المساعد الشخصي الرقمي

مشاهدة النسخة كاملة : يا الربع اللي عنده خبره في مواضيع الدكت للمكيفات



التاجرالصغير
02-11-2016, 10:46 AM
السلام عليكم اخواني

انا ارتفاع سقف الدور الارضي عندي 4.10 متر ..بس خايف اني لما اركب دكتات ينزل السقف عندي..شوروا علي لاهنتم كم متر بيبقى لي اذا مديت بيبات الدكتات


جزاكم الله خير

الســـهم
02-11-2016, 11:04 AM
عليكم السلام ورحمة الله وبركاته ..

القياس الستاندر للدكت يبيله من 40 الى 50 سم (نص متر تقريبا) ..

فيه شركة بشارع الخليج مريت عليها قبل كم سنة , قالولي ناخذ من السقف اقل من 30 سم ..

سعود.
02-11-2016, 12:50 PM
عندك بعد الديكور ياخذ من 20 الي 30 سم على حسب اختيارك . ضيف علية الدفان الداخلي مع التبليط بياخذ حول 20 سم . القرار لك

Azizuk
02-11-2016, 01:05 PM
حط في بالك اذا راح تسوي ديكورات في الجبس واينارة داخلية في الجبس طبقتين راح ينزل لك الجبس تقريباً مع الجبس والدكتور 90 سنتيميتر

لازم الدكت ينزل ومايلامس السقف اقل شي ينزل من السقف 10 وحجم الدكت على حسب كبر المكان اذا كان معمول على حسب حجم المكان

بعد 10 س عندك حجم الدكت يتراوح بين 35 سنتيميتر الى 40 وأماكن يمكن يوصل 45 سنتيميتر

بعدين لازم الدكت يكون بين الجبس والدكت اقل شي 10 سنتيميتر عشان الإضاءة ماتلامس الدكتات من الداخل

مثل ماقلت لك من قبل اذا ديكورات الجبس جامدة راح ينزل 90 سنتيميتر من السقف اذا طبقتين

في بعض الشركات يخلون فتحات التكيف على جنب وماينزل عندك السقف بس شكلها مب حلو وبعد فترة تسود امكان فتحات التكيف

عملية التبريد تكون على تحت افضل من ماتكون على جنب

98675

98676

هذا خطاء نسينا غرفة الطعام نقبل الجسر الساقط واطرينا نمرر الدكت تحت الجسر الساقط والحمدالله ماتزل السقف وايد نزل بالجبس بعدين ارتفع فوق وغيرنا شوي في التصميم

98677

98678

هذا شكل الدكت مع الوحدة الداخلية

وفي الأخير يعتمد نزول السقف على حسب التصميم وحجم الوحدة الداخلية

بعض شركات التكيف الوحدة الداخلية تكون كبيرة الحجم على سبيل المثال الزامل ويورك حجم الوحدة الداخلية تكون 45 سنتيميتر

وإذا ماتبي نزول في السقف ركب سبلت وإلا تعور رأسك وإلا مشاكل مع أهل الجبس والكهربائي وشركة التكيف

والأفضل تركب سنترال وتفك روحك من عوار الرأس

بالنسبة لي مريت في مشاكل مع الكهربائي وأهل الجبس وشركة التكيف وراعي السماعات والكيمرات

عالم التكيف غريب في كثير وكثير من الأشياء ماعرفتها الا يوم دخلت في معمعة التكيف

في سنترال وتكون الوحدة الخارجة فيها التبريد والوحدة الخارجية

وفي سنترال تكون الوحدة الخارجية ولها وحدة داخلية لتبريد

وفي مكيفات دكت سبلت تكون لها وحدة داخليه وحدة خارجية

وفي وفي الكثير من اجهزة التكيف غريبة air handling unit تكون شاملة كل شي ومركبة في غرفة مغلقه ولها فتحات تهوية خارجية

هذي تستخدم في الأبراج بين الطوابق أو في البيسمنت وشئ يتبرد بالغاز وشئ يتبرد بالماي

captin
02-11-2016, 01:26 PM
السلام عليكم اخواني

انا ارتفاع سقف الدور الارضي عندي 4.10 متر ..بس خايف اني لما اركب دكتات ينزل السقف عندي..شوروا علي لاهنتم كم متر بيبقى لي اذا مديت بيبات الدكتات


جزاكم الله خير



مرحبا أخوي

انا مركب نظام تكييف دكت وكان ارتفاع السقف عندي 4.2 متر وفي بعض الاماكن كان اقل
لوجود أعمدة خرسانية ساقطة صارت بعض المناطق نازلة

لكن بالتنسيق بين شركة التكييف ومقاول الجبس اضطرينا نسوي بعض التعديلات ودخلنا بعض الافكار
وتم تجاوز المشاكل .

اذا كانت عندك الاعمدة اللي في السقف افقية يكفي جدا الارتفاع اللي عندك ما عندك اي مشكلة الدكتات
راح تنمد بكل سهولة حسب مخطط التكييف وفتحات الهواء الدافع والهواء الراجع .

واذا كانت الاعمدة ساقطة تحتاج ان شركة التكييف ومقاول الجبس يشتغلون مع بعض
وفي منطاق مرور الدكتات على الاعمدة النازلة من السقف يسون بعض الديكورات من الجبس
تتناسب مع النزول وفرق المستوى اللي راح ينتج عندك .

