آبي آيفون شمعنى رفيجي!!

[pink pearl]

السلام عليكم ورحمة الله،،،


ولدي جاني يبي آيفون عمره 9سنوات، سألته ليش تبي آيفون؟ قال لي كل ربعي عندهم!! يعني الصف كامل عندهم ماعدا اثنين! ومسوين قروب وغير حسابات السناب وكلن يبي يشوف نفسه جدام رفيجه، طيب صحيح حنا يا هل قطر عندنا خير وماعلينا قاصر من ناحية المادة، لكن هل من الصحيح اني أربي ولدي على انه اي شي اطلبه يكون جدامه؟ هل دورنا كآباء وأمهات نشوف هالشي هل بيضر ولدي ولا بيضيف له؟ وهل كل ما طلب شي أعطيناه؟ شنو ممكن الآثار النفسية اللي ممكن نعطي لطفل جهاز مثل الآيفون؟

أتمنى أشوف الآراء وبالذات الآباء والأمهات وهل فعلا تعطون أولادكم آيفون؟

[شبح الصمت]

وعليكم السلام ورحمة الله وبركاته ،،

الخير عندج وعندنا ..

كل ما يشوفوني كانه مكتوب على ويهي اي فون 7 مطفي

واتهرب يمين ويسار وعنده الايفون 5 ..
بروحي ابي اسحب منه التلفون بكبره طول الاسبوع واعطيه اياه نهاية الاسبوع بس ..

ذاك اليوم سحبت منه التلفون وسط الاسبوع قام وحبس لي يقولي ابي اذاكر مع رفيجي يعطيني الواجب بالتلفون

قلت راجع من نفسك لا تعتمد على ربعك وايد ..

قال بتراجع لي صراحة خلاني اتلفت هههههاي

قلت له اوكي بس خلص ورده وخلص ورده مسكين


وغير ذي جاني ربعي رايحين الستي السكيت قلت له مافي قالي ليش ما اروح
قلت له اروح وانزلك واخليك لا يبه مب مخليك
قلت له انا بوديك ووديته والله العظيم جيل مادري شقول
لا حسيب ولا رقيب الصبي الي قاله تعال صراحة ما عليه كلام
بس الي معاه عيال عمه وربعه
وذاك الي يدور في وحده معاه وتلغو وتهاوشو ..


استغفر الله العظيم
قلت زين اني موديه عشان اعرف نوعية الطلاب الي معاه ..

[المحاميه]

عليكم السلام والرحمه ...

أنا اقول عادي عطيه..
لان هي أكثر نقطه بتشغله وبتسببله احراج
ان الكل عنده وانا لا
واكيد وده ينضم حق قروباتهم وحساباتهم..

لاتمنعينه..
حطي شروط وضوابط
وخليه تحت رقابتج ..

بس دامه رغبان فالجهاز ويشوف اللي حوله عندهم وهو لا .. ماراح يحصل تفسير منطقي .. مهما قلتي ..
توكلي على الله .. بس يكون تحت رقابة والدينه ..

هذا رايي ..

[المحاميه]

وعليكم السلام ورحمة الله وبركاته ،،

الخير عندج وعندنا ..

كل ما يشوفوني كانه مكتوب على ويهي اي فون 7 مطفي

واتهرب يمين ويسار وعنده الايفون 5 ..
بروحي ابي اسحب منه التلفون بكبره طول الاسبوع واعطيه اياه نهاية الاسبوع بس ..

ذاك اليوم سحبت منه التلفون وسط الاسبوع قام وحبس لي يقولي ابي اذاكر مع رفيجي يعطيني الواجب بالتلفون

قلت راجع من نفسك لا تعتمد على ربعك وايد ..

قال بتراجع لي صراحة خلاني اتلفت هههههاي

قلت له اوكي بس خلص ورده وخلص ورده مسكين


وغير ذي جاني ربعي رايحين الستي السكيت قلت له مافي قالي ليش ما اروح
قلت له اروح وانزلك واخليك لا يبه مب مخليك
قلت له انا بوديك ووديته والله العظيم جيل مادري شقول
لا حسيب ولا رقيب الصبي الي قاله تعال صراحة ما عليه كلام
بس الي معاه عيال عمه وربعه
وذاك الي يدور في وحده معاه وتلغو وتهاوشو ..


