>> حاسبوا يا هل العنن <<

[شبح الصمت]

السلام عليكم ورحمة الله وبركاته ،،،

( العنن ، المخيمات الشتوية ) كلها نفس المسمى

المهم حاسبو

الي يقدر يحط له صبي فالعنه يحط ..

امس الصبي فالعنه يقول لنا أنه اول أمس الساعة 11:30 فالليل موتر جاء صوب العنه وتم يضرب هرانه ويوم راح يشوف من طلعو اثنين شباب ووحده ..

تم يسألونه عنة من ذي ويبون يدخلون قال لهم بتدخلون صبروا وقام يبي يتصل فيني او في رفيجي لانه احنا محرصين عليه محد يجي العنه غير ربعنا الي شافهم معانا
او الي احنا نكلمه اذا حد بيروح ..

يوم شافوه بيتصل قاموا ركبو الموتر وحركو على طووول

في ذمتكم نفس ذولي الاشكال آخر الليل جايين اشعندهم ومن تحليلنا للموضوع هالاشكال ادور في وسط المخيمات يتم معلق الهرن ان طلع له صبي سو نفس الحركة سأله وحرك
وان ما طلع اتوقع انه راح ينزل فالعنه ويجلس ما عنده اي مشكلة

الواحد يخاف يسوون شي ومحد فالعنه ويلبسون راعي العنه اي شيء ..

فما اعرف الشباب الي مب حاطين صبي اشلون وضعهم
والشباب الي عندهم عنن يحرصون على الصبيان
لانهم بعضهم عادي تعطيه فلوس يمكن يخليك تدخل
لانه بعض الصبيان جايبينهم من برى يترزقون الله في الموسم


واول ايامنا بايقين من عندنا دباب غاز ..


استغفر الله العظيم ..

[بانغ بانغ]

ضروري تكثيف الدوريات

[شبح الصمت]

ضروري تكثيف الدوريات

بس الدوريه اش بتسوي اذا اهو واقف قدام العنه

اشدراهم ذي راعي العنه مب راعيها !!

[بانغ بانغ]

بس الدوريه اش بتسوي اذا اهو واقف قدام العنه

اشدراهم ذي راعي العنه مب راعيها !!

عجل لازم التنبيه على الصبيان باخذ رقم اي سيارة غريبة

خاصة احيانا العيال اينامون مع بعض في العنة

خطير الوضع خاصة الصيع والحشاشة

[فيصل99]

هم ماسوا هالحركة الي يدرون انه في صبيان لبعض العنن يوافقون بالبخشيش ادخال اي غريب في العنه
الواحد يحرص على الصبي وتحذيره من ادخال اي غريب واول شي يسويه ياخذ رقم الموتر

[ضوى]

بسم الله صج شي يخرع الله يكفينا الشر

[شبح الصمت]

عجل لازم التنبيه على الصبيان باخذ رقم اي سيارة غريبة

خاصة احيانا العيال اينامون مع بعض في العنة

خطير الوضع خاصة الصيع والحشاشة



الوهقه الي ما عندهم صبي والا حد يبيت في العنه ..
بتحصل نفس ذولي متواجدين
وقويين قلوب ولا يهمهم شيء ..

[شبح الصمت]

هم ماسوا هالحركة الي يدرون انه في صبيان لبعض العنن يوافقون بالبخشيش ادخال اي غريب في العنه
الواحد يحرص على الصبي وتحذيره من ادخال اي غريب واول شي يسويه ياخذ رقم الموتر



نفس ما تفضلت انا قلت له اي موتر تشتبه فيه بس سجل رقمه بدون ما يحس وخله يحرك ..
بس ياخوي الناس الي مب حاطين احد اهناك ..

الله يعينهم والله

[شبح الصمت]

بسم الله صج شي يخرع الله يكفينا الشر



صدق شيء يخرع
لانه ما تدرين هذولي وش وراهم ولو صار شيء ما راح يقولون في ناس كانت اهنيه
بيقولن راعي العنه ووووينه جيبه من علباه

[R 7 A L]

حسبي الله على هالاشكال هذولا الي بيخربون على التجمعات الذربه الشتويه

[بوحارب]

هذولي يبيلهم ضرب

على كيفه يجي ويدخل العنه بدون اي مقدمات

[عطر فرنسي]

هذولي يبيلهم ضرب

على كيفه يجي ويدخل العنه بدون اي مقدمات


طول عمرك كبير

[شبح الصمت]

حسبي الله على هالاشكال هذولا الي بيخربون على التجمعات الذربه الشتويه



ان شاء الله ما راح يخربون علينا ..
بس الحذر واجب منهم

والي ما عندهم صبي يحطون لهم موتر ما يبونه عند العنه كتخويف ..

