زيااااده زياااده

[شبيه الريح]

اتمنى احد يشرح لنا هذي الزياده اللي يقولون عنها ولا شفناها

او توضوحون لغير القطرين والخليجين ان اللي صدر قانون موادر بشرية وليست زياده

لان بنتوهق وبتزيد الاسعار في كل شي حتى اذا سافرنا


وللاسف طلع هذا الكلام من ناس محسوبة مثل جابر الحرمي

[ya3coub]

انا توصلني من القروبات و الربع الي من الخليج

بان ريادة الرواتب و القانون الجديد بعد الزيادة !!!! و اقعد اشرحلهم بانه مو زيادة

[راجي الْعفو]

هل لو زادونا مثلا بتزيد فلوسهم ؟

يا اخي اشغل نفسك بشي مفيد و فكر بطرق تزيد بها دخلك
واقنع باللي الله كتبه لك

بدل الفضاوة او الحسد او الكلام الفارغ..الخ

[الشفق الحالم]

حسبي الله عليهم قاعدين لنا بس حق النهب ، ايش هالطمع

[بانغ بانغ]

هل لو زادونا مثلا بتزيد فلوسهم ؟

يا اخي اشغل نفسك بشي مفيد و فكر بطرق تزيد بها دخلك
واقنع باللي الله كتبه لك

بدل الفضاوة او الحسد او الكلام الفارغ..الخ

ياحبكم حق الفلوس

[جبر ال جبر]

اي والله صجونا في تويتر وغربولنا وخصوصا بعض اخوانا الخليجين الله يهداهم مسوين ترند خاص بهالشي وبعضهم يطالب بالجنسيه القطريه!!!!!
مع الاسف المطلبين الاعلامين هم السبب مايدرون انه رواتبنا بتنقص مع القانون اليديد قبل اقلها 6% اذا الاساسي عندي 40 الف كانت الزياده لي 2400 بالسنه الحين انخفضت اكثر من 50% بتصير بس 1000 في السنه غير انهم شالو عنا في جهه العمل الاضافي وبدل سياره وبدل هاتف يعني فوق 10000 نزلت من راتبي هالسنه بسبه عيونهم الله يصلحهم

[بريق الحق]

الموظفين عندنا فاهمين كل شي غلط

[راجي الْعفو]

ياحبكم حق الفلوس

وخر عني انت بعد ^_^

[سالم الزهران]

عينوا خييييييييير يا اخوان نسأل الله الخالق الباريء ان يزيدكم من الخير و لا ينقصكم و نحن و كل المسلمين و ترون الهاشتاقات أياك اعني وسمعي يا جارة :)

الهاشتاق يحاول يوصل تذمر او موقف من سياسة معينة داخل البلد و الرازق في السما / ولو أرزاق الناس على بعض ما عاشوا

لا تنسون يا الربع انكم عايشين في عالم و لو شفتم موضوع قصة هابيل وقابيل في القسم الاسلامي بتشوفون ان الحرص على الدنيا ومراقبة الآخر فطرة في الناس .

تحملوني شوي مع هالاستطراد . جاني واحد من الزملاء وقال لي كنت اشوفك تنتقد و اشوفك متشائم و الآن صدقت كلامك .
قلت : ( ذيك الايام كنت انتقد و في نفس الوقت اتمنى ما تتحقق مخاوفي , لا تحسب اني فرحان بشيء ! حال اللي يتوقع الرسوب و يرسب )

ربما تنخفض الإيرادات الحكومية و معها دخل الفرد لكن ربما يصبح اسهل على ولدي و ولدك انه يتزوج و يبني بيت إذا عادت للخمس مية هيبتها مب مثل اليوم نشتري فيها لعبتين من طوكيو قيمز .

[شموخ دائم]

,

,


مرحبا

الحمدالله رب لعالمين على الخير والنعمه

اتفق مع اخوي
سالم الزهران

لو ترجعون للمواضيع القديمه في الحوار العام

بتلاقون ان احنا هنا كنا نحط مواضيع
عن زياده رواتب الامارات وزياده علاوات في الكويت وزيادات هنا وهناك

وفي الحقيقه ربما ما تكون زيادات ولكنها تعديلات
لان اخوانا في الامارات يقولون مافي زياده وما تشمل الا قطاعات معينه


واخوانا بدول الخليج يحطون عن قطر فيها زيادات

وهو تعبير ( ومطالبه ) بالزياده
بطريقه ( شوفوا ) الدوله الفلانيه
نبي مثلهم

هو مجرد تعبير عن حالهم
ويستخدمونا ( مثل )

مثل ما كنا نستخدم الامارات ( مثل )

:)

والحمدالله رب العالمين

من

قبل

ومن

بعد

,

,

[المحاميه]

تستاهلون
لان المواطن مبرمج راسه على ...
قانون الموارد الجديد = فلوس

محد افتكر ف موضوع الاجازات والترقيات والدرجات الجديده
كل همكم الراتب زاد ولا مازاد + المكافأت :anger1:

[محمد2]

فلوس فلوس فلوس زيادة زيادة زيادة
شالخرابيط اشتغلوا بس تبون فلوس بدون شغل وانتاجية

[بوخالد911]

الحمدلله دوما وأبدا.

[بوخميس]

انتوا لاحظتوا الزيادات

انا لاحظت سلم رواتب رقم (2) فيه تخفيض رواتب غير القطريين من الدرجة السابعة فأعلى. الصراحة الرواتب صارت ما تليق، ويمكن ما يرضى بها إلاّ الناس (الكجرة) أما الكفاءات فتحصل أعلى من هالرواتب في شركات خاصة.

