المبالغة في حجم وتشطيب بيت العمر وخصوصا بالسلفيات

[قطري2022]

لماذا التبذير و المبالغة وكسر الظهر ؟ والموضوع بسيط جدا لايبتغي ذلك كله ، لااقصد المقتدر والمليونير ، اقصد ذو الدخل المحدود ، هل من العدل ان احرم نفسي وزوجتي واولادي من متع الحياة بسبب الرغبة في زيادة حجم المنزل وتشطيبه كتشطيب القصور او لاني اود ببناء منزل كمنزل المليونير ؟ يجب الا ننسى ان هناك اناسا لايملكون غرفة ، وهناك من يستاجر غرفة فقط كي يعيش بها هو وزوجته واولاده ، انتبهو لكلمة يستاجر غرفة له ولاولاده ، ونحن لدينا ارض مجانية وقرض حسن ومريح ومع ذلك لايعجبنا ولا يملىء اعيننا ونرغب بقصر عن طريق السلف او بحرمان انفسنا واولادنا من الصرف المعقول ، كما ان هناك ايضا من يستاجر شقة اقل من متواضعة بغرفتان ولديه خمسة اولاد ، ان المليون ومئتان معقولة جدا لبناء فيلا محترمة ومشرفة ، وهنالك ايضا اثاث مشرف باسعار معقولة ، ، ولاحرج ان اضاف الشخص مئتان الى ثلاثمائة ريال لاستكمال البناء والاثاث اذا كان المبلغ لايؤثر على راحته واسلوب معيشته ، حيث هنالك اثاث مشرف باسعار معقولة ، لاداعي لشراء طقم غرفة نوم بثمانون الف واكثر ، فعلى سبيل المثال ، رايت غرفا من معارض ضخمة راقية لاتتعدى خمسة عشر الف ريال .
ان هناك شعوبا فقيرة قد كانت من اغنى الشعوب سابقا ، فتردى حالهم بسبب البطر على ما انعم الله عليهم ، انتبهوا فالنعمة زوالة والقناعة بما لدينا تندرج تحت ركن من اركان الايمان وهو الايمان بالقدر خيره وشره ، فمشكلتنا تكمن في ان ذو الدخل المحدود يريد فعل مايفعله الغني من بهرجة وتفاخر ، والتراجع عن تلك الفكرة يجب ان يبدا بها مجموعة من الناس ، لانه ان بدا بها شخص او شخصان فلن يتقبلها من حولهم ، لذا يجب ان يكون تغيير عن طريق مجموعة من الناس وليس بشخص ، على حسب ماسمعت ان هذه المبالغة تحصل احيانا بسبب الزوجة التي لاتريد ان تكون اقل من اختها او صديقتها ، هنا ياتي دور حكمة الرجل وقوة شخصيته في ردع تلك الافكار التي سوف تكسر ظهره وتوقعه في التفكير لسنين طويلة مما قد يؤدي الى مرضه بالسكر او الضغط او القلب او المعدة او القولون ، فلن تنفعه زوجته في ذلك الحين ولن تنفعه البهرجة ، ختاما ان يجب ان تتذكر دائما قوله تعالى : ( إن المبذرين كانوا إخوان الشياطين ) .[/size]

[ساراام]

اللي عنده هذا بكيفه

لكن اللي مو قادر ليش يطالع فوق

مد ريلك على قد لحافك ماله داعي تسوي مثل فلان وبالاخير تضيق على روحك

[راعي ال VXR]

جزاك الله خير اخوي على التنبيه والتذكير

[رجل الجزيرة]

أنا وبفضل من الله تعالى بنيت فليتي على أيام الرخص يوم كان القرض ب 600000 ريال ووفرت 45000 ومع ال 50000 علاوة آثاث البيت كملت البيت مع الأثاث والحمد لله.
:)

[mr. abdulla]

المشكلة صارت عندنا الناس كلهم يبون أعراس و بيوت و سيارات و سفرات مثل الاثرياء... مب غلط نطمح و نشتغل عشان نوصل لمستوى عالي في الثراء بس الغلط لما نخدع عمرنا و ناخذ سلفيات عشان نعيش مثلهم للحظات ... كم معرس عندنا خذ سلفية نص مليون او اكثر ... كم واحد تسلف عشان يشتري سيارة ب 600 او اكثر و الحين تسوى السيارة اقل من نص قيمة الوكالة... كم واحد فينا للحين قاعد يسدد مبالغ البطاقة من سفرة صيف 2015 .. كم بيت واقف لان صاحب البيت افلس بسبب اصراره انه يركب رخام إيطالي ... امثله كثيرة من واقع حياتنا

[سعود.]

