سوت حركات خادشه للحياء بالموتر سيكل. !!

[حمد 2002]

السلام عليكم

انتشر فيديو اليوم لفتاتين تقومان بحركات مخله بالموتر سيكل بقطر والسواويق كانوا شابين والبنات خلفهم ..

ويقال الان بان الشباب بالسجن والبنات سفروهم ..

الله يحفظ شباب المسلمين ويهديهم ..

[ابوالعبد]

هذولا ماينفع معاهم شي يجب انشاء جهاز الامر والمعرىف ونهي عن المنكر او زياده المباحث وتحريات بكل مكان. وشكرا

[بومحمد المطاوعه]

الله يهديهم ويستر عليهم

[جبر ال جبر]

ترى نفس الشخص الي نزل التغريده كتب عن هذيك الي تترقص وتغنى دوحه دوحه دوحه واقرصتني البقه عند الدكتوره موزا وقال عليها بلوك ماتدخل قطر كم اسبوع الا هي داشه قطر يليت ياخذون فيهم اجراء رادع مب كلام فاضي وامنيات

[ابوالعبد]

هذولا ماينفع معاهم شي يجب انشاء جهاز الامر والمعرىف ونهي عن المنكر او زياده المباحث وتحريات بكل مكان. وشكرا

[جبر ال جبر]

زين شفيك ابو العبد شكثر تعيد كلامك ههههه خلاص ابشر نرفع مقترحك لسعاده وزير الصحه المحترم

[R 7 A L]

في دول الغرب يستخدمون الدراجات ك وسيلة مواصلات
وعندنا هواية واستعراض وكماليات وخرابيط ياليت انشوف قوانين صرامه للدراجات والي يستخدمها

[aziz4z]

في أشياء أسوأ من هاي ، و خطيرة جدا على المجتمع . بس أنا ماحبيت أحط في المنتدى عشان ممكن في ناس تروح لها. إلا إذا حد يقدر يمنع هالشيء أو يقدر يوصله للمسؤولين في الدولة
وياريت لانه و الله مصيبة خاصة مع المراهقين و التليفونات الحديثة
الله يستر على الجميع

[(بوطلال)]

في دول الغرب يستخدمون الدراجات ك وسيلة مواصلات
وعندنا هواية واستعراض وكماليات وخرابيط ياليت انشوف قوانين صرامه للدراجات والي يستخدمها

تقصد في وروبا والدول المتقدمه :)

[CH Engineer]

في دول الغرب يستخدمون الدراجات ك وسيلة مواصلات
وعندنا هواية واستعراض وكماليات وخرابيط ياليت انشوف قوانين صرامه للدراجات والي يستخدمها

بالعكس الي عندنا ولا 1% من الي عند الأجانب عندهم بلاوي ومخدرات ودعاره الحركه هذي تعتبر كيجي1 عندهم
عالعموم الشباب انسجنوا والبنات ضاعت وظايفهم وتسفروا

الله يستر على الجميع
والموضوع ماتوقع يفيد حد

[بوخالد911]

يا ريت خبر التسفير يطلع صج

[معماري قطري]

لو سجن يوم قرصة إذن تنفع والفال للي يسرعون ويخلون دراجاتهم تصارخ في آذان الناس والكل يدعي عليهم من الأذية

[حمد بن سعد]

ليش زعلانين هذا الانفتاح الي يبونه

[بومحمد المطاوعه]

الله يستر عليهم يارب

وبعيد الشرر

قولو الحمدلله والشكر
وكفايه اشاعات من ناحيه التسفير وهالخرابيط ,,,

الي ماعنده خبر موثوق من الأجراء الي صار
لايكتب ولا يشيع الأشاعات

زهقنا من التأليف والأشاعات

محد يدري هم شنو ولا شنو جنسياتهم ف ماله داعي نألف من مخابينا ونقول تسفرو او ماتسفرو
او شنو الي صار ,,

قولو الحمدلله على مابتلاهم والله يبعد عنا وعنكم هذي السوالف ..

[مستـريــح البـــال]

قههههر يا بلادي ما يحدث على أرضك ،،، :mad:

يعل نسمع فيهم العقاب الرادع ،،،

تعبنا والله من أشكالهم ،،،

[ضوى]

مقرفين قرف اعوذ بالله يارب لاتبلينا وتعافينا مما ابتليتهم فيه

[الماريّة]

الله ياخذ كل منهو يريد التمرد واظهار الفساد في بلادنا

لا من عاداتنا ولا دينا الاسلامي

اشياااء قمنا نشوفها في بلادنا نموت غيض وقهر

حسبنا الله ونعم الوكيل

:
:

[شبح الصمت]

اتمنى اي واحد مع وحده على دراجة يتم ايقافهم وطلب بطاقاتهم الشخصية

اذا تقرب له قدر وجهه وبلشتي مركبها معاه وقاعد يستعرض فيها ويكشف عورتها ..

اما اذا ما تقرب له ينزلها فالشارع ويطلبون لها ليموزين يوصلها البيت وهو تنسحب دراجته ..