Azizuk
02-11-2016, 01:43 PM
في حل لعدم نزول السقف انك تركب فتحات مخارج الهواء البارد جدارية زي الفنادق

يعني الوحدة الداخلية تكون دايركت مع الغرفة جدارية

بس راح يكون صوت التكيف عالي شوي

في هالحالة راح توفر قيمة الدكتات واتقل التكلفة عليك

على شرط تكون الوحدة الداخلية تتركب في غرفة الملابس وفتحة رجوع الهواء مسحوبة من تحت الوحدة

بعض اجهزة الوحدت الداخلية فيها خاصية رجوع الهواء من تحت او من الخلف

لان لازم يكون في فتحة لرجوع الهواء للوحدة الداخلية والا تنسى بيبات تصريف ماء التكيف

في امور كثيرة يجب اخذها بعين الاعتبار

بعض الاوقات في امور ينساها المصمم

او ان الوحدة الداخلية تتركب في الحمام وتكون مسافة الدكت بسيطة

98679

Flexible Air Intake Ways
Air inlet from back standard and from bottom optional. The size of the plate from bottom and flange from back is the same, it's easy for installer to change the air inlet from back to bottom.

معماري قطري
02-11-2016, 02:14 PM
حط في بالك اذا راح تسوي ديكورات في الجبس واينارة داخلية في الجبس طبقتين راح ينزل لك الجبس تقريباً مع الجبس والدكتور 90 سنتيميتر

لازم الدكت ينزل ومايلامس السقف اقل شي ينزل من السقف 10 وحجم الدكت على حسب كبر المكان اذا كان معمول على حسب حجم المكان

بعد 10 س عندك حجم الدكت يتراوح بين 35 سنتيميتر الى 40 وأماكن يمكن يوصل 45 سنتيميتر

بعدين لازم الدكت يكون بين الجبس والدكت اقل شي 10 سنتيميتر عشان الإضاءة ماتلامس الدكتات من الداخل

مثل ماقلت لك من قبل اذا ديكورات الجبس جامدة راح ينزل 90 سنتيميتر من السقف اذا طبقتين

في بعض الشركات يخلون فتحات التكيف على جنب وماينزل عندك السقف بس شكلها مب حلو وبعد فترة تسود امكان فتحات التكيف

عملية التبريد تكون على تحت افضل من ماتكون على جنب

98675

98676

هذا خطاء نسينا غرفة الطعام نقبل الجسر الساقط واطرينا نمرر الدكت تحت الجسر الساقط والحمدالله ماتزل السقف وايد نزل بالجبس بعدين ارتفع فوق وغيرنا شوي في التصميم

98677

98678

هذا شكل الدكت مع الوحدة الداخلية

وفي الأخير يعتمد نزول السقف على حسب التصميم وحجم الوحدة الداخلية

بعض شركات التكيف الوحدة الداخلية تكون كبيرة الحجم على سبيل المثال الزامل ويورك حجم الوحدة الداخلية تكون 45 سنتيميتر

وإذا ماتبي نزول في السقف ركب سبلت وإلا تعور رأسك وإلا مشاكل مع أهل الجبس والكهربائي وشركة التكيف

والأفضل تركب سنترال وتفك روحك من عوار الرأس

بالنسبة لي مريت في مشاكل مع الكهربائي وأهل الجبس وشركة التكيف وراعي السماعات والكيمرات

عالم التكيف غريب في كثير وكثير من الأشياء ماعرفتها الا يوم دخلت في معمعة التكيف

في سنترال وتكون الوحدة الخارجة فيها التبريد والوحدة الخارجية

وفي سنترال تكون الوحدة الخارجية ولها وحدة داخلية لتبريد

وفي مكيفات دكت سبلت تكون لها وحدة داخليه وحدة خارجية

وفي وفي الكثير من اجهزة التكيف غريبة air handling unit تكون شاملة كل شي ومركبة في غرفة مغلقه ولها فتحات تهوية خارجية

هذي تستخدم في الأبراج بين الطوابق أو في البيسمنت وشئ يتبرد بالغاز وشئ يتبرد بالماي

الله يبارك لك في بيتك .. عندك اللينير غرل للتوزيع وهذا أفضل ما في السوق ويبين نزول الدكت مكان الجسر الساقط لكن لفوه ورفعوه

هذي اللفات ما ادري لو لها تأثير على هدوء الهواء وانسيابيته بس لو حابين الارتفاع نقدر نسوي الجبس لفل نازل شوي قرب الحوائط ولفل مرتفع في الوسط

بالنسبة للارتفاع المناسب 3 متر وحولها ارتفاع جيد صافي قصدي بعد الجبس .. وبما إن عندنا 4.1 ما اتوقع الجسور تكون نازلة فوق الستين سم في أسوأ الحالات بتبقى لنا 50 سم لتمرير الدكت حتى لو افترضنا سيدة و 3 متر ارتفاع مناسب جداً للمعيشة .. الارتفاع الاقتصادي يجي حتى 2.4 وفي بعض الحالات لتوفير التكييف والاضاءة يسونه أقل شوي خصوصاً في اوروبا وامريكا

Azizuk
02-11-2016, 02:31 PM
الله يبارك لك في بيتك .. عندك اللينير غرل للتوزيع وهذا أفضل ما في السوق ويبين نزول الدكت مكان الجسر الساقط لكن لفوه ورفعوه

هذي اللفات ما ادري لو لها تأثير على هدوء الهواء وانسيابيته بس لو حابين الارتفاع نقدر نسوي الجبس لفل نازل شوي قرب الحوائط ولفل مرتفع في الوسط

