وش رايكم بخدمة connected من بريد قطر ؟

[qwerty]

السلام عليكم
بريد قطر كيوبوست مسوين خدمة جديدة مثل الاارامكس الي هي صندوق بامريكا تشحن من خلالة لقطر
وابي اسئل من الاخوان الي جربوها هل هي افضل من ارامكس ولا لا
وخدمة التجميع حقيقي ولا وهمي
وهل لها سلبيات ؟

[السكين]

موضوع مهم كنت من فترة أفكر فيه بس الحذر والتأني لأنه خدمات البريد للأسف لا زالت غير جيدة ولا إحترافية.

[ya3coub]

عندي حساب بس ما جربتهم كل ربعي الي جربوهم يذمونهم للأسف


ليلحين تأخير و الدفع

تعامل مع ups احسن للشحن

[الحياة الخالدة]

عليكم السلام ورحمة الله وبركاته
شوف هذا الموضوع يمكن يفيدك

http://www.qatarshares.com/vb/showthread.php?618794-%E6%CF%C7%DA%C7-%E1%C3%D1%C7%E3%DF%D3%A1%A1-%C7%E1%C8%D1%ED%CF-%C7%E1%DA%C7%E3-%ED%D8%D1%CD-%E4%DD%D3-%CE%CF%E3%C9-%D4%E6%C8-%C7%E4-%D4%ED%C8-%C7%E1%CD%DE%E6&highlight=%DF%ED%E6%C8%E6%D3%CA

[بـن عدوان]

جربتهم اول ما افتحوا وكنت مستانس

بس للأسف ما راح اجرب من عندهم مرة ثانية ،، يمكن مستقبلا اذا تحسنوا

مش بروفشنال كلش والشحن كان ارخص من ارامكس بشوي بس انه يحسبون اشياء وايد غصبا عنك او مالها داعي

كان عندهم تأخير في التسجيل وقررت ارجع الشحنة وعشان يسوون ابديت انها طلعت من حسابي خذوا شهرين يمكن وكل شوي يتصلون يقولون عندك شحنة وهي اساسا ارجعت لمصدرها !!

تحس انك متصل فودافون خدمة العملاء !

ارامكس والشركات الثانية فاهمة شغلها غير انها تخاف على سمعتها

هاي ردي في

بقولكم تجربتي وانا عن نفسي ماراح اتعامل معاهم

اول شي تأخروا في تسجيل اشحنة 10 او 11 يوم تقريبا

المنتج اللي طالبه 6 كيلو في امازون ولما وصل كونكتد مبين 19 كيلو اظن وسوا له repacking وصار 10.6 والـ repacking عليه رسوم ومن غير طلبي يسوون له

تخيلوا قيمة الشحن تقريبا 400 ريال والمنتج قيمته 400 بعد يعني 800 ريال

المشكلة هم يحسبون بالابعاد ومو بالوزن الفعلي للمنتج

وفوق هاي ياخذون قيمة شحن اساسية مالها داعي 60 ريال من بريطانيا، والمفروض تحتسب ضمن الوزن !

وبالنسبة للخصم 30% لحد يستانس، الخصم على قيمة الشحن الاساسي تطلع 18 ريال ولا 15 بس !

بالنسبة لسرعة التجاوب وحل المشاكل اعطيهم 0 من 10

كلمتهم على تويتر عالخاص اسحبوا عليي وفالحين يحطون لايكات على تغريدات الناس !

ارامكس افضل واذا تجميع my us

بضطر ارجع الشحنة الى مصدرها ولا اني ادفع هالمبالغ

[نجم سهيل]

السلام عليكم

طلبت من عندهم غرض للسيارة .. ووصل مخزنهم في أمريكا

وغيرت رايي عقب وقلت لهم برجع الغرض للبايع وبموافقته طبعا وذلك لسبب حجم السلعة اللي فرض علي مبلغ وقدره بضعف سعرها، اهني شفت التخبط وكل يوم يومين اتصل فيهم وكل واحد اكلمه جنه اول مرة يسمع بشي اسمه Return. او Refund وهو موظف بريد يتعامل مع المشتريات.

وباختصار .. اشتريت الغرض 16 ابريل تقريبا وبعد شهرين تقريبا تمت ازالة السلعة من حسابي في الموقع ومابغوا

وليومك مارجعت لي فلوسي

وبالنسبة للمشتريات العادية الامور طيبة .. جربتهم كذا مرة