المشكلة في التشطيبات .
مثال : دش الاستحمام ( الاستاند ) فية 100 ريال واقل .
وفيه بخمسين الف واكثر . :omen2:

[CH Engineer]

البيت راس ماله فيه
اذا بتشطب البيت ب500 الف يوم تجي تبيع يرفع من قيمة البيت والتشطيب بتربح سعره دبل يعني فلوسك ما ضاعت
وبنفس الوقت تحرك السوق

المشكله فالأسعار الي عندنا الي يكلفك 30 الف فالدوحة
يكلفك 5-10 الاف في الرياض

[غريب الدّار]

يعني اخوي تبي تقول ان ال مليون و 200 الف تكفي بس الناس هم اللي يبالغون ؟؟؟

[mr. abdulla]

يعني اخوي تبي تقول ان ال مليون و 200 الف تكفي بس الناس هم اللي يبالغون ؟؟؟

لا اخوي مستحيل تكفي.. تحتاج بين مليونين و أربعة ملايين لتبني بيت العمر .. و اذا عندك خير سو اللي في خاطرك.. المشكلة في اللي ما عنده او اللي على قد حاله و يصير يبني بيت مكلف... في نهاية المطاف تلاقي بيته واقف و هو ضايع بين البنوك و المحاكم ..

[mr. abdulla]

البيت راس ماله فيه
اذا بتشطب البيت ب500 الف يوم تجي تبيع يرفع من قيمة البيت والتشطيب بتربح سعره دبل يعني فلوسك ما ضاعت
وبنفس الوقت تحرك السوق

المشكله فالأسعار الي عندنا الي يكلفك 30 الف فالدوحة
يكلفك 5-10 الاف في الرياض


مب شرط اخوي و الناس اذواق.. في ناس تجيب العيد في التشطيب.. تسأله شسويت يقولك كلفني مليونين.. التشطيب مب مسألة كم كلّف التشطيب ... قيمة التشطيب في الاذواق و كوالتي المواد المستخدمة

[سعود.]

لا اخوي مستحيل تكفي.. تحتاج بين مليونين و أربعة ملايين لتبني بيت العمر .. و اذا عندك خير سو اللي في خاطرك.. المشكلة في اللي ما عنده او اللي على قد حاله و يصير يبني بيت مكلف... في نهاية المطاف تلاقي بيته واقف و هو ضايع بين البنوك و المحاكم ..

هلا اخوي

الي بيشوف ردك بيصيدة احباط . ليش 2 او 4 مليون .
تري فية ناس بناء وتشطيب ماكلفهم الا 1.4 مليون ويمكن فيه اقل . وهذا يعتمد على مساحة البناء وسعر المقاول ونوع التشطيب

[MAZEN37]

تعجبني ويا ريت الي يشطب ويدفع يكون في مكانها هو فقط يبي الغالي ويبي يدفع بمعنى مافي عنده فكرة اصلا

[جبر ال جبر]

ماذبحنا الا هياط ادول,,,, بس اذا في بيته شطبه تشطيب راقي وحلو انا اؤيد هذا الشي ولكن لمن تدخل مجالس ناس من ذوي الدخل المحدود تقول داش الديوان بوابات ضخمه والمجلس من الرخام المطعم بالديباج وخشب الناب الثريات الضخمه الكراسي الماركه فرساتشي ولا دلوشي غبانا اراضيات من الزمرد والزل المحفر وبيته شعبي ورا المجلس كله ديون عشان المظهر الاجتماعي مايكون اقل من المواطن الستاندر ديون 10 سنوات قدام اذا مب اكثر

[رجل الجزيرة]

كثير المقاولين كذابين سويت عقد مع مقاول سنتين ولا إستلمت بيتي إلا بعد 3 سنوات.

[حمد بن سعد]

لما الامر يتعلق في اعيالي وفكر في مستقبلهم وبني شي يكونون مرتاحين فيه مستقبلا باخذ وبسوي ان اقصد من ناحية حجم الغرف وعددها مش في الديكورات الاوفر .

من حقي ابني بيت وخلي كل غرفه حجمها معقول ومناسب وفيها الخدمات له مستقبلا ماعيشه في قرقور مادري في وقته بيحصل ارض مثل ابوه خلال 6 سنوات او اكثر الله اعلم .

ان ماشوفه تبذير دام اني مسويه لهم .