بالنسبة للارتفاع المناسب 3 متر وحولها ارتفاع جيد صافي قصدي بعد الجبس .. وبما إن عندنا 4.1 ما اتوقع الجسور تكون نازلة فوق الستين سم في أسوأ الحالات بتبقى لنا 50 سم لتمرير الدكت حتى لو افترضنا سيدة و 3 متر ارتفاع مناسب جداً للمعيشة .. الارتفاع الاقتصادي يجي حتى 2.4 وفي بعض الحالات لتوفير التكييف والاضاءة يسونه أقل شوي خصوصاً في اوروبا وامريكا

يعطيك العافية ويبارك فيك يامعماري قطري

معماري قطري
02-11-2016, 02:38 PM
أثناء تصميم بيتي راجعت تصميم الخرسانات وغيرنا كثير وكان الاستشاري فاهم ومتفاهم وكان للتوفير ما سويت دكتات .. شلنا 5 أعمدة بقواعدهم .. وشلنا عدة جسور .. عندي مجلسين متقابلين بنفس العرض حول 6 متر لكن بطول اجمالي يوصل 22 متر وبما إن الطول أكثر من ضعف العرض نقدر نعامل أرضية السقف كتقوية في اتجاه واحد .. One way slab وتكون الجسور فقط في الأطراف يعني في اتجاه ال 22 متر جسر واحد ما تقطعها جسور ثانية

ثرى هذي صعبة ومستحيلة عند غالبية الاستشاريين في قطر وأي مهندس انشائي بيقول دأ بيخرف بيؤول ايه

سوينا الدرج ببسطة معلقة cantilever بطول 3.5 متر والطول الآمن 2 متر أو نحط عمود تحتها لكن كان عندنا تقوية للسلابات الجانبية حتى تعطيها قوة شد وتوازن وللشد حطينا قضبان حديد كاملة الطول لافة ومغمورة في خرسانة سقف الدور الأول حتى تعطي شد كفاية وتوازن بسطة الدرج .. ناقشت هذا التصميم في ورشة عمل هندسية في الأُردن وقالوا المهندسين هناك مستحيل نغامر هذي المغامرة

ما يخوفني الدرج لكن تخوفني مغامرات ثانية منها بناء جدار كامل 20 سم وكنت اقدر ابنيه 10 سم أخف على عصب هوردي وليس جسر .. ولحمام فوق وزاد خوفي يوم شفت كراك بسيط في البلاط عرضي بطول حول 30 سم وهذا ظهر من فترة بعد 10 سنين من السكن ومعناه فيه انحناء بسيط في العصب أو الضلع Rip كترجمة فورية لمكونات الهوردي للي عندهم فكرة عنه .. شيء ما يخوف لكن لو زاد لازم اسوي حلول وبتكون صعبة شوي تحتاج تكسير وازالة جبس وتركيب بيم حديد تحت الحائط في غرفة الطعام أسفل هذا الحمام

يعني غرفة الطعام جاي فوق سقفها بانتري وغرفة ملابس وتسريحة وحمام وكلها بحوائط 20 سم ثقيلة وبدون جسور تحت وان شاء الله ما يزيد الشلخ هذا وهو تقريباً ما يسمى شعري Hairy Crack واحتمال يكون من التغيرات الحرارية وعلى مدى 10 سنين بين

سامحوني تشعبت وايد

معماري قطري
02-11-2016, 02:42 PM
اللي زاد الطين بلة جبنا تجوريين ثقال وحطيناهم فوق واحتمال وزنهم أثر

Azizuk
02-11-2016, 02:49 PM
اللي زاد الطين بلة جبنا تجوريين ثقال وحطيناهم فوق واحتمال وزنهم أثر


يمكن زاد الوزن من اللي داخل التجوري يابوعبدالله

ههههههههه

ذكرتني بالتجوري رحت لشركة فالكون في طريق سلوى وكلاء ماركة كلفينيتور

الا عنده تجوري اسود صناعة هندية ثقيل وسميك بابة عجبني

بس يوم شفت مفتاحة كبير يبي له تجوري صغير تحفظة فيه

ماتقدر تشيل المفتاح معاك وإلا لازم مفتاحين مع بعض وفي بكرة ورقم سري

معماري قطري
02-11-2016, 03:21 PM
يمكن زاد الوزن من اللي داخل التجوري يابوعبدالله

ههههههههه

ذكرتني بالتجوري رحت لشركة فالكون في طريق سلوى وكلاء ماركة كلفينيتور

الا عنده تجوري اسود صناعة هندية ثقيل وسميك بابة عجبني

بس يوم شفت مفتاحة كبير يلي له تجوري صغير تحفظة فيه

ما فيه شيء يسوى يا بو سعود والمشكلة التجوري يخوف يطلع على الواحد ورطة لو صارت محاولة سرقة ويكسر الخاطر اللص طالع له بوثيقة أرض أو مجوهرات تقليد مسكين ومستقبله ضايع بالكاميرات عالية الدقة

التاجرالصغير
03-11-2016, 09:53 AM
جزاكم الله خير اخواني وبيض الله وجيهكم..ماقصرتوا على المعلومات القيمة

التاجرالصغير
03-11-2016, 09:54 AM
عليكم السلام ورحمة الله وبركاته ..

القياس الستاندر للدكت يبيله من 40 الى 50 سم (نص متر تقريبا) ..

فيه شركة بشارع الخليج مريت عليها قبل كم سنة , قالولي ناخذ من السقف اقل من 30 سم ..

