المساعد الشخصي الرقمي

مشاهدة النسخة كاملة : الصناعات 250 ..لايفوتك!


غاوي مشاكل
26-05-2005, 04:59 PM
متى!


لاني متعلق على 250!


يأهل الشهامة....قولولي؟!
الشراكة
26-05-2005, 05:04 PM
أن شاء الله على بداية شهر سبعة بتكون بين 160 و 150 ريال وتتصاعد بأذن الله لين عند دخول شهر 2 بيكون سعرها في 200 أو أكثر ...
غاوي مشاكل
26-05-2005, 05:08 PM
ياشراكة....مشكووور


بس لوسمحت براهينك قبل اطروحاتك!
lol
26-05-2005, 05:19 PM
توقع توقع بس
غاوي مشاكل
26-05-2005, 05:19 PM
ابي كلام 100/100
lol
26-05-2005, 05:23 PM
ابي كلام 100/100


مافي طال عمرك 100% في البورصة !!!

قلتلك كل توقعععععع
غاوي مشاكل
26-05-2005, 05:25 PM
وشو توقعك يا لول؟
المراقب
26-05-2005, 05:27 PM
أخوي أقول لك التالي: إذا وصل عائد السهم إلى 7 ريال (ويمكن أكثر)، ومكرر أرباح 25 (وهي قيمة عادية ويمكن أن يكون الرقم اعلى من ذلك)، فإن سعر السهم يكون حوالي 175 ريال.

لننتظر نتائج النصف سنوية، ونرى كم العائد.
غاوي مشاكل
26-05-2005, 05:35 PM
طيب المتوقع لنصف السنوي ذكروه...يعني مانقدر نقول شي اكيد؟
lol
26-05-2005, 05:37 PM
وشو توقعك يا لول؟

شوف طال عمرك وخل عنك العائد علي السهم وغيرة من السوالف ,,, يعني بالعربي خلك مع الخيل ياشقرا..... اشتر اشتر *** بيع بيع

والله كريم

اتوقع بين 400 و500 غير توقع :funny:
غاوي مشاكل
26-05-2005, 05:40 PM
متى بس ياطيب؟
lol
26-05-2005, 05:44 PM
متى بس ياطيب؟

اوفففف وبعدين يابوالمشاكل قتلك اتوقع اخر السنة !!! ها لاتقول قلت اكيد قلت اتوقع
غاوي مشاكل
26-05-2005, 06:18 PM
يالول المراقب يقول 170 يعني انا خسران 80 ريال وانت تقول 400 يعني انا ربحان 150 ريال....منهو اصدق....انا محتار...انقذوني...ابي فلوسي...بس راس مالى...
قطريه فديتني
26-05-2005, 07:08 PM
يالول المراقب يقول 170 يعني انا خسران 80 ريال وانت تقول 400 يعني انا ربحان 150 ريال....منهو اصدق....انا محتار...انقذوني...ابي فلوسي...بس راس مالى...
اذا انت مش محتاج خله استثمار لمدة سنه وانشالله بتعوض راس مالك وفوقه ارباح :app:
ناصر
26-05-2005, 07:49 PM
اذا انت مش محتاج خله استثمار لمدة سنه وانشالله بتعوض راس مالك وفوقه ارباح :app:
:app: :app: :app: كلام مضبوط....واصبر يا غاوي المشاكل :app: :app: :app:
qtiger43
26-05-2005, 08:18 PM
تسلمووووووووووو والله مناقشتكم ممتعة

يعطيكو 1000 عافية
Alemadi
26-05-2005, 08:49 PM
اذا انت مش محتاج خله استثمار لمدة سنه وانشالله بتعوض راس مالك وفوقه ارباح :app:


:app: :app: :nice: :app: :app:
الوجبه
26-05-2005, 10:01 PM
انا اقول خله 3 سنين وبتحصل صناعات 560

ان شاء الله
The Edge
26-05-2005, 11:55 PM
أنا رأيي أذا ما تقدر تنتظر لين يوصل 250 أو ما تضمن أنه يوصل , أنصحك بالشراء لتعديل المعدل و يكون شراء تدريجي و ليس مرة واحدة حتى تأمن من تقلبات السوق
كحيلان
27-05-2005, 12:11 AM
نصيحتي يا غاوي خلها سبيل لوجه الله
KHALIFA
27-05-2005, 12:13 AM
اذا انت مش محتاج خله استثمار لمدة سنه وانشالله بتعوض راس مالك وفوقه ارباح :app:




