بعدين مع تحريات المرور!!!

[Jspec]

السلام عليكم ورحمة الله

بس افش خلقي شوي هنا لانه اتوقع الموضوع ماله حل ابد :nono:

السالفه ومافيها انه عندي موتر سبورت وصوته عالي بطبيعه الاحوال فالنهاية موتر سبورت

لكن الله يشهد اني ملتزم بقواعد المرور ولا عمري احد اشتكى علي ازعاج او حركات بهلوانيه فالشارع لانه اصلا الدوحه ماتقدر تسوق اكثر من 80 من كثر الزحمه

والحق ينقال اني ماخذ الموتر حق وناسه ودوس (فقط في حلبة لوسيل وحلبة قطر) ومشارك دووم معهم واللي يدريكم من يومين كنت اجرب الموتر في حلبة قطر وطربت نفسي في مكانه المخصص من الدوله لكن فالشارع العام احترم القانون والناس فالنهاية الشارع مش لي لحالي والكل له الحق

الموضوع انه امس اتمشى بالموتر صوب الكورنيش ووقفني واحد من تحريات المرور وقالي يالله الى الحجز لانه الموتر عليه صوت (نعم اعترف انه عليه صوت لكن هذا موتر رياضي سبورت)
حاولت افهمه انه الوضع طبيعي حتى لو صوت عالي بس انا قاعد امشي شوي شوي ولاني اضغط ريسات وسط الناس وازعجهم ماشي في حالي

القهر انه يفكرني مثل الشباب الصغار ابو 18 وتحت ماقدر العواقب

اقول له ياخي خاف الله انا اتوقع اني اكبر منك ب 10 سنوات وعندي اسره وعندي 3 اطفال يعني ماتكلم واحد مب محترم احد وعليه مشاكل حط رقمي الشخصي وشوف هل انا كثير المخالفات او لا (والله مخالفاتي السنويه ماتتعدى ال 800 ريال بالكثير ماتوصل 1200 ريال)


فالنهاية كل المحاولات فشلت واخذت الموتر للحجز بس علشان صوت؟؟؟؟:looking:

مع العلم انه السياره استخدمها الان 3 سنوات وكل يوم اطلع فيها ومريت اكثر من مره على ثبوت وكانوا ناس فاهمين ويعرفون السيارات ولا قالوا شي :yes:

[qtr qtr]

مشكله يجيك نفس هالنوعيات والمصيبه تحصل موتره مركب له فل هدرز وفلتر ريس ومداعس والقهر يخالف الناس .

[jajassim]

الله يعينك ،

[وحيد-الشوق]

وعليكم السلام

والله حاله موتر سبورت تبون صوته سيكل !!!!

احس الموضوع مزاجيه مع اشد احترامي اغلب المواتر الرياضية صوتها عالي وفي امور اصير في الشارع اهم بكثير من الصوت وحجز السيارات :)

[ya3coub]

الشي الوحيد الي مصبرني على سيارتي هالشي ..... للأسف ليلحين في ناس تتضر من هالأشكال للأسف الله العالم مدى علو صوت سيارتك بس اذا معدلة انا كانو قبل يوقفوني بس جي يقولي السيارة حلوة و شبهة بنفس الوقت ليش ما عليها تيربو !!!!

و ينشبلي و يحاويل يمين يسار يطلع اي سبب في فئة حاقده عالمجتمع للأسف تلقاهعه ما كمل دراسه او كبر منبوذ او فيه حقد سوائا عائلي او مجتمعي للأسف يتوظفون بمثل هالأماكن و يعطون صورة غلط و واجهة اسوء للوزارة و لقسم التحريات بس فالنهاية يأدي المطلوب منه.

تلقاه يدور الزله غصب .