اخوي السهم بارك الله فيك عندك رقمهم ؟

الســـهم
03-11-2016, 11:06 AM
اخوي السهم بارك الله فيك عندك رقمهم ؟

هلا اخوي ..

الرقم مب متوفر عندي , بس الشركة اسمها (ماستر كول) في شارع الخليج ، موجودة تحت فندق جنة الخليج , وجنبها شركة (الكتروسيتي) وهذي اللي اشتغلت معاها ..

Azizuk
03-11-2016, 11:39 AM
هلا اخوي ..

الرقم مب متوفر عندي , بس الشركة اسمها (ماستر كول) في شارع الخليج ، موجودة تحت فندق جنة الخليج , وجنبها شركة (الكتروسيتي) وهذي اللي اشتغلت معاها ..


هذا المحل عندهم مكيفات كرير صناعة بحرينية صاحب المحل لبناني ناصح

حتى لو ماشريت من عنده بعد ينصحك

هو اللي وجه لي النصيحه أني اركب دكت من الصاج المجلفن وقال لي ابتعد عن دكت الفلين واثبتلي مدى خطورت الفلين على المدى البعيد ومايسببه من أمراض

مكيفات كرير ممتازة اذا مراوحة من معدن لان في شي يجي مراوح من بلاستيك

بومراوح معدن يصنع بمواصفات أمريكية في دول اخرى مثل البحرين وأمريكا الجنوبية ومصر وغيره من الدول

اما بومراوح بلاستيك هذا خط انتاج الدول الآسيوية مصنع في الصين

والمراوح المعدن بعد لها مواصفات اخرى في التصنيع

اكتشفو ثلاث زعانف معدن افضل من اربع زعانف في عملية التبريد

معماري قطري
03-11-2016, 02:21 PM
بو سعود شفت يا اخوي نظام ينعمل في بيت جديد في أمريكا اللي هو الوحدة الداخلية الواقفة ولها قاعدة طابوق ومعمول لها كسرة في الحائط .. حطيت صور لها ولتوزيع الدكتات في موضوع مباني متميزة حول العالم .. هذي سهلة تنحط في مكان وسطي وتوزيع الدكتات والفتحات جدارية أسهل وأقصرالمسافة

الخارجية يحطونها على الأرض في نفس المستوى لسهولة حركة الغاز وفي خط أُفقي واحد .. شرايك في هذي النوعية؟

Azizuk
03-11-2016, 03:17 PM
بو سعود شفت يا اخوي نظام ينعمل في بيت جديد في أمريكا اللي هو الوحدة الداخلية الواقفة ولها قاعدة طابوق ومعمول لها كسرة في الحائط .. حطيت صور لها ولتوزيع الدكتات في موضوع مباني متميزة حول العالم .. هذي سهلة تنحط في مكان وسطي وتوزيع الدكتات والفتحات جدارية أسهل وأقصرالمسافة

الخارجية يحطونها على الأرض في نفس المستوى لسهولة حركة الغاز وفي خط أُفقي واحد .. شرايك في هذي النوعية؟



هذا طال عمرك ماينفع عندنا

اول شي تكلفته عاليه جداً وتصليحه جداً متعب

لان جاي مضغوط ومن الداخل على شكل حرف v

هذا النوع يستخدم في غرف الكمبيوتر عشان الغبار مايدخل داخل الغرفة ويخرب اجهزة الكمبيوترات الحساسه

ماتلاحض ان غرف الكمبيوتر تكون جداً بارده ومغلقة ودايمن تكون فيها فلاتر ومنقى من الغبار

وفي نوع يستخدم الكمبريسور مع التكيف تكون هي الوحدة الداخلية والوحدة الخارجية مع بعض مدموجة داخل غرف الكمبيوتر عشان يسحب هواء الغرفة

98696

98697

98698

شوف الصور تلاحظ ان الكمبرسر مع راديتير التبريد مدمج مع بعض

Azizuk
03-11-2016, 03:51 PM
هذا النوع من اجهزة التكيف يجئ طلبيه حق سيرفرات مستشفى أو شركات ضخمه أو مكان من اجهزة الدولة الحساسة

غرف الكمبيوترات الحساسة ممنوع اَي حد يدخلها أشخاص معينة مسموح لهم يدخلون هالغرف والازم الشركات اللي راح تتعامل معاك في الصيانة تكون مخولة

يعنى ممكن وكيل اجهزة في الدوحة بس وقت التركيب يجيك طاقم متخصص من الخارج يركب لك ويقوم ويشرف على عملية التشغيل والصيانة

في مكيفات اذا تعطل يجيك مندوب مقيم في دبي لشرق الأوسط لاصلاح اَي عطل وممكن يجيك في اَي وقت واوقات يجي في طيارة خاصه اذا مستعجل ومافي حجز له

هذا الشركة الام توفر لك مع توقع عقد معاهم اللي هو عقد الصيانة

وفي فنادق ومجمعات تعمل عقد صيانة بتوفير فني لمدة 24 ساعة في حالة اَي عطل يقوم به

مره كنت حاضر ومشرف على 4 وحدات تكيف شيلر من شركة ترين حجم كل وحدة 104 طن

جاي المندوب من دبي ليقوم بعملية التشغيل النهائية فكرته جاي يشغل ماكوك مب مكيف بالاجهزة اللي عنده وقعد تقريبا سبوع عشان يضبط عملية التشغيل

وخزان ماي محطوط في غرفة وفلاتر واجهزة تحلية حتى أقول في خاطري المكيف يتغذى بماي أصفى وأنقى من الماي اللي أشربة

معماري قطري
03-11-2016, 04:10 PM
عارفه الله يسلمك هذا نوع حتى دفع الهواء يجي من تحت .. مسوين كم غرفة سيرفرات قبل ومسوين لها هذا السيستم

اللي اقصده نفس الدكت سبلت بس الوحدة الخارجية برا حول الزراعة على صبية وبايبها جاي في دكت ممد سيدة تحت الأرض لين الوحدة الداخلية اللي مثبتة في الحائط واقفة وحتى صيانتها سهلة لها باب ألمنيوم والدكتات طالعة منها لفوق وممددة فوق السقف المستعار

هناك طبعاً يحتاجون طاقة تبريد أقل بس بعد اشوف الطريقة مناسبة لنا

الوطنيه
11-12-2016, 06:57 PM
الله يوفقك

Abu-hmood
11-02-2017, 02:38 PM
ممكن ترشحون لي افضل 3 شركات لتركيب مكيفات الدكت

ومثل ماتفضل اخوي azizuk الله يعطيه العافيه يفضل دكت من الصاج المجلفن مابي دكت الفلين لانه حسب كلامه يسبب امراض

وهل تنصحوني مستقبلاً اسوي سويتش تحكم في كل غرفه وهل بيكلف علي

معماري قطري
11-02-2017, 04:05 PM
ممكن ترشحون لي افضل 3 شركات لتركيب مكيفات الدكت

ومثل ماتفضل اخوي azizuk الله يعطيه العافيه يفضل دكت من الصاج المجلفن مابي دكت الفلين لانه حسب كلامه يسبب امراض

وهل تنصحوني مستقبلاً اسوي سويتش تحكم في كل غرفه وهل بيكلف علي

نظام تبريد الدكت سبلت والمركزي متقاربين وكلهم يبي لهم شركة مختصة بانتاج متميز ومهندسين تكييف فاهمين

المشهورين هم المتسوبيشي ولا مريت عليهم ولا عرفت شيسوون وغيرهم يجون جنرال العمادي وكان عندهم دكتور مهندس تكييف خبرة وفاهم والمواد عندهم جيدة .. وغيرهم ال جي التعيس في السبلت يقولون في الدكت سبلت جيدين وهم مسوين الستي سنتر على كلامهم .. وشوف بعد تدمر ودايكن وشركة الريس فوجي وجنرال

اللي تنتبه له في عقدك التحكم لكل غرفة ومواصفات التكييف لو فيه هواء طبيعي أو أوكسجين ومواصفات الدكتات وشغلها والفلاتر والضمانات .. إسئلهم شبيعطونك مبدئياً حتى تواصل معاهم وشوف المدير أفضل لأن مسؤول المبيعات دوم يبيك انت تسوي شغله أما المدير يوجهه حتى يكسبك وقول لهم انا ابي مواصفات مبدئية وحسابات مبدئية وسعر حتى اوقع .. هذي المبدئية بتخليهم يسوون شغل شبه متكامل لو وجههم المدير

لكن تروح مباشر لمسؤول المبيعات بيسوي تمثيلية على المدير وعليك وبيعطيك كتلوجات وبيقول لك كل شيء ينحسب بعد ما توقع العقد والحسبة بعدين تكون غير ولا تقدر تفاضل لأنك مسكت خط واحد

بوخالد911
11-02-2017, 10:05 PM
كل االتوفيق.

Abu-hmood
11-02-2017, 10:20 PM
اليوم رحت لكذا محل المحل الاول كان وانت طالع من اشارات سوق الخميس والجمعه بتجاه اشارات قطر الديكور هناك واحد عراقي كلامه كان طيب المكيفات الي عنده دكت سبلت صاج جلفنايز مع عزل ثرموبريك اماراتي ومايستخدمون اللاصق يستخدمون فلنج(براغي) المكينه تجميع تايلند وضمان خمس سنوات للكمبريسر وسنه صيانة


Sent from my iPhone using Tapatalk

معماري قطري
11-02-2017, 10:29 PM
اليوم رحت لكذا محل المحل الاول كان وانت طالع من اشارات سوق الخميس والجمعه بتجاه اشارات قطر الديكور هناك واحد عراقي كلامه كان طيب المكيفات الي عنده دكت سبلت صاج جلفنايز مع عزل ثرموبريك اماراتي ومايستخدمون اللاصق يستخدمون فلنج(براغي) المكينه تجميع تايلند وضمان خمس سنوات للكمبريسر وسنه صيانة


Sent from my iPhone using Tapatalk

شفيني دخلت موضوع مراجعة التصميم في موضوع التكييف

سامحوني خطأ مطبعي وبانسخ المشاركة هناك

الله يوفقك بو حمود .. مواصفات زينة بس شوف أكثر واسئل غيره

Abu-hmood
11-02-2017, 10:29 PM
المحل الثاني مقابل انصار ستي بعد محطة التيسير لقيت مدير المبيعات لحس مخي وجنني وكلامه حسيته يبي يبيع بس وكل كلمه والثانية قال مطابق للمواصفات عندهم بعد ميتسوبيشي تجميع تايلند نفس الاول بس عنده نظام غير قالي عنده سستم AVR دكت سبلت ويقول المكينه يابانيه اصليه والتجميع تايلند ما اقنعني بهالكلمه وهذي صورته
https://uploads.tapatalk-cdn.com/20170211/a0cf1644a8ed0f25581eb8ba4167bb9f.jpg

