البصق بالاماكن العامه .. هل القانون مفعل ام لا ؟

[حمد 2002]

السلام عليكم

الي اعرفه انه البصق بالاماكن العامه ممنوع ولكن هل القانون مازال حبر على ورق ام تم تفعيله ؟

مخالفه تم اصدارها بابوظبي كما وصلني بالواتس اب ممم ليش مانجوف هالمخالفات عندنا بقطر

http://up.arabseyes.com/uploads2013/19_11_16147953783023681.jpg (http://up.arabseyes.com/) العاب (http://games.arabseyes.com)

[دايموند]

اشكثرهم ليحين يتفلون ولا بعد خاصه عند الاشارات يفتح باب سيارته ويعطيك ذيج التفله وععع ويصكر الباب ولا هامه خد!!

[Rashid554]

ياريتني مسؤول عن هالنوع من المخالفات كان دخلت ذهب على الدوله

[qtr qtr]

القانون موجود ومفعل
مثل مخالفات المرور نشوفها قدامنا ونقول وين المرور عنهم

فإذا تبي تعارف اذا كان مفعل مر على البلديه قسم الرقابه العامه اذا كان مفعل او غير مفعل
مانقدر نحكم لان عدد السكان 2مليون ونصف كم بأعتقادك عدد مفتشي البلديه بقسم الرقابه العامه ؟
او عدد افراد المرور ؟
اذا انت تطالب من البلديه بنشر المخالفات فالجرايد الرسميه او موقع الوزاره فقدم كتاب مقترح باعلان المخالفات فموقع البلديه او الجرايد الرسميه .

[Tomford_qtr]

فعلا اكثر مثل هذه المواقف البصق ورمي الزقاير اعزكم الله ما تصير الا عند الاشاره ولا هامه حد ،، المفروض يفعل القانون و تكون عقوبات صارمه لمثل هذه التصرفات الشينه ..

[ساراام]

حتى لو القانون مفعل

بيخلون من ولا من

خلها على الله

[معماري قطري]

لو القانون مفعل صج ومطبق صج كان من يمسكون كم شخص ويخالفونهم بيخفون غصب وبينتهون

صدقوني غالبيتهم يدرون إن على أرض الواقع خالف ولا حد بيحاسبك

[shadad]

جات على البصق.... !
الجمعه اول امس امشي بالكورنيش. المهم تخبرون الدوار اللي انقلب اشاره؟ المهم انا امشي حالتي حال الاوادم الا القى ياهل في زاوية الدوار او ما تبقى منه من ورا - خبركم للحين الطوفه حقت الدوار من ورا موجوده - والياهل بلفيت انه يطالع اللوحات المرسومه على الطوفه .... الا..... اشوف شي يخر من قدامه!! :looking: ..الا والياهل الهندي مبطل البيب وقاعد يبول اعزكم الله !! في الكورنيش وقدام العالم ...قلت ما ادري اروح اهفه كف ؟؟ ما في حمامات يعني ؟؟؟

المفروض العماله الوافده يوزعون عليهم كتيب او ما ينزلون قطر فيه قوانين البلد ( بصق وتبول في الطرقات ما في ... ) نظام دلهي هناك مو هني. بس للاسف هذه الجوانب السيئة من استقدام العماله الرخيصه ..

[Abdulraman]

القانون مفعل واحد من الربع خالفوه واللي يخالف هم البلديه

[بوحارب]

حركات الآسيوين

شي مقرف الصراحة

[قطريه ماركه]

الله يلوع جبدهم نشوفهم عند الاشارات

شكله ما تفعل القانون

[Abdulraman]

لابد من وضع لافتات عند الاشارات

[shadad]

الله يلوع جبدهم نشوفهم عند الاشارات

شكله ما تفعل القانون

كلامك سليم ...اكثر سوالفهم عند الدوار ! ما ادري الحاله تجيهم وقتها هههههههههه

[معماري قطري]

لابد من وضع لافتات عند الاشارات

مخالفة وحدة عن عشر لافتات

[بوخالد911]

هو مفعل ولكن !!!
وووين موظفي البلدية اللي يفترض ينتشرون في الأماكن العامة لردع المخالفين.

[المحاميه]

اتمنى يدخل هالفعل في خانة المخالفات
ويتم بالفعل مخالفتهم
منظر غير حضاري وامراض الله يبعدها عنكم جميع