المساعد الشخصي الرقمي

مشاهدة النسخة كاملة : خبير لك اسمك ومركزك وتقول هالكلام ؟؟؟



sulai6i
22-02-2005, 07:49 PM
السلام عليكم

اثناء تصفحي لأحد المواقع الإقتصادية والمهتمه بالأسهم .. لفت نظري مقال لأحد الخبراء بالبورصة


خبير له مركزه وسمعته وله موقع خاص به بإستشارات الأسهم

هذا ما قاله وهو جواب على سؤال بخصوص إرتفاع اسعار الأسهم القطرية في الآونة الأخيرة



بورصة قطر ترتفع بانتظار المستثمر والمضارب السعودي.. لان السماح له بداء الان وسيسمح له تداول جميع الاسهم ولذلك رفعوه لكي نشتري بالاعلى ويعملوا هم علينا جني ارباح.. لكن قد ينقلب السحر على الساحر..


وانا اقول لك (( يالعالمي ))

ابو مشعل حفظه الله لم ولن يقصر مع شعبه .. ونحن ولله الحمد في خير ولسنا في حاجه لأموالكم .. ارباحنا من اموالنا وعرق جبيننا .. فابقى مكانك ولا تتقول بما لا تعلم


وأترك للإخوة التعليق

eXpert*
23-02-2005, 03:49 PM
لكن قد ينقلب السحر على الساحر..


بصراحة استوقفتني هالجمله هههههههههههههههههههههههههههههههه


حاطين في بالهم انه بيمشون السوق على كيفهم وينزلون السعر (( يطيحون فيه القاع )) ويطلعون منها ؟؟ مثل ما سوها من قبل !!!!!!!


والله دام بو مشعل طول الله بعمره متابع لاحوال المستثمرين القطريين ،، اقول حياكم الله يا مستثمري ومضاربي المملكة كلكم .

وانا اقول خل السحر والساحر لك يا ((عالميّ)) .

x5x5
23-02-2005, 04:09 PM
اذكرو الله
وكل من يشوف الناس بعين طبعه

مهل
23-02-2005, 05:57 PM
الظـاهر انه خبير من الخبراء اللي اكـل عليهم الدهر وشرب وكلامـه كلام انسان مغرور وانشاء الله ربي يخيب ضنـه وخـاصه ان الواقع اللي نشوفه بديرتنا مو بس على مستوى سوق الأوراق الماليه ولكن على كـافه المستويات هو واقع مشرف ومفخره لكـل قطري وقطريـه وانشاء الله نكـون قد المسؤليـة وتكون ديرتنا بسواعد ابنائها مضرب مثل لكـل الدول .

سوبر سهم
23-02-2005, 08:41 PM
بورصة قطر ترتفع بانتظار المستثمر والمضارب السعودي.. لان السماح له بداء الان وسيسمح له تداول جميع الاسهم

ليش مافي غير السعوديين عشان ننتظرهم؟

ترى البورصة شغاله بك وبغيرك والحمدلله اميرنا ماقصر معانا

واكبر مثال سعر صناعات عند الاكتتاب

وسعر ناقلات


والمكرمة يوم اسهم وقود


اخوي اذا انت اتشوفه كبيره على بورصتنا لاتدخلها

محد قالك عطها كل هالاهتمام والمتابعة
وحرقت الاعصاب يوم اتشوفها كل يوم عن الثاني تكبر


وليكون تبي الاسعار لك مثل المواطن؟

وليكون تبينا انخليك تستربح من المواطن؟

وليش في اعتقادك افتحوا البورصة للاجانب؟؟
ماتشوف انه عشان ايربحون اهل قطر؟؟ اي اقولها كاش فتح البورصة لغير القطريين

مكسب للقطرين بالدرجة الاولى.....ولا احنا فاتحينها سبيل لكم اتجون تاخذون ارباح واتروحون؟

اقول اخوي السوق اسمه (بورصة قطر) كيف تبي خيرها لغيرها ؟
ولا هي عين عذاري؟ تسقي البعيد وتخلي القريب؟


ترى انصحك لاتدخل بتخسر

هذا اذا لقيت لك مجال تدخل


فمان الله

ضايق الصدر
23-02-2005, 10:03 PM
يا شباب
كل هذي اشاعات للاطاحة باسعار السوق القطري
وفية كلام كثير يظهر من كثير من المنتديات ان الاسعار غالية
يبغون من كلامهم ان الناس في قطر ما ترفع الاسعار
وتسمع كلامهم ولا تنسون انة هناك شركات عالمية ناوية تاخذ حصص في عدد كبير من الشركات
ومش قاعدة بورصة قطر للاخوة بالسعودية فقط
وشكرا

سهم طايش
23-02-2005, 10:36 PM
الحقد و الحسد واضح في تحليله

qatar_moon
24-02-2005, 03:29 AM
ربي يسلمك ياسوبر سهم قلت الكلام الي بخاطري ويبيلهم حد يرد عليهم بهالرد

هذا الي ذابحني فيهم

هالعالم حاسدينا :mad: يعل ربي يرد حسدهم لهم ويحفظنا من شرهم

بورصة مان
24-02-2005, 07:51 AM
القافلة تسير وال.....