[بوحارب]

احسنت اخوي قطري طرح موفق وكلامك في محله

وانا نفسك مستغرب من اللي يبالغ في حجم البيت او زيادة الديكورات بحجه ان بيت العمر !

طيب بيت العمر هذا مصيرة بعد 30 - 35 سنة بينهدم وبتبني بداله واحد ثاني ترا مب تام للأبد

والمشكلة المظاهر الزايده هذي تكون عن طريق القروض والسلفيات اللي تكسر الظهر

كثير اعرف شباب بالغوا في تصميم البيت وانواع التشطيب والحين البيت واقف وصار مهجور وراعي البيت مازال عايش بالأيجار او عند والده

طيب ليش سويت كذا من البداية

والله يقول القرض ما يكفي يسمحلي واقوله غلطان بالعكس القرض يكفي بالتمام وتقدر تبني فيلا مشطبة وشغل نظيف

[حمد 2002]

الراحه زينه اي نعم زينه ..

مدام الواحد عنده فلوس ليش يعيش في قرقور وعشه لا ، خله يرهي على نفسه ويرتاح والله ..

اذا ماعاش في بيت زين ووسيع وراهي وفخم وهو شباب وبصحته ، عيل لايبني بيت فخم بعدين ..

بمليون وميتين حقه الحكومه وخله يجمع ويزيد عليهم كمن مئه الف وبيبني احلى وافخم بيت لو كان عنده ارض ..


نصيحتي لك يالي عندك فلوس لاتبخل على نفسك ترى هاي بيت العمر ولازم اذا بنيته اتحط في بالك ملاحق لعيالك بالمستقبل بهالبيت وغرف وسيعه لانه بعدين التكسير والاضافات صعبه ومكلفه ..


ارسم مخططك للمستقبل بهالبيت ولا تكون نظرتك لسنه ولسنتين ..

[بوحارب]

الراحه زينه اي نعم زينه ..

مدام الواحد عنده فلوس ليش يعيش في قرقور وعشه لا ، خله يرهي على نفسه ويرتاح والله ..

اذا ماعاش في بيت زين ووسيع وراهي وفخم وهو شباب وبصحته ، عيل لايبني بيت فخم بعدين ..

بمليون وميتين حقه الحكومه وخله يجمع ويزيد عليهم كمن مئه الف وبيبني احلى وافخم بيت لو كان عنده ارض ..


نصيحتي لك يالي عندك فلوس لاتبخل على نفسك ترى هاي بيت العمر ولازم اذا بنيته اتحط في بالك ملاحق لعيالك بالمستقبل بهالبيت وغرف وسيعه لانه بعدين التكسير والاضافات صعبه ومكلفه ..


ارسم مخططك للمستقبل بهالبيت ولا تكون نظرتك لسنه ولسنتين ..

الموضوع يتكلم عن اصحاب الدخل المحدود مب اللي عنده فلوس

صحصح يا قفل :(

[حمد 2002]

الموضوع يتكلم عن اصحاب الدخل المحدود مب اللي عنده فلوس

صحصح يا قفل :(

قدام المليون وميتين ومع زياده قليله منك وبذكاء في البنيان وبعض الديكورات الخفيفه من ذوق اصحاب البيت وليس شركه ديكور تقدر اتسوي احلى اللمسات سواءا كانت عندك فلوس او ماعندك الا طرق المعاش ..

[معماري قطري]

اللي بيركز على الجودة والمهم وبيبتعد عن المبالغة في التجميل الله بيوفقه

جمال البيت في بساطته وزراعته وسهولة استخدامه وفي قلة صيانته لجودة المواد

في العزل الجيد ودخول النور الطبيعي

بيت صراصيرلس سهل الحصول عليه لو ركبنا بايبات صرف بإغلاق محكم للصرف الراجع .. يعني ون وي اوتسايد داخل ممنوع وهذا ما يكلف الا مبلغ تافه جداً ممكن ما يزيد عن 100 ريال لكل حمام ومطبخ مواد وشغل

إختيار استشاري جيد وقصدي باستشاري مكتب متكامل مب شخص

في النهاية البنيان مشقة وخسارة الواحد يفضل يتعب مرة وحدة ويبني بنيان يسوى ويكبر شوي بحدود حتى يكفي عائلته .. وخسارة لها مردود لو صرفنا صح وأحسننا الاختيار .. ودوم توجد بدائل ممكن تكون أرخص وأفضل

القرض ما يكفي صحيح لبناء جيد ما يكفي ولازم الانسان يوفر من مصادر ثانية لو حب يبني صح

