شارع حزم المرخية!!!

[pink pearl]

السلام عليكم،،

الزحمة لاتطاق في شارع حزم المرخية قبل شوي!! أظن كان فيه حادث، بالاضافة الى دوريات تنظم الدخول لمهرجان كأنه ماعرفت ايش فيه، هو مقابل الحزم من الشارع الثاني!!


الرحمة يامسؤولين!! مشوار بعشر دقايق يآخذ ساعة على زحمة الدوحة، صاروا الأطفال ينامون بالسيارة! ماأدري هالزحمة الكل يعاني منها؟ ليش مافيه تحرك من المسؤولين؟

والله أتمنى المسؤولين يتحركون أو على الأقل يحسسونا انهم يحاولون تخفيف الزحمة،،،

الدوحة كل مالها تزيد في الزحمة!!

[مخطط قطري]

حتى صلوات اطوف علينا بسبه الزحمه ف ذمه من كل هالشي الواحد يضيع ربع عمره في هالزحمه مافيه الى تضم لك دريول من جنسيه عربيه يسوق فيك وتخلي وقت النت بس للسياره

[المحاميه]

للاسف مثل ماذكرتي
من العصر وطالع انسي الموضوع
اي شي قريب من بيتي ماقدر اروحه بسبت الزحمه
مشوار عشر دقايق فعلا قام ياخذ ساعه
الواحد يعتكف ف بيته ابركله
قمنا نترفز ونعصب من الزحمه
وتحس وقتك ويومك كله يضيع فالطريج

:(
واقع اليم
ومالنا الا الصبر

[المحاميه]

حتى صلوات اطوف علينا بسبه الزحمه ف ذمه من كل هالشي الواحد يضيع ربع عمره في هالزحمه مافيه الى تضم لك دريول من جنسيه عربيه يسوق فيك وتخلي وقت النت بس للسياره

اشمعنى عربيه يعني؟

[بنت شرق]

ما اعتقد الحل هو الصبر ، الحل يدرسون حالات دول كانت عندهم مثل هالحالة الي عندنا ويشوفون اشلون حلوا المشكلة ويبدأون بحلحلة الأمور
الي بتاخذ جهد ووقت ومصاريف ، وإذا ما بدأوا بالحلول فراح يستمر الوضع على ماهو عليه وبيحصلون دعاوي ليمن يشبعون

[المحاميه]

^

هم بادين حبيبتي بالحلول عشان جذي الزحمه زادت والشوارع تسكرت

ان شاء الله تتحسن الامور فالمستقبل
ننطر الريل ونشوف

[مستـريــح البـــال]

بالاضافة الى دوريات تنظم الدخول لمهرجان كأنه ماعرفت ايش فيه، هو مقابل الحزم من الشارع الثاني!!

حد يعرف حق شنو هالمهرجان؟؟

[مخطط قطري]

اشمعنى عربيه يعني؟

مرح يجيك اكثر تعرف تسولف معاه وفي نفس الوقت تقلبه مندوب

[بوخالد911]

لو يتخلصون من هالجنسيات العربية اللي هابه في قطر
بنكون بخير.

[شذى الورد]

حد يعرف حق شنو هالمهرجان؟؟
ما كان مهرجان
كان حفل زواج في قاعه حزم المرخيه .

[معماري قطري]

ما اعتقد الحل هو الصبر ، الحل يدرسون حالات دول كانت عندهم مثل هالحالة الي عندنا ويشوفون اشلون حلوا المشكلة ويبدأون بحلحلة الأمور
الي بتاخذ جهد ووقت ومصاريف ، وإذا ما بدأوا بالحلول فراح يستمر الوضع على ماهو عليه وبيحصلون دعاوي ليمن يشبعون

على شغلهم تعديل على تقاطعات جديدة وشغل على طريق الشمال اللي توه صبغ الخطوط على القار ما طار لتتأملين خير

[معماري قطري]

ما كان مهرجان
كان حفل زواج في قاعه حزم المرخيه .

كل شيء خلوه على هالخط الضيق وصلحوا الشارع تصليح ضيق مثل ضيق آفاقهم وقطر تستحق الأفضل

لين افتحوا مول الحزم شبيصير؟

لازم حلول الطرق تتبع معلومات احصائية ومعلومات تطويرية للمكان وتكون الحلول واقعية ما اسوي تقاطع اشارات بعد ما كان دوار اسوي جسور تفك الأزمة وتكون إنسيابية على طول ما توقف عليها السيارات

[معماري قطري]

لو يتخلصون من هالجنسيات العربية اللي هابه في قطر
بنكون بخير.

لو يستوردون هيئة طرق كاملة بعدتها وعتادها من أمريكا بتنحل الأزمة

قطر مب باقية على حالها حتى الشعب القطري زاد والسياح في إزدياد يعني عادي نوصل 10 مليون في سنتين أو 3

[معماري قطري]

المشاريع تستوي وتكبر في مناطق وعلى شوارع رئيسية كثيرة لكن بدون تغيير في الشوارع وتوسعة وتقاطعات تسهل المرور ما تعرقله

مثال طريق سلوى وطريق الوعب شارعين متحاذيين ويفترض استحداث شوارع أكثر متحاذية ومتوازية ونبتعد عن الدائري ونركز على الشبكي .. الطريقين ذيلا تتوسطهم تطويرات عمرانية كبيرة ومرافق سياحية .. مدينة الوعب بتكون ذات استيعاب كبير .. الشغل اللي يستوي في الحديقة وتواصلها مع حديقة اسباير بيكون مرفق سياحي لإستقطاب الكثيرين .. وطريق الوعب يسوون فيه لفات وتحويلات بسيطة ويحفرون ويسدون ولا نقدر نفهم شصاير

لازم تطوير لكثير من الشوارع وتركيز التطوير على التقاطعات بحيث ما يكون عندها وقوف .. بعض السواقين يوقفون قبل التقاطع بكيلو

[بنت شرق]

^

هم بادين حبيبتي بالحلول عشان جذي الزحمه زادت والشوارع تسكرت

ان شاء الله تتحسن الامور فالمستقبل
ننطر الريل ونشوف
بننتظر الريل ، الي استخدموا الريل كدول متقدمة ما حل لهم الأزمة ، ما حلها إلا الجسور
وبعدين شارع الجامعة والمرخية ما عليه أي مشاريع مستقبلية لذا ماله مستقبل بالحل

[بريق الحق]

بننتظر الريل ، الي استخدموا الريل كدول متقدمة ما حل لهم الأزمة ، ما حلها إلا الجسور
وبعدين شارع الجامعة والمرخية ما عليه أي مشاريع مستقبلية لذا ماله مستقبل بالحل
الحل بكون برفع سعر البترول وراح ينجبر الاجنبي يركب الريل

[وحيد-الشوق]

والله تعبنا من الزحمة ومن غباء بعض السائقين

والحين بيسكرون دوار عبدالغني في الوكرة (اول دوار عند دخول الوكرة ) وفي تحويله خربوطيه جديدة شكلها بتصيح العالم :(

ارجوكم لاتقولون اصبروا صبرنا عالكورنيش واول ما افتحوا الاشارات الشرطة ولخويا كانوا ينظمون السير ولين يومك هذا الكورنيش يعاني من الزحمة وطريق سلوى خلص ومافي انسيابية مثل ماتوقعنا وفبراير خلوه على جنب هذا الشارع مادري شالحل معاه وحتى الريل مابيحل الزحمة احنا وصلنا قريب ال3 مليون بعد 4 سنين كم بنصير:)

[h9466]

دوار عبدالغني مسكر من فنرة قبل ماتوصله بتلف اجباري وبتلاقي نفسك بشارع المطار او سلاح الجو وبيدور فيك الشارع لفة طويلة ولو ما انتبهت للفة الوكرة بتلاقي نفسك في مسيمير ولو رجعت وضيعت اللفة مرة تانية بتلاقي نفسك في قرية بروة نصيحتي لاتروح الا للضرورة القصوى وفي النهار

[راجي الْعفو]

وعليكم السلام و رحمة الله و بركاته

مع أحداث التقشف و انخفاض اسعار النفط

اقترح صرف بدل جديد للموظف:

بدل زحمة !

تعويضا للانخفاض المعنوي ^_^

[بوحارب]

اللي يقولون مهرجان غلطانيين

والخيمة الكبيرة اللي مقابل الحزم كان فيها حفل زفاف الله يبارك لهم

[المحاميه]

وعليكم السلام و رحمة الله و بركاته

مع أحداث التقشف و انخفاض اسعار النفط

اقترح صرف بدل جديد للموظف:

بدل زحمة !

تعويضا للانخفاض المعنوي ^_^

I agree

وبعد بدل خطر عن الايام الماطرة ..