصليب ع اللعبه اول شي ننتبه من هالألعاب وماناخذها اذا اشتبهنا في تفاصيلها وثانى شي البنت لازم نفهمها معنى هذه الرموز وان هذا رمز يخص ناس من ديانة أخرى لاتمت بصله للاسلام ولا يجوز استعمالها من قبلنا

[سالم الزهران]

صدقيني يا طلعة البنت الله يحفظها و عيال المسلمين فاهمة و تكره هالاشياء احدعش سنة ، بس تخيلي اقولها ( الدولة ملتزمة بحرية الاديان ؟ ) ، الدولة مخطئة مليون في المية ! امس كنا بدبي و الاولاد يقولون ( يبا كل شيء هنا مسوينه الاجانب ؟ يبا انت بتقابل اماراتي ؟ قلت (لا ) صديقي اللي كان في البنك الاهلي باستشيره ! قالوا : قلنا لك:secret: ( اولادي عندهم موقف سلبي من بعض الجنسيات العربية من الحين !!!)

مقصد الاطالة لكن ابنائي و ابنائكم في ظل العولمة السلبية ما عندهم غير يمين أو شمال مافي حل وسط والله يتولانا.

[الماريّة]

ووووويه عيل بخلصون علينا القرع من سوق الخضره

^_^

انا احبه واجد خل اروح اخذ لي قبل يخمونه كله

وبخصوص الموضوع للاسف كثرت الاحتفالات التي ليس لها اي صله في دينا الاسلامي ولا عاداتنا

الله المستعان

[يمامـة]

الخمور

الديسكوهات
الفالنتاين داي
الكريسمس
راس السنة
الهالويين

كلها أمور غربية دخلت البلاد لوجود الأجانب فيها..
قبل عشرين سنة كانوا يخافون يحتلفون علنا.. اليوم يستقبلون
الكريسمس من شهر 9
والهالويين حسب ما هو مكتوب في الموضوع قاموا يبيعون له ملابس..
وعيد العشاق او الحب كلنا نعرف ان البنت تهدي ابوها ورد بمناسبة عيد الحب( تبا للجهل والتقليد الاعمى)

فلو تساءلنا من المسؤول عن كل هذا.............> هل نتهم الاجانب؟

ولا الدولة بما فيها الجهات المعنية هم المسؤولين في بيبع مثل هالامور؟

سؤال اوجهه لكل ذي عقل حكيم..
وشكرا لكم

[طلعة الروح]

الدوله فتحت الباب على مصراعيه للوافدين بثقافاتهم المتعدده واحنا شعب بسيط ومحافظ (ع الاقل اتكلم عن نفسي) في أمور اتقبلها وفي امور اشمئز منها حالي حال أي مواطن متواضع

[طلعة الروح]

الخمر: ضد تواجده جمله وتفصيلا لانها سبب كل الخبائث الأخرى واللي حاصله في الديسكوات لأن للأسف تدخل في كل احتفال لديهم وفي ديانتهم ماعندهم تحريم او شي يقيدهم بخصوص الخمر ف المسأله عويصه والدوله لازم تشوف لها قانون واضح في تنظيم المسأله بلاش ندفن راسنا ف التراب
وأي شي غير الخمر ومحرم في الاسلام يفكونا منه الخمر بالذات مافيه شبهات يايكون خمر ياما يكون خمر

[بانغ بانغ]

ووووويه عيل بخلصون علينا القرع من سوق الخضره

^_^

انا احبه واجد خل اروح اخذ لي قبل يخمونه كله

وبخصوص الموضوع للاسف كثرت الاحتفالات التي ليس لها اي صله في دينا الاسلامي ولا عاداتنا

الله المستعان

الحقي عليه

قطرمان خلصه من كارفور

[الوسيط العقاري]

اين الجهات الحكومية من عيد الكلاب ؟

[ضوى]

ووووويه عيل بخلصون علينا القرع من سوق الخضره

^_^

انا احبه واجد خل اروح اخذ لي قبل يخمونه كله

وبخصوص الموضوع للاسف كثرت الاحتفالات التي ليس لها اي صله في دينا الاسلامي ولا عاداتنا

الله المستعان

مكود في الميغا مارت احجام واشكال

[المحاميه]

الوضع مؤسف

اللي قاعد يصير فعلاً شي محزن

على جدام بيزيد الانفتاح وبتصير هالحفلات الماصخه شي عادي ..

الله يثبتنا ..

كل محل حاطله سكشن للهالوين .. وين قاعدين .. عسى ماشر؟!؟

استغفرالله ..