من أيام أسئل شخص بنى قرب وقت بنياني وكانت التكلفة وحدة بس كان غير راضي عن بنيانه .. ومشكلته ومشكلة الكثيرين يحط نفسه هو المهندس ويجيب شركة رخيصة وهو اخوه باني له وتورط مع طريقة 1 - 2 واحد عظم و 2 تتحول لمراحل وكل مقاول يخرب شغل الثاني .. بعدين يطلع لنا بنتائج إن البيت الأول بيعه والثاني أجره والثالث اسكن فيه

شفت تجربة أشخاص مقربين وعشتها معاهم في البنيان وعانوا من تكسير وخساير كبيرة بعضها توصل للمليون فوق العقد ولا تكون في محلها

نصيحتي الواحد يحط ثقته في استشاري جيد ولا يبالغ ولا يتدخل في المساحات .. ممكن يحدد محتويات الغرف ويطلب توزيع أثاث مبدئي لين يرسى على تصميم معين ويتابع التفاصيل بدقة بعضهم ذمتهم ناقصة والمعماري في صوب والانشائي في صوب بسبب الاستشارات بالباطن وعن طريق ناس بعضهم هواة ما عندهم علم صحيح

[معماري قطري]

نسيت شيء مهم جهات الدولة المختصة عليها مسؤولية كبيرة في جودة البناء وحقوق الملاك وصراحة مقصرة كثير

[سعود.]

نسيت شيء مهم جهات الدولة المختصة عليها مسؤولية كبيرة في جودة البناء وحقوق الملاك وصراحة مقصرة كثير

صحيح يابو عبدالله

والكذبة الكبرى ( الاستشاري ) اغلبهم حالة حال المزهيرة . يشوف الغلط ويسكت او مدهون سيرة من قبل المقاول .
من كمن يوم واحد من الربع يبني جنب بيتي . وكان عندة صبة قواعد اسال المهندس اقوله وين الاستشاري يقول ماجاء . زين المبلغ الشهري الي ياخذة ؟؟؟؟

[R 7 A L]

نسيت شيء مهم جهات الدولة المختصة عليها مسؤولية كبيرة في جودة البناء وحقوق الملاك وصراحة مقصرة كثير

لين متى واحنا نعتمد على الدولة
لين متى واحنا نعلق اخطائنا على الغير

[معماري قطري]

لين متى واحنا نعتمد على الدولة
لين متى واحنا نعلق اخطائنا على الغير

الشيخ جهات الدولة هي اللي تدخل مواد مقلدة

جهات الدولة هي اللي ترخص الاستشاريين بدون آلية ورقابة على شغلهم ومحاسبة

جهات الدولة هنا اقصد جهات عديدة صج مقصرة حتى العمال لازم لهم ليسن للشغل كلٍ حسب تخصصه

جهات الدولة للحين ما تلزم المقاول بكود للبناء وللحين ما توثق العقود وللحين لو تشتكي ما تحصل تحقيق يصير في الحال

[معماري قطري]

في النهاية البنيان له قوانين محددة من الدولة وآلية تطبيق لهذي القوانين

[معماري قطري]

صحيح يابو عبدالله

والكذبة الكبرى ( الاستشاري ) اغلبهم حالة حال المزهيرة . يشوف الغلط ويسكت او مدهون سيرة من قبل المقاول .
من كمن يوم واحد من الربع يبني جنب بيتي . وكان عندة صبة قواعد اسال المهندس اقوله وين الاستشاري يقول ماجاء . زين المبلغ الشهري الي ياخذة ؟؟؟؟

حاولوا يصلحون الحال ما قدروا ما ادري ما حبوا .. زين صاحب البنيان لو عرف في يده يبلغ جهة وتتخذ اجراء وحتى يكون عقده صارم وواضح محد بيطلع أبسط حقوقه

[CH Engineer]

مب شرط اخوي و الناس اذواق.. في ناس تجيب العيد في التشطيب.. تسأله شسويت يقولك كلفني مليونين.. التشطيب مب مسألة كم كلّف التشطيب ... قيمة التشطيب في الاذواق و كوالتي المواد المستخدمة

اخوي انا اتكلم عن التكاليف
عندنا التشطيب يكلف والاثاث يكلف مجبور تدفع

الأغلب يشطب من السعوديه
حمامات ومطابخ وسيراميك و حتى الاثاث

[معماري قطري]

اخوي انا اتكلم عن التكاليف
عندنا التشطيب يكلف والاثاث يكلف مجبور تدفع

الأغلب يشطب من السعوديه
حمامات ومطابخ وسيراميك و حتى الاثاث

وصلنا لمرحلة التشطيب الوسط أقل من الخرسانات والطابوق وشكلها بترجع هذي المرحلة لو صار ضغط بناء بس ألحين شبه توازن مع التشطيب الوسط

[الشفق الهادئ]

كثير المقاولين كذابين سويت عقد مع مقاول سنتين ولا إستلمت بيتي إلا بعد 3 سنوات.

