تطوير قطعه ارض الى فيلتين ( استثمار )

[شموخ دائم]

,


,


مرحبا


اليوم موضوعنا عباره عن قطعه ارض خاليه
نبي نستغلها الاستغلال الأمثل وتحويلها الى مشروع
استثمار للبيع او الايجار


http://www12.0zz0.com/2016/11/14/23/875909807.jpg

الأرض مساحتها 1200

30×40

على شارعين خلفي وامامي

حاولنا نعملها 4 قطع ما وافقوا لامور كثيره القوانين طبعا
وهذا كان محبط
:weeping:

http://www12.0zz0.com/2016/11/14/23/669562201.jpg

الأمور ما توقف والخيارات متاحه الله كريم

عملناها قطعتين

كل قطعه 14× 40

مساحه الأرض الوحده طلعت 600 متر مربع

زين ومو زين

للبيع المساحه هذي ترفع السعر خاصه للي يدور سعر رخيص

وزين للي يدور مساحه لاباس فيها وعنده القدره

http://www11.0zz0.com/2016/11/14/23/864239073.jpg

المخطط اخترنا اكثر من شكل وبعدين استقرينا على فكره

فيلا ( شرقيه )
فيلا ( غربيه )

حتى نرضي جميع الاذواق

كل فيلا ولها ملكيه منفصله

انا احب ( اعدل ) اثناء سير المشروع التعديل الي ما يضر
وما يأخر المشروع وممكن اطلع عن الشكل الي بالخريطه الاصليه


التكلفه والقيمه


من الضروري نحسب التكلفه حسبه صحيحه وما نغفل أي مصروف على المشروع

قيمه الأرض ( ورسوم التسجيل )
قيمه العموله ( ان وجدت )
قيمه الخريطه
قيمه البناء
قيمه الرخص


http://www14.0zz0.com/2016/11/14/23/309087297.jpg

توكلنا على الله

http://www13.0zz0.com/2016/11/14/23/456246449.jpg

بحاول اختصر الصور الفكره مو بكثره الصور
الفكره نحط نموذج شنو سوينا بالأرض


http://www4.0zz0.com/2016/11/14/23/676198430.jpg


الشكل مهم أحيانا اذا المستهدف بالمشروع طبقه معينه ( قطريين ) او خليجي
الشكل الخارجي والداخلي

واحيانا مو مهم الشكل اذا المستهدف ( شركات ) موظفين ستاف

يستحسن نحدد هدف المشروع

ونحط احتياجه

http://www11.0zz0.com/2016/11/14/23/553130759.jpg

وحسب الميزانيه المرصوده نشتغل عليها
ما نتخطى الميزانيه لان بيترتب عليها ارتفاع السعر

http://www11.0zz0.com/2016/11/15/00/921675417.jpg


http://www2.0zz0.com/2016/11/15/00/971586461.jpg

النصيحه الي احب دائما اقولها

سعر البيع

بعد حسبه االتكلفه كاملة نحط الربح المعروف ولازم نفهم ان هناك ( مئات ) الفلل المعروضه للبيع
والمشتري يلف السوق ويشوف الأسعار ويقارن بين الجميع قبل يقرر يشتري

وتاخير البيع ( هو بحد ذاته خساره )
نطلع من المشروع بربح وعامل الوقت مهم جدا جدا جدا
ندخل بمشروع ( ثاني )

اذا الخطه كل سنه نبني مشروع
التأخير يخلي كل ( سنتين ) نبني مشروع
وهنا الخساره الي قصدتها

وما ( نطمع ) نهائيا لان الطمع سبب التأخيرفي البيع او الايجار
وبعدها ننزل السعر
وننزل السعر
وهذا يخلي صاحب المشروع يبان
( متردد )

او قليل الخبره
ويزعج الناس للاسف

وهذا ليس من صفات التاجر الناجح
الواثق من نفسة


http://www10.0zz0.com/2016/11/15/00/267846035.jpg


التميز بالمشروع

من الضروري نميز مشروعنا بحاجه تغري المشتري
اما بالشكل والديكور او السعه بالغرف والتوزيع الداخلي
اما ( بالسعر ) اقل من السوق ولو بشي بسيط


http://www4.0zz0.com/2016/11/15/01/597626963.jpg

المطبخ

انا احب اهتم بالمطبخ ( تسويق ) دائما الي بيشتري البيت
( زوجته ) معاه وهي اهتمامها بالمطبخ ( مملكتها )
ممكن يعجبها وتشتري البيت لان فقط المطبخ عاجبها