استغفر الله العظيم
قلت زين اني موديه عشان اعرف نوعية الطلاب الي معاه ..

هههههه شر البلية مايضحك ..
مادري شاقول
بس وضعنا من صعب إلى أصعب مع هالجيل .. المشكله البيئة المحطية ممكن تأثر عالياهل وتعطيه أفكار هو في غنى عنها ..

الله المستعان ..

[ضوى]

طبعا لا ، ولا يمكن افكر في نفسيته والا احساسه بالنقص جدام ربعه ، كل شي له وقت واوان مب اوانهم تسع سنين ، ومب لك شي يطلبونه نوفره لهم ممكن نتجاوز في بعض الامور بس فيه امور صعب التنازل عنها او التساهل فيه

لا لا تعطينه توه صغير اساسا عالتلفون فكيف الايفون ؟؟

[حمد بن سعد]

بعض الاباء يشترون لعيالهم هذي الاجهزه الحديثه والي يبتلش الي خايف على اعياله ويحاول كثر مايستطيع انهم مايستخدمونها من البلاوي الي فيها يجي ويقول ليش علان وفلان عنده وان ماعندي.

قاعد عند ناس وجنبي ولدهم الي عمره 9 سنوات تقريبا حطيت عيني على الشاشه لقيته يشوف فلم الباقي تعرفونه .

من المسؤول الاب والام المفروض فيه رقابه عليهم والله هالزمن غير قبل الغرب كثر مايقدر يخرب اخلاق اعيالنا .

حسبي الله ونعم الوكيل


عن نفسي الايباد للويكند فقط وحتى الالعاب بختاري وختيار امهم مش اي لعبه لاكن جوال في المشمش والله يعيني على تربيتهم .

[راجي الْعفو]

فعلا الزمن هذا زمن جهاد !!

تربية البيت اساس في مثل هالامور

نرفض نعطيه ، لو قال كل ربعي عندهم ، نقول له اخوانك ما خذو لما كانوا بعمرك ، ليش تقارن نفسك بربعك ليش ما قارنتها باخوانك ؟

بيقول ما كان عندهم ايفون ، بنقول له كان عندهم جواويل و بليبات وتعتبر في وقتهم مثل الايفون، فنفس الشي

وبعدين ما يصير تقاران في كل شي بالناس الثانيين ، لو واحد برا البيت سوا غلط هل بتسويه يا ولدي و بتقول لانه فلان سواه ؟

احنا نمشي عالتربية الصحيحة ، والحين مو مناسب نعطيك الجوال لان في ناس عندهم افكار مب زينه يخربون دينك و يخلونك ما تصلي و تسمع اغاني و يكونون سبب انك تدخل النار ،هل تبي تحط حماية لدينك و لا ما تبي ؟ فعشان جي ما نعطيك في هالسن


يعني هذا نوع من انواع الاساليب البسيطه اللي يمكن تنفع

والله يهدينا و يهدي العيال جميعا

[لبيبة]