والدكت عنده صناعه قطريه والعزل كذلك وهذا شكله

https://uploads.tapatalk-cdn.com/20170211/bfeda86deec865bb8e523bbdde8910ea.jpghttps://uploads.tapatalk-cdn.com/20170211/c677d6271a5309f902ac7e12683ed0bc.jpghttps://uploads.tapatalk-cdn.com/20170211/2e970c92f5f70fd13709025cac2c66ae.jpghttps://uploads.tapatalk-cdn.com/20170211/cc226224d3edba2deb8d0f3e7c72152d.jpghttps://uploads.tapatalk-cdn.com/20170211/9fd42b941eacae196f93b1840e5da846.jpg

وهذا العازل

https://uploads.tapatalk-cdn.com/20170211/abeb31d4cbc8dfd1b5e863cc425bada1.jpg

وهذا ريموت التحكم
https://uploads.tapatalk-cdn.com/20170211/d54196dd28dc5fc73de6268141cbed3b.jpg


Sent from my iPhone using Tapatalk

Abu-hmood
11-02-2017, 10:33 PM
وهذي المكينه https://uploads.tapatalk-cdn.com/20170211/c6dc880e31424b5b78b4ea872d5d753c.jpghttps://uploads.tapatalk-cdn.com/20170211/83147ebf9d26276ffed406752134e74d.jpg


طبعاً قلت له الصاج افضل وحتى صحياً افضل من الفلين استندت على كلام اخوي عبدالعزيز

وقالي لا بالعكس الفلين افضل وبمراحل لان الصاج يصدي ويطلع صوت

بعد ما اقنعني بكلامه لان المحل الاول قالي الصاج افضل ومافيها نقاش


Sent from my iPhone using Tapatalk

معماري قطري
11-02-2017, 10:35 PM
الدكتات الثانية غريبة كأنها فوم مصبوغ بصبغ حماية

ننتظر بو سعود هو خبير التكييف

Abu-hmood
11-02-2017, 10:36 PM
طبعاً المحل الاول سعر الدكت سبلت حق غرفه مقاس 5*5 شامل كل شي 8000 ريال تقريباً طبعاً حجم 2.50 طن طبعاً قالي ترا المكيف موب طنين ونص الصح طن وربع بس مكتوب انه طن ونص

اما الثاني


Sent from my iPhone using Tapatalk

Abu-hmood
11-02-2017, 10:37 PM
الثاني قالي المبلغ التقريبي 85000 ريال لحجم عشرة طن شامل كل شي وضمان شامل كل شي لمدة خمس سنوات


Sent from my iPhone using Tapatalk

معماري قطري
11-02-2017, 10:41 PM
كان معانا مهندس مصري أسكندراني خبير تكييف وهو المختص بالتصميم والمواصفات .. شيب وتعب ظهره وسافر مصر تقريباً استغنوا عنه .. بس من حول 3 سنين أو سنتين رحت القسم الهندسي عند ربعي في لخويا حصلته هناك طلبوه لحاجتهم له ولخبرته لو تبغي رقمه بادبره لك واحتمال موجود واحتمال محد

Abu-hmood
11-02-2017, 10:41 PM
ورحت لشارع الخليج المحلات الي تحت فندق جنة الخليج ولقيت واحد سوداني كلامه كان طيب والي عنده بعد ميتسوبيشي تجميع تايلند وقال غرفه خمسه في خمسه راح تكلفني مابين 14000 الى 17000 والدكت الي عنده صاج مو فلين


Sent from my iPhone using Tapatalk

معماري قطري
11-02-2017, 10:44 PM
فرق كبير في السعر الأول لو افترضت 10 طن بيطلع لك 32000 والثاني 85000 وأكيد البيت بيحتاج أكثر هم عطوا مثال .. وبعد ما يحسبون الكميات بالضبط ويتحدد كل شيء بتتفاجأ بسعر بعيد عن المذكور كلامي

Abu-hmood
11-02-2017, 10:44 PM
اي والله لو ترسله خاص

Abu-hmood
11-02-2017, 10:45 PM
انا تحمست شوي في الكتابه اعتذر منك اخوي معماري

Abu-hmood
11-02-2017, 10:48 PM
الاول كلامه كان كلامه طيب ومقنع وسعره معقول والاخير نفس الشي بس سعره دبل الاول والمشكله نفس الصاج والمكينه ميتسوبيشي مافيه شي يختلف بينهم اما الثاني ماعجبني اسلوبه لانه مايعطيك فرصة تتكلم وغير هذا سعره مبالغ فيه

Azizuk
11-02-2017, 11:31 PM
مساء الخير ياشباب

موضوع التكيف متعب اذا راح تفكر في وايد

ومعظم الشركات حالياً صيني ماعدا الامريكي الأصل وجنوب أمريكا مثل المكسيك والبرازيل يصنع عندهم مكيفات لشركات الامريكية وبنفس الامواصفات الأمريكة

ميتسوبيشي الأصلي اللي زارة اخونا بوحمود شركة دايا وكيلم في قطر شركة التيسير

المناعي عندهم توشيبا بعد ممتاز

الدرويش عندهم شركة هاي سنس تتبع شركة هيتاشي في الأصل يصنع في الصين

ولهم مصنع جيمي في الامارات بعد يتبع شركة هيتاشي

http://www.gami.ae

شركة هيتاشي مع شركة كويتية عملو شراكة مع بعض وفتحو مصنع في الكويت لصاحبها رجل من أصل فلسطيني