قذونا ازعاج وبعضهم البعض يربكون الواحد يحسسك انه توم كروز والا شاروخان زمانه

احنا مب ضدهم بس سوق باحترام لا تخرع العالم في الشوارع العامة تنقز وتزرق ويربك بالصوت يدوس ريس يعني بالفيت تنبيه لك حاسب ..
وتركب لي اشكال معفنه وتستعرض فيها

استر على نفسك ياخي

وتكلم من اسبوعين سعادة العميد محمد الخرجي في كيف اصبحت على الدراجات
واعتقد راح تكون في قوانين صارمه بحقهم

[قطريه ماركه]

لا حول و لا قوة الا بالله

اللهم احفظ هذا البلد أمنه و امانه

[qatari911]

اتمنى اي واحد مع وحده على دراجة يتم ايقافهم وطلب بطاقاتهم الشخصية

اذا تقرب له قدر وجهه وبلشتي مركبها معاه وقاعد يستعرض فيها ويكشف عورتها ..

اما اذا ما تقرب له ينزلها فالشارع ويطلبون لها ليموزين يوصلها البيت وهو تنسحب دراجته ..

قذونا ازعاج وبعضهم البعض يربكون الواحد يحسسك انه توم كروز والا شاروخان زمانه

احنا مب ضدهم بس سوق باحترام لا تخرع العالم في الشوارع العامة تنقز وتزرق ويربك بالصوت يدوس ريس يعني بالفيت تنبيه لك حاسب ..
وتركب لي اشكال معفنه وتستعرض فيها

استر على نفسك ياخي

وتكلم من اسبوعين سعادة العميد محمد الخرجي في كيف اصبحت على الدراجات
واعتقد راح تكون في قوانين صارمه بحقهم

اتفق معك
بس بدل ما يطلبون لها لموزين ياخذونها لمركز الشرطة ليش تروح البيت؟؟
دامها طلعت برضها فهي مو هامها عرضها وشرفها
واذا كانت تقرب له ليش يخلونه؟ بعد هذا خطاء ينسحبون كلهم
مزعجينا البلشتيه منهم
وعلى قفى من يشيل في لؤلؤة قطر وكتار والبعض منهم يتحرش بالبنات الي يسوقون سياراتهم وبعض البنات تجمع الذبان عليها لما تفتح الدرايش وصوت الاغاني عاليه وترقص

[@north_star@]

'طيب واللي يرقصون على الكرنيش بالفيت انها نوع من انواع الرياضات هذول ما يخدشون الحياء العام ؟؟؟!!!!!!!!!! وبنظري هذول نفس فكرة اللي كانوا على الدراجات

[المحاميه]

طيب
السؤال
ايش الفايده من نقل هالموضوع؟

[المحاميه]

مادرينا عنهم والحين انت خليتنا ندري غصب

يعني شتوقع تكون الردود؟

أكيد الكل بيعارض .. ومابتحصل مؤيد واحد ..

[راجي الْعفو]

وعليكم السلام و رحمة الله و بركاته

شاهت الوجوه !!

نستفيد من مثل هالحوادث

ولي الامر و الام اللي يتركون بناتهم يتمشون في هالاماكن ويحسبون ان هذي طيبه
يعقلون و يسترجعون غيرتهم المشروخه و يمسكون بناتهم و شوفاتهم

والامر الاخر : حاجتنا للهيئة مثل ما ذكروا الاخوة

[المحاميه]

واللي يقول سفروا البنات؟
شنو يعني؟

[رجل الجزيرة]

إلي وصلني عن طريق الواتس أب إن جهة عليا حولت الشباب إلى المحكمة والبنات سفروهم.

[بومحمد المطاوعه]

إلي وصلني عن طريق الواتس أب إن جهة عليا حولت الشباب إلى المحكمة والبنات سفروهم.

كلام غير صحيح الواتساب تأليف وتفليق فالكلام ياريال
اشاعات تطلع لك من تحت الأرض وياليت لو خبر صحيح


المصدر الصحيح عندي واتحفظ فيه
لكن للأسف لو تصرفو مع البنات بتصرف اقوى كان احسن

المهم بعيد الشرر
و الله يستر عليهم ويهديهم
الله يبعد عنا وعنكم هذي الفتن والعار

[qatari911]

إلي وصلني عن طريق الواتس أب إن جهة عليا حولت الشباب إلى المحكمة والبنات سفروهم.

ياليت بالمره يروحون لسيلين ويشوفون بعض العنن الي مقلوبه ديسكو ومسخره

[بومحمد المطاوعه]

ياليت بالمره يروحون لسيلين ويشوفون بعض العنن الي مقلوبه ديسكو ومسخره

نتمنى هالسنه
نشوف ثبوت اقوى من كل سنه
ودوريات تحيط بين العنن

لصيد وردع المفسده

[ya3coub]

في دول الغرب يستخدمون الدراجات ك وسيلة مواصلات
وعندنا هواية واستعراض وكماليات وخرابيط ياليت انشوف قوانين صرامه للدراجات والي يستخدمها

حتى اهني أخوي رحال في الي يستخدمها كوسيلة تنقل رئيسية

بس لأن في مثل هالأشكال الي مشوهين السمعه حتى لو كانو كثير بس ما يعني انه يتم التعميم عالجميع.