[شبح الصمت]

هذولي يبيلهم ضرب

على كيفه يجي ويدخل العنه بدون اي مقدمات



ان لم تستح فأفعل ما شئت

[البرونزي]

99% انها من عنن المناطق الجنوبيه

[شبح الصمت]

99% انها من عنن المناطق الجنوبيه



لا ياخوي عنتنا في الشمال ..

[MAZEN37]

خذ هالقصه عندك
من سنتين جو شباب على العنه في الليل ومسكوا الناطور وربطوه وسرقوا المولد
الناطور شبيسوي مسكين اذا الدين والضمير غاب .......

[بومحمد المطاوعه]

اذا لم تستحي فصنع ماشأت

بعيد الشر واعوذ بالله من هالبشر

شوضع البقرة الي معاهم ,, !

زمن الفتن وزمن الدمار والعياذ بالله

[شبح الصمت]

خذ هالقصه عندك
من سنتين جو شباب على العنه في الليل ومسكوا الناطور وربطوه وسرقوا المولد
الناطور شبيسوي مسكين اذا الدين والضمير غاب .......



تصير ليش ما تصير
ان افرطو من العداله الارض ووين بيروحوون من رب العالمين ..

لانه احنا اول ما كنا ننصب العنه ما كان عندنا الصبي موجود
وشلو اخف شيء والمكاين ثقيلة اقل شيء يبي للوحده اربعه يشلونها

[العساس]

وليش مايكون تفكيركم ايجابي.

ممكن هذول عايلة جاية ع الوصف ومغلطين في العنه.

لو يبون شي ماراح يهرنون .....

انا ماقول ان مافي حوادث......ولكن قليلة.

والدوريات جزاهم الله خير موجودين ومتواجدين.


اهم شي صبي حق الاغراض.....الوحد يخاف من البوق فقط

[شبح الصمت]

اذا لم تستحي فصنع ماشأت

بعيد الشر واعوذ بالله من هالبشر

شوضع البقرة الي معاهم ,, !

زمن الفتن وزمن الدمار والعياذ بالله



ما ادري ياخوي ..

بس الواحد يكون حذر ويحذر الي حووله

والي ما عنده صبي يشوف العنه الي حوله ويكلم راعي العنه اخوياً
اذا شاف واحد جاء شيء ويضرب هرانه اعرفه انه وراه بلاء

يقوله خل الصبي يتصل لي ويقولي اذا اعرفه بخليه يدخل
ويعطيه المقسوم

[شبح الصمت]

وليش مايكون تفكيركم ايجابي.

ممكن هذول عايلة جاية ع الوصف ومغلطين في العنه.

لو يبون شي ماراح يهرنون .....

انا ماقول ان مافي حوادث......ولكن قليلة.

والدوريات جزاهم الله خير موجودين ومتواجدين.


اهم شي صبي حق الاغراض.....الوحد يخاف من البوق فقط



بنحسن الظن ياخوي
بس واحد يسال الصبي عنة من ذي وشسم ارباب
ويوم يقوله الصبي خلني بتصل في بابا ليش خاف وحرك !!!!!
كان خلاه يتصل وكلمني والا كلم الربع وسألنا عنة من او وين عنة فلان ..

[بومحمد المطاوعه]

ما ادري ياخوي ..

بس الواحد يكون حذر ويحذر الي حووله

والي ما عنده صبي يشوف العنه الي حوله ويكلم راعي العنه اخوياً
اذا شاف واحد جاء شيء ويضرب هرانه اعرفه انه وراه بلاء

يقوله خل الصبي يتصل لي ويقولي اذا اعرفه بخليه يدخل
ويعطيه المقسوم

والله مشكله ياخوك

حسبي الله عليهم هالناس
الي ماتخاف الله

[ya3coub]

صارتلنا اول سنتين و من بعدها دايما الصبي موجود

لدرجة انه احنا شباب موجودين قام ولد عمتي يجيب لنا ريوق موتعي من الصبح بروحه

احنا ما اوتعينا إلا اصوات ضحك و بنات طلعنا من الخيمة سيارتين ماخذين راحة راحتهم و شكلهم يعرفون المكان و متعودين يجون اول ما شافونا شلو عليه.