وبـأذن الله بتشوف السهم طاف الـــــ300 ريال قبل شهر 4 /2006
بنت الاجاويد
27-05-2005, 12:26 AM
اقول يا غاوي في شي اسمه القيمه الحاليه للنقود
ريال اليوم ينفعك *_- اكثرمن بكره خاصة اذا وراك التزامات

وحاظرين للطيبين
Al Faisal
27-05-2005, 12:54 AM
الأخت بنت الاجاويد ما أوفقك الرأي لأن القيمة الحالية للنقود لا تتأثر بعامل الزمني القصير أي الفترات التي ما بين سنة الى خمس سنوات لا أذا كانت هناك عوامل أخرى مثل عوامل سياسية أو أقتصادية بحته ....أوغيرها.
يا غاوي مشاكل أحنى في الهواء سوى .........أنتظر أفضل وتحياتي للجميع
غاوي مشاكل
27-05-2005, 02:32 AM
يا حبيبي يا موس انا سويت اللي تقول عليه وشريت بالتدريج علشان اصحح السعر والصراحة كانت بالتدريج تخترب والسهم ينزل لين وصَل 132 .....شاسوي الحقوني...اتخرب بيتي.....جيت ابغي اصلحها عميتها....الله يعينا....مشكلة واللة مشكلة....حسبي الله ونعم الوكيل....




انا في مصيبة
أبو محمد
27-05-2005, 02:41 AM
هذا كلام المشرف خالد وهو ان شاء الله أكيد :deal:

صناعات قطر :-

- مشكلة السهم انة قفز في مدة بسيطة وفي اقل من شهر من 160 الى 230 وعمل فجوة سعرية
تسمى ( Gap ) ويجب اجلا ام عاجلا تسكر هذة الفجوة وهذا ما حصل للسهم مع نزول السوق
ما صدق السهم فانزلق الى الاسفل واسس الان على هذة المنطقة التي هي
من 135 الى 145

- السهم وصل الى قمة عند مستوى 246
- والقاع تعتبر 132

- السهم يحتاج الى كمية تداول كبيرة حتى يخرج من هذة المنطقة السعرية الضيقة
لان تداولة الان دون المستوى حيث وصل الى 290 الف سهم
ودائما كميات التداول الكبيرة وعندما تزيد تسبق اي ارتفاع للسهم

مستويات الدعم والمقاومة :-
------------------------------
- السهم لدية دعم عند مستوى 138
- والمقاومة التي امام السهم ولن ينطلق حتى يكسها بكميات كبيرة عند 144.9

- مؤشر البولنغر :-
------------------
عبارة عن الشريطين اللي باللون الاحمر والواضح انهم بدأوا يضيقوا شيئا فشيئا وهذا يعطي
انطباع ان السهم سيخرج من هذة المنطقة السعرية وعموما علينا متابعة مستوى الدعم والمقاومة
فاذا كسر السهم مستوى المقاومة المذكور سابقا فهي اشارة واضحة للشراء
وعلامة ان السهم قفز الى الاعلى

- مؤشر الماكد :-
----------------
وصل الى ادنى درجاتة وبانتظار اي اشارة للارتفاع واعتقد وصل الى القاع

- مؤشر Rsi :-
---------------
القوة النسبية وصلت الى 39 وهي مستويات تدل على ان السهم قد بولغ في بيعة


عموما السهم جدير في المتابعة والانتباة الى مستويات الدعم والمقاومة بحيث تكون
هي التي على ضوئها اتخذ قرار البيع والشراء


للعلم اني احتاج نتائج الربع الاول للسهم حتى تكتمل الصورة واستطيع احكم على السهم
بشكل كافي وك الرجاء اعتبار كل ما سبق اجتهاد شخصي مبني على التحليل الفني البحت
واحتاج معرفة ميزانية الشركة واخر اخبارها وهل لديها مشاريع توسع مستقبلية
لانة الخبر يقتل التحليل
يعني اي خبر ايجابي عن اي شركة لا يلتفت للتحليل الفني ويرمى بعرض الحائط