وعليكم السلام ورحمة الله وبركاته،

لأني أم مثلج أحب أشجعج تثبتين على موقفج،

اتخذت قرار اني ما اعطي جوال لحد الدخول للجامعة،

وقلت هالكلام انه قرار لا نقاش فيه،

لا توجد اي ضرورة لوجود الجوال في يدهم،

صحيح اني جبت ايبود وايباد ولابتوب ولكن كلهم تحت عيني،

واعرف اي باسوورد على هالاجهزة،

ولكن ما افتش الاجهزة جدامهم،

اعطيهم حاجز من الخصوصية يحسون انهم يمتلكونه،

وأشجع ان يسألوني اي سؤال في نفوسهم قبل الذهاب لقووقل يبحثون فيه،

لأن الطفل لما يتم السؤال في راسه،

ما راح يتوقف عن البحث عن جواب له الا لما يلقى جواب يشبع فضوله،

وهالشي يخلي الطفل يطلع على اشيا اكبر من فهمه ويفهمها غلط،

أؤيد ان اعطيهم مجال يدخلون النت،

وارفض وجود الجوال في يدهم،

الجوال يتميز ببرامج التواصل مثل واتساب وغيره،

وهي سبب في مضيعة الوقت وتشتيت الذهن المستمر،

كل مواقع السوشل ميديا ارفض انهم يدخلون فيها او يسجلون فيها،

وبالاقناع افهمهم ليش ما اسمح بها،

مرت فترة كانوا يلحون علي يبون سناب،

وضحت لهم ليش ارفضه ورويتهم اني ما ادخله ولا استخدمه،

كثر من الاشيا تغلب مضرتها على منفعتها،

ودورنا كأمهات وآباء ان نقرر ونحمي عيالنا من هذا الطوفان الفاسد،

لما يكبرون ويصيرون اشخاص فاهمين مميزين للخطأ والصح،

ويعرفون وشو اللي ينفعهم واللي يضرهم،

ويكونون أصحاب قرار في حياتهم،

وقتها يكونون على أساس ثابت وقاعدة قوية من القيم اللي تخليهم يعرفون يقاومون الغلط،

لأن الغلط مغري، وصعب أخلي الجوال يهدم اللي أبنيه.

[معماري قطري]

يتراوى لي بعد فترة بنشوف الرضيع يرضع ومشارك في قروبات ويتكركر

[نوفا91]

يتراوى لي بعد فترة بنشوف الرضيع يرضع ومشارك في قروبات ويتكركر



شلون شزيه ههههههههههههه

[بانغ بانغ]

طبعا لا ، ولا يمكن افكر في نفسيته والا احساسه بالنقص جدام ربعه ، كل شي له وقت واوان مب اوانهم تسع سنين ، ومب لك شي يطلبونه نوفره لهم ممكن نتجاوز في بعض الامور بس فيه امور صعب التنازل عنها او التساهل فيه

لا لا تعطينه توه صغير اساسا عالتلفون فكيف الايفون ؟؟

هاي الصح

العاطفة في امور مضرة مب زين

[راجي الْعفو]

يتراوى لي بعد فترة بنشوف الرضيع يرضع ومشارك في قروبات ويتكركر

وصلنا يبوعبدالله

الحين ابو سنه يقعد يفرفر في هالجوال مع اصبعه النتفه ^_^

لا و يعرف الاماكن اللي يبيها ^_^

[بانغ بانغ]

فعلا الزمن هذا زمن جهاد !!

تربية البيت اساس في مثل هالامور

نرفض نعطيه ، لو قال كل ربعي عندهم ، نقول له اخوانك ما خذو لما كانوا بعمرك ، ليش تقارن نفسك بربعك ليش ما قارنتها باخوانك ؟

بيقول ما كان عندهم ايفون ، بنقول له كان عندهم جواويل و بليبات وتعتبر في وقتهم مثل الايفون، فنفس الشي

وبعدين ما يصير تقاران في كل شي بالناس الثانيين ، لو واحد برا البيت سوا غلط هل بتسويه يا ولدي و بتقول لانه فلان سواه ؟

احنا نمشي عالتربية الصحيحة ، والحين مو مناسب نعطيك الجوال لان في ناس عندهم افكار مب زينه يخربون دينك و يخلونك ما تصلي و تسمع اغاني و يكونون سبب انك تدخل النار ،هل تبي تحط حماية لدينك و لا ما تبي ؟ فعشان جي ما نعطيك في هالسن


يعني هذا نوع من انواع الاساليب البسيطه اللي يمكن تنفع

والله يهدينا و يهدي العيال جميعا

اعتبرني اخوك الصغير بو عشرين سنة وتوي ناجح

منكن تهديني واحد

[راجي الْعفو]

اعتبرني اخوك الصغير بو عشرين سنة وتوي ناجح

منكن تهديني واحد

لا الحين تستاهل
رجال و شنب ^_^

[شموخ دائم]

,

,


مرحبا


من أجمل مواضيع اليوم

موضوع طيب جدا ويعاني منه كل بيت


مشكلتنا بقطر الجميع يبي يعيش بنفس المستوى
نفس التلفونات ونفس اللبس ونفس الكماليات ونفس البيوت ونفس الأثاث ونفس السيارات ونفس الألعاب
كوبي بيست من كل بيت
:)

وهناك ( تباين ) وتنوع من عائله الى عائله حسب الظروف
الي تحيط فيه
مثلا أولاد عمه أولاد عمته وقرايبه
اذا صار عندهم تلفونات او ( بطابط ) موتر سيكل
يبي مثلهم


انا اشوف ان السن المناسب 12 سنه ولكن !!

