دراسة الماجستير ...

[الاسطوره]

السلام عليكم ورحمة الله وبركاته


يا اخوان انا ناوي ادرس ماجستير في إدارة الاعمال


وين تنصحوني اقدم في جامعات في قطر او في الخليج وتكون معترف فيها


وجزاكم الله خير

[QtrGate]

جامعة حمد بن خليفة
عندهم لقاء مفتوح تاريخ 22 هالشهر
الساعة 4 ونص لين 8

[شيخ الديرة]

اتمنالك الموفقية

اولاً، يبدو من قائمة الوزارة، انه كم جامعة بالخليج المدرجة بالقائمة ليس معترف بها اذا كان الاختصاص متوفر بقطر

وعليه، عليك بالتقديم للقبول بكل جامعة بقطر التي تقدم ماجستير ادارة اعمال، وبعد ان تحصل على قبول تقارن بينهم

المهم تقدم وتستوفي شروط اكبر عدد من الجامعات، ولا تترك اي منها عند التقديم

تجد قائمة الوزارة بهذا الرابط

http://www.edu.gov.qa/Ar/structure/HigherEducation/HigherEducationInstitute/Offices/Pages/universities_list.aspx

[كيلو حديد]

الله يوفقك

معهد الدراسات العليا أظن عندهم هالتخصص

[سالم الزهران]

السلام عليكم ،
ان خذيت شوري يا تدرس في قطر ، يا تدرس في امريكا ( حل وسط لا تدور )

الدراسة في أردى جامعة عندنا تكلفة السنة لا تقل عن سبعين الف ريال ، والماستر لا يقل الدراسة فيه عن سنتين و مقابل ايش يا حسرة !

لذلك لو دفعت نفس التكاليف و في بلادك يمكن تدفع اقل او يكون فيه تسهيلات في الجداول والمتطلبات و القرب نعمة من الله، إذا ما ودك تدرس في قطر و كنت متفرّغ شدها على أمريكا و في النهاية منت مآخذ الا اللي كتبه الله لك و اتمنى لك التوفيق

[بانغ بانغ]

بما ان اسمك اسطورة يعني امورك طيبة

انصحك hec الفرنسية برنامج emba

اذا بغيت الشغل الصح

قدمت ووافقوا لي بس شكلي سأؤجل التيرم

[المحاميه]

^

اخوي سالم
عفواً
بس ليش رشحت امريكا يعني؟


جامعات قطر وجامعات الامارات بعد لا يستهان فيهم .. فليش تقول حل وسط لاتدور؟

[شيخ الديرة]

^

اخوي سالم
عفواً
بس ليش رشحت امريكا يعني؟


جامعات قطر وجامعات الامارات بعد لا يستهان فيهم .. فليش تقول حل وسط لاتدور؟

قال يا قطر يا امريكا

جامعات الامارات غير معترف بها اذا التخصص موجود بقطر

[سالم الزهران]

حياك المحامية ، انا جذي ما احب حلول وسطى ،، عندكم رغبة تدرسون في جامعة قطر او اي كلية ، فاقسم بالله انه افضل لكم و الناصح اصلاً بيبرز نفسه ولكل مجتهد نصيب وجامعاتكم من افضل الجامعات الخليجية و يكفيكم العراقيين اللي شغالين فيها .

ليش ندوّر بالامارات او البحرين و ندفع تكاليف و نتعب انفسنا بالبعد ( روحة و ردّة ) ، طالما ما عندك ظروف و تبي تدرس برع ،، تذكرة على تكساس و يا قلب لا تحزن .

هذي وجهة نظري لو بدت لج سطحية فحقك ،لكن اخشى ان يتعب الواحد في الدول الشقيقة اكثر من غيرها و الله يوفق الجميع :)

[سالم الزهران]

( السموحة يا اخ اسطورة لو وضعنا الاستفسار هذا لان الكلام يجر بعضه )

بالنسبة لنا في السعودية دراسة الماستر تتطلب حضور و انتظام في الدراسة ، اخفّ الجامعات قيوداً تطالبك بالحضور ثلاثة ايام في الويكند ، عصر الخميس والجمعة والسبت :/

بحثت عن جامعة فيها برنامج ماستر لا يتطلب حضور منتظم لكن ما حصّلت حولنا ! طبعاً قطر اول دولة بحثت فيها لكن ما كانت المعلومات كافية و لا قدرت اوصل لشيء .

لو أحد عنده أيتها خلفية عن نظام الدراسات العليا في قطر من ناحية حضور الطالب يفيدنا لانا نبي نحضر وقت الامتحانات و يمكن نقدر نحضر اسبوعين في كل سمستر !

وانا ما بحثت خارج السعودية الا لشروطهم الصعبة في الحضور ولان الاسعار يا سيم سيم يا ازود .

[المحاميه]

انزين اشمعنى امريكا؟

[المحاميه]

فعلاً جامعات قطر قويه .. من واقع تجربه ... ماعرف العالم ليش يتشكون ومخربين سمعة الجامعات عندنا ؟!؟

اللي ينطرد او ينزل معدله يسمحلي التقصير منه مب من الجامعه .. يبون يلعبون ويستانسون وياخذون علامات عالماشي .. مايصير ..

اتعب عشان تحصل ..

[المحاميه]

الماستر عندنا يبيله حضور منتظم اخوي ..

[سالم الزهران]

انزين اشمعنى امريكا؟

جاء في بالي تساؤلك ذا يا محامية ،،، امريكا بيكوز ذير توتالي كريزي

امريكا سهالات اكثر من كندا ،، لا تكاد تشعرين فيها بعنصرية مثل بعض الجامعات الانقليزية

هذا من واقع ما روي لنا من الخريجين و من واقع تعاملنا في العمل مع الامريكان و مع الانقليز المتعجرفين .

واخيراً ، بلاد العم سام

[سالم الزهران]

الماستر عندنا يبيله حضور منتظم اخوي ..

جزاك الله خير ،،، و الله يطرح لكم البركة في بلادكم و في عيالكم

تقريباً وصلت لنفس الفكرة من بحثي في قطر لكن قلت يمكن فيه شيء مني مناك ما وصلت له

اشكرك يا اختنا المحامية

[المحاميه]

جاء في بالي تساؤلك ذا يا محامية ،،، امريكا بيكوز ذير توتالي كريزي

امريكا سهالات اكثر من كندا ،، لا تكاد تشعرين فيها بعنصرية مثل بعض الجامعات الانقليزية

هذا من واقع ما روي لنا من الخريجين و من واقع تعاملنا في العمل مع الامريكان و مع الانقليز المتعجرفين .

واخيراً ، بلاد العم سام


امممم .. يمكن
بس العنصريه موجوده في كل مكان .. لا تصدق ان امريكا مافيها عنصريه .. ولكن امريكا فيها نقطه سلبيه وهي بعد المسافه .. عكس دول اوروبا ..



جزاك الله خير ،،، و الله يطرح لكم البركة في بلادكم و في عيالكم

تقريباً وصلت لنفس الفكرة من بحثي في قطر لكن قلت يمكن فيه شيء مني مناك ما وصلت له

اشكرك يا اختنا المحامية

العفو ولو هذا واجبنا ..
وموفق ..

[الزعفراني]

السلام عليكم ورحمة الله وبركاته


يا اخوان انا ناوي ادرس ماجستير في إدارة الاعمال


وين تنصحوني اقدم في جامعات في قطر او في الخليج وتكون معترف فيها


وجزاكم الله خير


جامعة قطر أقوى برنامج ماجستير إدارة أعمال في العالم .. لا بريطانيا ولا أمريكا ولا استراليا

بدون مبالغه وأقول هالكلام من واقع تجربه

يشترطون تقديرك في البكالوريوس ( جيدجدا ) لا يقل عن ذلك .. ويشترطون لتخرجك الحصول على تقدير ( جيد جدا ) .. واذا
ماحققت هالشرط من أول كورس يتم انذارك تعدل الكورس الثاني او يتم شطبك من البرنامج ..

إذا انت صامل ولك أرض سجل وبتدعي لي ..

[الدوحه1]

السلام عليكم ورحمة الله وبركاته


يا اخوان انا ناوي ادرس ماجستير في إدارة الاعمال


وين تنصحوني اقدم في جامعات في قطر او في الخليج وتكون معترف فيها


وجزاكم الله خير


ياخوي اعتقد عندنا اكتفاء في تخصص "إدارة الاعمال"!!
ليش ماتدرس تخصص مطلوب مثل الاداره الهندسيه والمشاريع,ادارة المستشفيات....

[المحاميه]

ليش ماتدرس تخصص مطلوب مثل الاداره الهندسيه والمشاريع,ادارة المستشفيات....

هذا التخصص موجود عندنا؟

[Rayane]

انزين.... انا ابغي اكمل ماستر لكن الدوام عندي مابيعطوني تفرغ.... والجامعه هنا يبغي لها انتظام... ايش الحل...

اذا في جامعه بتقبلني بنظام الويكند أو نظام الامتحانات في قطر أو دوام اسبوعين في السمستر أنا مستعد.... بيقدر الواحد يرتب امور اجازته مع دوامه... احسن لي من مصر وغيرها....

[نوفا91]

دراسة الماستر تكون فالمساء تبدأ الساعة خمسة ماتحتاج تفرغ الا اذا تداوم شفتات

[بوخميس]

انا ادرس ماستر في جامعة قطر

الدراسة من خمس المسا لين ثمان الا عشر

كل مقرر تداوم له مرة في الاسبوع

اصعب شي هو المحافظة على معدل 3 من 4

اقل منه يجيك انذار

[Rayane]

الدوام اشفات ... ما يصلح دوام المسااااء

[Rayane]

انا ادرس ماستر في جامعة قطر

الدراسة من خمس المسا لين ثمان الا عشر

كل مقرر تداوم له مرة في الاسبوع

اصعب شي هو المحافظة على معدل 3 من 4

اقل منه يجيك انذار

بو خميس كم مدة الدراسه... سنه ولا سنتين..؟ ووش التخصص المريح.. لاني مخلص هندسه وذبحتني .. قروشه ووجع راس....

[Q-tr]

اخوي الله يوفقك بس جوابي بالشي هذا بحكم اني خبره في هالامور يعتمد على شغلك في الدوحة يصير على حسب شغلك وفي الخارج يصير على حسب شغلك......



يمكن شفتات ،شفت عن شفت يفرق؟؟ في انواع بنظام الشفتات يمكن ظ¤ ايام ب ظ¤ ايام يمكن يومين صبح يومين عصر يومين ليل ويومين اجازه يمكن شفت عصر بس يمكن ثابت صبح ف اذا تبي النصيحه اكتب لنا الموضوع بالتفصيل ،ان شاء الله احنا ،الاخوان نفيدك....

[المحاميه]

انا ادرس ماستر في جامعة قطر

الدراسة من خمس المسا لين ثمان الا عشر

كل مقرر تداوم له مرة في الاسبوع

اصعب شي هو المحافظة على معدل 3 من 4

اقل منه يجيك انذار
عطنا تفاصيل اكثر
يمكن نتشجع ونكمل

يعني كم مقرر فالكورس
والمقرر الواحد كم ساعه

الدوام مش كل يوم صح؟

وكم سنه؟

خلط ولا؟

وشكرا

[الاسطوره]

انا ادرس ماستر في جامعة قطر

الدراسة من خمس المسا لين ثمان الا عشر

كل مقرر تداوم له مرة في الاسبوع

اصعب شي هو المحافظة على معدل 3 من 4

اقل منه يجيك انذار

الله يوفقك يابوخميس

والظاهر اني بقدم في جامعة قطر ان شاءالله


كم يوم تداوم بالاسبوع

[نوفا91]

في الغالب الطلاب ياخذون 3 مواد يعني 3 ايام في الاسبوع يداومون كل مقرر تداوم له يوم واحد في الاسبوع

[بوخالد911]

كل التوفيق.

[Me&OnLy]

للاسف مافيه ماستر حاليا الا دراسات الخليج هذا اسم التخصص وبالانقليزي ،، انا ما ادري ليش الجامعه ماتطرح تخصص بالعربي من التخصصات المرغوبه والي عليها اقبال سواء قانون او اعلام او شؤون دولية او ادارة واعني بكلامي اعلاه جامعة قطر ، وهناك ايضاً معهد الدوحة للدراسات العليا تم الاعتراف به من قبل وزارة التعليم والتعليم العالي والعجيب في الامر ان هناك تخبط لازم توفل او ايلس والدراسة بالعربي ، ليش هذا الشرط دام الدراسة بالعربي جد شي يضحك

[Mon]

معليش ع السؤال بس ما ابي افتح موضوع جديد
طيب عندكم معاهد قويه للغه الانجليزيةً؟!
و اذا بدرس ماستر هل فيه برنامج تأسيسي للغه ؟!*