بناء مجلس وغرفة سائق على فيلا قائمة

[م. عبدالعزيز]

السلام عليكم ورحمه الله وبركاته

عندي حوش بمساحة صافية من سور المنزل إلى المنزل : 8 امتار * 15 متر
هل يمكنني بناء مجلس خارجي وغرفة سائق (مع الخدمات كالمغاسل والحمامات وانتو بكرامه) ؟ بيكون طبعا مجلس صغير بس حاب أعرف اكبر مساحة ممكنه

فيه اقتراح وهو اني اخلي غرفة السايق تحت المجلس ... ما ادري هالفكرة تنطبق بالواقع ولا لا

ملاحظة: رسمت مخطط سريع للارض وللفيلا القائمة
بغيت اشوف افكاركم ، وشكراً...

[مضارب مستثمر]

فكره ممكنه وممتازه,,,,قصدك غرفة السائق تحت المجلس
تكون بيسمنت؟؟؟

[م. عبدالعزيز]

فكره ممكنه وممتازه,,,,قصدك غرفة السائق تحت المجلس
تكون بيسمنت؟؟؟

مرحبا / مضارب مستثمر

هذا اللي فهمته يكون بيسمنت ويكون مدخل البيسمنت من خارج المجلس ، بس حاب اعرف كيف ممكن تصير

[معماري قطري]

عليكم السلام ورحمة الله وبركاته

صباح الخير على الجميع

يعتمد شموجود في البيت من خدمات وتقدر تحركها مثل ما سوى إخوي شموخ دائم .. شوف التخطيط شيعطيك أقصى ارتفاع للمجلس حتى توازن بين الحفر والمجلس ولازم تسوي المدخل جهة البيت أو في حدود البيت .. ممكن تسوي مدخل غرفة السايق مع ليوان المجلس الا لو يعطونك رخصة لفتح باب المجلس مباشرة على السور وبدون ارتداد

البيسمنت حاول تسويه بارتفاع محدود 2.4 صافي كفاية واحتياطات البيسمنت من عزل وغيره معروفة

لو افترضنا بتخلي مترين بين البيت والمجلس بتصفي على 6 متر في 7.5 على فرضية بتاخذ نص العرض .. ما ادري شلون مدخل البيت .. لو بتشيل متر ونص من 7.5 للخدمات حمام صغير ومغاسل وممكن غرفة بانتري صغيرة بتصفي على 6 في 6 للمجلس وفي أسوأ الأحوال بيطالبونك بارتداد متر ونص أو مترين وبنشيل سمك الحوائط بتقل المساحة عندك .. غرفة السائق سوها كافية حق 2 .. 3 في 4 مثلاً إحتياط لو تحتاج ثاني وسو معاها مخزن حتى لو مخزن مفتوح

يبي لك تسوي كم اسكتش وتوديهم للتخطيط أو المكتب يوديهم وتشوف شيوافقون عليه

[م. عبدالعزيز]

شكرا لك مهندسنا الغالي (معماري قطري) على الاضافة القيمة

انا في بالي سكتش سويته بنفسي ، وحاب اعرضه لكم لكن ابغي استفسر، هل تسمح البلدية بعمل نوافذ المجلس مطله على الشارع مباشرة ؟

[معماري قطري]

شكرا لك مهندسنا الغالي (معماري قطري) على الاضافة القيمة

انا في بالي سكتش سويته بنفسي ، وحاب اعرضه لكم لكن ابغي استفسر، هل تسمح البلدية بعمل نوافذ المجلس مطله على الشارع مباشرة ؟

نسمع يقولون لا لكن نشوف ميالس شكثر كلها على الشارع .. صدقني البلدية هي اللي مخالفة والا هذا تراث وعرف قطري

ميلسين حول بيتي ما صار لهم فترة واحد واجهته كلها قزاز مفتتحينه من شهرين يمكن

[م. عبدالعزيز]

نسمع يقولون لا لكن نشوف ميالس شكثر كلها على الشارع .. صدقني البلدية هي اللي مخالفة والا هذا تراث وعرف قطري

ميلسين حول بيتي ما صار لهم فترة واحد واجهته كلها قزاز مفتتحينه من شهرين يمكن

بالضبط هذا تراث قطري ، لما يكون مجلسك مفتوح للشارع كانك ترحب بالضيف وهذي من عوايدنا في قطر
عموما راح أسأل البلدية واشوف شيقولون ، واللي عنده اعلوم البلدية الصحيحه ياريت يشاركنا ،، وشكرا ....