http://www8.0zz0.com/2016/11/15/00/516808077.jpg

الشكل النهائي تقريبا ديكور شرقي عربي
الأبواب هذي نشوفها اكثر شي
في المساجد الجديده بقطر


http://www9.0zz0.com/2016/11/15/01/527208766.jpg


المجلس الخارجي

من الضروري يكون مجلس خارجي بالمخطط
لانه عامل مهم جدا لكل بيت

http://www10.0zz0.com/2016/11/15/01/323934810.jpg


غرفه السائق والخادمه

هذا من متطلبات كل اسره قطريه او خليجيه نحرص عليهم بالمخطط

الشكل النهائي

5 غرف نوم
5 حمامات
صالتين
غرفه طعام
مجلس داخلي
ملحق خارجي
ورخصه مجلس خارجي ( غير مبني بهذا المشروع )

أخيرا

هذا مثال لتطوير ارض وممكن يكون هناك ( أفكار ) أخرى
دائما الي نعرضه ( احد ) الأفكار
وليس احسن الأفكار

والناس اذواق


( الفيلتين تم بيعهم )

الله يبارك لهم فيهم



,

,

[معماري قطري]

والله يبارك للبائع كذلك

شغل نظيف ما شاء الله .. دوم اتمنى اجادة الشغل حتى للي بيبيع

[سعود.]

خوش تقرير .

واضح من الصور ان الشغل نطيف جدآ . بتوفيق لكم .

[Riku3]

ما شاء الله .. شغل عدل الله يوفقك ويبارك في البيت للشاري ..

من العنوان وبداية الموضوع حسيت انه استفسار او نقاش بس انصدمت وعجبني الموضوع وكان ودي لو فيه تفاصيل اكثر وصور :] ..

بس استغرب شلون ارض جبنا 1750 متر راعيها قدر يحط فيها 5 فلل وانت 1200 وعلى شارعين وماعطوك الا 2 .. بس في النهاية المساحة عطتك فله محترمه صراحه ما شاء الله .

[معماري قطري]

إخوي بنى في نفس المنطقة تقريباً في الخور وعطوه 4 فلل بس كل ثنتين متلاصقين وخسر فيهم باعهم بخسارة ولا اذكر مساحة الأرض كم

لاحظت كثير يركبون لمدخل البيت باب خشب .. ومهما كان نوعه وقوته وعليه تغطية الجو الخارجي يؤثر فيه لو ما صار السنة بعد فترة .. أحسن شيء نركب يو بي في سي وقزاز شفاف ونركب الباب الخشب وراه .. يكون عندنا عزل عن الغبار والهواء والصوت والحرارة وبنفس الوقت منظر حلو للداخل

شفت هالشيء في بيوت ومجالس ما صار لها ثلاث سنين وأبواب متعوب عليها وحبيت انقل للجميع الملاحظة

اللي حاب يسوي هالشيء يحسب حسابه بيصبغ الباب كل سنتين مرة أقل شيء أو كل سنة صبغ حماية سهل أي حد يسويه

[جبر ال جبر]

تقرير حلو ماشاءالله .. بس يليت تكثر من الصور وسؤال كم خذا وقت البنيان والتكلفه اعرف شي سري ماراح تقوله بس يهمنا نفس ماذكرت الوقت الامر الاخر المنطقه وين شكلها مرتبه واشكر اخوي معماري على ملاحظته المهمه

[رحال]

تقرير حلو .. الله يبارك للشاري ويوفق البايع ..

بس اعتقد اللي بيسوي نفس هل المشروع بسعر الارض اليوم وتكلفة البناء
راح يخسر تعب ومال .. لأن البيوت اللي للاجار والبيع كثيرة والخيارات اصبحت متعددة
والكل يبي يبيع للخروج بأقل خسارة .. خصوصاً بعد انخفاظ ملحوظ للقيمة الاجارية ووفرت المعروض

[شموخ دائم]

,

,

مرحبا

معماري قطري

منور

تسلم والله

ما يخفى عليك ( مشاكل ) التخطيط يوم ممنوع ويوم مسموح
هذا الشارع في مدينه الخور
الان سمحوا الي يبي يفتح على الشارعين
وضاع علينا أمور كثيره بعد البيع
:)

مشكله السوق فيه تقلبات كبيره
ممكن تربح ( بوقت ) وممكن تخسر بوقت لو نزل السوق

والمخاطره بالعقار مثلها مثل المخاطره بالتجاره
ولو ان العقار مخاطره اقل ويحتاج مزيد من الصبر
مثل الان 2016 سنه صعبه في العقار
وقبلها سنه 2010