وبعد النزو الغاشم اطرو لنقل المصنع اللي الامارات وتم فتح مصنع في الشارقة

على العموم التكيف عوار راس صراحه وخاصه الدكت

من ناحية الفلين صحيح ان هو خيف الوزن وماياخذ وقت في التصنيع والتركيب ولا اذا ماتعرض الى خدش

مشكلة دكت ألفين اذا انجرح أو انخرم بدريل هني تصير مشكلة صحيه

لان مادة الفلين تصبح زي الرذاذ الغبار

والمشكلة الثانية ان حتى لو انت تكون موجود على رؤوسهم اثناء التركيب

ماتضمن اصحاب الديكور أو الكهربائي ماراح يخرم أو ان يتعرض الفلين الى خدش

مكيف الدكت معظم الشركات ممتازة الأهم هي الوحدة الخارجية تكون ممتازة

انصحك في مكيفات غري بصراحه شفته في كذا بيت ممتاز بكل صراحه ومن غير مجامله ومن غير دعاية لهم بارد جداً

كرير ممتاز

يورك بعد ممتاز

جنرال الحلو في ان الوحدة الداخلية تطفي مع الكمبرسر في حاله لما توصل الدرجة المطلوبه

بعض المكيفات تستمر تشتغل الوحدة الداخلية حتى لو وصلت الدرجة المطلوبة

ويعطيكم الف عافية ودي أساعدك بس في الاخر القرار انت تتخذه

معماري قطري
12-02-2017, 12:08 AM
الاول كلامه كان كلامه طيب ومقنع وسعره معقول والاخير نفس الشي بس سعره دبل الاول والمشكله نفس الصاج والمكينه ميتسوبيشي مافيه شي يختلف بينهم اما الثاني ماعجبني اسلوبه لانه مايعطيك فرصة تتكلم وغير هذا سعره مبالغ فيه

ما تقدر تحكم على الأسعار الا اذا سووا حسابات متكاملة وكم طن تحتاج وكم طول الدكتات بعدين يعطونك تقدير شبه قريب للواقع .. لكن يعطيك سعر هشكل ومواصفات مبدئية صعب بيكون

حتى فني التكييف في أمريكا قال لي الدكتات القديمة حديد وصحية أكثر وجودتها عالية .. صج شوي يقرقع كان الدكت هناك جنها عراوي أيام الداتسون

لو بتاخذ إحتياطك من شغل الدكتات وبتتابع تركيب الجبس وبتشوف ناس يفهمون يسوونه وبتحذرهم أي خراب ما تعطيهم فلوسهم وينكتب في العقد يمكن الفلين لو محمية بقطعة معدنية سميكة تكون مناسبة .. أكثر الشغل تقريباً في الدكتات والفتحات للتهوئة بعدين يبقى عندك التحكم وجنرال وفوجي مجرب تحكمهم في السبلت مسكت صراحة ال جي كانت مميزاته مب لين هناك

بو سعود عطاك خيارات أكثر وشوف المجرب والفعال والعملي اللي سابقينك فيه الشباب ومجربينه وتوكل على الله والمهم مميزاته ترتاح لها وصناعته يابانية أو أمريكية

معماري قطري
12-02-2017, 12:11 AM
انا تحمست شوي في الكتابه اعتذر منك اخوي معماري

معذور يا اخوي

دامك ما بنيت للحين خطط تسوي عزل حراري بتخف عندك طاقة التبريد والمهندس باكلم مسؤوله في وقت مناسب وباخذ رقمه بس احتمال ما احصله واحتمال ما تحتاجه العملية سهلة إن شاء الله

Azizuk
12-02-2017, 03:04 PM
قرقعت الددسن اخوي معماري

بسبب قرب الدكت والتماسه مع الجبس يقرقع

ولاكن لازم يكون في بعد مسافة بين الدكت والجبس والغرلات

حالياً تركب قطعة من ربر مطاطي كأنها الآلة الموسيقية معرجه

وضيفتها تخفف قوة صوت دفع الهواء والرطوبة الخارجة من الوحدة الداخلية وتمتص قوة الاهتزاز

طولها تقريباً متر تتركب بين الوحدة الداخلية والدكت

اقل مسافة بين الدكت والغرلات 10 سنتيميتر

وأول أسبوع مايشتغل التكيف لازم تهتز الغلات مع الدكتات والجبس لين تأخذ وضعها الطبيعي

في هالفترة الزمنية ممكن يكون في تشققات في وصلات الجبس وتحتاج معجون وصبغ من اول

وهذا يعتبر امر طبيعي

لان اول تشغيل للمكيفات لازم ان بيهتز لين يأخذ وضعه الطبيعي

اذا تقدر تركب مكيف سنترال ركب وريح بالك

أو ركب نظام ( ألفي أر في ) الجديد vrf ممكن أغلى بس اذا انت مقتدر ركب النظام الجديد

معماري قطري
12-02-2017, 03:50 PM
البيت اخوي كان قديم والقرقعة بعد من الفتحات .. اقول شهالهدوء وشفايدة الدكت سبلت ما دامه جذيه

ألحين أكيد فيه تطور كبير بس نظام الفي ار اف بعد بدكتات ونظام التيوبات ما تنفذ .. ذاك كان عبارة عن تيوبات تثلج فوق الجبس وتنزل عليك برودتها بدون هواء بس تحتاج عزل جيد للجدران والسقف والأرضية

إختيار الدكتات وتركيبها هو المهم ولو يسونها ألمنيوم أو بلاستيك معزول بتطلع عملية وخفيفة وممكن تثبت عدل