[بن غيث]

ممنوع .. لازم وجود ارتداد 1 متر على الاقل
او .. يكون باب المجلس فقط للداخل 1 متر

[سعود.]

م/ عبدالعزيز

انا تعبت معهم بخصوص موافقة على مجلس مشترك ولافية فائدة معهم .

اذا بيتك تابع لاى بلدية غير ( ام صلال )

اتوقع تمشي امورك. خصوصا اذا بيتك تابع لبلدية ( الريان ) لان الي نسمعه ان الريان افضل بلدية من حيث الاستثناء

. والغريب كل بلدية لها نظام ؟؟؟؟

بخصوص سؤالك : طبعا مخالف الارتداد اقل شي 2 متر امامي على الشارع .

[بوخالد911]

شكرا لك مهندسنا الغالي (معماري قطري) على الاضافة القيمة

انا في بالي سكتش سويته بنفسي ، وحاب اعرضه لكم لكن ابغي استفسر، هل تسمح البلدية بعمل نوافذ المجلس مطله على الشارع مباشرة ؟

انا لما قدمت ع خريطة لمجلس خارجي
اشرطوا علي بعدم فتح وعمل نوافذ تطل ع الشارع.

[معماري قطري]

انا لما قدمت ع خريطة لمجلس خارجي
اشرطوا علي بعدم فتح وعمل نوافذ تطل ع الشارع.

لو تحب تشوف على الطبيعة خل نتواعد عينك عينك ميلسين جداد وواحد ملاصق للبيت وحاط كراسي قريب الطريق .. المجلس اشوفه زين بس الكراسي قرب طريق السيارات يسببون احراج للمار والمفروض للطريق حرمة

[معماري قطري]

لتقول دريشة والا باب حايط كله زجاجي .. انا اتمنى القانون يكون واضح ويسمح بفتح المجالس بدون ارتداد ولو عن السرقات اللي بيسرق يقدر يتسلق ويوصل الدور الثاني بسهولة ويقدر يخترق الحائط بعدة لو حب

[بوخالد911]

لو تحب تشوف على الطبيعة خل نتواعد عينك عينك ميلسين جداد وواحد ملاصق للبيت وحاط كراسي قريب الطريق .. المجلس اشوفه زين بس الكراسي قرب طريق السيارات يسببون احراج للمار والمفروض للطريق حرمة

صااااادق بش مهندس
بس تعرف الواسطات والاستثناءات تلعب دورررررر.

[سعود.]

لتقول دريشة والا باب حايط كله زجاجي .. انا اتمنى القانون يكون واضح ويسمح بفتح المجالس بدون ارتداد ولو عن السرقات اللي بيسرق يقدر يتسلق ويوصل الدور الثاني بسهولة ويقدر يخترق الحائط بعدة لو حب

صادق يابوعبدالله

شفت مجالس كثيرة كذا . انا اجبروني ( بلدية ام صلال ) على الارتداد سويت فيه غرفة السايق مع الحمام ومغاسل الرجال . طبعآ زودت الارتداد الى 3 امتار .

[معماري قطري]

صادق يابوعبدالله

شفت مجالس كثيرة كذا . انا اجبروني ( بلدية ام صلال ) على الارتداد سويت فيه غرفة السايق مع الحمام ومغاسل الرجال . طبعآ زودت الارتداد الى 3 امتار .

الله يوفقك شفت مخططك وعلقت عليه ولو ما عندك سعة ومجبور خلاص بعد يمشي الوضع اللي سويته

[سعود.]

الله يوفقك شفت مخططك وعلقت عليه ولو ما عندك سعة ومجبور خلاص بعد يمشي الوضع اللي سويته

جزاك الله خير يابوعبدالله

فعلا ماعندى سعه هذي المساحة الى اقدر عليها .