هذا المشروع كان في سنه ( 2014 ) والحمدالله
مافي خساره وطلعنا بربح معقول الحمدالله
لان كان العقار أسعاره مرتفعه بتلك الفتره

القصد من الموضوع
هو هذا النقاش من تراخيص ومن أفكار ومن سلبيات وإيجابيات
بالبناء
,

,

[شموخ دائم]

,

,

مرحبا

سعود


يا هلا وسهلا

ما ركزت كثير على الصور وكنت أحاول اعطي
معلومات عن طريقه ( تقسيم ) اللارض
وطريقه البيع
وشنو يهم المشتري

الحين صار عشاء المجلس السداسي
وعشاء الفيلتين بناخذ معانا معماري بنحاول نخليه يدفع الحساب
هههه
:)


,

,

[معماري قطري]

الله يوفقك وبدون مجاملة اهتمامك واضح والتصميم فيه كثير من الذوق .. متوقع التوزيع والفلور بلان دارج ويطلع الفن في اللمسات البسيطة ذي اللي تعطي البيت روح .. المشتري الله يوفقه وأكيد حصل بيت جيد بإذن الله

إخوي اللي خسره الأرض كانت صبخة وتسرب الماء للمنهولات ولخزان الصرف الصحي واستوى عنده هبوط والا كان مأجر وناوي يستثمر ايجار واحتد يبيع بعدين

[شموخ دائم]

,


,


مرحبا


Riku3


حياك الله منور الموضوع

الناس ما تعرف شقد في ( معاناه ) لما تراجع التخطيط
حتى نفهم ( شنو ممكن ) يستوي على قطعه الأرض هذي
أحيانا في تضارب بكلام المهندسين
واحيانا يحولونها ( لجنه ) وتنتظر نتيجه
يستوي او لا

واحيانا مرفوض لك
وبعد ما تبني بسنه يكون مسموح لجارك
يقولون صار تعديل على الارتفاعات
او تعديل على فتح الأبواب على الشارع او على مساحه البناء والارتداد

امور كثيره
ممكن تضيع عليك ( فرص ) كثيره جدا
انا أقول
انها ( نصيب ) والله مو كاتبها لنا
بتلك الفتره
ونصيب الي جاء بعدنا

,

,

[معماري قطري]

لتقول لي اليو بي في سي مب من معماري قطر؟

[معماري قطري]

على طاري تعديل الارتفاعات صوتنا شكله جاب نتيجة اللي عنده بيت أو أرض في الغانم الجديد والعزيزية والمرة ليبيع الارتفاع ناويين يقرونه 5 أدوار واتوقع نظام شقق .. مب رسمي للحين تحت الستار

[شموخ دائم]

,

,


معماري قطري

مرحبا

أي حد يبي يستثمر في الخور او المناطق الي حولها
استشاره يكلمني نعطيه النصيحه في مجال خبرتنا
والله استشاره لله خاصه في اختيار
( موقع ) الأرض بالفعل شي مهم جدا جدا والتكلفه والاسعار

لان بالفعل في أراضي ( صبخه ) تحتها بحر ومدفونه دفان سطحي بتراب عادي
احنا نعرف المنطقه زين
ونعرف الأماكن الجيده للاستثمار


ملاحظه مهمه و حلوه
على الباب الخشب اتفق معاك 100% لازم يتم حمايته
بالمنيوم وزجاج على البرنده
ولا بيخرب للأسف


لا والله ما تعاملت مع معماري قطري للأسف حتى الان
والشبابيك هنا المنيوم ( فريم عريض )
تفتح على طريقتين للداخل ومن الأعلى
النظام الإنجليزي
من شركه الاختصاصي


,

,

[معماري قطري]

ما شاء الله زين هذا التيوبلار أكيد وأكيد البيت قيمته فيه

عن الأرض شفتها قبل البنيان وقلت رايي بس كان خلاص شاريها والحمد لله على كل حال

[لطيف الروح]

الله يجزاك خير على هذا الشغل الممتاز و المرتب الي يدل على الذمة و الضمير و الاحتراف المهني
ياليت بعض التجار الذين يبنون بيوت تجارية مغشوشة يتعلمون منك و يتقون الله سبحانه و تعالى في الناس

اخوي شموخ انت تبني لنفسك ولا ممكن تبني للغير كذلك

[شموخ دائم]