[راجي الْعفو]

عارفين ان القصد هو تعديل الوضع الداخلي وليس الحقد او الحسد..الخ

الهاشتاقات واضحه رسالتها

بس ما يعرض بهالطريقة اللي تخلي الشخص يسيء الظن

اما مثل هالاخبار فتداولها بين الناس امر قديم

يستطيع الفرد إيصال متطلباته لحكومة بلده بطرق أفضل

وقبل هذا ينشغل بما يفيده و يأمن حياته، بدل الانشغال بما لا فائدة منه

الله يرزق اهل الخليج كلهم من خيره و فضله ، ونتمنى نشوفهم في أفضل حال ..

[قطريه ماركه]

لا زيادة رواتب و لا شي

بس هم مجهزين الهاشتاق :secret:

[سالم الزهران]

و كلامك الماضي يا شيخ راجي ,

لكن المواطن الخليجي انا وانت و هو وهي يبحث عن القوة ويريد ان يكون قوي بشكل من الأشكال

فهمنا من صغرنا ان العالم كله يتسوّل بترولنا و ان أمريكا رجعت للزلاجات يوم قطع عنهم الملك فيصل رحمه الله النفط في السبعينيات !

اشوف و الله أعلم و احكم أن أهم شيء يجدر بنا البحث عنه قبل الوضع المادي و الراتب اللي ما نقدر نمزح معه هو :

أنا نكون اقوياء من ناحية الحريات و نمارس الرقابة على الحكومة و على السلطة التنفيذية و القانونية بعد و نعرف سبب التضخم و العجز اللي يصير

أحس يا أخي أني في أمن و أمان فعلاً لما أتكلم و أنتقد و أنا رئيس قسم المحاسبة ما يزعل علي البوس و ينقلني المستودعات و أستوي مسؤول جرد

بلاد العرب عموماً فيها خير و خيرها الى يوم القيامة ... لكن مب مسموح لك ان تشارك في التنمية مشاركة حقيقية و أن يكون لك صوت مغاير في المجلس / الاعلام / البرلمان اذا فيه؟؟

( الحين إخواننا الكويتيين اللي هم سباقين في المجال الديمقراطي , برضو ما قدروا على اللوبيات حقت السياسي التاجر و التاجر السياسي في نفس الوقت ! شف برلمانهم اخرتها يحل و طاش ما طاش )

انا ابي اكسب نفسي و حقوقي كمواطن , قبل لا ترفع أو تنزّل راتبي , ابي أناقش مديري و رئيسه ! و اذا لزم الأمر المصلحة كلها؟

( حنا مطبقين برنامج السلامة المرورية إحذر تسلم ) في كل جوانب الحياة .

ما صارت يا الربع .

[راجي الْعفو]

و كلامك الماضي يا شيخ راجي ,

لكن المواطن الخليجي انا وانت و هو وهي يبحث عن القوة ويريد ان يكون قوي بشكل من الأشكال

فهمنا من صغرنا ان العالم كله يتسوّل بترولنا و ان أمريكا رجعت للزلاجات يوم قطع عنهم الملك فيصل رحمه الله النفط في السبعينيات !

اشوف و الله أعلم و احكم أن أهم شيء يجدر بنا البحث عنه قبل الوضع المادي و الراتب اللي ما نقدر نمزح معه هو :

أنا نكون اقوياء من ناحية الحريات و نمارس الرقابة على الحكومة و على السلطة التنفيذية و القانونية بعد و نعرف سبب التضخم و العجز اللي يصير

أحس يا أخي أني في أمن و أمان فعلاً لما أتكلم و أنتقد و أنا رئيس قسم المحاسبة ما يزعل علي البوس و ينقلني المستودعات و أستوي مسؤول جرد

بلاد العرب عموماً فيها خير و خيرها الى يوم القيامة ... لكن مب مسموح لك ان تشارك في التنمية مشاركة حقيقية و أن يكون لك صوت مغاير في المجلس / الاعلام / البرلمان اذا فيه؟؟

( الحين إخواننا الكويتيين اللي هم سباقين في المجال الديمقراطي , برضو ما قدروا على اللوبيات حقت السياسي التاجر و التاجر السياسي في نفس الوقت ! شف برلمانهم اخرتها يحل و طاش ما طاش )

انا ابي اكسب نفسي و حقوقي كمواطن , قبل لا ترفع أو تنزّل راتبي , ابي أناقش مديري و رئيسه ! و اذا لزم الأمر المصلحة كلها؟

( حنا مطبقين برنامج السلامة المرورية إحذر تسلم ) في كل جوانب الحياة .

ما صارت يا الربع .

بلا شك ان المواطن من حقه يعرف الي له واللي عليه و اسبابها و مبرراتها

بس دام الوضع حاليا قد يكون فيه تضييق او صعوبة، ونعرف انه التغيير بهذه الطرق غير مجدية فضلا عن انها وراها مفاسد

فنلزم الباب و الثغر اللي فيه فايده و مصلحة، هذا القصد ..

[سالم الزهران]

ما من إنسان الا وهو في نعمه علمها او جهلها ... الله يوالي علينا جميعاً نعمه ,, ويرزقنا شكرها

[راجي الْعفو]

ما من إنسان الا وهو في نعمه علمها او جهلها ... الله يوالي علينا جميعاً نعمه ,, ويرزقنا شكرها

امين
وللفائدة، ابن القيم يقول اللي مايشوف نعم الله عليه الا في ماكله و مشربه وعافيته هذا ما له نصيب من العق

بل اعظم النعم هي نعمة الاسلام و الايمان و الاقبال على الله و التلذذ بطاعته