الله يبعدهم عنا يا رب و قد صارتلي من سبع سنين تقريبا مرة وقفني واحد و سحب ليسني و طلب سيارتي للحجز و رحت للمدير الكبير و كلمته و بلغته بكل شي صار و اعتذر مني و ما قصر.
المشكلة يمرمطون الواحد و السيارة تنطلب و ايضا تغيب عن دوامك و يومك يضيع عالفاضي معاهم للأسف في بعض الأحيان

[ساراام]

الله يعينك والله

بعض السيارات صوتها فعلا عالي

من كم يوم واحد كان وراي وصوت سيارته كانه شاحنه والله بدون ريس

وينهم عن هالاشكال ،،المفروض يعطونهم دوره بهالخصوص عشان يعرفون يفرقون ومايظلمون حد

[المحاميه]

اممم والله مادري شاقولك ياخوي

هو ماينلام لات قاعد يأدي واجبه
وانت من كلامك انك شخص عاقل وراعي بيت وبعيد عن المشاكل

هو المشكله ان الشين خرب عالزين

انا فاهمه وضعك وموقفك بس ماتقدر تطلع الرجال غلطان لان هو سوا اللي عليه وماتعدا حدوده
وانت الله يعينك
مادري شالحل ف وضعك

[رآعي موآجيب]

انا ضد التشدد الصراحه ، ولكن حسب اللي فهمته من كلامك ( اللي ما قلته بشكل مباشر ) ان موترك سبورت لكن انت مركب عليه صوت ضخم مغاير أو اعلى من الصوت الأصلي لنفس هالفئه من السيارات

وهذا امر مخالف طبعا مع اني لا زلت اقول اني ضد التشدد ، المفروض يكون هناك نوع من التقدير النظري لرجل المرور

عموما انا ما الومه ، هالمبزره وبعض المستهترين من الشباب الناضج ، يكونون مزعجين جدا لدرجه انهم يروعون الغافل

كم مره يروعني صوت موتر سبورت او دراجه سبورت لدرجه تخليني قريب افقد اعصابي

بعض السفهاء وعديمي الذوق والتربيه يخلون رجال المرور او التحريات يكونون صارمين مع الكل وبدون استثناءات

وطبعا ما نقدر نخطأهم

[راعي ال VXR]

في بعضهم ذوووق وفن وتعامل من رجال المرور وادعي لهم الله يكثر من امثالهم كلمتين منك الاموور طيبه
كنت مخالف لاحزام وبنيتي بوثلاث سنين جالسه معاي العبري صادني عندالاشارات قال لي ياطيب عطني الرخصة عليك مخالفتين
قلت له تبشر يالشيخ هذا الليسن وانا اسف هذا الحزام حطيته والبنيه الى الخلف يناظرني وررجع الرخصه قال حاسب ياخووك وما خالفني ورووح .

[style]

الله يعينك والله

بعض السيارات صوتها فعلا عالي

من كم يوم واحد كان وراي وصوت سيارته كانه شاحنه والله بدون ريس

وينهم عن هالاشكال ،،المفروض يعطونهم دوره بهالخصوص عشان يعرفون يفرقون ومايظلمون حد
قلت اللي ابي اقوله بالضبط،،بدون زعل ياراعي الموضوع بعض السيارات وهي واقفه وشغاله صوتها يبط الاذن،،انا عند الاشاره وسياره بالخلف يمكن حول 5 سيارات وراء وصوتها عندي،،يعني لو هي جنبي شلون بيكون صوتها مش كفايه التريلات لما توقف حذاك كنها مكينه زرع،،،انشاء الله موضوعك يعدي على خير،،،بس الصراحه الصوت العالي مالي داعي حتى انت داخل السياره يصيدك صداع نسبه الى db يكون عالي وهذا مضر للسمع على المدى الطويل

شكرا

[مخطط قطري]

انت تقول تشارك في حلبه الوسيل وغيرها من المسابقات خلاص خل هالسياره مخصصه فقط للمسابقات ومثل ماذكرت انت انك كبير وابو عيال والحين الشارع مايعرف ابو عيال ولا عيال السياره المخالفه خصوصا الصوت يكون مزعج جدا بالشارع يتخالف احنا سمعنا وجهه نظرك لابد نسمع وجهه الطرف الاخر ،،،، يمكن انت تشوف صوت سيارتك سبورت عادي ولكن غيرك يشوفه مزعج ورجل الامن ادى ماهو مطلوب منه ويشكر عليه خصوصا في سايقيين مستهترين وسفهاء يعرض نفسه وغيره للخطر

[Tomford_qtr]

اذا الصوت مزعج ف المرور معاهم حق ...

