الضباب وأبنائنا الطلاب !!!

[أبو راكان]

السلام عليكم ورحمة الله وبركاته

كلنا عايشنا الثلاثة الايام الماضية وماحل علينا من ضباب كثيف .
المستغرب في الأمر أن باصات المدارس مستمرة في العمل وتسير في هذا الضباب الكثيف محملة بالطلاب والسير في الشوارع في وقت لايكاد المرء ان يرى شيئ وكأن السائق يقود سيارته وهو معصوب العينين !!!
لماذا لاتتوقف الباصات عن توصيل الطلاب حتى ينقشع الضباب ,,, هل ستتوقف الحياة اذا قمنا بذلك ؟!! ام اننا ننتظر حدوث كارثة لاسمح الله يذهب ضحيتها ابنائنا الطلاب في حادث لاقدر الله وبعدها نستدرك حجم الخطورة والخطأ الذي وقعنا به !!
ارجو وأتمنى من الجهات المسؤولة سواء ادارة المرور أو وزارة التربية والتعليم اصدار قانون بمنع تحرك الباصات وتحميل الطلاب في الحالات الجوية الصعبة ومنها اوقات الضباب .

أسال الله لي ولكم ولأبنائنا ان يحفظنا من كل شر وسوء وجميع المسلمين

[معماري قطري]

عليكم السلام ورحمة الله وبركاته

مغترين بحجم الباص ما يدرون شيصير وقت الحادث

[direction]

وعليكم السلام ورحمة الله ... صادق .. باصات العمال وقوفوها على جنب ... ليش مافي حد فتكر في الطلاب

[R 7 A L]

مشكلة بعض المسئولين عندنا ماعندهم سلاسه
ماعندهم استثناءات ماعندهم مواقف ارتجالية

[يمامـة]

المفروض تكون هناك تعليمات صادر من الجهات المختصة لمسؤولي اليرد بعدم السماح للبسوس
بالخروج من منطقة تجمعاتهم الا بعد انقشاع الضباب..

لأن الامر بالفعل محتاج الى لفتة صارمة..

[Locale]

في دوله مجاوره الباصات ماتمشي الا بعد انقشاع الضباب
وايضا مايبدون الطابور الا كل الباصات موجوده
وعندنا بعض الباصات اذا تاخرت عند المدرسه يوصل الطالب نهاية الحصه الاولى

[يمامـة]

في دوله مجاوره الباصات ماتمشي الا بعد انقشاع الضباب
وايضا مايبدون الطابور الا كل الباصات موجوده
وعندنا بعض الباصات اذا تاخرت عند المدرسه يوصل الطالب نهاية الحصه الاولى

هلا بلوكل.. ازيكم و اشحالكم صار لنا زماان ما شفناكم..

اشلون ما يبتدون الطابور الا لو كل الباصات وصلت؟

مرات في باصات ما توصل لأي سبب كان الا متأخر فهل يتم تأخير الدوام المدرسي
بتأخير الطابور.؟

[Locale]

هلا بلوكل.. ازيكم و اشحالكم صار لنا زماان ما شفناكم..

اشلون ما يبتدون الطابور الا لو كل الباصات وصلت؟

مرات في باصات ما توصل لأي سبب كان الا متأخر فهل يتم تأخير الدوام المدرسي
بتأخير الطابور.؟
بخير الحمدلله انتي شخبارج

يعني مثلا اليوم وصلوا مدارسهم على الساعه تسع وبدو الحصه الثالثه بدون طابور
ومايتأخرون عن الدوام الرسمي يمشي عادي ووقت الانصراف اهو نفسه

[يمامـة]

بخير الحمدلله انتي شخبارج

يعني مثلا اليوم وصلوا مدارسهم على الساعه تسع وبدو الحصه الثالثه بدون طابور
ومايتأخرون عن الدوام الرسمي يمشي عادي ووقت الانصراف اهو نفسه

الحمدلله بخير الله يسلمج..

هو بشكل عام لازم تكون هناك استثناءات في أيام الضباب
لأن أرواح البشر اهم الدوامات..