من صف سادس مثلا او خامس حسب الظروف وممكن من صف ( رابع )
بتلاقين اكثر البيوت يعطون أولادهم من هذا السن او هذا الصف
يبتدي الولد يعرف ويطلب أمور كثيره
حسب مايشوف من حوله

ويكون قبله عنده ( ايباد ) العاب فقط

خاصه اذا صار له نشاطات خارج البيت
( الذهاب للنادي )
او أي نشاطات خارجيه
للاطمئنان عليه
بين فتره وأخرى

الرقابه


من الضروري في البدايه مراقبه التلفون والأصدقاء الي معاه
بالواتس اب او وسائل الاتصال الأخرى من سناب
وانستغرام
بين فتره وفتره ناخذ منه التلفون ونسئله منو هذا الشخص !1
ومنو هذا بالسناب
مافي حرج نسئل ونتابع في البدايه
ونحذره من ( الأشخاص السيئين ) ومن الحرام
لازم نزرع بداخله ( حائط صد )
ولازم يعرف اذا شفنا شي غلط ( يسحب منه التلفون )
نضيف له ناس يستفيد منهم في السناب
ناس تتكلم شي مفيد ومسلي بنفس الوقت
يناسب عمره
بدل ( اليهال ) والاستهبال الي يشوفهم طول اليوم


( تحديد وقت )

أوقات المذاكره وحل الواجبات يسحب منه التلفون من العصر الى المغرب
حتى يتعود على اهميه الوقت
المذاكره لها وقت
والراحه والتلفون والتسليه لها وقت
حتى صلاه العشاء للايام العاديه
وينام
ولاباس يتاخر شوي في الاجازات


وتدريجيا نكون حطيناه على الطريق الصحيح
ويعرف ان في شي مسموح وشي ممنوع


واعترف بصعوبه ( المتابعه ) ولكن لابد نبذل جهد بهذه الفتره العمريه
لانه يتعرف لكل شي ومن الضروري نكون قريبين منه

,

,

[معماري قطري]

وصلنا يبوعبدالله

الحين ابو سنه يقعد يفرفر في هالجوال مع اصبعه النتفه ^_^

لا و يعرف الاماكن اللي يبيها ^_^

عاد تخيله شوي الا عاض التلفون

تعالوا تلفوني حطيته على الكمبيوتر يسوي تحديث وسوى الكمبيوتر رستارت بروحه وعلق التلفون شالحل معاه لا يبند ولا شيء شاشته بيضا وفيها التفاحة

[سالم الزهران]

شف ونا خوك ،، جرب مرّة تجيب له طلب و مرّة لا

يعني طلب ايفون وجبت له ،،، وشفته يراعي دروسه و يجاوبك اذا دعيته ، اعرف انه يستاهل

لو اخل بالموضوع ،، انتظر شوي بيكسر جهازه و بيجيك يطلب ذاك الوقت تقول ( لا ) و هو عارف ليش .

والله ودي يقول جبي لي جمل و لا يقول جوال ،، لانها تلهيهم و تعلمهم الامور الشينة

لكن هذا نحن في المول ، تلقاني بمحل احذية ونت بالكرامة و هم في محلات أبل و إيماكس وطقتها

هذا اللي اسويه انا و ربك اللي يستر

[يمامـة]

الموضوع يا بينك يختلف من بيت لبيت..

اليوم الايفون بحد ذاته ما يفصل الطفل عن العالم الخارجي..
فوجود الايباد و الايبود والكمبيوتر المحمول او الدسك توب ممكن يقومون بمقام الايفون
او أي جهاز خلوي ثاني من أي ماركة ثانية.. في مواقع التواصل ممكن التسجيل فيها من غير شريحة الجوال
وهناك تطبيقات تواصل ما تبي ارقام تلفونات.. مثل الكييك.. والتانغو.. والهناج اوتس وغيرهم..


الأهم في الموضوع انج لازم تدركين انتي كأم شنهو حدود سيطرتج على الأوضاع في البيت..

بمعنى.. خذتي له ايفون مثله مثل ربعه ( ما اشوف هالشي غلط دامه عنده ايباد و ايبود وغيره)
لكن هل ممكن يتعاقب وينسحب الجوال منه لو اساء استخدامه واهمل دراسته؟
هل ممكن تسحبين الايباد منه؟

ومن ثم تشوفين الوضع في البيت كله.. اليوم هالواحد من عيالج طلب الايفون.. كم طفل وراه؟
وهل بتقدرين تسيطرين وتراقبين واتابعينهم كلهم؟

هالشي انت الوحيدة اللي ممكن تقررينه..

للأمانة صغيري الوسيم بو 13 سنة الله يحفظه ويحفظ لكم عيالكم عنده جوال من عام 2010
وبالفعل وجود الجوال في يده طوره بشكل كبير ولله الحمد تكنالوجيا مقارنة مع اخوانه اللي اكبر منه..
لكن مواقع التواصل والخرابيط والضحك والعبط والمصخرة اللي فيها( هذي ما تعجبني) وما عندي مانع
استخدم سلطتي في منعها او سحب الجوال او أي جهاز ذكي ثاني.. ومع هذا عنده اشتراكات في كل مواقع
التواصل المشهورة( واخوانه يحيطون فيه )..

فهل ممكن اشجعج تعطين ولدج الايفون مثل ولدي؟

بقول لج الأوضاع تختلف من بيت لبيت ومن طفل لطفل في البيت الواحد..
وانت الوحيدة اللي ممكن تقدرين قوة سيطرتج على التحكم في زمام الأمور في مثل هالاوضاع..

[يمامـة]

وصلنا يبوعبدالله

الحين ابو سنه يقعد يفرفر في هالجوال مع اصبعه النتفه ^_^

لا و يعرف الاماكن اللي يبيها ^_^

أي والله صدقت..

يا حلوها أصابعه الله يحفظه وهو ماسك الجوال ويفرفر فيه ويسكره ويبطله
ويختار التطبيق اللي يبيه.... سبحان الله صج العلم بالتعلم..

[طلعة الروح]

على أيامنا ماعرفنا النت والجوال غير سنة أولى جامعه

الزمن تغير وكل جيل له متطلباته وتحدياته

[طلعة الروح]

لكن انا ضد ان الولد كل شي يطلبه يحصله وبدون حسن تفكير من قبل الاهل جي بتصير حياته بايخه وسهله وسطحيه
واستهلاكية اكثر من أي شي ثانى أعطية هدية اذا شفته يسوى زين في دراسته لكن تعال أبي وابي وغيري عنده وانا ليش ماعندي نفسه أفهمه ان مالك خص بغيرك وانت احسن بوايد من غيرك انك تاكل وتشرب وتدرس وتطلع غيرك مب لاقي هالاساسيات في حياته ولازم تحمد ربك وتشكره ع الي عطاك

[Dana’1]

بغض النظر عطيتيه جوال أو لاا
مبدأ فلان عنده وماعندي غلط والاطفال يستخدمونه كثير وحتى بعض الكبار

الافضل قد ما نقدر لو بنعطيهم او نوفر لهم شي نفهمهم مو عشان فلان عنده ،، أنا اوفره لان أقدر عليه وأشووفك تحتاجه

بالتوفيق

[كيلو حديد]

يذكر عن جابر بن عبدالله أنه قال : رأى عمر بن الخطاب لحما معلقا في يدي فقال : ماهذا ياجابر ؟ قلت اشتهيت لحما فاشتريته . فقال عمر : أو كلما اشتهيت اشتريت ياجابر ! ماتخاف الآية أذهبتم طيباتكم في حياتكم الدنيا .


هذا الكلام من صحابي عظيم لآخر
فما بالك بتوافه الحياة التي غزت كل جوانب حياتنا

لا تشتري له ..
وإن اشتريت فضع له جدول مناسب و وقت مناسب لا يتجاوزه ولا يزيد عنه ..

التربية ليست توفير كل ما يرغب به الإبن وإنما بناء شخصية تعرف قيمة الأشياء كلها معنوية و مادية
و من المصائب أن يربى الأبناء على أن قيمتهم مبنية على أن توفر لهم ما لدى غيرهم .. مصيبة كبرى

[لـبـيـه]

عطيه وراقبيه