,

,


مرحبا

رحال

صبحك الله بالخير والنور


مثل ما يقولون العقار يمرض وما يموت

والهبوط والارتفاع هذا شي ( صحي ) ودائما السوق يجدد ويعالج ( نفسه )
لما تهبط الأسعار
فهو تصحيح او بسبب أزمات عالميه لها تاثير مباشر علينا
مثل أسعار البترول
او الحروب

وهذي فرصه للكثيرين انه يعيد ( حسابات ) استثماره

وبنفس الوقت هو فرصه ( بدايه ) للشخص الجديد بالسوق او المستثمر المقبل على بدايه مشروع

ممكن يلاقي ارض بارخص 10% او 20% من السعر السابق

وهذا بحد ذاته مكسب للشخص الي فلوسه ( حره ) وليست دين من بنك

الايجار او البيع اذا هبط مرده بيرجع ( يرتفع ) ربما خلال سنتين ربما اكثر

الانسان العادي ( يتوقف ) يرتبك يتردد

والشخص المتخصص بالعقار ( يدخل ) ويحاول يحصل على اقل سعر حسب تفكيره وتوقيته

مثل الأسهم نشتريها بالنازل
العقار أيضا نشتريه بالنازل


انا الحمدالله ما يخوفني نزول الأسعار بالعكس
احسها فرص لناس كثيره

ومو اول مره تنزل الأسعار ولا راح تكون الاخيره

هذي حركه الاقتصاد الطبيعي بكل الدنيا اصبح مترابط يجر بعضه
مد وجزر

الحمدالله في قطر احنا اقتصادنا بخير

بفضل من الله

حتى لو الاعلام وبعض الاخبار تخوف الناس

وهذا شي طبيعي

يقولون
راس المال جبان
:)

وهذا واضح اليوم الحركه ( شبه متوقفه ) فيها ترقب

لو طلعت الأسعار من جديد الكل بيرجع للسوق


,

,

[شموخ دائم]

,

,


جبر ال جبر

مرحبا


اخوي الكريم

منور والله

الوقت بالعاده تأخذ سنه كامله للفلتين هم مشروع واحد
والعقد نكتب فيه 14 شهر
الشهرين الزياده نعمل حساب
( شهر رمضان )
العمل يضعف فيه وشبه متوقف
وشهر 8 هذا عز الحر
مافي انتاج أيضا

اما العمل الفعلي فهو بحدود ال 12 شهر تكون جاهزه

التكلفه ما بدخل معاك واتوهك بالحسبه

بعد تكلفه الأرض
وتكلفه البناء
وكل المصاريف

الربح من 150 الى 300 الف

الاختلاف هذا يفرضه ( السوق ) عليك
اذا كان طالع والأراضي تزيد بشكل متسارع
تضاف قيمه التسارع على الأرض
فيوصل الربح الى 300 أحيانا

اما اذا السوق في النازل
بيجبرك حتى تبيع وتطلع ترضى بالقليل 150 الف
تعب سنه كامله تراها بالعقار قليل

هذا بكل امانه


,

,

[شموخ دائم]

,

,



مرحبا

لطيف الروح

يامرحبا فيك منور والله

حديثك ذو شجون والله يحتاج موضوع كامل لحاله
من الضروري الي يشتري اما يأخذ معاه مهندسين للفحص وعمل تقرير مفصل
او يريح نفسه ( ويشتري ) من شخص موثوق بالسوق وله اسم يخاف عليه
ويشتغل حسب ( أصول الصنعه )
وقبل هذا كله يخاف الله

ترى ما تسوى يكسب 200 الف
والي اشترى منه
يدعي عليه ليل ونهار

اعوذ بالله

بالنسبه لسؤالك كنت حاب ما اجاوب عليه حتى ما يكون
هذا الموضوع دعايه لي لا سمح الله

ما حطيت صور كثيره لان القصد نشر معلومات
عن هذا ( التجاره ) في العقار

بديت لنفسي وبعدها القرايب وبعدها الأصدقاء ومن يعز علينا
ومشت الأمور الحمدالله
والسنوات الاخيره
انجبرنا نعطي عروض أسعار
لان مصاريف العمال والشركه
مو بسيطه



,

,

[MAZEN37]

على طاري تعديل الارتفاعات صوتنا شكله جاب نتيجة اللي عنده بيت أو أرض في الغانم الجديد والعزيزية والمرة ليبيع الارتفاع ناويين يقرونه 5 أدوار واتوقع نظام شقق .. مب رسمي للحين تحت الستار

الله يبشرك بالخير

[الوطنيه]

بالتوفيق