المقاول مسافر والحين البيت واقف

[بوحارب]

السلام عليكم

يالربع واحد من الربع باني فيلا كبيرة

ومتفق مع المقاول تشطيب تسليم مفتاح

الحين المقاول مسافر وشكله مب راجع لأن مريض وكبير في السن

والمشكلة الثانية مستلم فلوسه كامله وباقي على البيت

سيراميك الأرضيات والعوازل والألومنيوم والصبغ

والحين الرجال يبي يخلي مقاول ثاني يكمل المشروع

كيف الإجراء؟؟؟

هل لازم ينهي العقد أو يجيب مقاول ويبتدي في التكملة ؟؟


راعي البيت ينتظر ردكم

[سعود.]

اترك الرد لاهل الخبرة .

بس سمعة قصة مالك مع مقاول . صارت بينهم مشكلة والمالك ما الغاء العقد . وجاب له شركة تكمل الشغل الى نهاية البناء

بعدها المقاول السابق طالب بفلوسة وصارت قضية وربحها على اساس هو المقاول الرسمي .

ولااعرف مامدى صحة السالفة ولا التفاصيل .

[لطيف الروح]

الموضوع بسيط جدا
يرفع قضية مستعجلة يطلب فيها فسخ العقد مع المقاول للضرر
المحكمة راح تنتدب خبير هندسي لتقديم تقرير هندسي كامل للمحكمة عن ماتم انجازه من اعمال و الاعمال المتبقية و ما تم صرفه ماليا حتى تاريخه ( اثبات حالة)
بعد ذلك تقوم المحكمة بفسخ العقد رسميا و يستطيع المالك تعيين مقاول اخر لأنهاء الأعمال المتبقية
بعد فسخ العقد يستطيع المالك رفع قضية أخرى يطلب فيها حقوقه المالية والتعاقدية من المقاول ان كان له حق
بهذه الطريقة يكون شغله قانوني و يستطيع انهاء بنيانه و في نفس الوقت يأخذ حقه و يضمن عدم ارتداد المقاول السابق عليه
اي مساعدة او توضيح حاضرين ارسلي على الخاص وابشر

[معماري قطري]

الموضوع بسيط جدا
يرفع قضية مستعجلة يطلب فيها فسخ العقد مع المقاول للضرر
المحكمة راح تنتدب خبير هندسي لتقديم تقرير هندسي كامل للمحكمة عن ماتم انجازه من اعمال و الاعمال المتبقية و ما تم صرفه ماليا حتى تاريخه ( اثبات حالة)
بعد ذلك تقوم المحكمة بفسخ العقد رسميا و يستطيع المالك تعيين مقاول اخر لأنهاء الأعمال المتبقية
بعد فسخ العقد يستطيع المالك رفع قضية أخرى يطلب فيها حقوقه المالية والتعاقدية من المقاول ان كان له حق
بهذه الطريقة يكون شغله قانوني و يستطيع انهاء بنيانه و في نفس الوقت يأخذ حقه و يضمن عدم ارتداد المقاول السابق عليه
اي مساعدة او توضيح حاضرين ارسلي على الخاص وابشر

زين ليش ما يطالب مرة وحدة بفسخ العقد وبالأضراراللي لحقت به من تأخير ومن الفلوس اللي استلمها كاملة

المفروض المقاول ما ترخصه الدولة الا يحط مبلغ تأمين حق المطالبات أقل شيء مليون ريال .. ألحين هذا سافر وفي ذمته أموال وشغل واحتمال محد عنده في قطر وصفى شركته وباع اللي قدر يبيعه وسافر

[شموخ دائم]

,

,

مرحبا

الله يساعده على التأخير الي بيصير

دائما ننصح نروح لشركه فيها ( اداره ) اكثر من مهندس وفريق عمل متكامل
بهذي الطريقه لو غاب مالك الشركه او احد المهندسين ما يتاثر الشغل
لان فيها سستم يدير الشركه
وليس ( فرد ) يدير العمل
والحياه فيها ظروف من سفر ومرض ومشاكل عائليه
ما يتاثر الشغل


عموما الان

هذا الرد هو العمل الصحيح والقانوني يشكر عليه اخونا لطيف الروح



الموضوع بسيط جدا
يرفع قضية مستعجلة يطلب فيها فسخ العقد مع المقاول للضرر
المحكمة راح تنتدب خبير هندسي لتقديم تقرير هندسي كامل للمحكمة عن ماتم انجازه من اعمال و الاعمال المتبقية و ما تم صرفه ماليا حتى تاريخه ( اثبات حالة)
بعد ذلك تقوم المحكمة بفسخ العقد رسميا و يستطيع المالك تعيين مقاول اخر لأنهاء الأعمال المتبقية
بعد فسخ العقد يستطيع المالك رفع قضية أخرى يطلب فيها حقوقه المالية والتعاقدية من المقاول ان كان له حق
بهذه الطريقة يكون شغله قانوني و يستطيع انهاء بنيانه و في نفس الوقت يأخذ حقه و يضمن عدم ارتداد المقاول السابق عليه
اي مساعدة او توضيح حاضرين ارسلي على الخاص وابشر


ازيد عليه نقطه مهمه

( معدات ومواد واغراض المقاول الأول )
يوثقها في التقرير ( مع التصوير ) لكل شي في الموقع

أحيانا الخبير يغفل هذي النقطه المهمه وحصلت كثير

لان بسهوله يقدر المقاول الاول يرفع قضيه
ان تم العبث بمواده ومعداته واستخدمت او سرقت
ويقدر يطلب 300 الف تقييم لها او اكثر او اقل



,

,

[بوحارب]