و غير السرقات غير الي يجي يفتح الخيمة يطالف الدفدي و يجيب اكله ووصاخته و يخليها و يطلع و على اخهر الموسم صارت سرقات



الحين نفس ما ذكرت أخوي لازم صبي و يكون ثقه و مشدد عليه بأنه محد غير الأهل يدخلون اي احد يتفنطز خذ الرقم علطول و الحمد الله احنا عننا كلها جنب بعض و الصبيان يمرونهم الدريولية حزات يقعدون معاهم و مع بيوت عمامنا صفه وحدة يعني حتى الي بيفكر يتهاوش مع الصبي او يتطاول عليه جو الباقي


و الكل يحاسب و يحاول وسط لاأسبوع يروح يودي هله معاه او اذا عنه شباب يشربون شاي فالليل ترا تسوى على هالجو الحلو تروح تتعشى و تشرب شاي و ترجع

[شيخ الديرة]

كاميرة صغيرة من اللي تنحط بالسيارة، واربطها على بطارية سيارة منفصلة، وخلها تشتغل 24 ساعة، الحلو بيها انها تمسح القديم لما تنملي الشريحة وتسجل الجديد.

البطارية الجديدة تكفيها 6 اشهر على الاقل
فكرة بزنس إلو اول ومالو آخر

[رآعي موآجيب]

الصراحه انها مشكله ، والديره ماكانت كذا ابد ولا كنا نسمع بذالسوالف والسرقات

المهم ،، اللي عنده عنه مكلفته مهوب عاجز يزيد التكلفه 1500 ريال

انا شاري 5 كاميرات مع الرسيفر وكل الوصلات بـ 1500 من دبي

التصوير لا بأس به ، اهم شي يلقط الاشكال وارقام السيارات ، وباقي التفاصيل وخرابيط التقنيين ما تهمني

ثبتوا في كل زاويه كيمره ، ونشوف اسود الوجه شلون بيفرط :court:

[شبح الصمت]

صارتلنا اول سنتين و من بعدها دايما الصبي موجود

لدرجة انه احنا شباب موجودين قام ولد عمتي يجيب لنا ريوق موتعي من الصبح بروحه

احنا ما اوتعينا إلا اصوات ضحك و بنات طلعنا من الخيمة سيارتين ماخذين راحة راحتهم و شكلهم يعرفون المكان و متعودين يجون اول ما شافونا شلو عليه.


و غير السرقات غير الي يجي يفتح الخيمة يطالف الدفدي و يجيب اكله ووصاخته و يخليها و يطلع و على اخهر الموسم صارت سرقات



الحين نفس ما ذكرت أخوي لازم صبي و يكون ثقه و مشدد عليه بأنه محد غير الأهل يدخلون اي احد يتفنطز خذ الرقم علطول و الحمد الله احنا عننا كلها جنب بعض و الصبيان يمرونهم الدريولية حزات يقعدون معاهم و مع بيوت عمامنا صفه وحدة يعني حتى الي بيفكر يتهاوش مع الصبي او يتطاول عليه جو الباقي


و الكل يحاسب و يحاول وسط لاأسبوع يروح يودي هله معاه او اذا عنه شباب يشربون شاي فالليل ترا تسوى على هالجو الحلو تروح تتعشى و تشرب شاي و ترجع



هذه اهي الي ما عنده من يباري حلاله راااح فيها

وزين انه عننكم يم بعض شيء طيب الصبيان يروحون يشيكون ويشوفون الوضع ..

[شبح الصمت]

كاميرة صغيرة من اللي تنحط بالسيارة، واربطها على بطارية سيارة منفصلة، وخلها تشتغل 24 ساعة، الحلو بيها انها تمسح القديم لما تنملي الشريحة وتسجل الجديد.

البطارية الجديدة تكفيها 6 اشهر على الاقل
فكرة بزنس إلو اول ومالو آخر



بعد فكرة ياخوي بس اذا جاتك ضبابه قوويه ..

الله يجزاك خير

[شبح الصمت]

الصراحه انها مشكله ، والديره ماكانت كذا ابد ولا كنا نسمع بذالسوالف والسرقات

المهم ،، اللي عنده عنه مكلفته مهوب عاجز يزيد التكلفه 1500 ريال

انا شاري 5 كاميرات مع الرسيفر وكل الوصلات بـ 1500 من دبي

التصوير لا بأس به ، اهم شي يلقط الاشكال وارقام السيارات ، وباقي التفاصيل وخرابيط التقنيين ما تهمني

ثبتوا في كل زاويه كيمره ، ونشوف اسود الوجه شلون بيفرط :court:



بس اذا ضباب ما راح يبين شيء والكاميرا راح تضبب بالراحة
يعني ما راح تستفيد ..

اشوف انك تحط لك واحد او العنه الي يمك تخبر الصبيان من وقت لي وقت يشوفون الوضع ..
تكلمه تقوله اليوم محد بيروح اذا جاء موتر غريب كلمني ..

[معماري قطري]

فتحتوا عيوني على مشروع حلو بس ابي عنة راهية فيها ذهب ومجوهرات مولد شيسوي

[توشيبا]

واذا بنات مسوين مرقص في عنتك وعذرهم انهم مغلطين بالعنوان

عبالهم عنه اخو سوسو

[شبح الصمت]

فتحتوا عيوني على مشروع حلو بس ابي عنة راهية فيها ذهب ومجوهرات مولد شيسوي

:waiting:

[شبح الصمت]

واذا بنات مسوين مرقص في عنتك وعذرهم انهم مغلطين بالعنوان

عبالهم عنه اخو سوسو




مافي حد يغلط هالايام ..
وسوسوو خلهم يدورون عليها لايثه على السيف

والصبي وش شغلته مخلينه يالس فيها ..

يسووون حفله يشوفون لهم مكان ثاني .

[الحياة الخالدة]

جزاك الله خير على التنبيه

[شبح الصمت]

جزاك الله خير على التنبيه



وجــــزاج يارب ..

[Rider]

الصبي مب كل شي في العزبه يمكن واحد يدفع له مبلغ ومش حالك انا افضل الله يعزكم هل العنن يحطون كلاب من النوع لي بس مجرد تشوفه تقول خلني اشرد هههه

[شبح الصمت]

الصبي مب كل شي في العزبه يمكن واحد يدفع له مبلغ ومش حالك انا افضل الله يعزكم هل العنن يحطون كلاب من النوع لي بس مجرد تشوفه تقول خلني اشرد هههه



تصدق كنت بذكر هالنقطة

تحط لك جلب بوليسي يحرسها بس بيسوووي لك ازعاج للعنن الي حولك بتاذيهم

[Rider]

تصدق كنت بذكر هالنقطة

تحط لك جلب بوليسي يحرسها بس بيسوووي لك ازعاج للعنن الي حولك بتاذيهم

تكون اكثر العزب فاضيه يأذيهم ولا حد من هالاشكال يتجرأ يقرب من العزبه

[شبح الصمت]

تكون اكثر العزب فاضيه يأذيهم ولا حد من هالاشكال يتجرأ يقرب من العزبه



انا اتكلم عن العنن ياخوي مش العزب ..

ما اتوقع المقتدر بيسوي له عزبة ما يقدر يحط له عامل او عاملين ..
والعزب مسورين بشينكو ولهم باب

ام العنن تور حولينها وباب مفتوح ..

[Rider]

انا اتكلم عن العنن ياخوي مش العزب ..

ما اتوقع المقتدر بيسوي له عزبة ما يقدر يحط له عامل او عاملين ..
والعزب مسورين بشينكو ولهم باب

ام العنن تور حولينها وباب مفتوح ..



اسف اخوي قصدي العنن

[شبح الصمت]

اسف اخوي قصدي العنن



افا والله عليك ولا تتآسف

التبس عليك الموضوع ..

بس اقتراحك طيب

[شيخ الديرة]

بعد فكرة ياخوي بس اذا جاتك ضبابه قوويه ..