[المحاميه]

وعليكم السلام والرحمه

والله صادق
المفروض المدارس وحتى الدوامات وكل مكان كان يراعي هالنقطه في الايام الماضيه .. لان فعلا نسبة الضباب كانت عاليه .. وخصوصا احد الايام كان الواحد مايشوف اذا فيه قدامه سياره ولا لا
الله حفظ وستر ..

ليش مايراعونا في مثل هالمواقف؟
هذي قوه قاهره ..

من باب ان السلامه اولى كان المفروض يأجلون الحضور .. ماقلنا اجازه والغوا الدوام بس عالاقل يأخرون الحضور بسبب الضباب ..

نتمنى أن يتم اخذ هذي الموضوع بعين الاعتبار وعلى محمل الجد
لانها تهدد امن وسلامة الافراد ..

[المحاميه]

الحمدلله بخير الله يسلمج..

هو بشكل عام لازم تكون هناك استثناءات في أيام الضباب
لأن أرواح البشر اهم الدوامات..

صحيح والله
لازم وقفه جاده على هالموضوع ..

لازم يكون فيه قرار واجراء يتخذ في مثل هذه المواقف ..

[بصمة قطرية]

إحنا عايشين هالمعاناة كل يوم و كل ليلة
بحكم إن بيتنا صوب أم العمد ..
من الليل يبنزل الضباب صوبنا ..
من ثلاث أيام ولدي مكلمني آخر الليل
كان رايح لشغلة ضرورية و رجع تقريباً 12
كلمني يقول لي يمه طرشي لي لوكيشن البيت
قلت له تستعبط قال : لا والله يمه مب شايف قدامي
يوم فتحت باب الصالة انصدمت من كثافة و قوة الضباب
السور الخارجي يالله يبين ..
الله يحفظ عيالي يومياً يمسكون خط الشمال ..
الله يحفظ عيالنا و عيالنا ..
لازم يشوفون حل ..

[Locale]

^^
نفس الشي اختي ارجعت بيتها ام العمد على اللوكيشن

[بوحارب]

باصات العمال ممنوعة من السير أثناء الضباب

لماذا لا يتم فرض نفس القرار على باصات المدارس مع انها نفس الحجم

ايش المشكلة لو تأخر الباصات ساعة او ساعتين لين يخف نشاط الضباب

خصوصا ان باصات المدارس تمشي في شوارع الفرجان الضيقة وممكن تسوي حادث في غفله عين

[R 7 A L]

في الدول العظمى لو هالامور جاتهم يعطلون الدراسة

مادري ليش الجماعة عندنامتشددين

[بوخالد911]

هلا بكم

لما يطق مطر تبون إجازة
لما ينزل الضباب بعد اجاززززززززززززززززة؟!؟!؟!؟!؟

[R 7 A L]

هلا بكم

لما يطق مطر تبون إجازة
لما ينزل الضباب بعد اجاززززززززززززززززة؟!؟!؟!؟!؟

يااخي مانبيهم يعطونهم اجازه
على الاقل لين يروح الضباب
وشو الضرر ؟

[المحاميه]

هلا بكم

لما يطق مطر تبون إجازة
لما ينزل الضباب بعد اجاززززززززززززززززة؟!؟!؟!؟!؟

عفوا من قال اجازه؟
قلنا تأخير ساعه الى ساعتين
لين ينقشع السبب بس

[ضوى]

اذا ضباب اتاخر انا وعيالي ولا ممكن اطلعهم والضاب جذي خاصة يوم اقعد اشوف تحذيرات وصور فأقرر ساعتها انطلع والا ما نطلع ، ولا اظن ممكن يحاسبون اصلا جهات العمل او المدارس

بالنسبة للباصات الزامي يوقفو لين ينقشع الضباب تمام ارواح اليهال مب لعبة

[Abu Muhsen]

والله انا ساكن جنب كلية المجتمع في الخيسة ... ومافي شوارع حولين البيت .. ولولا في gps مستحيل اوصل الشارع ... والضباب كثافته غير طبيعية ... مستحيل يشوف شي الواحد قدامه ... حتى الاشارة الضوئية لما وصلتها مش عارف هي حمرا خضرا ولا ايش نزلت من السيارة ورحت اشوف ... والله ستر قبل ما اوصل الاشارة واحد داخل علي الخط عكس السير بالغلط مش عارف وين خطه .... الله ستر ... المشي في هذا الجو جريمة للامانة

