حاسبوا يا جماعه الربع..

[qatarman8008]

..

السلام عليكم..
في جماعه شغالين بوق في النعل وانتوا بكرامة عند المساجد..
اليوم انباقت نعالي في صلاة العشاء في مسجد اللاند مارك..
ومن كم يوم سمعت ان كذا واحد انباقت حذيانه في مسجد..
لهذا وجب التنبيه..
طبعا الواحد اش بيسوي عشان مايتعرض للسرقة..
اعتقد ولا شي..
الموضوع فيه ذمة وضمير فقط..
واحد رايح المسجد يصلي ويذكر الله..
وواحد رايح يبوق.. استغفر الله..

[ولد العرب]

وانا نفسك انسرقت نعالي
ورجعت سيارتي حافي :(

[qatarman8008]

انا عطيتها كعابي داخل اللاند ..
تخيل هههه..

[ya3coub]

اقرب محل نعال جديدة و انتو بكرامه

والله يعينكم و يعوضكم

[qatarman8008]

لا انا مشيت للكارفور فقط..

[الرويـس]

الله يعوضك

[النهار]

سو مثلي عندي نعال اسبير في الموتر لاني اكثر من مره صارات معاي اطلع مأحصل النعال

[qatarman8008]

اي بس انا داخل اللاند..
والموتر بعيد..
والكارفور قريب..
ف يمدحون المشي لكارفور..
والمشي مفيد..

[معماري قطري]

وانا نفسك انسرقت نعالي
ورجعت سيارتي حافي :(

يحيك رضيت بالمكتوب

انا اعرف واحد من عيال عمي الكبار كان قاعد يقلب نعالي ويتفكر فيها وقفت اطالعه وقلت له شكلك مشبه هذي نعالي .. قال اخت نعالي بالضبط والظاهر انسرقت نعالي .. قعدت ادور معاه وشفته مل خذ زنوبة وتم يمشي منزل نفسه حتى ثوبه يغطي منحرج مسكين

[معماري قطري]

سو مثلي عندي نعال اسبير في الموتر لاني اكثر من مره صارات معاي اطلع مأحصل النعال

حركات شياب هذي

ما كملت باقي الخطة .. النعال الجديدة تخليها في السيارة والقديمة تلبسها .. واحد الله يذكره بالخير كان لين نزل عند البنيان يروح صوب شنطة السيارة يلبس نعال قديمة

[R 7 A L]

اكثر من مره طلعت ولا حصلتها
قمت اسوي حركة وحدة احطها في صوب والثانية فيه الصوب الثاني
طبعاً الحرامي مستعجل مايقدر يدور ههههههههه

[بوخالد911]

باااال
للحين في ناس تسرق نعل؟!؟!؟
عبالي انقرضت هالسرررقة.

[.قطر.]

وعليكم السلام
انا اروح بنعالي القديمه عشان اضمن محد يبوقها :secret:

[بوNasser]

..

السلام عليكم..
في جماعه شغالين بوق في النعل وانتوا بكرامة عند المساجد..
اليوم انباقت نعالي في صلاة العشاء في مسجد اللاند مارك..
ومن كم يوم سمعت ان كذا واحد انباقت حذيانه في مسجد..
لهذا وجب التنبيه..
طبعا الواحد اش بيسوي عشان مايتعرض للسرقة..
اعتقد ولا شي..
الموضوع فيه ذمة وضمير فقط..
واحد رايح المسجد يصلي ويذكر الله..
وواحد رايح يبوق.. استغفر الله..

هههههه .....الله المستعان

مافيه الا الواحد يلبس طبجتين غير عن بعض (وحده تميمة والثانية فالنتينوا) والا لونين نفس موضة جواتي لعيبة الكورة.

والا مثل نعل حسينوه في درب الزلق،،،، خل الواحد يناتع لين الله يشوف له.



معوّض خير ان شاء الله

[مختلف جداََ]

انا عطيتها كعابي داخل اللاند ..
تخيل هههه..

لو إني موجود كان صكيتك صورة للذكرى هههههه

[مختلف جداََ]

سو مثلي عندي نعال اسبير في الموتر لاني اكثر من مره صارات معاي اطلع مأحصل النعال


أكثر من مره معناته نعلك من النوع الفاخر

النهار قلت لي في أي مسيد تصلي ؟ :tease:

[مختلف جداََ]

اكثر من مره طلعت ولا حصلتها
قمت اسوي حركة وحدة احطها في صوب والثانية فيه الصوب الثاني
طبعاً الحرامي مستعجل مايقدر يدور ههههههههه


هههههه
ياخي انت عبقري

انت داهيه

انت فضيع


هههههههه

[qatarman8008]

لو إني موجود كان صكيتك صورة للذكرى هههههه

انا لاحظت بنتين كانهم كانوا يصوروني..
اي واحد يوصله المقطع يمسحه رجاءا..

[الحياة الخالدة]

انا وصلني .. ومسحته
عقب ما طرشته حق كل اللستة :shy:

[العلياا]

انا عطيتها كعابي داخل اللاند ..
تخيل هههه..

هههههههههههه صعب نتخيل بصراحة

صج احنا ماعندنا بوق بس انا احب اسوي اكشن دايما احطهم باخر رف فوق
والا احط وحدة تحت ووحدة على الرف يعني تمويه هههههه

[العلياا]

اكثر من مره طلعت ولا حصلتها
قمت اسوي حركة وحدة احطها في صوب والثانية فيه الصوب الثاني
طبعاً الحرامي مستعجل مايقدر يدور ههههههههه

نفس تفكيري ههههههه

[طلعة الروح]

والله حرام وغلط المفروض تتوجه كاميرات صوب مدخل الباب او الرف في المساجد واكيد الحرامي بينعرف مع الوقت