للأسف شفت فالشارع اكثر من مرة بس ما اقول غير الله يهديهم..... للأسف في حتى من بناتنا يعني ما يتسفرون من الي محبات و يسوقون دراجات ايضا الله يستر عليهم و يحفظهم يا رب

ادعولهم بالهداية و استنكرو هالشي من الي يسيئون استخدام الدراجة.



و عن الفيديو ما شفته ولا وصلني بس زين يسون فيهم, اي شخص ما يبي يحترم القانون او الناس يستاهل الي يجيه لازم قبل ما يفكر بأي فعل يحاسب لتبعات هالفعل

[طبيب قطري]

اتمنى انشاء هيئه مثل الامر بالمعروف والنهي عن المنكر بقطر..

[حمد 2002]

بغض النظر عن العقاب الي صادهم او بيصيدهم او لن يصيدهم ..

خلونا انحط اسباب تلك المشكله وعن الحلول لمنع هالتصرفات مستقبلا ..


شكرا للمشاركه بالموضوع ..

[رجل الجزيرة]

اتمنى انشاء هيئه مثل الامر بالمعروف والنهي عن المنكر بقطر..

يا أخوي: إنساها أقصد مهوب وقتها.

[mubarak750]

بغض النظر عن العقاب الي صادهم او بيصيدهم او لن يصيدهم ..

خلونا انحط اسباب تلك المشكله وعن الحلول لمنع هالتصرفات مستقبلا ..


شكرا للمشاركه بالموضوع ..
هذا هو الكلام، لأن مثل هالحركات مؤشر خطير حق حركات أكبر وأخشن، لا تنسون إن قطر فيها من كل الأجناس اليوم، وفي نوعية تجي ماسكه نفسها بحكم أنها جايه على بلد مسلم عربي وله عادات وتقاليد، لكن لما يشوفون أن الأمور سهالات والشعب طيب يبدون يتجرؤن شوي شوي، ومن أمن العقوبة أساء الأدب فلازم يكون في عقاب وعقاب معلن وخل غيرهم يأخذ خبر علشان ما يفكرون مستقبلا لأن صدقني في ناس ماسكه نفسها بالغصب لكن إذا انفلتت ياو يلنا ويلاه😞

[BoFahed]

بغض النظر عن العقاب الي صادهم او بيصيدهم او لن يصيدهم ..

خلونا انحط اسباب تلك المشكله وعن الحلول لمنع هالتصرفات مستقبلا ..


شكرا للمشاركه بالموضوع ..
الشباب فراغ وفلوس وتربيه خدم اذا كانو قطريين

اذا اجانب عادي او عرب الوضع مختلف بحكم الانفتاح اللي عندهم



البنات سفاله وقله ادب واتوقع من الحركات ( بنات ليل ) لانه الشاب القطري مستهدف ومعروف دفيبع بحكم الدخل العالي للشعب والاعلام مب مقصر فينا ( اعلى دخل بالعالم الخ الخ)

اذا قطريات (وانا استبعد) فكك اسري( طلاق الابوين ) وانحلال وتلاقي الام خربانه او رفيقات السوء والاهل متبرين منهم والعوين فيه حالات كثيره ( الله يستر على بنات المسلمين )

[سليمان احمد]

السؤال : من يردد ان عقوبتهم كانت كذا وكذا وسجن والبنات تسفرو هل هو بناء على بيان لوزارة الداخليه ام اشاعات

الواتس اب بغض النظر عن قلة الحياء والسفاله من صاحب المقطع هو ومن معاه لكن هناك لوم على من يروج

دون الاستاند على بيان او خبر رسمي وهناك لوم اخر ان على وزارة الداخليه ان تعلن انه تم عقاب صاحب المقطع

حتى يتادب غيرهم ويعرفون ان الله حق لان ترك مثل هولاء بلا عقوبه سيفتح الباب الى افعال اشنع

وعقوبتهم بدون افصاح خطأ لانه لن يكون هناك ردع قوي بالعقاب دون افصاح

عافانا الله واياكم

[الصغيره]

حسبي الله والنعم الوكيل

العيب مش على المقيمات عادي عندهم في بلادهم هم كذا العتب على شباب ضاربين بالحياء عرض الحائط وين الاخلاق وين الدين للاسف كثير من الشباب هجروا زوجاتهم وبيوتهم وصاروا كل واحد شنطته على ظهره ومن مول لمول لا غتره ولا ثوب ولا سحى ولا مستحى وين اللي بيردعهم الحين عيال المدارس يقال لهم لبسوا الزي القطري وتقيدوا به وحنا للاسف نشوف الشباب صاروا مثل الفلبن والهنود ومع صديقاتهم عيني عينك والله ان حالهم يحزن مالهم الا دعوه بظهر الغيب الله يهديهم حرام شباب ديرتنا يوصلون هالمواصيل للاسف

[طلعة الروح]

كل واحد بيتحاسب بقبره بروحه الحلال بين والحرام بين
انت حر مالم تضر