اتفق معاك انا عقدي مع المقاول تسع شهور والحين بكمل السنه الخامسه وبيتي فله عاديه ومو مسويه شي مبالغ فيه بس لنا الله

[قطري2022]

نصيحتي للي بيختارون مقاولين او دكتور او محامي او اي شي بيشتوونه ، سالو اقاربكم واصحابكم عن احسن شركة او احسن دكتور او احسن استشاري او احسن محامي الخ .... ، لان الشهص المممتاز سمعته تسبقه .
بالنسبة للمقاول لازم نسال عن احسن مقاول حتى لو كان غالي شوي ، ومن الخطا نجرب مقاول ما انعرفه ولا الي حولنا جربوه ، تجنبا للخسائر والمشاكل والتعب النفسي والتوتر ، لازم الواحد يشتري راحة باله

[معماري قطري]

هنا حطيت زبدة الزبدة ومثالين لعقود بناء خلصناهم بجودة عالية وفي الوقت المحدد .. البيت تأخر لأسباب عديدة منها التزامات مع مقاولين ثانيين خصوصاً الخشب خذ معاي حول السنة

http://www.qatarshares.com/vb/showthread.php?620463-%E4%D5%C7%C6%CD-%DA%C7%E3%C9-%DD%ED-%C7%E1%CA%DA%C7%DE%CF-%C7%E1%E5%E4%CF%D3%ED-%E1%E1%C8%E4%C7%C1-%E6%C7%E1%C7%D3%CA%D4%C7%D1%C7%CA

[شيخ الديرة]

قد يكون مفيداً جداً من الناحية العملية، وجود 5-10 موديلات ثابتة، تقوم بنشر تفاصيلها ومواصفاتها جهة حكومية، بحيث يعرف المالك والمقاول النتيجة والكلفة مسبقاً.

[معماري قطري]

قد يكون مفيداً جداً من الناحية العملية، وجود 5-10 موديلات ثابتة، تقوم بنشر تفاصيلها ومواصفاتها جهة حكومية، بحيث يعرف المالك والمقاول النتيجة والكلفة مسبقاً.

معاك في هذا وقبل كانت توجد نماذج محددة للبيوت وتقوم عليها الحكومة وبإشراف حكومي وسعرها معروف بس ما ادري شاللي تغير .. المفروض يكون فيه تطوير للعملية بتحسين النماذج وعمل اضافات حسب رغبة العميل وسعرها معروف وعيناتها موجودة وتشرف على تنفيذها جهة حكومية

نظام البناء لدى المطورين في أمريكا يتكون من نماذج كثيرة توصل حسب كتب عندي لعدد 4000 نموذج .. كل نموذج تكلفة وثائقه كاملة بحدود توصل 150 دولار والرخصة حسب الولاية والمنطقة .. التسعير يكون حسب البناء وفيه بعض القوانين الخاصة بمنطقة أو ولاية تختلف عن الثانية والمقاولين عارفينها ومجلس بلدية المدينة يعطي الرخصة على أساسها

سوقهم ما فيه بضاعة غير مطابقة للمواصفات وتتسبب في حريق أو مشكلة صحية .. لستة المواد المستخدمة تكون معروضة بأسعارها وكل ما على العميل إنه يختار بمساعدة المهندس .. يختار الموديل بالرقم لأدق التفاصيل .. فيه تنسيقات فنية يبدي رايه فيها المهندس وبعضها ملزمة حسب الكود لا المالك يقدر يلف ويدور فيها ولا المهندس .. وينبني البيت حسب ما هو متفق عليه بالضبط ولو بعد 10 سنين صارت مشكلة انشائية يطلب المقاول لحلها بعد معاينة سريعة من جهة مختصة واثبات إنه سوء شغل من المقاول .. المقاول حتى لو سكر يكون فيه مبلغ محجوز لهذي النوعية من المشاكل ولا تنشال عنه المسؤولية لفترة معينة طويلة نسبياً .. هناك مواد تقل أو تزيد فترة ضمانها حسب نوع كل مادة

[معماري قطري]

