بطارية (نوت 7 ) تشحن 60 فقط الحل الحل الحل

[ابوصالح1]

السلام عليكم ورحمة الله وبركاته
اخوتي الفنيين عندي كل أخبار النوت ما يحتاج تعليق
جهازي مشترية من الشركة وكل اموري الضرورية فيه ولا يمكن الاستغناء عن الجهاز
وجهازي لا يوجد به أي عيب
فقط تم ارسال برمجة من الشركة للشحن فقط 60 في المائة هل يوجد حل لتفادي هذة البرمجة ليتم الشحن كامل وشكرا للعلم لن ارجع الجهاز على الشركة

[لبيبة]

وعليكم السلام ورحمة الله وبركاته،

فهمت انك عارف اخبار النوت وما تبي تعليق،

اللي واضح ان في نقطة وحدة بس ما اتضحت لك علي الرغم من معرفتك باخبار النوت،

شركة سامسونج توقفت عن دعم النوت بأي شكل من الاشكال،

يعني ما راح يرسلون لك برمجة او يخلونه يشحن لك كامل أبدا،

الحلول اللي جدامك:

1- ترجع الجهاز على الشركة باسرع وقت ممكن ما دام انهم لا زالوا يقبلون ارجاعه،

اما اذا اخترت انك تحتفظ به ومر وقت طويل (سنة مثلا)،

احتمال يرفضون ترجعه باي حجة من الحجج.

2- تتعايش مع الجهاز والاداء المنخفض اللي يقدمه لك واحتمالية انفجاره - لا سمح الله - في اي وقت.

الحل اللي اقترحه انك تسوي باك اب لبياناتك، وترجع لهم الجهاز، وتاخذ جهاز ثاني.

[blueZircon]

والله ياخوي انا انصحك انك ترجع الجهاز وتاخذ فلوسك، لانه سامسونج بالفتره اللي طافت استدعت جميع اجهزة النوت 7 لخلل فني قد يسبب انفجار الجهاز. ماتدري وانا اخوك لاقدر الله الجهاز قد يعرضك للخطر وانت في غنى عن هالامور. سلامتك وسلامة من حولك من اطفال خاصه اولى من الجهاز. الموضوع مب بسيط وخصوصا ان الشركه قد ابرأت ذمتها القانونيه بمجرد الاستدعاء

[Jspec]

انا كان عندي نوت 7 والصراحه حزنت يوم رجعته بس سلامتي اهم من الجوال ولا مواصفاته رهيبه لكن غلطه الشاطر بمليون (او مليارات في حالة سامسونج)

ومن رايي ترجعه باسرع وقت لانه توقف كل الدعم عنه

والاهم انه بدات بعض شركات الاتصالات حول العالم من اسبوع انه اي جوال نوت 7 ما يلقط اي ارسال حتى لو شريحه وخط شغالين واتوقع كيوتل وفودافون قطر قريب بيقدمون على هالخطوه

[الحياة الخالدة]

حتى الطيارة قبل لا تدشها اقصد مع الcheck in يسألونك إذا حامل معاك نوت 7
يعني أصبح من المحظورات

[فخر الشمال]

فيه خطوة جديدة بتتخذها سامسونج
انه النوت 7 ما بيشبك على اي شبكة اتصالات

[هيليوم]

انا سمعت انهم راح يطرشون برمجة تمنع الشحن مدري صج ولا لا

[معماري قطري]

ما حلوا المشكلة يعني .. انا انتظر يحلونها ويكون جيد وباخذه خاطري فيه مليت الآي فون

[وليف الشوق]

والله يابو صالح انا مستغرب من موضوعك رغم وجود كثير من الاعلانات والتنبيهات تحذر من استخدام النوت 7 لوجود عيوب وكثير من الاعلانات تقول عليك ارجاع الجهاز مقابل يعطونك فلوسه

[السكين]

اهم شي انه ما رد على أي واحد :app2: