هيئة المواصفات والمقاييس

[Rayane]

السلام عليكم ورحمة الله وبركاته وأسعد الله مساءكم جميع.

حبيت استفسر عن هيئة المواصفات والمقاييس تابعة لمن..؟ للجمارك أو وزارة التجاره أو جهة حكوميه ثانيه غيرهم.....

ويا ليت مكانهم واجراءاتهم المتبعه حسب القانون.

الموضوع استيراد سياره ( شاحنه ) أقدم من 10 سنوات.

الليي عنده فكره على الموضوع يعطيننا رايه ولا بس عطونا مكان عملهم وتابعين لاي جهة وجزاكم الله خير.

في امان الله

[بوNasser]

الهيئة العامة للمواصفات والتقييس بوزارة البلدية والبيئة - مقر الهيئة بمنطقة مسيمير.

[Rayane]

وين مكانهم بالضبط قريب وين...


وماقصرت

[بانغ بانغ]

مقابل القومسيون

من الهلال اتعدي دوار العبيدلي صوب بوهامور بيكونون يمين

[Rayane]

احسنت طال عمرك وماقصرت

[البرونزي]

الله يعينك اقولها لك من كل قلبي

[ya3coub]

اي والله صج الله يعينك ان شاء الله مافيها اي مشاكل

و حسب علمي استيراد سيارة كاملة مو عن طريقهم انما الرنجات و القطع المكانيكية الي يدققون فيها و يلتهونك معاهم

الله يوفقك ان شاء الله اخوي و بلغنا عن الخطوات و الألية اشلون للفائدة العامة

[Rayane]

ابشر وجزاكم الله خير

[Rayane]

مريت عليهم اليوم وقالوا استيراد الشاحنات ممنوع استيراد شخصي.

لو تبغي تجيب سياره لازم يكون عن طريق شركه.

ولازم براءة ذمه مع السياره وتعهد عدم بيع السياره. وورقة من الجمارك بعدم الممانعه من تسجيل السياره.

ولا زم يكون عمر السياره 10 سنوات او اقل.

الزبده انني صرفت النظر عن الموضوع. لانني من الاساس ماعندي شركة.

وطبعاً مافي استثناء لو بغيت اجيب الموتر على اسمي الشخصي.

هذا للمعلومية. والفائده العامه.

[ya3coub]

للأسف و شنو السبب يبقى غير معروف !!!!!

تميت معاهم 3 اشهر على رنقات سيارتي و مع الإختبارات و مع كلشي وانا كل يوم و ترك عندهم

لين ما جا واحد عنده واسطه ما قصر و كل الي متعطلين خلوهم يدخلون اغراضهم الي كانت محجوزة فالمطار !!!!

للأسف مافي شي واضح ولا اسباب ولا حتى استثناء لأ، القرار اصلن ما يدخل الراس

[Rayane]

كلمت واحد في وزارة الاقتصاد وقال فعلا. ماتقدر تجيب السياره الا عن طريق شركة مع توقيع تعهد بعدم البيع.