فوق كل هذا الأسعار معقولة والجودة عالية والعمالة كلها مختصة ومدربة ومرخصة .. شغل دقيق وشغل مؤسسات تشتغل صح .. عندنا التخطيط يخططون حسب مزاجهم وكل فترة مبنى جديد نشوفه يزال لأسباب تخطيطية .. أي سواق يشرد من كفيله ممكن نشوفه مهندس أو فورمان .. صعب تحصل مادة في السوق أصلية ومواصفاتها عالية والتجار استوت عندهم منافسة في عمل الأرخص واستيراد الأرخص بدون أهمية للجودة

[شيخ الديرة]

مشاركتك سترعب المكاتب الاستشارية

كل فوضى تجد منها مستفيد

[MAZEN37]

اخ معماري ممكن صورة للبايب ون ويى بعد اذن صاحب الموضوع

[مشاكل]

مع احترامي لبعض الاشخاص ،،، وجدت ان اغلب من تورطوا بصرف مئات الألوف من اجل الديكورات المبالغ فيها وحجم البيت ،،، اغلبهم ماشيين على شور زوجاتهم ،،، وبالأخير بيت العمر مصيره ينهجر بعد مايتزوجون العيال والبنات ويستغلون بحياتهم وبيتم الرجال وزوجته في غرفة وحده في بيت العمر هذا وباقي الغرف مسكونه بالجن والعياذ بالله

[معماري قطري]

اخ معماري ممكن صورة للبايب ون ويى بعد اذن صاحب الموضوع

أعتقد حط صور عزيز يو كي وهو مسوي نفس النظام في بيته

هي وصلة عادية بس فيها غطاء من داخل ( Gate Valve ) بسبرنغ يسمح للماء بالمرور ولا يسمح بالرجوع وممكن تركيبها في المنهولات بس تحتاج تكسير بسيط وشبك مع البايب الموجود .. وفيه نوعية بعد تنحط في أرضية الحمام في البيتراب ولو تسوي الثنتين أفضل ولا تخسر شيء .. شوف اعتقد حطيت يوتيوب في يوتيوبيات البناء

[معماري قطري]

مع احترامي لبعض الاشخاص ،،، وجدت ان اغلب من تورطوا بصرف مئات الألوف من اجل الديكورات المبالغ فيها وحجم البيت ،،، اغلبهم ماشيين على شور زوجاتهم ،،، وبالأخير بيت العمر مصيره ينهجر بعد مايتزوجون العيال والبنات ويستغلون بحياتهم وبيتم الرجال وزوجته في غرفة وحده في بيت العمر هذا وباقي الغرف مسكونه بالجن والعياذ بالله

بعضهم يخططون زين ويسوون أقسام لعيالهم وفي نفس الوقت هم يستغلون البيت في البداية .. بعدين ممكن ينباع البيت أو يتأجر وشور الزوجة شيء أساسي البيت لها في الأساس

[معماري قطري]

مشاركتك سترعب المكاتب الاستشارية

كل فوضى تجد منها مستفيد

قبل اخوي شيخ الديرة كانت قطر أرتب ومنظمة عملية البناء فيها صح .. أيام المغفور له بإذن الله الوالد خالد بن عبدالله بن عبدالله العطية .. كانت وزارة الأشغال تشتغل صح .. انبنى وقتها استاد خليفة والطرقات حوله وعاشت غالبيتها للحين .. انبنى الشيراتون باتفاق مباشر مع شركة هندية ما ادري كورية ومبنى البريد كذلك .. ألحين كل إدارة تتنصل من شغل الإدارة اللي قبلها

حتى تدقيق المخططات الانشائية ما يهتمون له وفتح باب كبير للمكاتب بعمل تصميمات مبالغ فيها قبل العقد وبعد العقد وفي الاشراف يتقاسمون الغنيمة هم والمقاول .. طبعاً مدفوعة تكلفة الخرسانات والحديد حسب الاتفاق لكن في التنفيذ ممكن يخفضون الكميات بدون علم المالك وبدون أي تأثير على المبنى

[معماري قطري]

اخ معماري ممكن صورة للبايب ون ويى بعد اذن صاحب الموضوع

إخوي مازن هذي الوصلات تحصلها عند المحلات العادية اللي تبيع ادوات صحية

[qtr qtr]

في بيوت من كثر الديكورات اللي فيه مسويه زحمه فالبيت شي كئيب ولا منظر وخسارة فلوس
احلى ديكور للبيت الشي الخفيف وتكون الوان فاتحه والافضل الابيض والسكري والكريمي
خاصة البيوت اللي مساحاتها صغيره يفضل يكون الديكور خفيف والبيبان يكون بلون اللي ذكرتها فوق عساس يبين البيت وسيع .