الله يجزاك خير

ضبابة قوية ويوصل ؟ الا اذا عندك طريق مبلط خاص بك

[بوخالد911]

يا كافي الشررررر.

[عيون الدوحة]

الحل وصع كميرات مراقبة تشتغل على الحركة بالمكان وتنشبك بالايفون وتنقل مباشر لك

[CH Engineer]

اخوي لو دشوا اثنين او ثلاثه معاهم بنات او ماعندهم العنه وطلعوا
شلون بتضرر!!
خله هو يحاسب بيضر نفسه لو صادف ان راعي العنه جاي بنفس الوقت
او اذا عندهم خرابيط وإزعاج راح تكون الشكوى بنفس الوقت

انا مافهمت شلون بتضرر!!
ماله داعي الواحد يخاف ويشغل باله بالعنه

ويمكن مغلطين بالعنه او حد يستعبط عليهم وعطاهم الإحداثيات غلط

[R 7 A L]

99% انها من عنن المناطق الجنوبيه

قصدك سيلين والعديد

[شبح الصمت]

يا كافي الشررررر.


الله يكفينا شر ضعفاء النفوس والمخربين يارب

[شبح الصمت]

الحل وصع كميرات مراقبة تشتغل على الحركة بالمكان وتنشبك بالايفون وتنقل مباشر لك



شيء طيب الكاميرات ياخوي اذا الصبي محد ..
بس هل راح تؤدي الغرض الي تبيه كامل

اهنيه مربط الفرس

[بانغ بانغ]

اليوم بنبه الصبيان

[شبح الصمت]

اخوي لو دشوا اثنين او ثلاثه معاهم بنات او ماعندهم العنه وطلعوا
شلون بتضرر!!
خله هو يحاسب بيضر نفسه لو صادف ان راعي العنه جاي بنفس الوقت
او اذا عندهم خرابيط وإزعاج راح تكون الشكوى بنفس الوقت

انا مافهمت شلون بتضرر!!
ماله داعي الواحد يخاف ويشغل باله بالعنه

ويمكن مغلطين بالعنه او حد يستعبط عليهم وعطاهم الإحداثيات غلط



اشلون ياخوي ماله داعي نخاف ياخوي ..
لا تستهين في الموضوع ..

الموضوع الي انت تشوفه عادي غيرك يشوف فيه مضره له
فرضا صار شيء فالعنه
وهالشيء راح ينضر فيه أول واحد راعي الترخيص نفسه

[بومحمد المطاوعه]

اشلون ياخوي ماله داعي نخاف ياخوي ..
لا تستهين في الموضوع ..

الموضوع الي انت تشوفه عادي غيرك يشوف فيه مضره له
فرضا صار شيء فالعنه
وهالشيء راح ينضر فيه أول واحد راعي الترخيص نفسه

اصلن العنه عنتي
اشدخل اي واحد يدخل فيها ويبسط

هههههههههههه

لعبه السالفه :cry:

[جبر ال جبر]

انا شخصيا لو يكلمني الصبي ويقولي في ناس تضرب هرن عند باب العنه او العزبه اذا هم كلهم شباب او رجال بمعنى اصح بقوله بطلههم العنه وقلطهم وسولهم القهوه والشاي وعطني اكلمهم كانهم رجاجيل مثل من يشوف ومحترمين عز الله يبشرون بالشحم والعزبه عزبتهم واذا هم العكس مطلوبين امنيا او مخربين في تصرف اخر راح يكون ولكن دايمن نفرض حسن النيه ويمكن هذولا ماوصلو عزبتك الا مستجيرينك ,, واغلب هل قطر الحمدلله بخير ونعمه

[جبر ال جبر]

ياخوي جبر متودي في ستين داهيه بعض الاحيان اذا حشمت ناس مهب وجه حشيمة واسمح لي مب اني من الناس الي بنقد وبحط ظن السوء في الكل ..

في ناس تحشمها وفي ناس تحشم نفسك عنها ..
من جاني وانا في عنتي يا مرحبا ومسهلا فيه..