بوناصر-قطر
24-02-2005, 08:43 PM
الله يعز حكومتنا الرشيده

ودام بومشعل قايد مسيرتها لاتحاتون يا اهل قطر .... انا اشهد انه بيعزكم

بوكر
25-02-2005, 03:49 PM
السلا عليكم

ترى ياشباب لاتتسرعوا بانفعالاتكم تجاه هذا المحلل فلابد لنا احترام رأي الأخرين ومناقشة دوافعهم

ولو فكرتوا جدياً في هذا الكلام فسترون انه منطقي للغاية ولم يقال هباءً منثوراً ، فلو تكلمنا عن وضع السوق فجميع القطريين منتظرين لدخول الأجانب ومن المتوقع ارتفاع الأسعار بشكل جنوني قبيل دخول الأجانب ، وتصوروا معي هذا الاحتمال ، جميع اسعار الاسهم الآن وهمية وهي فوق نسبة العائد الذي سيعود على المستثمر بل والادهى من ذلك ان معظم ارباح الاسهم تتفوق عليها فوائد البنوك وهذه هي نقطة الانقلاب اضف على ذلك ان اسعار الاسهم ستحلق فوق هذه المستويات فمعنى هذا ان العائد على السهم سيكون ضئيلاً وطبعاً كل هذا سيحدث قبل دخول الأجانب .

اما ماسيحدث بعد دخول الأجانب فهو الآتي ، سيقوم لأجانب بتحليل السوق المالي القطر ليجدوا ان جميع الاسهم فوق قيمتها العادلة وفوق قيمتها السوقية وفوق كل شيء اي بمعنى آخر انها غالية الثمن مقابل ماتقدمه من فوائد ومن طريق آخر سيقوم القطريون برمي ماعندهم من أسهم لتحقيق الأرباح وهذه حقيقة فجميع القطريين ينتظرون لحظة دخول الاجانب ويقومون ببيع ماعندهم اثناء هذه اللحظة فسيصبح هنالك عرض شديد وطلب قليل جداً ، ومن المتوقع حدوث انهيار شديد في الأسعار ستتدخل الدولة على اثره في البورصة

والمصيبة الكبرى ان المستثمرين القطريين جميعهم بنفس التفكير بنفس العقلية فجميعهم يضربون ضربة رجل واحد فعند البيع الكل يبيع وعند الشراء الكل يشترى
عكس البورصات العالمية التي يتواجد فيها الآف العقليات وآلاف المستثمرين الذين تختلف اهدافهم ونشاطاتهم ومستوى تفكيرهم فعند اشراء تجد هناك من يبيع والعكس صحيح وكلٌ يلعب حسب اهدافه

اتمنى ان تكون وضحت الصورة

اطيب الامنيات

بوكر

عمران
25-02-2005, 08:59 PM
للاسف هذ ليس بخبير بل يجب ان يطلق عليه بالحاسد ....... لان مايحدث بقطر الحبيبه يحسدنا عليه القاصي والداني ,,,,,,,,,, وربي احفض لنا بومشعل الغالي ,,,,,,,,,,

المخلب
25-02-2005, 09:34 PM
ههههههههههههههههههههههههههههههههههههههههههههه


خوش مقوله والله

لكن ابي اعرف هو بس السعودي هو الي يقدر يدش البورصه

في الف غيره يقدرون يدشون

اولهم الكويتيه واخرهم الهنود !

واعتقد الاخ يوم يقول هذا الكلام مب متصور ان السوق بيمشي الا بسعوديين

وانا اقول الحمد لله اميرنا مايقصر والحكومه مااتقصر

والخليج اهل وااحد ومب واحد يخرب على الكل

بس من الي قال هل الكلام ؟؟

من هذا الخبير الي يقول هل الكلام ومااايعرف يوزن كلامه !

سوبر سهم
25-02-2005, 11:18 PM
اخي بوكر

كلامك كله في محله

لكن ................هذا الكلام لو كانوا ايتملكون 100%

لكن النسبة تدعم الارتفاع .......واللي هي 25%

يعني شوف كم دولة تبي تدخل في البورصة القطرية وتبي تلحق ال 25%

الانهيار بيصر يوم اتخلص نسبة ال 25%

والعالم كلها تبي اتخلص من اسهمها

لكن مسألة ان الاجانب ماراح يشترون لا بيشترون

لكن من بيلحق؟

ومتى بتخلص النسبة؟

وهل السوق بيعلن ان النسبة في الشركة الفلانية خلصت؟


:)

كلامك كله واقعي


لكن ماحطيت في اعتبارك ان النسبة تلعب دور كبير



تحياتي لك ....