بالنسبة لي الله يعين عندي مساحة بناء حول 1600 لازم ارتب المواصفات واحتمال اسوي خليط بين السبلت والدكت سبلت حدي

هارون الرشيد
23-02-2017, 12:30 AM
اليوم حبيت أشاركم بحثي الاسبوع الى طاف عملت بحث لموضوع مكيفات الدكت سبيلت

1- مستبيشي التيسير ( عندة النظام الجديد vrf ) ولكن الطن ب 8500 ريال ، يعني لو محتاج 10 طن السعر 85000 ألف
ومن مميزات هذه النظام أنه يعمل على عدد 2 كمبريسر ، لو وقف واحد يشتغل الثاني لين يجونك الصيانة . يعني ماتتعطل
والنقطة الثانية من المميزات أنه في تسخير أيضا ، للشتاء وأيا البرد يقلب النظام هيتر . والنقطة الثالثة أنه موفر للطاقة

2- جنرال عطاني 8 طن بسعر 33 الف ، مكينة وحده فقط ....... ونظام البستن سكرول ( حلزوني )

3- فوجي عطاني 7 طن بسعر 35 ألف عدد مكينتين 3ونص + 3 ونص والنظام سكرول

4- دايكن عطاني 7 طن 40 الف عدد مكينتين وأيضا النظام سكرول

5- جري عطاني 7 طن ب 25 ألف عدد مكينتين أيضا والنظام سكرول

6- سامسنج عنده 6 طن قطة واحده ب 20 الف و للمكينتين 25 الف

ملاحظه مهمه المكينة الواحده دائما تكون مزعجة ، ويفضل مكينتين صغار أفضل وهناك ايضا ميزه في المكاين الصغار ، لو تعطلت وحده عندك في المجلس يكون عندك وحده تشتغل أفضل من المكينة الكبيرة اللي توهقك ومزعجه في نفس الوقت

أتمنى أني أفدتكم بجديد الدكت سبلت .... وشكرا لكم

معماري قطري
23-02-2017, 10:25 AM
انا مع نظام ال Vrv وسعره نزل وايد وصناعته في الغالب يابانية حسب ما سمعت قبل ويمكن انتشرت هو نظام متطور ويدخل هواء نقي خارجي .. حتى لو تركب جزء بسيط منه حق صالة الجلوس اليومية والغرف الرئيسية كثيرة الاستعمال والباقي تقدر تنوع لتخفيض التكلفة أو تركب سبلت

Abu-hmood
23-02-2017, 11:22 AM
يعيب نظام الــ Vrf الدكت يكون فلين موب صاج


Sent from my iPhone using Tapatalk

معماري قطري
23-02-2017, 11:55 AM
اتوقع نظام الدكت انت تختاره بس الواحد يفكر فيها 10 طن ب 85000 والبيت يبي له حول 30 + قيمة الدكتات وأشياء ثانية تظهر يرفعون السعر فوق المتوقع

محد جرب يسوي دكت خشب مبطن من داخل بقصدير ومن برا بعازل أو جبس والجبس يعزل عدل؟

البليوت الخشب ما يكلف شيء وسهله نجارته وتقطيعه واهتزازه أخف

khalid-63
23-02-2017, 12:10 PM
شرايكم في نظام الدكت نوع جري ؟
حد جربه ؟؟

هارون الرشيد
23-02-2017, 03:19 PM
أكتشفت شيء جديد وعملي جدا لتكييف المنازل وهو Mini VRF من ماركت سامسننج وفي كذالك فوجي ودايكن

طبعا أتصلت فورا لشركة سامسنج وسألته عن المكيف الجديد Mini VRF قالي جاي في الطريق

هذ هو الرابط الفيديو التعريفي https://www.youtube.com/watch?v=xHmk-c1uTxA

Abu-hmood
23-02-2017, 04:15 PM
حسب كلام البائع الي في شركة المتسوبيشي قالي ماتقدر تركب دقت غير الي عندنا ياتاخذ vrf كامل مع الدكت ولا مايصير

زبدة الكلام vrf منفصل ماراح يبيعه لك وبصراحه اشوفها شغله سلبيه للشركة يجبرونك تشتريه كامل وغير كذا سعره احس انه مبالغ فيه مع غيره من الشركات المنافسه

هارون الرشيد
23-02-2017, 06:30 PM
بو حمود كلامك صحيح ، وحاب أضيف شيء على كلامك ، مدير المبيعات مستبيشي التيسير شخص أسمه أنيس ( أعتقد تونسي ) مش مظبوط في الكلام ، أنا أختبرته وقلت له .

مابي نظام vrf وأبي الدكت سبيلت القديم ، قالي خلاص كنسلنا القديم مانجيب الى vrf .

أتصلت في نفس اليوم كلمني شخص أخر .... وقلت في نفسي خل أساله نفس السؤال أشوف شيقول .

قالي الشهر الجاي بنجيب الدكت سبيلت القديم:rolleyes2:

بالعربي السيلر دايما يبي يبيع ، وهو طبعا يبي يصرف النظام الجديد الى عنده ، مايبيه يتم في المخازن .

Abu-hmood
23-02-2017, 06:40 PM
اخوي هارون كلامك سليم ولو ترجع للصفحات الي قبل بتلقى انه ماعجبني اسلوبه واحسه موب صادق وقلت من جنسيه عربيه والمشكله سألته بعض الاسئله ماعرف يجاوب وهذا يدل انه ماعنده خلفيه عن هالشي

وفي الاخير مثل ماقلت هو سيلر يبي يبيع


Sent from my iPhone using Tapatalk