مواصفات البنيان لازم تكون كوالتي مثل الكهربه وبيبات الماي وبيبات الصرف الصحي والابواب والنوافذ لا يستهان فيه .
والصبغ الخارجي يكون من نوع وتر بروف .

[mr. abdulla]

في بيوت من كثر الديكورات اللي فيه مسويه زحمه فالبيت شي كئيب ولا منظر وخسارة فلوس
احلى ديكور للبيت الشي الخفيف وتكون الوان فاتحه والافضل الابيض والسكري والكريمي
خاصة البيوت اللي مساحاتها صغيره يفضل يكون الديكور خفيف والبيبان يكون بلون اللي ذكرتها فوق عساس يبين البيت وسيع .

مواصفات البنيان لازم تكون كوالتي مثل الكهربه وبيبات الماي وبيبات الصرف الصحي والابواب والنوافذ لا يستهان فيه .
والصبغ الخارجي يكون من نوع وتر بروف .

أوافقك الرأي اخوي... كثير من البيوت صارت كريهة بسبب زحمة الديكور .. المشكلة في البعض يحسب كل ما صرف اكثر كل ما راح يكون البيت احلى... اصرف على منزل موادة الاساسية كوالتي و اترك الكماليات و الديكور الزايد

[mr. abdulla]

معاك في هذا وقبل كانت توجد نماذج محددة للبيوت وتقوم عليها الحكومة وبإشراف حكومي وسعرها معروف بس ما ادري شاللي تغير .. المفروض يكون فيه تطوير للعملية بتحسين النماذج وعمل اضافات حسب رغبة العميل وسعرها معروف وعيناتها موجودة وتشرف على تنفيذها جهة حكومية

نظام البناء لدى المطورين في أمريكا يتكون من نماذج كثيرة توصل حسب كتب عندي لعدد 4000 نموذج .. كل نموذج تكلفة وثائقه كاملة بحدود توصل 150 دولار والرخصة حسب الولاية والمنطقة .. التسعير يكون حسب البناء وفيه بعض القوانين الخاصة بمنطقة أو ولاية تختلف عن الثانية والمقاولين عارفينها ومجلس بلدية المدينة يعطي الرخصة على أساسها

سوقهم ما فيه بضاعة غير مطابقة للمواصفات وتتسبب في حريق أو مشكلة صحية .. لستة المواد المستخدمة تكون معروضة بأسعارها وكل ما على العميل إنه يختار بمساعدة المهندس .. يختار الموديل بالرقم لأدق التفاصيل .. فيه تنسيقات فنية يبدي رايه فيها المهندس وبعضها ملزمة حسب الكود لا المالك يقدر يلف ويدور فيها ولا المهندس .. وينبني البيت حسب ما هو متفق عليه بالضبط ولو بعد 10 سنين صارت مشكلة انشائية يطلب المقاول لحلها بعد معاينة سريعة من جهة مختصة واثبات إنه سوء شغل من المقاول .. المقاول حتى لو سكر يكون فيه مبلغ محجوز لهذي النوعية من المشاكل ولا تنشال عنه المسؤولية لفترة معينة طويلة نسبياً .. هناك مواد تقل أو تزيد فترة ضمانها حسب نوع كل مادة

اخوي معماري .. تتوقع متى راح يصير عندنا نفس النظام ؟

[mr. abdulla]

ماذبحنا الا هياط ادول,,,, بس اذا في بيته شطبه تشطيب راقي وحلو انا اؤيد هذا الشي ولكن لمن تدخل مجالس ناس من ذوي الدخل المحدود تقول داش الديوان بوابات ضخمه والمجلس من الرخام المطعم بالديباج وخشب الناب الثريات الضخمه الكراسي الماركه فرساتشي ولا دلوشي غبانا اراضيات من الزمرد والزل المحفر وبيته شعبي ورا المجلس كله ديون عشان المظهر الاجتماعي مايكون اقل من المواطن الستاندر ديون 10 سنوات قدام اذا مب اكثر

اخوي جبر انت فنان .. جبتها صح.. و ياكثرهم

[دااانة قطر]

المشكلة صارت عندنا الناس كلهم يبون أعراس و بيوت و سيارات و سفرات مثل الاثرياء... مب غلط نطمح و نشتغل عشان نوصل لمستوى عالي في الثراء بس الغلط لما نخدع عمرنا و ناخذ سلفيات عشان نعيش مثلهم للحظات ... كم معرس عندنا خذ سلفية نص مليون او اكثر ... كم واحد تسلف عشان يشتري سيارة ب 600 او اكثر و الحين تسوى السيارة اقل من نص قيمة الوكالة... كم واحد فينا للحين قاعد يسدد مبالغ البطاقة من سفرة صيف 2015 .. كم بيت واقف لان صاحب البيت افلس بسبب اصراره انه يركب رخام إيطالي ... امثله كثيرة من واقع حياتنا

