عندي مشكله بالشركه احتاج مشورتكم

[شموخ المرجلة]

السلام عليكم ورحمه الله

اشحالكم عساكم طيبين ياجماعه

صارت معاي مشكله اللي هي


قمت بفتح شركة (ذ.م.م)
مع شخص من الجنسية عربية كان الاتفاق ان تكون الشركة تعمل في مجال المقاولات والدفع يكون لي شهري وللاسف انني خولته بتوقيع على جميع معاملات الشركه حيث قام بفتح فروع لشركة ونشاطات عده وذلك ليتسني له استخراج التاشيرات وتبين في نهاية الامر ان الشريك كان يبع ألتأشيرات وكذلك اكتشفت انه قام بتزوير توقعي على بعض معاملات الشركة وكذلك بعض الشيكات وتم تقديم شكوى في البحث الجنائي في ذلك
مع العلم بآنه استقدام مايقارب 96 شخص داخل البلاد منهم من يحمل تأشيره ومنهم من لدية اقامة ..

انا ادري اني غطان اني عطيته تخويل بالتوقيع بس المشكله هو صاحبي اعرفه من 2009 وفتحت الشركه في 2014

بس ياليت لو حد يفيدني لان الشرك خارج البلاد من 170 يوم تقربيا و ماراح يرجع

هل اقدر ابيع الشركه وهو مب موجود حتي لو اكتب تعهد اني اتحمل المسؤلية في حال رجع يطالب بنصيبه

ياليت اللي له خبره يفيدني

وربي يجزاكم خير

[الدوحة 2010]

نفس الوضع معاي والله لعوزنا الاجانب

[شموخ المرجلة]

نفس الوضع معاي والله لعوزنا الاجانب


الله المستعان ياخوي

[pink pearl]

الله يعوضكم خير، بس لازم قانون يحمي المالك والله صعبة تراقبهم في كل شي مرات نعتمد على أمانة شخص، عاد هو وضميره.

[ضوى]

مدري شاقولك ، اشلون تقدر تأمن بأي شخص عربي؟ من اي جنسية كانت غير ولد بلادك

الله يعوضك خير

[الفني]

مرحبا اخوي اذا اسم الشخص مب موجود في الشراكه امورك طيبه الحل الوحيد الي عندك الحين هو انك تخلي الناس الي على كفاله شركتك انهم يحولون كفالتهم تعطيهم تنازل خلهم يحلون كفالتهم كلهم عقب تروح وزارة الاقتصاد والتجارة تشطب السجل وتسكره اذا كان ما عليها اي استلازمات على الشركة من ديون او غيره لان الحين وزراة الاقتصاد تحاول شطب السجلات الي منتهية وغيره مجددة علشان تحد من موضوع الشركات الوهميه ..

[monatee]

الله يعينك الصراحه

المهم شيك مع البنوك كلها .. اذا على الشركه التزامات ماديه اولا

واستشير محامي هذا الافضل

[سالم الزهران]

لازم تسايسه حتى تحصل منه على توكيل من مكتب قانوني في اي بلاد هو يتمرح فيها و يصدقه من القنصلية و يدزه لك ،، اكيد قوانينكم تختلف لكن التوكيل بيفيدك وفي النهاية هو ما يبي شيء، لانه استلم فلوس التأشيرات و سافر ؟ يا انه يجي بنفسه ، يا يرسل لك توكيل قانوني بالتصرّف .

[بوخالد911]

الله ياخذه ومن على شاكلته.

[kitmat]

افضل تستشير محامي

[aloosh]

شوف نفس محصل لخوي بالضبط

اذا شيكات راحت لازم تدفعها

اليك الخطوه الاولى اطعن في توقيع المزور وهذا من صالحك وقد يرفع عنك بعض الضرر
ويمكن الشيكات المزوره بالتوقيع تحفض
وهذا يقلل عليك الضرر
وهذا درس انك ما تثق في اي شخص اجنبي لو كان صديقك من 50 سنه

[qatarman8008]

تحتاج محامي شاطر..
لان احنا بنعطيك من خبرتنا واش صار معانا فقط..
لكن المحامي بيقول لك اش يقول القانون وكيف يطبق القانون وكيف تمثل قضيتك امام القضاء..

[ساراام]

الله يعينك

المفروض مانثق بحد مهما كانت جنسيته

[شموخ المرجلة]

يعطيكم العافيه ياجماعه
اللي اسويه الحين احاول اخليهم ينقلون كفالاتهم وبعدها اشطب السجل السؤال الحين لو بغيت اشطب السجل هل لازم الشريك يكون موجود
حتي لو خارج البلاد من 8 شهور

يعطيكم العافيه