خبراء سيلين و العنن رجاء النصيحة مهم جدا

[fantasy]

السلام عليكم شباب
رجاء لا تبخلون علينا بالرد المناسب و مفاد الموضوع اخترنا مكان حلو بس للاسف كموقع فقط لان تربته متعبه و هي من النوع اللي فيه الرمل الابيض اللي من تمشي عليه غبار يقوم
طبعا في حل ننقل مكانا لمكان تربته رطبه او رمل نقيان مايتطاير رمله
لكن اللي بسألكم هل العمليه مجدية لو جبنا آلية تدفن المكان برمل الطعس لان الطعس يحدنا من جهتين و كم ممكن التكاليف
والله الرمله تعبانه كلش و احاتي الوضع خاصه اللي بيجينا و فيه ربوووبيتعب وتدرون توا بادي الموسم
منتظر ردودكم ولا تهونون والله يحفظكم

[معماري قطري]

الدفان ممنوع ومحذرين منه البيئة خايفين يخلص الرمل

[توشيبا]

انتبه تدفن قبل تجي البيئه وتدفن عنتك

انقل افضل لك

[غريب الدّار]

نصيحة اخوي اذا كان الموقع سئ النقل افضل

وحاسب من سالفة الدفان

[بانغ بانغ]

يعني خلصت الاماكن قاعد فوق رمل ابيض

شنو اتدور يورانيوم يعني !

يبا غير مكانك واعزمننا معك

[وسمي2016]

عطنا الاحداثيات خلنا نشوف هالموقع ,,,,,اذا ممكن :nice:

عسى ربي يوفقك في حلك وترحالك:victory:

[MAZEN37]

طعوس حولكم وعنتكم على رمل ابيض شلون
مافي اماكن كذا الا اذا كنتوا على صبخه

[نجم سهيل]

السلام عليكم

جربوا رشوها بماي رش خفيف وان مافادت يفيدونك الاعضاء ان شالله والا مالكم الا تنقلون

[ya3coub]

جيب دنكر ماي و خل يرش المكان باكامل


شكلك حصلت خوش مكان قبل كنا نخيم عند طعس العائلات بس حاليا بعد التوقيع و سنة عن سنه المكان يزيد زحمة.

نصيحه قبل ما تطير الأماكن اقبض مكانك اسبوع او اسبوعين على خفيف لا تنصب إلا خيمه او ثنتين و بعدها شوف لما الناس تخلص مكان فاضي لأن ما تسوى عليك تروح و يطلع مكان احد صارله سنين الي سمعته بأن الأولوية الي كانو بنفس المكان حسب الإحداثيات

[بوخالد911]

ماعندي خبر.

[aloosh]

انقل اذا عندك مجال وعادهم في البدايه ترى بعد شهر ما راح تحصل محل زين كلش

[fantasy]

بداية اشكركم على التفاعل والله فيكم الخير يا شباب, اشكر اللي حذروا من الدفان و خذنا بنصيحتكم بالفعل وابشركم حصلنا مكان قريب منه يعنيماتعنينا النقل اللهم موضوع شل و حط بالفعل كان متعب لكن قدر الله و ماشاء فعل طلعنا باقل ضرر
بانغ بانغ ياخي انت سلبي بس حياك معزوم و ماتدفع رسوم بعد و نسويلك كيمة و شباتي مل هذا عشان نسويك ايجابي يالطيب
وسمي 2016 تسلم فديتكم ماقصرت على مساهمتك, اخوي مازن شاقولك العتب على النظر بس اقولك حول المية متر المكان الزين واحنا اقولك مختارين الرمله البيضا لكن الله يهدا الشباب سوء نظر و ورطونا لكنها بفضل الله انحلت
موضوع الماي كانت فكره لكنها رقعه كبيره صج اذيه بتكون
مشكورين يا منتدى الطيبين والله يوفق الجميع يارب

[qatarman8008]

شوف اخوي ..
الامامن الزينه هي كثيرة..
اخر شي.تفكر تسويه هو انك تدفن..
لانه تكلفة وبيطير مع الهوا عقب.كم اسبوع..
غير مكانك واعزمنا..

[QtrGate]

اتوقع تقصد المكان الي عند دوار كيوكم. بداية سيلين

من خمس سنين نصبنا فيه وتعبنا من الغبار والتغريز ودخان المصانع وكان الطعس مسرح للدراجات :weeping:
وكانت فكرة ان نشيل العنه ونغير مكانا جداً متعبه فكملنا لين نهاية الموسم


أشكر فيكم إنكم غيرتو المكان وعندكم هاي الهمه العاليه
لان اصعب شي الشيل والنصب من يديد