[وليف الشوق]

ماادري ايش دخل كلمة متزوج وعندي عيال ؟ هل اهو هروب من القانون مثلا او اثبات ان المتزوج رجل متزن ؟ وكأن ماعندنا غير هالكلمة اللي تحفظنا
سيدي الفاضل من كلامك رجال خلوق والنعم فيك وانا فهمت انك متزن في تعاملك في الطريق وفنك في التعامل مع قواعد المرور ولك مني كل التحايا ولكن اقف واشدد عند موضوع الصوت المزعج اللي انا من الناس كل يوم انقهر وانا نايم من ازعاج سيارة تمر من بيتي دون احترام لراحه الناس والمرضى ومثل هالنوعيه من السيارات ايا" كان نوعيتها او موجيلها او سعرها فالافضل حجزها لشهور عديدة مع وجود تعهد من السائق بعدم تحريكها في وضعها الحالي الا بعد وجود طريقة اما بالابتعاد عند اماكن تواجد السائقين الاخرين او مكان وجود عوائل او مرضى
ومني لك كل التحية والتقدير لشخصك الكريم وايضا كل التحية والاحترام والتقدير لرجال المرور اللي يسهرون ويدافعون على راحتنا

[جبر ال جبر]

اتفق وياك ياراعي الموضوع بعض رجال المرور والتحريات يحتاحون دورات مكثفه ومحترفه في فن التعامل مع الجمهور ومراعاه الظروف المحيطه بكل حاله ،،،،

[محمد11]

مشكله يجيك نفس هالنوعيات والمصيبه تحصل موتره مركب له فل هدرز وفلتر ريس ومداعس والقهر يخالف الناس .


وازيدك من الطين بله ..

روح مواقف لخويا .. شوف المواتر الي تطلع من بعد الدوام ..

[محمد11]

اتفق وياك ياراعي الموضوع بعض رجال المرور والتحريات يحتاحون دورات مكثفه ومحترفه في فن التعامل مع الجمهور ومراعاه الظروف المحيطه بكل حاله ،،،،

صحيح اخوي جبر ..
انا من فترة حطيت موضوع عن طريقة تعامل رجل المرور مع الجمهور مب شرط المرور العسكري بصفه عامه

[style]

اتفق وياك ياراعي الموضوع بعض رجال المرور والتحريات يحتاحون دورات مكثفه ومحترفه في فن التعامل مع الجمهور ومراعاه الظروف المحيطه بكل حاله ،،،،
موضوعين مختلفين اخوي،،،فن التعامل شي،،والصوت المزعج الصادر من السيارات شي ثاني،،الصوت لو كان مقبول كان الشرطي مااخذ اي اجراء،،لكن الظاهر والله اعلم ان الصوت فوق المعدل الطبيعي،،وماله شغل فن التعامل فهالنوع من التصرفات

[بوخالد911]

الله يهونها.

[Jspec]

انت تقول تشارك في حلبه الوسيل وغيرها من المسابقات خلاص خل هالسياره مخصصه فقط للمسابقات ومثل ماذكرت انت انك كبير وابو عيال والحين الشارع مايعرف ابو عيال ولا عيال السياره المخالفه خصوصا الصوت يكون مزعج جدا بالشارع يتخالف احنا سمعنا وجهه نظرك لابد نسمع وجهه الطرف الاخر ،،،، يمكن انت تشوف صوت سيارتك سبورت عادي ولكن غيرك يشوفه مزعج ورجل الامن ادى ماهو مطلوب منه ويشكر عليه خصوصا في سايقيين مستهترين وسفهاء يعرض نفسه وغيره للخطر

