الجي ار سي

[HSMK]

السلام عليكم ورحمة الله وبركاته
كيف الحال جميعا ان شاء الله بخير
اخواني
انا الان في صدد تركيب جي ار سي للفيلا من الخارج عندي لتغطيه انابيب الصرف الصحي اجلكم الله
ولكن اخترقح علي صديق بان اغطيهم بالالمنيوم لخفته وسهوله عمل الصيانه للانابيب مستقبلا حيث ان الالمنيوم
ممكن يتركب له ابواب فتح للصيانه ولكن انصدمت من الاسعار للمادتين
الاول :-
الالمنيوم قالي المتر على 320 ريال وطلع عندي جميع المقاسات بتكلفة 23 الف
والثاني الجي ار سي المتر 400 ريال وطلع جميع المقاســـــــــات بتكلفة 28 الف
فهل هذه فعلا اسعارها بالسوق لان فعلا ماتوقعت ولا حسبت حسابها بتطلع بهذه التكلفه
والي فيكم يعرف احد يسوي لي المطلوب بسعر معقول الله يجزيه خير يدلني عليه واكون شاكر له
مع العلم اني بس حاب اغطي الانابيب عشان اتمام البناء واجراءاته ..
واسف على الاطاله وشكرا لكم مقدما

[بوجبر]

الجي ار سي توني منتهي منه لبيتي وكلفني 12 الف

[HSMK]

من اي محل اخوي بوجبر سويته

[معماري قطري]

تبي نصيحتي لتركب لا ذيه ولا ذاك .. المادتين شكلهم شاذ ركب طابوقة كاملة بيكون شكلها بارز 20 سم بس نفس البيت .. بايبات الصرف ما تحتاج صيانة وقوية ممكن تحتاج فتحات تسليك وهذي مكانها قرب الحمامات في الوصلة اللي تشبك الأُفقي مع العمودي وهذي خلها مكشوفة واصبغها بنفس صبغ البيت

بايبات امداد الماي لو كانت مكشوفة أفضل تلاحظ أي تسرب وانا سويتها تحت البلاستر وسربت واحتديت اكسر شوي وصلحنا مكان التسريب .. بس مكان التسريب كان مقصود وأحد العمال ضارب مسمار مسوي فتحة صغيرة مع مرور الوقت تكبر وتسرب

الحل الثاني تكون مخطط لها ومسوي دكت داخلية ومغطيها بخشب ومركب عليه سيراميك ما تبين بس للتكسير أسهل بكثير

[HSMK]

تسلم اخوي معماري على الاضافه الجميله منك
وفعلا كلامك صحيح بس المشكله اني ماقدر اسوي الي قلت لي عليه والسببب اني مركب حجر على البيت كامل وعقب ركبت البيبات
لسوء حظي وقت تركيب الحجر والبابيات ماكنت متواجد بالبلد ولا فكرت بنفس طريقتك اسويها بس بخسر اكثر تكسير حجر وتعديل مره ثانيه
الله يعطيك العافيه

[معماري قطري]

الله يعافيك ويوفقك ويعينك

صج في حالتك الاختيار صعب وما ادري ليش ما يخلونها مكشوفة التخطيط .. ممكن تنصبغ بلون مقارب للحجر وتعطيك تمويه جرب اصبغ خل صباغ يسوي جزء يدوي وشوف شلون

المبلغ تستفيد منه داخل أفضل حق أثاث أو انارة أو أي شيء غير

[HSMK]

بشوف بس بعد تظل البابيات مشوهه المنظر
ايه والله صدقت المبلغ ماتوقعته توقعت اقل بكثير
بس كل شي غالي الحين والله المستعان
تسلم اخوي بارك الله فيك

[معماري قطري]

انتبه لنقطة مهمة الجي ار سي بالفتحات يكون شكله حلو بس بعد يكون زين لتعشيش الطيور .. لو بيسوي فيه فتحات يحط ورا شبك ملتصق به حتى بلاستيك فيه

وفنيين الجي ار سي عندنا يقهرون شغلهم ردي للآخر ولا يعتبر جي ار سي من درجة الغش اللي فيه