سعود

لطيف الروح

معماري قطر

شموخ


مشكورين ورحم والديكم على الأفادة الطيبة

والله يعين الرجال والله متوهق حده البنيان صارله 3 سنوات ولا خلص بسبب المقاول

[معماري قطري]

الله يعين رفيجك ويوفقه

مشكلتنا مثل ما ذكرت قبل القوانين وكل واحد ممكن يسوي نفسه مقاول والنصب سهل

ومثل ما ذكر اخوي شموخ دائم وهو متمرس في هذي الحالات حتى الخبراء القانونيين ما يشتغلون على نظام وقوانين صحيحة .. لازم يسوون حصر للمتلكات ولازم فيه اجراءات محددة .. مثلاً أهم اجراء عندي يكون المقاول مسجل ومرخص ومعروف حدود ترخيصه .. سجله يكون مفصل بكم عامل وخبرات عماله وادراة شركته ولازم للعقود إنها توثق حتى أقل شيء تعرف الدوائر المسؤولة هذا المقاول حده بنيان 1000 متر مربع شلون ياخذ قدها 10 مرات.

لازم قوانين واضحة وصارمة على كل مقاول وحتى لو أفلس يدخل في قوانين اعلان افلاس .. أعرف شركات كبيرة خسرت كثير خصوصاً وقت أزمة 2008 واضطر ملاكها لتسريح العمال وبعضهم لبيع الشركة .. وجاوا ناس حديثين بنوا شركات قوية بواسطة أشخاص متنفذين ولهم واسطة وقوة .. شركات نقدر نقول عنها فوق القانون الضعيف أصلاً مما عمل بلبلة في هذا السوق الكبير وخلى المنافس يستجدي الوصول لعقد بالباطن مع السوبر منافس .. إستوى عندنا للأسف ما فيه شركة قوية تنافس صح وبواقعية وتحول سوق الشركات الكبيرة للوبيات مصالح مما رفع الأسعار بشكل صاروخي

السوق الصغير وهو صغير في حجم مشاريعه لكن كبير جداً في عدد هذي المشاريع استوى بعد ضايع بسبب ضعف القوانين واشتغال كل محتاج فيه .. يقول لي شخص انا مقاول ومكتبي سيارتي وهو قطري وشغله يعرف عمال وبالتلفون يقدر يجمعهم .. واليوم موجودين وبكرة مب موجودين ولا يقدر يسيطر عليهم

المفروض التنظيم يكون قوي والقوانين صارمة وبنفس الوقت تراعي الكل التاجر وطالب الخدمة .. سمعت عن شركات قطرية قديمة اتجهت للشغل في دول جنبنا ولست متأكد من المعلومة بس لو ما حصلوا مشاريع تشغل شركاتهم وعمالهم في قطر أتوقع مضطرين للرضا بمنافسة أقوى بس واقعية

[بوحارب]

المقاول امين وثقه اخوي معماري وباني للرجال من قبل 5 فلل تقريبا

بس كبر السن والمرض اللي خلوه يتردى وينزل مستوى شركته

ولا قبل كان شغال 100%

بس تدري دوام الحال من المحال

[معماري قطري]

المقاول امين وثقه اخوي معماري وباني للرجال من قبل 5 فلل تقريبا

بس كبر السن والمرض اللي خلوه يتردى وينزل مستوى شركته

ولا قبل كان شغال 100%

بس تدري دوام الحال من المحال

هذي شركة الرجل الواحد ولا يعتبر قانونا مقاول وشركة مكتملة

أذكر سالفة صارت لأحد الإخوان ورفع قضية وهي كان باني مجمع سكني من 21 بيت .. بنيان راقي وأسقف مائلة والمقاول شركة معروفة ومالكها يقرب له والمالك باني بتمويل بنكي .. واللي صار بعد رشة أول مطر خروا حول النص من المباني .. وطالب بالتصليح وتصليح جذري وكان ضمان العازل عنده 10 سنين لكن المقاول رفض الاصلاح .. لجأ للقضاء ( الدايخ عندنا ) عطلوه حول سنتين وكان حاط محامي محترم وقوي ومختص بقضايا البناء .. في النهاية من خبير لخبير والمقاول يقول بسبب ميلان السقف .. زين الضمان ليش عطيته؟ في النهاية المقاول ما سوى شيء ولا دفع شيء والمالك خسر وقت ومجهود وقضية تبين مكسوبة له لكن ما أنصفوه

المشكلة طول الوقت المجمع ما تأجر

[معماري قطري]

دوم نحط في عقودنا لو المقاول توقف عن البناء لأي سبب لفترة وهذي تحديدها حسب اختيارنا .. شهر مثلاً أو 15 يوم .. بأن لنا الحق في فسخ العقد واستخدام الأموال المحجوزة حتى نكمل الشغل مع مقاول ثاني .. ولا يحق للمقاول الأول المطالبة بأي شيء حتى الأغراض الموجودة

شوفوا موضوع العقود فيه مثال لعقدين للي يحب يستفيد من بعض الفقرات القانونية .. والعقد نسويه قبل ونشوف المقاول اللي يسعر زين على أساسه .. أما مقاول بيعترض على كل فقرة في صالحنا وصالح الشغل نقول له باي باي

[معماري قطري]

شركات مؤسسينها توفوا وهي تشتغل وتكمل الشغل حسب خطة وجدول موضوع

اللي يخلي الشغل يوقف هو التأخير في الدفعات ويحق للمقاول يرفع كتاب يطالب بأتعاب إضافية للتأخير لأن بيكون حاجز معدات وعمال وناطور للمشروع

[بوخالد911]

بو حارب

والحين بشرنا وشصار؟؟