[المحاميه]

اين الجهات الحكومية من عيد الكلاب ؟

أين الجهات الحكومية .. واين التجار .. من البضاعة اللي منتشرة في المحلات بشكل علني؟؟؟
تعالوا احتفلوا .. على ساس انه عيدنا!!

ماشوفهم في بلادهم .. عبروا اعيادنا .. حسبي الله عليهم ..
مادري لين متى بنتم اندور رضاهم .. :anger1:

[R 7 A L]

أين الجهات الحكومية .. واين التجار .. من البضاعة اللي منتشرة في المحلات بشكل علني؟؟؟
تعالوا احتفلوا .. على ساس انه عيدنا!!

ماشوفهم في بلادهم .. عبروا اعيادنا .. حسبي الله عليهم ..
مادري لين متى بنتم اندور رضاهم .. :anger1:

انا ما دافع عنهم ولا عن اعيادهم لا بارك الله فيهم لانهم على ظلاله


بس احنا ك مسلمين وفي امريكا بالذات نحتفل بالعيدين ونصلي ولاحد يقول لنا شي

[المحاميه]

^

تحتفل مع نفسك
مانشرنا اغراضنا ف اسواقهم.. ولا تشبهوا باحتفالاتنا ولايدرون عنها ..
يعني احنا نعيد مع نفسنا .. حتى اجازه مافيه ..

اما معاهم الوضع مختلف .. تحصل اغراضهم منثره ف كل مكان .. تدريجيا لين يصير الوضع عادي .. عشان نشتري ونحتفل مثلهم .. واصلا هذا اللي صاير مع الاسف ..

واسمحلي مقارنتك غلط .. يمكن لانك مافهمت شاللي اقصده بالضبط ..
انت تروح المسيد .. هم بعد يروحون الكنيسه ويشربون خمر ووو الخ ..

[R 7 A L]

^

تحتفل مع نفسك
مانشرنا اغراضنا ف اسواقهم.. ولا تشبهوا باحتفالاتنا ولايدرون عنها ..
يعني احنا نعيد مع نفسنا .. حتى اجازه مافيه ..

اما معاهم الوضع مختلف .. تحصل اغراضهم منثره ف كل مكان .. تدريجيا لين يصير الوضع عادي .. عشان نشتري ونحتفل مثلهم .. واصلا هذا اللي صاير مع الاسف ..

واسمحلي مقارنتك غلط .. يمكن لانك مافهمت شاللي اقصده بالضبط ..
انت تروح المسيد .. هم بعد يروحون الكنيسه ويشربون خمر ووو الخ ..

العيب والخلل والغلط منا احنا
احنا الي سمحنا لهم وكلنا مشتركين في الخطا

[المحاميه]

^

ايه احنا
هذا اللي اقوله

اهني ندور رضاهم وغير جذي فينا عقدة النقص اللي شكلها عمرها ماراح تنحل ..
المفروض نسفه لهم ونسفه حق مناسباتهم .. لانه باختصار ماتعنينا .. واللي مب عاجبه منهم يرجع بلاده ولانشوف رقعة ويهه ..

[بوحارب]

قبل كنت اسمع هالأسم ولا ادري عنه

ولا اعرف شنو هالعيد وايش يسوون

لكن عرفته عدل العام يوم كنت في لندن

وشفت اشياء عجيبة غريبة والواحد يقول الحمدلله على نعمه الأسلام

وللأسف شفت عرب ومسلمين محتفلين معاهم شباب وبنات الله لا يبلانا:omen2:

بس كان الجو ممتع في نفس الوقت لكن الأكشن كان مستمر لييييين في الفجر

خصوصا في البيكاديلي سيكركس

ويبيله نروح هالسنه مع راجي العفو وولد المطاوعه:secret::tease:

[راجي الْعفو]

قبل كنت اسمع هالأسم ولا ادري عنه

ولا اعرف شنو هالعيد وايش يسوون

لكن عرفته عدل العام يوم كنت في لندن

وشفت اشياء عجيبة غريبة والواحد يقول الحمدلله على نعمه الأسلام

وللأسف شفت عرب ومسلمين محتفلين معاهم شباب وبنات الله لا يبلانا:omen2:

بس كان الجو ممتع في نفس الوقت لكن الأكشن كان مستمر لييييين في الفجر

خصوصا في البيكاديلي سيكركس

ويبيله نروح هالسنه مع راجي العفو وولد المطاوعه:secret::tease:

ابي اكون محمول مكفول
ونق لي بدلات من النوع الزين ^_^