وين احصل مكينه افلون موديل 2011 ؟

[العتوي]

اللي يعرف مكان او قراج او شخص بيبيع مكينه افلون 2011
يعطيني خبر
يعطيكم الف عافيه

[ya3coub]

أخوي هي نفسها نفس مكينة الكامري قراندي 6 سلندر

انا كانت عندي وحدة تكنسلت و خذاها سكراب او قراج اسمه القدس أو الأقصى مكينتها مافيها اي شي بس الحادث كان قوي شوية و التئمين كنسلها.

دور فالصناعية و فالأمارات موجودين وايد فالشارجة بعد شارع البي ام في احد الشوارع و ابعد عن السكاريب مالت اليابان

[العتوي]

تسلم ياخوي بس انا ادور بدوحه
اذا مالقيت باشوف بالامارات
:)

[qtr qtr]

عندك شارع 13 فيه 4 سكاريب وعندك شارع 18 و19 بعد فيه سكرابين
اهم شي قبل لاتركب المكينه خله يبدل لك برشر الايل جديد او اشتريه انت من الوكاله وخله يركبه سهل تركيبه وماياخذ وقت
وهذا مهمته يضخ الايل لفوق عساس يوصل الايل للمكينه كامله واذا تعطل راح يضرب الكرنك وتخبط المكينه .

[العتوي]

مشكور ياخوي قطر
ماقصرت وراح اروح اشيك عندهم

[تلفزيون قطر]

انا عندي واحد من ربعي توه جايبها من الشارقه ويقول ارخص من قطر بكثير حتى مع التوصيل ..






وفالك التوفيق

[العتوي]

اخوي تلفزيون قطر اذا تقدر تفيدني برقمهم ولا شي اكون شاكر لك

[لطيف الروح]

اخوي العنوي اذا تقدر تركب السيارة على سطحة للأمارات ( ابوظبي او الشارقة ) و تركب المكينة هناك افضل و ارخص و تتاكد من ان المكينة شغالة

[العتوي]

اخوي لطيف الروح
مشكله الموتر انه منتهيه استمارته
وصارله اكثر من سنه
:(

[لطيف الروح]

اخوي لطيف الروح
مشكله الموتر انه منتهيه استمارته
وصارله اكثر من سنه
:(

الله يعينك و يفرج عليك
هو الافضل انك تودي السيارة حتى تتاكد ان المكينة بعد التركيب تشتغل بدون اي مشاكل
انت روح للمرور و شرح لهم الوضع يمكن يساعدونك في تجديد مشروط للسيارة تقدر تصلح به السيارة

[العتوي]

تسلم وباشوف بامر عليهم
ماقصرت اخوي

[أستغفرك يارب]

ايش سبب العطل
حادث او ماء

[العتوي]

حراره الموتر لين يصخن ترتفع ومب عارفين وين السبب
شيكنا الراديتر
والمراوح
وكل شي اوكي
بس مب عارفين ليش الحراره تقوم بطريقه مو طبيعيه
واحد من القراجات قالنا بدلو المكينه يمكن المشكله بالمكينه

[qtr qtr]

حراره الموتر لين يصخن ترتفع ومب عارفين وين السبب
شيكنا الراديتر
والمراوح
وكل شي اوكي
بس مب عارفين ليش الحراره تقوم بطريقه مو طبيعيه
واحد من القراجات قالنا بدلو المكينه يمكن المشكله بالمكينه

ماي الرديتر ينقص كل كم ؟

[ya3coub]

اما عشان حرارة تبدل مكينة كاملة

جرب تبدل الثرموستات

[العتوي]

اخوي ماي الراديتر ماينقص

وبدلنا الثرموسستات ونفس المشكله
وايد قطع تبدلت ونفس الحاله

[النهار]

حراره الموتر لين يصخن ترتفع ومب عارفين وين السبب
شيكنا الراديتر
والمراوح
وكل شي اوكي
بس مب عارفين ليش الحراره تقوم بطريقه مو طبيعيه
واحد من القراجات قالنا بدلو المكينه يمكن المشكله بالمكينه

مع المكيف ولا بدون المكيف

[qtr qtr]

يمكن يكون شبك الرديتر مسدود فيه وصخ تراب حشرات ما يخلي الهوا يمر ؟

[العتوي]

نفس الشي اذا مسكر او مفتوح المكيف يرتفع الحراره بس يخف شوي اذا سكرنا المكيف

والله باشوف سالفه شبك الراديتر يجوز منه