السموحه اخوي لكن هل ترى انها تدخل العقل اني اشتري سياره سبورت من الوكاله بمبلغ وقدره واخصصها بس حق حلبة لوسيل؟ خصوصا انه الحلبه تفتح تقريبا 10 مرات فالسنه وكل مره بس 3 ساعات

يعني هل ترى انه شي معقول اشتري موتر سبورت جاء في خاطري واوقفه فالبيت بس علشان استخدام 30 ساعه بالسنه؟؟؟

[Jspec]

ماادري ايش دخل كلمة متزوج وعندي عيال ؟ هل اهو هروب من القانون مثلا او اثبات ان المتزوج رجل متزن ؟ وكأن ماعندنا غير هالكلمة اللي تحفظنا
سيدي الفاضل من كلامك رجال خلوق والنعم فيك وانا فهمت انك متزن في تعاملك في الطريق وفنك في التعامل مع قواعد المرور ولك مني كل التحايا ولكن اقف واشدد عند موضوع الصوت المزعج اللي انا من الناس كل يوم انقهر وانا نايم من ازعاج سيارة تمر من بيتي دون احترام لراحه الناس والمرضى ومثل هالنوعيه من السيارات ايا" كان نوعيتها او موجيلها او سعرها فالافضل حجزها لشهور عديدة مع وجود تعهد من السائق بعدم تحريكها في وضعها الحالي الا بعد وجود طريقة اما بالابتعاد عند اماكن تواجد السائقين الاخرين او مكان وجود عوائل او مرضى
ومني لك كل التحية والتقدير لشخصك الكريم وايضا كل التحية والاحترام والتقدير لرجال المرور اللي يسهرون ويدافعون على راحتنا

يابنت الحلال خليها على الله

اعرف ناس والله هاملين عليالهم سياراتهم فورويل حجم عائلي ومايحلى لهم الاستعراض والتهور بين البيوت الا وقت الظهر او وقت المطر

يعني لابه هدوء وراحه
ولابه امان على عيالنا الصغار

حظي حوش بيتي عود وعيالي منتبه لهم انه ما يلعبون الا فالحوش من الاهوال اللي شفتها في الفريج

وللاسف لمن تكلم اهلهم يعطوني نظره انه انا بعد معهم!!!!!! مع انه فالفريج والله ما تعدى سرعة 40

[الجوكر90]

السلام عليكم
الشيخ انا كان عندي كورفت وكنت اسوقه لمدة سنه والله ان محد كلمني ع الصوت لان يعتبر صوت وكاله
بس انك تحط دباب عشان الصوت يكون عالي فاسمح لي السبورت ماله علاقه بالصوت العالي

[رجل الجزيرة]

ماادري ايش دخل كلمة متزوج وعندي عيال ؟ هل اهو هروب من القانون مثلا او اثبات ان المتزوج رجل متزن ؟ وكأن ماعندنا غير هالكلمة اللي تحفظنا
سيدي الفاضل من كلامك رجال خلوق والنعم فيك وانا فهمت انك متزن في تعاملك في الطريق وفنك في التعامل مع قواعد المرور ولك مني كل التحايا ولكن اقف واشدد عند موضوع الصوت المزعج اللي انا من الناس كل يوم انقهر وانا نايم من ازعاج سيارة تمر من بيتي دون احترام لراحه الناس والمرضى ومثل هالنوعيه من السيارات ايا" كان نوعيتها او موجيلها او سعرها فالافضل حجزها لشهور عديدة مع وجود تعهد من السائق بعدم تحريكها في وضعها الحالي الا بعد وجود طريقة اما بالابتعاد عند اماكن تواجد السائقين الاخرين او مكان وجود عوائل او مرضى
ومني لك كل التحية والتقدير لشخصك الكريم وايضا كل التحية والاحترام والتقدير لرجال المرور اللي يسهرون ويدافعون على راحتنا

والله كلامك صحيح خاصة وانا ارقد على البلكونة في آخر الليل سمعت السباقات في الليل.

[معماري قطري]

طالبيني شكلي مسوي شيء يخرع