[جبر ال جبر]

المفروض اذا فيه ضباب يصير امر حكومي تاخير ساعه او ساعتين حفاظا على اروح الناس

[المحاميه]

والله انا ساكن جنب كلية المجتمع في الخيسة ... ومافي شوارع حولين البيت .. ولولا في gps مستحيل اوصل الشارع ... والضباب كثافته غير طبيعية ... مستحيل يشوف شي الواحد قدامه ... حتى الاشارة الضوئية لما وصلتها مش عارف هي حمرا خضرا ولا ايش نزلت من السيارة ورحت اشوف ... والله ستر قبل ما اوصل الاشارة واحد داخل علي الخط عكس السير بالغلط مش عارف وين خطه .... الله ستر ... المشي في هذا الجو جريمة للامانة

لا حول ولا قوة الا بالله

مايصير جذي ...

ليش مايطلع قرار ..
شناطرين يعني ؟

[snood]

جزاكم الله الف خير قبل كم من يوم واكلم مع عيالي انهم ياجلون او ياخرون حركة الباصات ساعة اونص ساعة على الاقل لان تقريبا جميع الباصات تتحرك من الساعة 5 صباحا وحتى الساعة 7:30 تقريبا وهذه الاوقات هي عز الضباب وارواح البشر وعيالنا اغلى من كل شي ولا تسال عن الشوارع اللي فيها حفريات صوب المعيذر يعني السيارات الصغيرة ياالله ياالله ما ادري شلون تمر والباصات عاد الله يعين.

[Abu Muhsen]

لا حول ولا قوة الا بالله

مايصير جذي ...

ليش مايطلع قرار ..
شناطرين يعني ؟

والله اختي الوضع عنا في هاذي المناطق شيء لا يمكن تصوره مدى الرؤية صفر ... بدون مبالغة

[معماري قطري]

جزاكم الله الف خير قبل كم من يوم واكلم مع عيالي انهم ياجلون او ياخرون حركة الباصات ساعة اونص ساعة على الاقل لان تقريبا جميع الباصات تتحرك من الساعة 5 صباحا وحتى الساعة 7:30 تقريبا وهذه الاوقات هي عز الضباب وارواح البشر وعيالنا اغلى من كل شي ولا تسال عن الشوارع اللي فيها حفريات صوب المعيذر يعني السيارات الصغيرة ياالله ياالله ما ادري شلون تمر والباصات عاد الله يعين.

صدقت الليلة مريت معيذر أو ما وراء معيذر المعراض شفت طرق مؤقتة ضيقة وحفر في الوسط محاطة بخرسانات ما تبين .. هذي في الضباب شلون يمشي بينها الواحد؟

أشغال وينكم والا ما يمر وزير هناك خلاص مب مهم؟ سووا مرة شيء صح .. كل شوي أشوف قطر تستحق الأفضل والطريق واحد بس حصلته خالص قاره أسود .. جنه كحل في عين سميرة توفيق .. والتخطيط الأبيض بدائي شوي زين وشوي طاير .. واللي قهرني الشارع يهز السيارة وفوق هذا حاطين مطب كل 10 - 15 متر .. والدناكر يدورون يصبون ماي

وهذي منطقة في قطر اللي تستحق الأفضل

[بصمة قطرية]

والله انا ساكن جنب كلية المجتمع في الخيسة ... ومافي شوارع حولين البيت .. ولولا في gps مستحيل اوصل الشارع ... والضباب كثافته غير طبيعية ... مستحيل يشوف شي الواحد قدامه ... حتى الاشارة الضوئية لما وصلتها مش عارف هي حمرا خضرا ولا ايش نزلت من السيارة ورحت اشوف ... والله ستر قبل ما اوصل الاشارة واحد داخل علي الخط عكس السير بالغلط مش عارف وين خطه .... الله ستر ... المشي في هذا الجو جريمة للامانة

يومياً هاي حالنا من الليل ..
لازم يطلع قرار بهالخصوص
والله الوضع صعب خصوصاً المناطق الشمالية ..
بدون مبالغة الرؤية معدومة ..