القناعة كنز

[R 7 A L]

الشيخ جهات الدولة هي اللي تدخل مواد مقلدة

جهات الدولة هي اللي ترخص الاستشاريين بدون آلية ورقابة على شغلهم ومحاسبة

جهات الدولة هنا اقصد جهات عديدة صج مقصرة حتى العمال لازم لهم ليسن للشغل كلٍ حسب تخصصه

جهات الدولة للحين ما تلزم المقاول بكود للبناء وللحين ما توثق العقود وللحين لو تشتكي ما تحصل تحقيق يصير في الحال

كانت الدولة موفرة لكم كل شي حتى التصاميم
مارضيتو وكل واحد قال انا ابي تصميم بروحي على ذوقي
الحين تبي الدولة ترجع للنظام القديم والتصاميم الثلاثة الي كانت تسويها

[شيخ الديرة]

كانت الدولة موفرة لكم كل شي حتى التصاميم
مارضيتو وكل واحد قال انا ابي تصميم بروحي على ذوقي
الحين تبي الدولة ترجع للنظام القديم والتصاميم الثلاثة الي كانت تسويها

ممكن احد شروط القرض الحكومي هو اختيار تصميم معين، لضمان نجاح المشروع

[بوخالد911]

مد ارجولك على قد الحافك.
واللي عنده لا يقصر على عمره.

[معماري قطري]

اخوي معماري .. تتوقع متى راح يصير عندنا نفس النظام ؟

متى ما كان فيه مصداقية في الشغل وتغليب المصالح العامة على الخاصة .. العملية تحتاج قرار ملزم وقوي أما مثل ما نسمع جهات تتكلم عن مباني خضراء وتنمية مستدامة ونشوف من جهة ثانية هذي المباني حتى ماء المطر يدخلها نعرف إن الكلام غير والفعل غير

تنمية مستدامة وتخطيط يخليك تفكر تهدم الموجود وتعيد توزيعه مرة ثانية تقتنع بعد إن الكلام شيء والفعل شيء ثاني

[معماري قطري]

كانت الدولة موفرة لكم كل شي حتى التصاميم
مارضيتو وكل واحد قال انا ابي تصميم بروحي على ذوقي
الحين تبي الدولة ترجع للنظام القديم والتصاميم الثلاثة الي كانت تسويها

معاك حق ويفترض الخيارات تكون موجودة للي قادر وعارف شيسوي

إخوي رحال تدخل مناطق تشوف مآسي تصميمية في المباني .. بعضها فوقها مثل الكوخ خشب .. وبعضها حوشها كله مباني حديد وهي خدمية مثل روضة أطفال دوم اذكرها ملاصقة لبيتي .. وصالون نسائي استوى حوشه بقدرة الله مستودع وسكن والله أعلم شفيه .. مناظر صج مقززة غير عن الخطورة

شخص تدري شلون صابغ بيته .. خطوط طولية كل خط لون .. بعض المنازل بالعكس تجمل المنطقة حولها

النماذج والكنترول عليها من الحكومة والسعر المحدد والجودة العالية مطلب الكثيرين وانا اتمنى بدال 3 أو 4 نماذج نطور 300 نموذج .. أو نسوي توثيق للعقود بما يضمن عقود تكون في صالح المواطن والحكومة كذلك .. ما يحط لنا الاستشاري رسمة طابوقة معزولة ( وانا مقتنع إن عزلها غلط كسيستم عزل ) بس للترخيص والتنفيذ يكون غير .. لازم يكون سيستم العزل فعال وصحيح ولازم عليه اشتراطات وموافقات حكومية ولازم عليه اشراف فوق اشراف المكتب الاستشاري .. ولو كان فيه قصور واضح من الاستشاري يحاسب

نرجع لنقطة مهمة واللي هي التخطيط .. كثير من البيوت تحتد على وضع صعب بسبب القيود المعقدة ولازم نطور قوانيننا التخطيطية حتى تسهل على الناس ولا تضرهم وتفيد الوطن والمواطن

[R 7 A L]

بيض الله وجهك اخوي بوعبدالله على الرد
والشرح الكافي والوافي الي يدل على معرفة كامله وخبرة
تحياتي