محشوم ياشبح الصمت بس لاحظ انا شكتبت اذا كلهم رجال بس دام معاهم وحده! هذا مثار شبهه وشك وزين منه الصبي عندك اتصل
لكن انا شخصيا لو حصل معاي نفس الموقف بكلمهم وبشوف شعندهم اذا هو مب مضبوط ولا فيه شي مب عدل بيحط رجله وبيشرد واذا الرجال نيته طيبه ولا قالط عليك وبيسلم مرحبا والله ومسهلا المكان مكانه

[شبح الصمت]

محشوم ياشبح الصمت بس لاحظ انا شكتبت اذا كلهم رجال بس دام معاهم وحده! هذا مثار شبهه وشك وزين منه الصبي عندك اتصل
لكن انا شخصيا لو حصل معاي نفس الموقف بكلمهم وبشوف شعندهم اذا هو مب مضبوط ولا فيه شي مب عدل بيحط رجله وبيشرد واذا الرجال نيته طيبه ولا قالط عليك وبيسلم مرحبا والله ومسهلا المكان مكانه



افا والله عليك ياخوي انا خربطت في الكلام وكنت ابي اعدل وسبقتني الله يجعلك من السباقين في الخير ومن هل الجنه والحاضرين ..

صدقني يا خوي مافي حد بيرد رجاجيل من عند بابه ايا كان من هل قطر ولا من غير هل قطر
بس الواحد يكون حذر في بعض المواقف
ومن خاف سلم ياخووووي ..

[شبح الصمت]

اصلن العنه عنتي
اشدخل اي واحد يدخل فيها ويبسط

هههههههههههه

لعبه السالفه :cry:



بعض البشر ما تستحي وعادي عندها الوضع ..
والبعض عارفين اوقات تواجد هل العنه


خبرك الربع اغلبهم الحين بس الويكند يروحون
ويدرون وسط الاسبوع محد يروح لها الا ها بالقطاره ..

[qatarman8008]

هالتصرفات الخاطئة تصير بشكل مستمر في موسم التخييم..
يحاولون يخوفونه ويدخلون..
او يعرونه بللفلوس..
او يمكن يتعرض للعنف اذا رفض..
اهم شي الصبي اللي في العنه يكون امين ومن زمان شغال معاك..
لان الصبي المؤقت او الشارد هذي مستعد يشرد من عندك بعد مايبيع كل اغراض العنه..
وبيقول لك بابا انا كنت في نوم..!!

[شبح الصمت]

هالتصرفات الخاطئة تصير بشكل مستمر في موسم التخييم..
يحاولون يخوفونه ويدخلون..
او يعرونه بللفلوس..
او يمكن يتعرض للعنف اذا رفض..
اهم شي الصبي اللي في العنه يكون امين ومن زمان شغال معاك..
لان الصبي المؤقت او الشارد هذي مستعد يشرد من عندك بعد مايبيع كل اغراض العنه..
وبيقول لك بابا انا كنت في نوم..!!



الله يكفينا شر هالاصناف من البشر ..

[مضارب دوسري]

الوضع يبيله تركيب كاميرات :shy:

وتريح راسك من هالاشكال

[مضارب دوسري]

الصراحه انها مشكله ، والديره ماكانت كذا ابد ولا كنا نسمع بذالسوالف والسرقات

المهم ،، اللي عنده عنه مكلفته مهوب عاجز يزيد التكلفه 1500 ريال

انا شاري 5 كاميرات مع الرسيفر وكل الوصلات بـ 1500 من دبي

التصوير لا بأس به ، اهم شي يلقط الاشكال وارقام السيارات ، وباقي التفاصيل وخرابيط التقنيين ما تهمني

ثبتوا في كل زاويه كيمره ، ونشوف اسود الوجه شلون بيفرط :court:

هذا هو الكلام الصح

[شبح الصمت]

الوضع يبيله تركيب كاميرات :shy:

وتريح راسك من هالاشكال



مشروع ..

[دنيا الاسهم]

المفروض دورية الشرطة تتواجد في المخيمات كل فترة
الحذر واجب والله يحفظ الجميع

[بومحمد المطاوعه]

بعض البشر ما تستحي وعادي عندها الوضع ..
والبعض عارفين اوقات تواجد هل العنه


خبرك الربع اغلبهم الحين بس الويكند يروحون
ويدرون وسط الاسبوع محد يروح لها الا ها بالقطاره ..


صدقت
هني الاستقلال يصير وخاصه من بعض الصبيان ف العنن
بغرض الفلوس