تدشين قطار الركاب بمطار حمد غداً

[مستثمر رشيد]

ينظم مطار حمد الدولي جولة للإعلاميين اليوم للإعلان عن تدشين قطار الركاب الذي سيبدأ تشغيله رسمياً اعتباراً من غد، ويتماشى ذلك مع خطط تطوير المرفأ الجوي الذي يعدّ ضمن الأبرز في العالم، ويخدم المطار أكثر من 35 مليون مسافر سنوياً ومن المتوقع أن تصل طاقته الاستيعابيّة إلى 70 مليون مسافر باكتمال جميع مراحله.

[ضوى]

وايد عجبني حسيت اني في مصاف مطارات الدول العظمى يحق لي اشعر بالفخر

[م. عبدالعزيز]

هل من تفاصيل حول قطار الركاب؟ شلون بيخدم المسافرين لاني اشوفه يروح من أول المطار لآخره ويرجع

[الحياة الخالدة]

كلام أختي ضوى صحيح
ومن عقب مطارنا .. قمت أشوف كل المطارات اللي أروح لها ( دون المستوى )
يعني مب من كثر المطارات اللي رحتها هههههههههه .. بس يعني .. أهم شي مطارنا أكشخ مطار فيهم
الله يديم عزج يا بلادي .. اللهم أدمها نعمة واحفظها من الزوال

[ya3coub]

اتوقع من البوابات و صحيح رايح راجع بس شي حلو و اتمنى انه يكون عند كل بوابتين محطة وقوف و ايضا خاصية اذا شخص تعب يطق زر علشان يتوقف القطار فيها

[بوخالد911]

يعني خلاص
ما نركب سيارة الغولف ؟؟!؟!؟!

[السيف5]

شي جميل بيريحنا من مسافة المشي الطويل

من دول المنطقة الموجود بها قطار دبي اذا سافرت على طيران الامارات

[مرتبش]

سير متحرك يكفي ويزيد.. القطارات عادة تستخدم للتنقل من مبنى لمبنى .. كأمن وسلامة وسرعة ..اما في نفس المبنى ما اشوف ان له مردود فعلي

[بوNasser]

سير متحرك يكفي ويزيد.. القطارات عادة تستخدم للتنقل من مبنى لمبنى .. كأمن وسلامة وسرعة ..اما في نفس المبنى ما اشوف ان له مردود فعلي


اتفق معاك بنسبة كبيرة ، لكن مب مية في الميه تدري ليش؟؟

لأن فيه فئة من النساء والرجال من كبار السن وبعض المسافرين، السير المتحرك والسلم الكهربائي بالنسبة لهم مأساة حقيقية وتجربة مرعبة، وفعلا يكسرون الخاطر من جد.

لذلك القطار او عربة الغولف او حتى المشى ارحم لهم من السير المتحرك

تحياتي لك وللجميع

[معماري قطري]

الله يوفقهم كان من الافتتاح بدال الماراثون لين بعض البوابات

[معماري قطري]

الله يعين حكومتنا اللي تدفع كاش وتستلم أقساط مريحة على سنين

[معماري قطري]

يعني خلاص
ما نركب سيارة الغولف ؟؟!؟!؟!

آخر مرة هلكانين والهنود والفلبينيين يوصلون ربعهم

[مرتبش]

نقطتين للركاب في الجنوب والشمال من المطار .. مدة الرحلة 90 ثانية واذا مشي 9 دقايق.. كل 44 ثانية ينطلق قطار ..السعة 190 راكب
حسب المنشور في الراية

[بانغ بانغ]

فرحانين عشان قطار .

[الحياة الخالدة]

فرحانين عشان قطار .

ليش ما نفرح يعني

[Dana’1]

كلام أختي ضوى صحيح
ومن عقب مطارنا .. قمت أشوف كل المطارات اللي أروح لها ( دون المستوى )
يعني مب من كثر المطارات اللي رحتها هههههههههه .. بس يعني .. أهم شي مطارنا أكشخ مطار فيهم
الله يديم عزج يا بلادي .. اللهم أدمها نعمة واحفظها من الزوال

ههههههههه يا حلوك
اللهم آمين يا رب العالمين


فرحانين عشان قطار .
ما اظن الفرحه عشان مجرد قطار و انحط
الفرحه لأجل قطر كل مايمثلها ويظهرها بطريقه حلوه وايجابيه ،،،طبعا راح تفرح الجميع

[.قطر.]

غريبه محد انتقده :telephone:

[كود نمبر]

والله زين مابغو
طول الفتره الي راحت كل ماشفته شغال رايح جاي فاضي اموت من القهر
هلكنا من المشي والعربات ماتوقف لنا

[ya3coub]

والله زين مابغو
طول الفتره الي راحت كل ماشفته شغال رايح جاي فاضي اموت من القهر
هلكنا من المشي والعربات ماتوقف لنا

بالعكس هاي الشي الصح نفس التمرين و الله العالم اذا جربوه بالأوزان او لا

احنا عندنا بعد نفس الشي لما يخلص المشروع في شي اسمه Testing & commissioning
علشان اذا في اي اخطاء مهمة تتصلح بأسرع وقت و لما يفتح ان شاء الله نسبة الأعطال اتكون اقل من بس ربك و شغل و افتح للناس بدون اختبارات تشغيلية