مع جزيل الشكر
اخوكم
خالد
غاوي مشاكل
27-05-2005, 02:42 AM
أنا رأيي أذا ما تقدر تنتظر لين يوصل 250 أو ما تضمن أنه يوصل , أنصحك بالشراء لتعديل المعدل و يكون شراء تدريجي و ليس مرة واحدة حتى تأمن من تقلبات السوق



الكلام اللي انا قلتة فوق فهو لك ياشخصية مهمة....بس انا قلت موس لأن ماعرف اكتب عربي وانجليزي في نفس الوقت ..وانا اسف على ترجمتي اذا انا مخطئ ياموس او يا ذ يدج!
غاوي مشاكل
27-05-2005, 02:47 AM
يعني ياحبيبي يابو محمد...الفجوة تسكرت ولى لين الحين..واذا كان كذلك يعني اذا وصل الى 230 بتكون سكرت...ويش يقصد الأخ خالد بالتداول بكميات كبيرة..مهو كل يوم بمئات الألوف...هل احنا في السليم؟
The Edge
27-05-2005, 02:54 AM
تبي رأيي أفضل أنك تصبر ,, صدقني السهم له طلعة كبيرة على اّخر السنة و بداية السنة الجاية و خصوصا مع الأرباح الكبيرة اللي قاعدة تحققها الشركة و كل ما تكون معاك مبلغ أشتر لكن شوي شوي لين تنزل المعدل و بهذي الطريقة حتى ربحك بيكون أكثر .... أصبر أصبر و ثابر و أنا أخوك الفلوس و الربح ما يجي بسهولة
غاوي مشاكل
27-05-2005, 02:59 AM
كلام حلو ومشكوور وماقصرت يااحلى شخصية بس بعد مارديت لي فلوسي!
The Edge
27-05-2005, 03:11 AM
السؤال هل أنت مضطر و محتاج جدا للفلوس الحين ؟؟ أذا لا فأصبر و بترجع لك فلوسك و زيادة و صدقني ترى كلنا في الهوا سوا بس الشغلة هذي يبيلها قوة قلب و طولة بال
غاوي مشاكل
27-05-2005, 03:13 AM
كلام حلو ومشكوور وماقصرت يااحلى شخصية بس بعد مارديت لي فلوسي!



بس تبي الصراحة يا ذ يدج...كلامك سليم ..بس انا حطيت اللي وراي وقدامي...وصلحت بالملاليم اللي عندي والصراحة انا ماعندي علشان اسوي اللي تقول علية...يعني اخوك صج متوهك!
The Edge
27-05-2005, 03:17 AM
في هالحالة مالك الا الصبر و اذا قدرت تجمع شي اشتر لتعدل المعدل لكن لا تشتري وايد , على دفعات حتى تأمن لغدر السوق
غاوي مشاكل
27-05-2005, 03:26 AM
والله كلامك صحيح..الظاهر انا بسوي جذيه...انا تعبتك معاي ياحلى شخصية....مشكوور على سعة صدرك وطوله بالك...وجزاك الله الف خير
The Edge
27-05-2005, 03:29 AM
انا تحت امرك يا خوي أصبر و ان شاء الله تفرج علينا جميعا
المراقب
27-05-2005, 10:33 AM
الصناعات لا تستعجل عليه، اصبر لنهاية السنة أو بالأكثر لشهر 3 - 2006. يعني انساه الحين، ولا تقلق، فالقلق مو زين. إنسى البورصة الحين.

والله يوفقك.
غاوي مشاكل
27-05-2005, 12:27 PM
كلام جميل..بس هل تعتقدون ان اسهم الصناعات من الأسهم اللي يلعبون في سعرها...واعتقد انتوا فاهمين شنهو اقصد...يعني هل يسوون فيها مثل مايسوون في سهم المتحدة والسلام؟؟؟؟
المراقب
27-05-2005, 08:09 PM
من يملك صناعت عليه ان لا يقلق بشأنها، ومثل ما يقول اخواننا المصريين "يحط بنه بطيخة صيفي"

ومهما حصل من لعب فيها فستعود للإنطلاق. الطلب عليها لم يتوقف أبدا وفي كل مراحل السوق.
مضاربه
28-05-2005, 08:47 PM
ياخي الي عنده اسهم صناعات او بنوك مايخاف لانها انشالله من الاسهم القويه
qatari444
29-05-2005, 12:59 AM
مستحيل قبل سنتين من الحين