رساله الى وزارة التعليم وجدول الامتحانات العشوائي الأربعاء رياضيات .!!!!

[العابــرQAT]

رساله الى وزارة التعليم وجدول الامتحانات العشوائي الأربعاء رياضيات .!!!!

يا أصحاب البرج العالي والأعتقاد أنكم عقول مفكره والشعور بالأخر
أتضح لنا أننا مجرد الآلات بالنسبه لهم عيالنا يرجعون الساعه 2 وين فيهم حيل يدرسون حق الامتحان

المصيبه من هذا ذو الفكر الفاشل الذي وضع امتحان الرياضيات يوم الأربعاء هو شايف الرياضيات حلاوه تبلعه على طول هذا يبيله أيام علشان تدرسه وتستوعبه
ليش ما حطيتوه يوم الأحد بدال امتحان العربي
ليش يا ظلمه ما عندكم أحساس لا بالطلاب ولا أولياء الأمور

[بانغ بانغ]

اي والله صح كلامك

عادة ايكون الاحد عشان في وقت

وليش ما يطلعون قبل وحدة عشان ايريحون ويتجهزون للمادة التالية

قاتل الله كل مسئول له يد في تعقيد المسألة

خاصة اللي عنده ثلاث واربع اعيال عندهم امتحانات في نفس الوقت

[ذكي جدااا]

على ايامنا كان يوم امتحان ويوم اجازه

[بوخالد911]

يمكن اللي حط الامتحانات ما عنده اعيااال :)

[شيخ الديرة]

يمكن اللي حط الامتحانات ما عنده اعيااال :)

او عياله بمدرسة خاصة

[R 7 A L]

او عياله بمدرسة خاصة

او عياله شاطرين في الرياضيات




عموماً المفروض المواد الصعبة تكون يوم الاحد لان مذاكرتها تبي لها اكثر من ليله

[Dexter]

عموماً المفروض المواد الصعبة تكون يوم الاحد لان مذاكرتها تبي لها اكثر من ليله

او ان الطلاب يدرون ان عندهم امتحان بعد اسبوع / اسبوعين ويدرسون بدري :secret:

[طبيب قطري]

او ان الطلاب يدرون ان عندهم امتحان بعد اسبوع / اسبوعين ويدرسون بدري :secret:

مب سالفه يدرسون بدري او يدرسون قبلها بيوم.. الموضوع انه جو الامتحانات نفسه يخلق توتر وشد بالاعصاب ويأثر على نفسيه الطالب ، حتى لو كان دارس من اول يوم فالعام الدراسي بينسى كل شي اذا ماكان مهيأ نفسيا للامتحان واعصابه هاديه مب ركض ورى بعض يخلص من امتحان ينام ويقوم يمتحن ماده ثانيه شدعوه بيجن قبل ماتخلص الامتحانات..
المفروض يخلون يوم ونص بين كل ماده والثانيه حتى يقدر الطالب يراجع مراحعه سريعه ويهيء نفسه للامتحان بدون توتر او ضغط

[moonبنتnight]

الله يوفقهم وينجحهم يارب ..
صج الجدول تعيس والمنهج أتعس ونظام التجاري التقوية في المدراس أتعسهم ..

[شيزكيك]

انا بعد اشوف الرياضيات ما يناسبه يكون في نص الاسبوع الاولى كان اول يوم بدال مادة العلوم اما العربي بعد صعب فزين انهم خلوه يوم الاحد

[ضوى]

من على أيامنا والامتحانات عشوائية ياما اشتكينا انه كان الفيزيا ورا الرياضيات وبينهم يوم واحد فاصل وياما كانت امتحانات ورا بعض بدون فاصل وتكون مواد دسمة ، اتوقع هو نفسه موجود اللي يحدد المواد واوقاتها للأسف